% Text title            : Vighnaraja Stuti by Mamasura
% File name             : vighnarAjastutiHmamAsureNaproktA.itx
% Category              : ganesha, dvAdasha
% Location              : doc\_ganesha
% Transliterated by     : Ajit Krishnan
% Proofread by          : Ajit Krishnan, PSA Easwaran
% Description/comments  : mudgalapurANaM saptamaH khaNDaH | adhyAyaH 8 | 7.8 11-38||
% Latest update         : April 23, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vighnaraja Stuti by Mamasura ..}##
\itxtitle{.. vighnarAjastutiH mamAsureNa proktA ..}##\endtitles ## 
|| shrIgaNeshAya namaH ||
mamAsuraH prasannAtmA kAvyena vighnanAyakam |
jagAma taM praNamyaiva pupUje bhaktisaMyutaH || 9||
punaH praNamya vighneshaM kR^itvA karapuTaM priye! |
tuShTAva harShasaMyukto j~nAtvA taM brahmanAyakam | 10
mamAsura uvAcha \-
vighneshAya namastubhyaM sarvasattAprachAline |
anAdaye pareshAya brahmeshAya namo namaH || 11||
gaNeshAya gaNAnAM tu chAlakAya parAtmane |
AnandAya sadAnandadAyakAya namo namaH || 12||
herambAyaikadantAya shUrpakarNAya DhuNDhaye |
lambodarAya vai tubhyaM bhaktapAla! namo namaH || 13||
svAnandapataye tubhyaM yogAkArasvarUpiNe |
shAntibhyaH shAntidAtre te shAntisthAya namo namaH || 14||
jyeShTharAjAya pUjyAya sarveShAM sarvanAyaka! |
vinAyakAya devAnAM daityAnAM pAlakAya te || 15||
AdipUjyAya chAnte te.avashiShTAya te namaH |
siddhibuddhipate tubhyaM chaturbhuja! namo namaH || 16||
sheShasyopari saMsthAya nAgeshadhvajadhAriNe |
gajAnanAya devesha! namo daityesharUpiNe || 17||
bhaktAnAM vighnahantre te hyabhaktAnAM vinAshine |
yoginAM samabhAvAya hR^idisthAya namo namaH || 18||
nAnAbhedamayaM brahmAsadrUpaM vedavAdataH |
bhedahInaM cha sadrUpaM tayoH sAmye tvama~njasA || 19||
samasvAnandasaMstho yaH ko jAnAti cha taM prabhum |
vighnarAjaM prapashyAmi pratyakShaM brahmanAyakam || 20||
tenA.ahaM kR^itakR^ityashchA.adhunA jAto na saMshayaH |
dhanyaM me janmakarmAdi yena dR^iShTo gajAnanaH || 21||
kiM staumi tvAM gaNeshAna! yatra vedAdayaH prabho! |
shAntiM prAptA visheSheNa yoginaste namo namaH || 22||

evaM mamAsuraH stutvA nanartAsau subhAgyavAn |
romA~nchitasharIrashcha sAshrunetraH surUpiNi || 23||
tamuvAcha mahAbhaktyA yutaM vighnapranAyakaH |
varaM brUhi mahAbAho dAsyAmi stotratoShitaH || 24||
vighnesha uvAcha \-
tvayA kR^itamidaM stotraM madIyaM sarvadaM bhavet |
sakAmebhyo visheSheNa nAnAkAmapradAyakam || 25||
niShkAmebhyo mahAmokShadAyakaM prabhaviShyati |
mama bhaktipradaM chaitanmama bhAvaharaM sadA || 26||
vighneshavachanaM shrutvA taM praNamya mamAsuraH |
jagAda bhaktisaMyukto vighnarAjaM kR^itA~njaliH || 27||
yadi prasannabhAvena varaM dAsyasi vighnapa |
tava bhaktiM sthirAM dehi mAyAnAshakarIM prabho || 28||
gANapatyasahAvAsaM dehi nAtha nirantaram |
sthAnaM bhakShyAdikaM DhuNDhe tatra sthAsyAmi yantritaH || 29||
dAso.ahaM te gaNAdhIsha nAnyaM yAche varaM param |
tava darshanamAtreNa j~nAnayukto.ahama~njasA || 30||
(phalashrutiH |)
vighnesha uvAcha |
madIyA bhaktirugrA te bhaviShyati mamAsura |
gANapatyapriyatvaM cha yogayukto bhaviShyasi || 31||
svasthAne nirbhayo bhUtvA tiShTha tvaM matparAyaNaH |
svadharmavidhihInaM tvaM karma bhu~NkShva janaiH kR^itam || 32||
yatrAdau pUjanaM me na smaraNaM vA mamAsura |
mama bhAvena sammohya rAjyaM kuru hR^idi sthitaH || 33||
madbhaktAn dAsavannityaM rakShasva snehabhAvataH |
mama bhAvavihInAMshcha kuru me mamatAyutAn || 34||
evaM vighneshvarasyaiva shrutvA vachanamuttamam |
mamAsurastaM tatheti prahR^iShTo vAkyamabravIt || 35||
praNamya taM mamo daityaH svasthAne prajagAma ha |
shAntiM dhR^itvA gaNeshAnaM bhajate sarvabhAvataH || 36||
daityAstaM tyajya sarve tu bhayayuktA visheShataH |
pAtAlaM vivishuH sadyaH so.api harShayuto.abhavat || 37||
evaM mamAsuraM shAntaM chakAra vighnanAyakaH |
svAdhInaM kR^itya taM sthAne sthApayAmAsa mAnini || 38||

iti mamAsureNaproktA vighnarAjastutiH samAptA |

dvAdashastotram

\- || mudgalapurANaM saptamaH khaNDaH | adhyAyaH 8 | 7\.8 11\-38||
##

- .. mudgalapurANaM saptamaH khaNDaH . adhyAyaH 8 . 7.8 11-38..

Encoded by Ajit Krishnan
Proofread by Ajit Krishnan, PSA Easwaran, Preeti Bhandare

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}