% Text title            : Brahmaproktam Kashi Vishveshvara Shivapujopadesham
% File name             : kAshIvishveshvarashivapUjopadeshambrahmAproktaM.itx
% Category              : shiva, shivarahasya, upadesha, advice, tIrthakShetra, pUjA
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 15 | 178-219||
% Latest update         : April 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmaproktam Kashi Vishveshvara Shivapujopadesham ..}##
\itxtitle{.. brahmAproktaM kAshI vishveshvara shivapUjopadesham ..}##\endtitles ##
yatra kAshyAM mahAdevo jantumAtrasya sAdaram |
dehAnte paramaM mantraM shaivaM dAtumihodyataH || 178||
tatra kAshyAM mahAdevo lIlArUpadharaH shivaH |
umayA sahitaH prItyA vicharatyambikApatiH || 179||
yatra kAshyAM mahAdevaH svabhaktebhyo yathAyatham |
dadAti nityaM sarvArthAnsA kashI shrutisammatA || 180||
pashyantu puNyapuruShaM shivapUjAparAyaNam |
evametasya satataM pUjanaM kriyate mayA || 181||
ayaM dhanyatamo martyaH kAshIM prApya maheshvaram |
pUjayitvA sthitaH prItyA bilvapatrAdisAdhanaiH || 182||
chaitrashuklAShTamIM prApya so.a~NgamuddhUlya bhasmanA |
kR^itvA vishveshvarasyArchAM jajApAyaM ShaDakSharam || 183||
annapUrNAM tataH samyak sampUjya tadanantaram |
aShTottarashataM chakre maunenAyaM pradakShiNAm || 184||
namaskArAMstatashchakre shatamaShTottaraM mudA |
punaH samarchayAmAsa devIM tribhuvaneshvarIm || 185||
tataH sAyaM punaH prItyA kR^itvA vishveshvarArchanam |
annapUrNAlaye prItyA chakre jAgaraNaM surAH || 186||
vAchayan sha~Nkarasyaiva kathAH shrAvyA manoharAH |
upavAsaM chakArAyaM nirAhAreNa sAdaram || 187||
tasyAM rAtrau mahAnAsItsammardaH surasattamAH |
pradakShiNanamaskArAH sammarde.api kR^itA mudA || 188||
AvahantIti mantreNa kR^ito homo munIshvaraiH |
kShIreNAjyena madhunA sarvasampatpravR^iddhidaH || 189||
anenApi kR^ito homaH kShIrAjyAdibhirAdarAt |
AvahantIti mantreNa sarvasampattikAmyayA || 190||
tataH prAtaH samutthAya vishveshArchanapUrvakam |
annapUrNAmapi prItyA pUjayAmAsa sAdaram || 191||
tato.ayaM bhojayAmAsa shaivA~nChaivasatIstathA |
svayaM cha pAraNAM chakre shivadhyAnapuraHsaram || 192||
IdR^isho.ayaM purA kAshyAM sthitvApi tadanantaram |
chaitrashuklAShTamIM prApya nArchayAmAsa sha~NkarIm || 193||
devyenaM prerayAmAsa gantuM deshAntaraM tataH |
athAyaM vipravaryo.api narmadAM prApya nirmalAm || 194||
kR^itasnAnastato diShTyA sarpadaShTo mR^ito.abhavat |
tato.ayaM bhUpatirjAtaH sarvabhUchakrapAlakaH || 195||
sarvasaubhagyasampannaH putrapautrasamanvitaH |
tato mR^ito.ayaM rAjendro vimAnavaramAshritaH || 196||
gItaH stutashcha gandharvairmama lokamupAgataH |
mayA.ayaM pUjyate bhaktyA matsabhAsadbhiravyayam || 197||
sampUjyate surA nityaM sAdaraM bhaktipUrvakam |
kalpAShTakamuShitvAtra tato bhUtvA.amarAdhipaH || 198||
kAshIM prApya mudA tatra dehAtyAgaM kariShyati |
shivayoH pUjanaM pUrvaM kR^itametena yatnataH || 199||
yatastataH punaH kAshIM samprApyAyaM shivAj~nayA |
sarvasaMsAravichChityai kAshyAM santyaktajIvitaH || 200||
mokSha maheshakR^ipayA prApnotyeva na saMshayaH |
etAdR^ishairdvijavaraiH purA kAshImupAshritaiH || 201||
muktiH prAptA maheshasya kR^ipayA satyamuchyate |
kalau tu mAnuShaM janma bhavatyatyantadurlabham || 202||
tatra chenmAnuShaM janma kartavya shivapUjanam |
manuShyeShvapi chejjanma brAhmaNyaM brAhmaNAdyadyadi || 203||
tadA tvavashyaM kartavyaM shrIshivAbhyarchanaM mudA |
atyantadurlabhaM janma kalau prApyApi mAnuSham || 204||
yadi nArAdhyate shambhustasya janma nirarthakam |
shivaikasharaNo bhUtvA kalau yadi vasennaraH || 205||
tasya mokSho bhavatyeva nAtra kAryA vichAraNA |
yathA binA suvarNena durlabhe hemakuNDale || 206||
tathA vinA mahAdevapUjAM mokSho.api durlabhaH |
yathA vinA bhojanena tR^iptiratyantadurlabhA || 207||
tathA vinA mahAdevapUjAM mokSho.api durlabhaH |
yathA chakShurvinA j~nAnaM chAkShuShaM tvatidurlabham || 208||
tathA vinA mahAdevapUjAM mokSho.api durlabhaH |
yathA vR^iShTiM vinA sasyavR^iddhiratyantadurlabhA || 209||
tathA vinA mahAdevapUjAM mokSho.api durlabhaH |
devatvameva devAnAM mokShasya pratibandhakam || 210||
tataH kR^itApi sA pUjA nAdhunA mokShadAyinI |
kadA devatvasambandhanAsho.asmAkaM bhaviShyati || 211||
kadA dAsyati gaurIsho mokShaM vishveshapUjayA |
purA sha~Nkaramabhyarchya brahmatvaM prArthitaM mayA || 212||
yaddattaM sha~NkareNedaM kadaitanme vina~NkShyati |
purA sha~Nkaramabhyarchya viShNunApyati yatnataH || 213||
viShNutvaM prArthitaM tena tatprAptaM sha~NkarAj~nayA |
evaM sha~Nkaramabhyarchya devairanyaishcha sAdaram || 214||
mahAdevaprasAdena tattatpadamupArjitam |
idAnIM mAnuShaM janma viShNuH prArthayate svayam || 215||
mayA.api prArthyate nityaM tatkadA vA bhaviShyati |
idAnIM viShNuranishaM shivapUjAparAyaNaH || 216||
shivapUjAM tanotyeva muktikAmo.atiyatnataH |
bhavadbhishcha mahAdevaH pUjanIyaH surAH sadA || 217||
evamArAdhito devaH kR^ipAM kiM na kariShyati |
bhavadAgamane heturj~nAta eva mayA.adhunA || 218||
tattapo bhavatAM duHkhaM na kariShyati sarvathA |
yAmo.adya vaiShNavaM dhAma viShNuH kiM vA kariShyati || 219||

|| iti shivarahasyAntargate brahmAproktaM kAshI vishveshvara shivapUjopadeshaM sampUrNam ||

\- || shrIshivarahasyam ugrAkhyaH saptamAMshaH | adhyAyaH 15 | 178\-219||
##
- .. shrIshivarahasyam ugrAkhyaH saptamAMshaH . adhyAyaH 15 . 178-219 ..

Notes:
While delivering the Upadeśa ##upadesha## to Deva-s ##devAH##, Brahmā ##brahmA## details to them about worshiping Śiva ##shiva## at Kāśī ##kAshI##, especially at Viśveśvara Liñga ##vishveshvara li~Nga##. He reiterates severally about the merits of residing, worshiping Śiva ##shiva## in various ways, and dying there; all this especially, with respect to attainment of Mukti ##mukti##. ##
##
Encoded and proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}