% Text title            : Shivaproktam Shivabhaktirphalopadesham2
% File name             : shivabhaktirphalopadesham2shivaproktaM.itx
% Category              : shiva, shivarahasya, upadesha, advice
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 13 | 574-609.1||
% Latest update         : April 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaproktam Shivabhaktirphalopadesham 2 ..}##
\itxtitle{.. shivaproktaM shivabhaktirphalopadesham 2 ..}##\endtitles ##
\- shivapArtavatIsaMvAde \-
shrI sadAshiva uvAcha \-
mayi yasyaM samudbhUtA bhaktiravyabhichAriNI |
sa duHkhasAgaraM tIrtvA mayi saMvishati priye || 574||
yasya bhaktiravichChinnA mayi jAtA.anapAyinI |
tasyAhaM sulabho devi durlabho.api na saMshayaH || 575||
yo mAM yatnairmahAdevaM bhajanti shraddhayAnvitAH |
bhAvaye tAnahaM devi hR^idaye maNivatsadA || 576||
svatantro.api mahAdevaH so.ahaM bhaktairvashIkR^itaH |
avashyo.apyahamIshAno madbhaktavashago.asmyaham || 577||
mAM na jAnanti sahasA shaivamArgabahirgatAH |
shaivamArgaratA evaM jAnanti bhuvi mAM shive || 578||
vedairapi na vij~nAtaM yattattvaM mama shAshvatam |
tadvij~nAtamume shaivairmamAnugrahabhAjanaiH || 579||
mAmananyasamaM nityaM devadevaM pinAkinam |
vij~nAya shaivAH santataM pUjayanti mumukShavaH || 580||
tyaktAhArAH pUjayanti kechichChaivAH sadApi mAm |
upoShyAnvahamAsAyamataH sampUjya mAM prabhum || 581||
bhojayitvA cha madbhaktAnyo.ashnAti sa mama priyaH |
nityaM naktavrataM devi yaH kariShyati yatnataH || 582||
sa bhUyo garbhaduHkhAni na prApnotyeva sarvadA |
nityaM naktavrataM devi sulabhaM bhuktimuktidam || 583||
tadvidhAnaM cha vakShyAmi sAvadhAnamanAH shR^iNu |
prAtarAdiShu kAleShu snAtvoddhUlya yathAvidhi || 584||
tripuNDudhAraNaM kAryaM tathA rudrAkShadhAraNam |
tato mR^inmayali~NgAnAmaShTottarashataM kramAt || 585||
prAtarAdiShu kAleShu pUjanIyaM prayatnataH |
pUjA tilAkShataiH kAryA bilvapatraishcha komalaiH || 586||
karavIrAdipuShpaishcha tattatkAlasamudbhavaiH |
dIpamAlA kalpanIyA kR^iShNagoghR^itavardhitA || 587||
pratikAlaM cha sA mAlA kartavyA shatasa~NkhyayA |
pratikAlaM palashataM kR^iShNagoghR^itamuttamam || 588||
dhUpashchAgarusAreNa kalpanIyo visheShataH |
gokShIrapAchitairannairapUpairlaDDukairapi || 589||
madhukShIrAjyasaMyuktairnaivedyairapi kalpayet |
tAmbUlaM kalpayitvA.atha punardhUpaM prakalpayet || 590||
tato nIrajanaM deyaM shatadIpavirAjitam |
ShaTsahasraM prajaptavyaH shaivaH pa~nchAkSharo manuH || 591||
rudrAdhyAyajapaH kAryo maunena vidhipUrvakam |
tataH pradakShiNA kAryAH yatnAdaShTottaraM shatam || 592||
AsAyamevaM sampUjya mAmanAdyantamavyayam |
sAya~NkAle tataH kAryaM tathaiva mama pUjanam || 593||
tataH paraM prayatnena goghR^itaistilasaMyutaiH |
homaH kAryo bilvapatraiH sahasratrayamAdarAt || 594||
bhojanIyAstato yatnAnmadbhaktAH pAyasAdibhiH |
suvarNadakShiNA deyA madbhaktebhyastataHparam || 595||
evaM kR^itvA vidhAnena svakR^itaM karma sAdaram |
nivedanIyaM pUjAnte mahyaM shraddhApuraHsaram || 596||
sa mahApAparAshibhyo mukto bhavati sarvathA |
evaM naktavrataM devi yaH kariShyati yatnataH || 597||
sa vaMshakoTisamyukto matsvarUpaM prayAsyati |
naktavrataM prayatnena kriyate yena sarvadA || 598||
tena vratAni sarvANi chIrNAnyeva varAnane || 599||
sa nirAshIti vij~neyo yo naktAshI sadA bhavet |
sarveShAM tapasAM shreShThaM mataM naktAshanaM shive || 600||
naktAshanaratA dhIrA bhasmaniShThA jitendriyAH |
garbhavAsAdiduHkhebhyo nivartante na saMshayaH || 601||
garbhavAsAdidurla~NghyamahAnarakabhIravaH |
kurvanti sAvadhAnena naktavratamidaM shive || 602||
pUjA mama priyatarA naktavratarataiH kR^itA |
naktavrataratA yasmAnmama priyatamAH priye || 603||
yasya naktavrate shraddhA tathA bhasmAnulepane |
tathA li~NgArchane shraddhA sa jIvanmukta uchyate || 604||
yasya prItirmayi shraddhA vishvAso.api madarchane |
sa mamAtipriyatamo sa mamAtmA varAnane |
mayi prItirna sahasA jAyate vastuto nR^iNAm || 605||
yadi prItirmayi bhavettadA muktiradUrataH |
muktido.ahaM mahAdevo na matto.anyo.asti muktidaH || 606||
yato.ahaM sarvadevAnAmadhipo muktinAyakaH |
madbhaktA eva muchyante ghorasaMsArasAgarAt || 607||
nAnyabhaktA vimuchyante saMsArAtsatyamuchyate |
shive madbhaktabhaktAnAM yo bhaktaH so.api muchyate || 608||
mayi sadbhaktimAn shreShTho muchyate nedamadbhutam | 609\.1|

|| iti shivarahasyAntargate  shivaproktaM shivabhaktirphalopadeshaM 2 sampUrNam ||

\- || shrIshivarahasyam ugrAkhyaH saptamAMshaH | adhyAyaH 13 | 574\-609.1||
##
- .. shrIshivarahasyam ugrAkhyaH saptamAMshaH . adhyAyaH 13 . 574-609.1 ..

Notes:
Śiva ##shiva## describes to Parvatī ##pArvatI##, the merits of having Devotion and the mode of conducting Worship unto Him - especially during nighttime; and that He bestows the fruit of Liberation from cycles of rebirth. He explains that Devotion to Him arises due to His Grace alone, i.e. Sivānugraha ##shivAnugraha##; and He being Muktināyaka ##muktinAyaka##, confers Jīvanmukti ##jIvanmukti## on ardent devotees.##
##
Encoded and proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}