% Text title            : Skandaproktam Somarudrarchanamahattvam
% File name             : somarudrArchanamahattvamskandaproktaM.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 14 | 135-153||
% Latest update         : April 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandaproktam Somarudrarchanamahattvam ..}##
\itxtitle{.. skandaproktaM somarudrArchanamahattvam ..}##\endtitles ##
umayA sahito devaH soma ityabhidhIyate |
umA j~nAnamayI shaktiH saiva vidyeti gIyate || 135||
vidyAH sarvA umArUpA vidyAnAmIshvaraH shivaH |
viShNubrahmAdidevAnAM prabhuH sAmbaH sadAshivaH || 136||
rudrapiNDasamutpannA brAhmaNA rudradevatAH |
tataH kAryaM dvijainityaM shrIrudrasyaiva pUjanam || 137||
devAshcha brAhmaNotpannAH shivAnyA brAhmaNAH surAH |
tato devaishcha kartavyaM rudrasyaiva hi pUjanam || 138||
vishvAdhiko R^iShI rudro mahAnyadyapi sa svayam |
tathApi nityo.ajanyatvAdbhAvaj~nAnAtmakaH svayam || 139||
svAdhikaH pUjyate loke pUjA cha svAdhike matA |
svato.adhame cha tulye vA pUjA naiva vidhIyate || 140||
na shivAdadhiko yasmAdvishvAdhika iti shrutaH |
sahasrashIrShA puruShaH sahasrAkShaH sahasrapAt || 141||
sa bhUmiM vishvato vR^itvA atyatiShThaddashA~Ngulam |
puruSha evedaM sarvaM yadbhUtaM yachcha bhavyam || 142||
utAmR^itattvasyeshAnno yadannenAtirohati |
etAvAnasya mahimA atojyAyAMshcha puruShaH || 143||
pAdo.asya vishvAbhUtAni tripAdasyAmR^itaM divi |
tripAdUrdhva udaitpuruSho devadevottomottamaH || 144||
puruSho vairudra (ityeva) shrutireShA yato matA |
yo rudro.agnAvapsu rudro yo rudrastvoShadhIShvapi || 145||
yo vishvA bhuvanAnyeko vivesha sa parAtparaH |
vishvaM bhUtaM cha bhuvanaM chitraM cha bahudhA tu yat || 146||
tajjAtaM jAyamAnaM cha rudrAdrudrAtmakaM viduH |
R^icho yajUMShi sAmAni rudrAdeva hi jaj~nire || 147||
ChandAMsi jaj~nire rudrAjjaj~nire vividhAH prajAH |
somo mattAnAM janitA somo hi janitA divaH || 148||
sashailAyAH pR^ithivyAshcha janitA soma eva hi |
agneshcha janitA somo nAnyasya janitA dhruvam || 149||
sUryANAM janitA somo dvAdashAnAmapi prabhuH |
chandrasya janitA somaH kalAnAM janitA tathA || 150||
rudrasya janitA somo yamasya varuNasya cha |
viShNoshcha janitA somo brahmaNaH pavanasya cha || 151||
nadInAM janitAM somaH samudrANAmapi prabhuH |
manaso janitA somaH skandaMsya gaNapasya cha || 152||
AkAshasyApi janitA chauShadhInAmapAmapi |
brahmaNo rudramabhyarchyamanabhyarchya tu yo bhramAt || 153||

|| iti shivarahasyAntargate skandaproktaM somarudrArchanamahattvaM sampUrNam ||

\- || shrIshivarahasyam ugrAkhyaH saptamAMshaH | adhyAyaH 14 | 135\-153||
##
- .. shrIshivarahasyam ugrAkhyaH saptamAMshaH . adhyAyaH 14 . 135-153 ..
##
##
Encoded and proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}