% Text title            : Shatarchanakrita Shiva Stuti
% File name             : shivastutiHshatarchanakRRitA.itx
% Category              : shiva, shivarahasya, stuti
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 13 | 489-509|| See corresponding nAmAvalI
% Latest update         : May 11, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shatarchanakrita Shiva Stuti ..}##
\itxtitle{.. shatarchanakR^itA shivastutiH ..}##\endtitles ##
(shivarahasyAntargate)
shatarchana uvAcha \-
shrImanmaheshavibhave vR^iShabhadhvajAya
dhvastAndhakAya makaradhvajadAhakAya |
dambhApahAya garuDadhvajapUjitAya
bhAlekShaNAya bhagavansatataM namaste || 489||
pAshApahAya pashupAshavimochakAya
pa~nchAnanAya paramAdbhutavikramAya |
pArAya pAlitasurAsuramAnavAya
bhAlekShaNAya bhagavansatataM namaste || 490||
mAyApahAya makarandarasApahAya
mAnapradAya madhurAya maheshvarAya |
mAnAtigAya madamohavivarjitAya
bhAlekShaNAya bhagavansatataM namaste || 491||
muktipradAya munimAnasamandirAya
muktAkalApakalitAmalakuntalAya |
mugdhAnanAya muditAya mukundagAya
bhAlekShaNAya bhagavansatataM namaste || 492||
sarvottamAya sakalAya samAshrayAya
sargasthitipralayakAraNakAraNAya |
satyapriyAya sarasAya sama~NgalAya
bhAlekShaNAya bhagavansatataM namaste || 493||
bhadrAya bhavyavibhavAya bhavauShadhAya
bhasmaprabhAsamabhibhAvitabhUShaNAya |
arkenduvahninayanAya gaNapriyAya
bhAlekShaNAya bhagavansatataM namaste || 494||
bhavyAya bhavyabhaganetravidArakAya
bhAgyAspadAya bhavatApavinAshakAya |
bhaktAbhivA~nChitavichitraphalapradAya
bhAlekShaNAya bhagavansatataM namaste || 495||
bhogIndrebhogimaNirAjitakandharAya
bhogasphuranmarakatojjavalakuNDalAya |
bhogAnuyogavikasanmakuTaprabhAya
bhAlekShaNAya bhagavansatataM namaste || 496||
bhUtAdhipAya bhujagAdhipaka~NkaNAya
bhUtapriyAya bhuvanasthitikAraNAya |
bhUbhUdharaprabhR^itibhUtagaNodarAya
bhAlekShaNAya bhagavansatataM namaste || 497||
divyAya divyacharitAya digambarAya
divyAmbarAya ditijAnalashAmakAya |
dInArtihAya dinanAthaniShevitAya
bhAlekShaNAya bhagavansatataM namaste || 498||
somAya somaruchira~njitashekharAya
somAgnibhAnuvitatAmalalochanAya |
sopendrachandravidhivanditapAdukAya
bhAlekShaNAya bhagavansatataM namaste || 499||
kAlAntakAya kamanIyajaTAdharAya
kAlAya kAlavijayAya kalAdharAya |
kalyANadAya kanakAchalakArmukAya
bhAlekShaNAya bhagavansatataM namaste || 500||
puNyAya puNyahR^idayAya purAtanAya
pUtAya pUtajanachintitasatkriyAya |
puNyapriyAya purakAnanapAvakAya
bhAlekShaNAya bhagavansatataM namaste || 501||
vishvAdhikAya vidhiviShNuvidhArakAya
vittAdhipAya vibudhAbudhasarjakAya |
vistAradAya vijayAya vishodhakAya
bhAlekShaNAya bhagavansatataM namaste || 502||
nityAya nityaniravadyaguNojjvalAya
nItipradAya niyatAya nivR^ittidAya |
nIhArashailanilayAya niyAmakAya
bhAlekShaNAya bhagavansatataM namaste || 503||
nirdharmakAya nigamAgamanishchitAya
nirNItavastunichayAya nirAmayAya |
nirdhUtapAtakahitAya nira~njanAya
bhAlekShaNAya bhagavansatataM namaste || 504||
mR^ityu~njayAya mR^itikAlavivarjitAya
mR^iddhemaratnarajatAkaravR^iddhikAya |
mR^illi~NgapUjakamanorathapUrakAya
bhAlekShaNAya bhagavansatataM namaste || 505||
gAnapriyAya gatirnR^ittavishAradAya
gAthAmayAya gajakR^ittivarachChadAya |
gamyAgamAya gaganA~NgaNanartakAya
bhAlekShaNAya bhagavansatataM namaste || 506||
dAntAya dAnanipuNAya dayAmayAya
dAridryaduHkhavipinaikadavAnalAya |
dAnAya dAnarahitAya davapriyAya
bhAlekShaNAya bhagavansatataM namaste || 507||
yaj~nAya yaj~napuruShAya yashomayAya
yaj~nAdikarmaphaladAya yatipriyAya |
yaj~napriyAya yajanAdiyatAshrayAya
bhAlekShaNAya bhagavansatataM namaste || 508||
shrIviShNunetrakamalArchitapAdukAya
shrIsevitAdritanayAtanusaMyutAya |
shrIbhUruhAruNanavachChadapUjitAya
bhAlekShaNAya bhagavansatataM namaste || 509||
\- \-
kashyapa uvAcha \-
iti stutvA mahAdevaM taM praNamya shatarchanaH |
bhUyo rudreNa tuShTAva sUktairanyaishcha shAmbhavaiH || 510||
tataH shivaprasAdena jIvanmuktaH shatarchanaH |
punaH kartuM samArebhe tapo ghorataraM mune || 511||

|| iti shivarahasyAntargate  shatarchanakR^itA shivastutiH sampUrNA ||

\- || shrIshivarahasyam ugrAkhyaH saptamAMshaH | adhyAyaH 13 | 489\-511||
##
- .. shrIshivarahasyam ugrAkhyaH saptamAMshaH . adhyAyaH 13 . 489-511 ..

Notes:
Śatarcana ##shatarchana## eulogizes Śiva ##shiva##, as a result of which Śiva ##shiva## renders him Jīvanamukta ##jIvanamukta##.

The Śatarcanakṛtā Śivastutyāntargate ŚivaNāmāvaliḥ ##shatarchanakR^itA shivastutyAntargate shivanAmAvaliH ## that has been derived from this Stuti ##stutiH ## can be referred to from the link given below.


Encoded and proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}