% Text title            : Brahmaproktam Shivarchanopadesham 2
% File name             : shivArchanopadesham2brahmAproktaM.itx
% Category              : shiva, shivarahasya, upadesha, advice
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 15 | 93-119||
% Latest update         : April 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmaproktam Shivarchanopadesham 2 ..}##
\itxtitle{.. brahmAproktaM shivArchanopadesham 2 ..}##\endtitles ##
na bhayaM shivabhaktAnAmabhayapradamIshvaram |
yato.archayanti satatamapramattAH shivArchakA || 93||
udetu bhAnurapyeSha pashchimAyAM dishIshvari |
tathApi shivabhaktAnAM bhayalesho.api no bhavet || 94||
bhavantu sAgarAH sarva udvelAH kShobhahetavaH |
tathApi shivabhaktAnAM bhayalesho.api no bhavet || 95||
kampametvanishaM bhUmiH sashailavanakAnanA |
tathApi shivabhaktAnAM bhayalesho.api no bhavet || 96||
amAyAmudayaM yAtu chandraH sarvakalAyutaH |
tathApi shivabhaktAnAM bhayalesho.api no bhavet || 97||
prakAshantAM tu nakShatrA api nityamaharnisham |
tathApi shivabhaktAnAM bhayalesho.api no bhavet || 98||
dhUsarAH santu sarvAstA dishaH pratidishastathA |
tathApi shivabhaktAnAM bhayalesho.api no bhavet || 99||
patantvashanisa~NghAshcha bahavaH satataM bhuvi |
tathApi shivabhaktAnAM bhayalesho.api no bhavet || 100||
devAH kiM bahunoktena sarvathA shA~NkarairjanaH |
pade pade.api kalyANaM prAptavyaM nAtra saMshayaH || 101||
sha~NkarAsaktachittAnAM sha~NkaraH karuNAkaraH |
dadAti ma~NgalaM nityaM ma~NgalApatirIshvaraH || 102||
dhyAto dadAti gaurIshaH ma~NgalaM ma~NgalAshrayaH |
ma~NgalApatisaMsaktachittAnAM nAstyama~Ngalam || 103||
ata eva munishreShThAH shivatattvavishAradAH |
anekajanmabhiryena taptaM ghorataraM tapaH || 104||
tenaiva sha~Nkare bhaktiH kriyate.ananyachetasA |
ananyabhA~NmahAdevaM yo.archayiShyati sarvadA || 105||
sa eva dhanyaH puNyAtmA tasyAprApyaM na ki~nchana |
jayeti sha~NkarAdanyaM kechinmAyAvimohitAH || 106||
vadanti teShAM bhadrANi naiva kalpashatairapi |
aprameyamanAdyantaM nityaM sha~NkaramIshvaram || 107||
anArAdhya jaDAH kechidarchayantyanyadaivatam |
Ishvaratvena sambhAvyAnIshvaraM ye bhajanti te || 108||
sveShTaM na prApnuvantyeva labhante.aniShTamapyaho |
shiva eva shivaprAptyai dhyeyo nityaM manIShibhiH || 109||
IshvaraH sarvabhUtAnAM shivo hi shrutibhiH shrutaH |
ataH sarvAtmanA nityaM bhajanIyo maheshvaraH || 110||
yaH sha~NkaraM vihAyAnyaM suramarchayituM yatet |
sammukhasthAM sudhAM tyaktvAkShArAmbhaH pAtumichChati || 111||
yasprAstyananyagA bhaktirmahAdeve maheshvare |
sa eva kR^itakR^ityashcha sa eva subhagottamaH || 112||
yasyAstyananyagA bhaktirmahAdeve surottame |
tasya tajjanmavigame muktireva na saMshayaH || 113||
shive paramakalyANanidAne parameshvare |
dhanyA eva hi kurvanti bhaktiM muktipradAyinIm || 114||
yaM yaM sadAshivo nityamanugR^ihNAti vai surAH |
tasyaiva sha~Nkare shraddhA bhaktishchApi bhaveddhruvam || 115||
yaH sha~NkaraM samAlokya nAbhinandati satvaram |
sa dagdhachitto mohena j~neyaH pApakulAshrayaH || 116||
pUjitaH praNataH spR^iShTashchintitaH saMstutaH shivaH |
dadAti saukhyamatulaM muktimapyanarottamaH || 117||
sa bhAgyavAnsa puNyAtmA sa dhanyo dhanyapUjitaH |
tasyaiva pitarau dhanyau tasyaiva kulamuttamam || 118||
yena sAmbo mahAdevaH pUjyate sarvadA mudA |
sarvottamaM mahAdevaM viditvA yo.archayiShyati || 119||

|| iti shivarahasyAntargate brahmAproktaM shivArchanopadeshaM 2 sampUrNam ||

\- || shrIshivarahasyam ugrAkhyaH saptamAMshaH | adhyAyaH 15 | 93\-119||
##
- .. shrIshivarahasyam ugrAkhyaH saptamAMshaH . adhyAyaH 15 . 93-119 ..

Notes:
Upon being approached by distressed Deva-s ##devAH##, Brahmā ##brahmA## gives Upadeśa ##upadesha## to them worshipping Śiva ##shiva##.##
##
Encoded and proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}