% Text title            : Bharatakhyah Svadeshah
% File name             : bhAratAkhyaHsvadeshaH.itx
% Category              : misc, sanskritgeet
% Location              : doc\_z\_misc\_general
% Author                : Dr. Ramakant Shukla
% Proofread by          : Mandar Kulkarni
% Acknowledge-Permission: Dr. Ramakant Shukla, Devavani Parishad, Delhi
% Latest update         : May 10, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bharatakhyah Svadeshah ..}##
\itxtitle{.. bhAratAkhyaH svadeshaH ..}##\endtitles ##
salilanidhi tara~NgairdhautapAdAmbujo.asau
himagirishubhahAsairbhAsayannAnanaM svam |
prakR^itikala vilAsairmodakArI janAnAM
jayati jagati nityaM bhAratAkhyaH svadeshaH || 1||
shikhikulakalakekA kAkalI kokilAnAM
kalayati kalakAle kAntakAntAraprAntAn |
prakR^itikalavilAsAn yatra pashyanti nityaM
vikachakamalanetrairharShaphullaissarAMsi || 2||
navaparimalagandhairmandashItaiH samIraiH
prakR^itinavavadhUTIsvA~NgarAgaiH parAgaiH |
dhR^itamadhukarapu~njairgu~njitairma~njuku~njai\-
rvilasati madhumatto yatra rAjA R^itUnAm || 3||
bhR^igukalakalanAdaiH ki~nchidAbhAShayantyo
jalapatanajaphenairmodamAnA hasantyaH |
marakata tR^iNavAsairAvR^itA yatra lubdhAH
vidadhati girimAlAH svaiH payodhR^iddhirAshAH || 4||
bhramikarajalavIchibhrU kaTAkShAn kShipantya\-
staTagatakhagashabdaiH sindhumAkArayantyaH |
ghR^itabahuvidha ratnaM yAnti lAvaNyapUrNaM
bahunadinadadhArAH yatra nityaM nadIsham || 5||
vanaviTapikadambaiH kelilolAkadambai\-
rmuralivaTasa nAthairbhR^i~NgakR^iShNaiH sthalaishcha |
chalaravitanayAyAH shyAmikAbhishcha yatrA\-
nubhavati khalu vR^indAkAnanaM kR^iShNamIsham || 6||
bhavati mR^idulashobhA sarShapANAM vasante
sharadi kamalarAshiH prasphuTo jAyate cha |
haritavasanashobhAM varddhayantI pR^ithivyA
vilasati tR^iNarAjiryatra varShartukAle || 7||
kanakaguNanibaddhaiH kuntalAnAM kalApaiH
sama iha chalavidyuddAmashobhaH prasannaH |
karigaNa iva kR^iShNo nIragaNDUShakArI
svanati mR^idugabhIraM toyavAhaH sukAle || 8||
kva milati viShadhR^i dbhirmitratA chandanAnAM ?
kva cha malayajagandho yAti dhIraH samIraH ?
kva cha vitarati modaM shubhrakAshmIrashobhA ?
prakR^itikalavilAso bhAratAdanyataH kva ? || 9||
kva cha munigaNapUrNA AshramAH sambhavanti ?
nava kisalayarAgA yatra chittaM haranti |
tyajati R^ijumunInAM kroDamAgatya yatra
navamR^igasutavR^indaM nAbhinAlAni, chitraM ! || 10||
kvachidapi hariNAlI sa~ncharantI chakAsti
kvachidapi cha gajAnAM yatra yUthaM prasannam |
kvachidapi dR^iDhanAdo yatra kaNThIravANAM
upavana\-vanabhAgA IdR^ishAH kutra santi ? || 11||
dhavalajala pavitrA pApanAshe prasaktA,
kvaNitajalatara~NgA kachChapIdhAriNI cha |
jala gaNashuchikartrI nIlakaNThAsanA cha
vilasati shubhaga~NgA shAradA cha kva shubhrA ? || 12||

    jaya bhAratabhUme !  (saMskR^itakAvyam)
    rachanA \- DA.c\. ramAkAnta shuklaH
##
Proofread by Mandar Kulkarni

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}