% Text title : Shivaproktam Shivapujopakaranam % File name : shivapUjopakaraNamshivaproktaM.itx % Category : shiva, shivarahasya, pUjA % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | ugrAkhyaH saptamAMshaH | adhyAyaH 17 | 1-61|| % Latest update : April 28, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shivaproktam Shivapujopakaranam ..}## \itxtitle{.. shivaproktaM shivapUjopakaraNam ..}##\endtitles ## (shivagaurIsaMvAde) shrIshiva uvAcha \- athAtaH sampravakShyAmi pUjopakaraNaM shive | AdhikAryapi pUjAyAmuchyate shR^iNu sAdaram || 1|| brahmakShatriyaviTChUdradevagandharvamAnavAH | yakShAdayo.apIShTasiddhyai mAmIshaM pUjayanti hi || 2|| brAhmaNairdevamunibhirdevaishchAharahaH shive | vedamantrairahaM pUjyastadanyaistantramArgataH || 3|| Adau matpUjanAtpUrvaM yatkartanyaM taduchyate | kartavyakaraNAbhAve nAdhikArI bhaviShyati || 4|| prAtaH shauchAdikaM kR^itvA snAnaM kAryaM prayatnataH | rudrasUktairmArjanaM cha kartavyaM snAnatatparaiH || 5|| jale nimajjya mAmIshaM dhyAtvA sAmbaM maheshvaram | mahAdeveti mantro.ayaM japanIyo.aShTashaH shive || 6|| tataH prayatnato devi kartavyaM jalatarpaNam | paridhAnaM tataH kAryaM vastrachIrAdibhiH shive || 7|| tadatantaramAchamya bhasma grAhyaM prayatnataH | sadyojAtAdibhirbhasma tataH samabhimantrayet || 8|| tataH sharIraM sarvA~NgaM bhasmanoddhUlayettataH | tripuNDradhAraNaM kR^itvA jAbAlopaniShatkramAt || 9|| rudrAkShadhAraNaM kAryaM tato.a~NgeShu yathAkramam | tataH sandhyA prayatnena kartavyA sakushAmbhasA || 10|| gomayena bhuvaM samyaganulipyotkShippejjalam | kushAsanopaviShTaH sanpUjAdravyANi sAdhayet || 11|| aShTau pAtrANi sa~NgrAhyANyarghyArthamatishobhite || 12|| tAni samprokShya sakushaM jalaM teShu prapUrayet | pUjayitvA tato mantrI shuddhashaivaM japettataH || 13|| sauvarNaM rAjataM tAmramathavA mR^iNmayaM shive | shivali~NgAbhiShekAya pAtraM grAhyaM prayatnataH || 14|| bilvapatrANi tatpAtre sthApanIyAni yatnataH | taduparyeva saMsthApyaM shivali~NgaM prayatnataH || 15|| tato raudreNa mantreNa samprokShyArchanasAdhanam | bhasmanA~NgAni sammR^ijya sa~NkalpaM cha samAcharet || 16|| tataH kundendudhavalaM mAmumAramaNaM shivam | dhyAtvA namaH shivAyeti mantreNa samupaspR^ishet || 17|| jalakumbhaM bhasmapUtaM spR^iShTvA mUlamanuM paThet | mUlamantrastu sarvatra shivapa~nchAkSharaH smR^itaH || 18|| paThanIyo.anyamantrAnte mUlamantrastu sarvataH | mUlamantropamantrAstu sarvemantrA yataH smR^itAH || 19|| sugandhijalamIshAna pavitra kalashAhR^itam | abhiShekArthamamalamarghyArthaM cha maheshvara || 20|| ityuktvA sha~NkaraM dhyAtvA sarvadevashikhAmaNim | pa~nchAkSharajapaH kAryo dashavAraM prayatnataH || 21|| tato.aShTamUrtaye mahyamarghyANyapi nivedayet | arghyamantrAshcha vividhAste.apyunte mayAdhunA || 22|| pR^ithivIvishvarUpesha pR^ithivIjanaka prabho | gR^ihANArghyamidaM shambho prasIda surasattama || 23|| jalarUpa mahAdeva jalaprabhavakAraNa | gR^ihANArghyamidaM shambho prasIda surasattama || 24|| tejorUpa maheshAna tejojanaka sha~Nkara | gR^ihANArghyamidaM shambho prasIda surasattama || 25|| vAyusvarUpa mAyAtmanvAyuprabhavakAraNa | gR^ihANArghyamidaM shambho prasIda surasattama || 26|| AkAsharUpa sarvesha vyomotpattyekakAraNa | gR^ihANArghyamidaM shambho prasIda surasattama || 27|| sUryasvarUpa sUryesha shiva sUryaikakAraNa | gR^ihANArghyamidaM shambho prasIda surasattama || 28|| chandrasvarUpa chandrAtmaMshchandrashekhara sarvaga | gR^ihANArghyamidaM shambho prasIda surasattama || 29|| yajvamUrte jaganmUrte yaj~nakarmaphalaprada | gR^ihANArghyamidaM shambho prasIda surasattama || 30|| aShTAvarghyANi deyAni mantrairetairyathAkramam | shvetashAlyakShatApluShTabilvapatrayutairjalaiH || 31|| tataH pa~nchAmR^itaiH shuddhairabhiShekaM samAcharet | pa~nchAmR^itasnAnamadhye jalasnAnaM samAcharet || 32|| kShIraM gavyamidaM shuddhaM jalasaMyutamIshvara | abhiShekArthamAnItaM gR^ihANedaM maheshvara || 33|| dadhigavyamidaM shuddhaM pariShkR^itamumApate | abhiShekArthamAnItaM gR^ihANedaM maheshvara || 34|| ghR^itametanmahAdeva sugandhaM gavyamuttamam | abhiShekArthamAnItaM gR^ihANedaM maheshvara || 35|| navaM madhu samAnItamidaM kITAdyadUShitam | abhiShekArthamAnItaM gR^ihANedaM maheshvara || 36|| sharkareyaM samAnItA sItAkITApradUShitA | abhiShekArthamAnItA gR^ihANemAM maheshvara || 37|| evaM pa~nchAmR^itairIshamabhiShichya tataH param | sA~Ngena namakeneshaM sA~NgaM mAmabhiShechayet || 38|| jaladhArAmavichChinnAM bhaktayA sampAdayedapi | sA dhArA.amR^itadhArA sA muktidhArA mama priyA || 39|| tatastuH kalpanIyaM vai bilvapatrottarAsanam | hemAdinirmitaM divyaM mUlamantreNa bhaktitaH || 40|| tato navena shuddhena vastreNa parivR^itya mAm | sitena bhasmanA samyagarchayenmUlamantrataH || 41|| chandanena sugandhena mUlamantreNa pUjayet | madhye tvekaikapUjAnte deyamAchamanaM mama || 42|| tataH shAlyakShataiHshvetairarchayenmAM tilAnvitaiH | tato bilvadalaiH shuddhairarchayedaghanAshakaiH || 43|| bilvapatraM gR^ihANesha bilvapatrapriya prabho | prasIda bhagavan shambho pAtakAni harasva me || 44|| amuM mantraM samuchchArya mUlamantramapi priye | bilvapatraiH samabhyarchya puShpairapi samarchayet || 45|| sAjyenAgarusAreNa sugandhena maheshvari | dhUpastataH kalpanIyo mahyaM yatnapuraHsaram || 46|| dhUpaM gR^ihANa devesha sugandhaM savR^itaM shiva | pAtakAni harasvesha dhUpadAnena sAdaram || 47|| dIpaM gR^ihANa devesha pAtakadhvAntanAshaka | prasIda pArvatInAtha donavandho dayAnidhe || 48|| iti dattvA dhUpadIpau naivedyaM parikalpayet | tataH paraM kalpanIyaM karodvartanamAdarAt || 49|| tataH paraM dhUpadIpau tAmbUlaM cha tataH param | tataH punardIpadA deyAvatyantabhaktitaH || 50|| gR^ihANa parameshAna tAmbUlamidamuttamama | elAlava~NgakarpUrapariShkR^itamumApate || 51|| tataH pradakShiNA kAryA dvAdashaikAdashAthavA | tataH praNAmAH kartavyA eka viMshatisa~NkhyayA || 52|| nartanaM cha tataH kAryaM sAmbadhyAnapurassaram | shivapa~nchAkSharaH shuddho japanIyaH prayatnataH || 53|| aShTottarasahasraM tu nyAsadhyAnapuraHsaram | shivapa~nchAkSharo japyo yadvA nyAsAdikaM vinA || 54|| tataH paraM bilvapatraiH puShpairnAnAvidhairapi | punaH pUjA prayatnena kartavyA mahyamAdarAt || 55|| tato nAnAvidhaiH stotraiH stotavyo.ahaM prayatnataH | tatashChatraM chAmaraM cha darpaNaM cha nivedayet || 56|| punarnatvA kShamasveti saMspR^isheddhyAnapUrvakam | sparshaM kR^itvA punarmantramamumeva paThechChive || 57|| ayaM me iti mantreNa spR^iShTvA hastatalena mAm | aShTottarashataM mantro japanIyaH ShaDakSharaH || 58|| evaM pUjA.anvahaM kAryA triShu lokeShu sAdaram | nityapUjeyamamale bhuktimuktiphalapradA || 59|| prAtaH sandhyAM vidhAyAdau pUjanIyo.anvahaM shive | kAryamanyanna kartavyaM mAmanabhyarchya sAdaram || 60|| evaM prayatnataH kAryaM shaktena mama pUjane | yathAkatha~nchit kartavyamashaktenApi sarvathA || 61|| || iti shivarahasyAntargate shivaproktaM shivapUjopakaraNaM sampUrNam || \- || shrIshivarahasyam ugrAkhyaH saptamAMshaH | adhyAyaH 17 | 1\-61|| ## - .. shrIshivarahasyam ugrAkhyaH saptamAMshaH . adhyAyaH 17 . 1-61 .. Notes: Śiva ##shiva## details to Pārvatī ##pArvatI## about the means and procedures of conducting Śiva Pūjā ##shiva pUjA##. He mentions about worshipping His AṣṭaMūrtī ##aShTamUrtI## forms (that correspond to the AṣṭaVasu ##aShTavasu##) viz., Viśvarūpeśa ##vishvarUpesha## (Pṛthivī ##pR^ithivI##), Mahādeva ##mahAdeva## Jala ##jala##, Maheśa ##mahesha## Teja ##teja##, Māyātman ##mAyAtman## Vāyu ##vAyu##, Sarveśa ##sarvesha## Ākāśa ##AkAsha##, Sūryeśa ##sUryesha## Sūrya ##sUrya##, Candraśekhara ##chandrashekhara## Candra ##chandra##, Jaganmūrtī ##jaganmUrtI## Yajñamūrtī ##yaj~namUrtI##; and that He is the Source of their creation. He further tells about the use of Pañcāmṛta ##pa~nchAmR^ita##, japa ##japa## of His Mūla Mantra ##mUla mantra## - the Pañcākṣara Mantra ##pa~nchAkShara mantra##, Dhyāna ##dhyAna## of His AṣṭottaraSahasranāma ##aShTottarasahasranAma## and AṣṭottaraŚataanāma ##aShTottarashatanAma##, and japa ##japa## of His Ṣaḍakṣara Mantra ##ShaDakShara mantra##.## ## Encoded and proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}