% Text title            : Sadashivaproktam Shivapujamahimopadesham
% File name             : shivapUjAmahimopadeshamsadAshivaproktaM.itx
% Category              : shiva, shivarahasya, pUjA, upadesha, advice
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 15 | vAvRittashlokAH ||
% Latest update         : May 3, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sadashivaproktam Shivapujamahimopadesham ..}##
\itxtitle{.. sadAshivaproktaM shivapUjAmahimopadesham ..}##\endtitles ##
pArvatyuvAcha \-
mahesha devadevesha tava pUjanamanvaham |
kathaM kAryaM sAdhanAni kAni shambho tavArchane || 1||
shrIshiva uvAcha \-
nandikeshaH purA devi mAmabhyarchya prayatnataH |
pUjAvidhAnaM paprachCha mamaiva paramAtmanaH || 2||
(nandikesha uvAcha)
gaurIvallabha devesha sarvaj~na karuNAnidhe |
shivapUjAvidhAnaM me nirUpaya kR^ipAnidhe || 3||
shivasya pUjanAtpUrvaM ki kartavyaM prayatnataH |
shivapUjAvidhAnAni kAni pApaharANi cha || 4||
kIdR^ishaH shivapUjAyAmadhikArI maheshvara |
kIdR^ishena kR^itA pUjA tava priyakarA vibho || 5||
kathaM dhyeyo.asi bhagavanpUjanIyaH kathaM bhavAn |
kathaM vA pUjito mokShaM prayachChasi sadAshiva || 6||
sadAshiva uvAcha \-
sAdhu sAdhu gaNashreShTha prashno.ayaM shubhadastava |
vakShye pUjAvidhi samyak shR^iNu sarvArthasAdhanam || 7||
mahyaM vidhAya yAM pUjAM madbhakto matparAyaNaH |
muchyate sarvapApebhyaH seyaM pUjA mayochyate || 8||
pUjyo.ahameva devebhyaH sarvebhyo devapu~NgavaH |
sarvotkarSheNa pUjyo.ahaM sarvebhyo.apyuttamottamaH || 9||
devAdhidevaM vishveshaM mahAdevaM jagatprabhum |
sarvotkarSheNa sampUjya muchyate sarvakilbiShaiH || 10||
yo nityaM shivapUjAyAM nirataH shivatatparaH |
sa viShNumukhyairamaraiH pUjanIyo na saMshayaH || 22||
shivapUjAparaM dR^iShTvA devA viShNupurogamAH |
pUjanIyaM prastuvanti praNamanti muhurmuhuH || 23||
ayaM dhanyatamo martyaH shivapUjAparAyaNaH |
bhAgyavAniti sarve.api manyante tridashAH sadA || 24||
yaddehApagame mokSho yasya tasyaiva dehinaH |
mahAdevasya pUjAyAM matirbhavati nAnyathA || 25||
sarvotkarShaM shivaM matvA mAmarchayati yo naraH |
tasmai dAsyAmi kaivalyaM nAnyasmai satyamuchyate || 26||
yasyAsAdhAraNI bhaktirmayi sarvottame shive |
sa eva muktikAntAyAH kAnto bhavati netaraH || 27||
sarvadevAdhidevaM mAM shivaM yo.abhyarchayiShyati |
sa devoragagandharvayakShapUjyo bhaviShyati || 28||
yo matpUjAparo martyastaddvAri sakalAH surAH |
kR^itA~njalipuTA nityaM sthAsyantyeva na saMshayaH || 29||
ananyasharaNo yastu shivapUjAparAyaNaH |
na tasya sampado dUre satyaM satyaM na saMshayaH || 30||
tasyairshvayaM tasya vidyA yasya bhaktiH sadAshive |
tasyaiva muktirapyante satyaM satyaM na saMshayaH || 31||
sa eva sarvabhAgyAnAmAlayo bhavati dhruvam |
shive kiM bahunA yastu shraddhayA shivamarchayet || 37||
na tasya narakAvAsaH sa me bhaktaH sa me priyaH |
ekameva mahAdevaM bhaktayA yo.abhyarchayiShyati || 38||
sa shA~Nkara iti j~neyaH sa eva mama sammataH |
eko.ahaM pUjito nityaM dAsyAmi paramAM gatim || 39||
satyaM satyaM punaH satyamuddhR^itya bhujamuchyate |
ananyasharaNo yastu sarvadharmAnvihAya mAm || 40||
archayiShyati puNyAtmA sa eva mama sammataH |
yaH sha~NkaraikasharaNo yaH shivaikArchanapriyaH || 41||
sa eva sarvadharmANAmAshrayo bhavati dhruvam |
dharmArthakAmamokShArthaM mAmabhyarchya sadAshivam || 42||
dharmArthakAmamokShANAmAshrayo bhavati dhruvam |
aihikA.a.amuShmikaM vApi yo mattaH kA~NkShate phalam || 43||
sa mAmabhyarchya vishveshaM samavApnoti tatphalam |
mAmabhyarchya mahAdevaM svashaktyA manmanAH sadA || 44||
kadAchidapi duHkhAni na prApnotyeva mAnavaH |
yo madarpitasatkarmA madArAdhanatatparaH || 45||
sa madbhaktastatastena kR^itA pUjA mama priyA |
parameshvaramArAdhyaM sarvaishvaryapatiM shivam || 46||
pUjanIyo.ata evAhaM pUjanIyo narairapi |
brahmopendraprabhR^itayo devAH sarve munIshvarAH || 49||
mAmarchayanti mAmeva sharaNaM prApnuvanti cha |
sarvebhya eva devebhyo yato.asmi sumahAnaham || 50||
tata eva mahAdeva vadanti nigamAshcha mAm |
na matto.abhyadhiko devaH sarvebhyo.api mahAnaham || 51||
ata eva mahAdevaH prathito nigameShvaham |
yaM yamuddishya karmANi kariShyanti phalepsavaH || 52||
tAni karmANi mayyeva pravishanti phalaprade |
phalapradAtA bhagavAnkarmaNAmahameva hi || 53||
tasmAnmadanyaphaladaH karmaNAM nAsti sarvathA |
yaM yaM yaM devamuddishya namaskArAH kR^itA naraiH || 54||
te sarve.api namaskArAH pravishanti cha mAM priye |
yaM yaM devaM samuddishya yA yA pUjA kR^itA mudA || 55||
sA mayi pravishatyeva pUjA sarvApi sarvathA |
rAj~ne sAkShAddhanaM dAtumashakto manujaH sadA || 56||
adhikArimukhAdeva praveshayati bhUpatim |
sAkShAnmatpUjane yastu samarthastena sarvadA || 57||
mamaiva pUjA kartavyA nAnyadevasya sarvadA |
dravyadAne samartho yassAkShAdrAj~ne narastathA || 58||
rAj~ne dravyaM dadAtyeva sAkShAnmAnapuraHsaram |
ataH sAkShAddhanaM dattaM yena rAj~ne manIShiNA || 59||
tena rAjaprasAdo.api prApyate sarvasaukhyadaH |
yaM sAkShAdvetti rAjAnaM yastu rAjaprasAdataH || 60||
sa rAjAnyAnpradhAnAMstu nArAdhayati sarvathA |
evameva madarchAyAmadhikAdaravAnnaraH || 61||
madanyaM nArchayedeva madanyaH phalado na hi |
kimanyArAdhanenApi madanyo.abhIShTadastu kaH || 62||
tato.ahameka evAryaiH pUjanIyaH prayatnataH |
shivAnyaH phalado.astIti pravadantyashivAstu ye || 63||
tAdR^ishAnashivAnspR^iShTvA sachelaH snAnamAcharet |
madanyaH karmaphaladaH kathaM bhavitumarhati || 64||

|| iti shivarahasyAntargate sadAshivaproktaM shivapUjAmahimopadeshaM sampUrNam ||

\- || shrIshivarahasyam ugrAkhyaH saptamAMshaH | adhyAyaH 15 | vAvR^ittashlokAH ||
##
- .. shrIshivarahasyam ugrAkhyaH saptamAMshaH . adhyAyaH 15 . vAvRRittashlokAH ..

Notes:
Upon being requested, Śiva ##shiva## gives Upadeśa ##upadesha## to Pārvatī ##pArvatI## about the merits of worshipping Him. ##
##
Encoded and proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}