% Text title            : Saptaratrotsavaprakarah
% File name             : saptarAtrotsavaprakAraH.itx
% Category              : vishhnu, vAdirAja, vishnu
% Location              : doc\_vishhnu
% Author                : vAdirAjayati
% Proofread by          : Revathy Rajaraman, Uma Mahesh
% Latest update         : April 27, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. SaptaratrotsavaprakaraH ..}##
\itxtitle{.. saptarAtrotsavaprakAraH ..}##\endtitles ##
devopadevAH pitaro yogIndrAshchakravartinaH |
shrIviShNupArShadAH sarve.apyAyAntUtsavarakShakAH || 1||
ghnantvantarAyAnparitaH kR^intantu paripanthinaH |
santArayantu karmAbdhi santu santoShadAH sadA || 2||
hInatAM pUrayantvete hAnirmAstvatra kAchana |
j~nAnAnandamayaH shrImAn shrInAthaH prIyatAM prabhuH || 3||
saptarAtrotsavAssarve sArthakAssantu santataM |
tR^ipto.astu lakShmIramaNo.asmAkaM yuShmadanugrahAt || 4||
indro mahaishvaryadaH syAdasminnutsavakarmaNi |
hutaM tu suhutaM kuryAtsaptajihvo hutAshanaH || 5||
yamo niyamayechChatrUnnirR^itirhantu rAkShasAn |
varuNo vArayedvighnAnvAyurj~nAnaprado.astu naH || 6||
dhanadastu dhanaM bhUri dadyAdutsavapUrtaye |
chandraH shAntakaro bhUyAdAhlAdayatu cha prajAH || 7||
vidrAvayedabhadrANi rudro raudraparAkramaH |
ananto.anantaphaladamimaM kuryAnmahotsavam || 8||
brahmA sarvANi karmANi samya~nchIha karotu naH |
hare bhavatprasAdena mokShAkhyaphalasaddhaye || 9||
a~NkurAropaNaM pUrvaM ki~NkaraiH kriyate tava |
pArShadAH pAntvahorAtramasminnutsavakarmaNi || 10||
viShNossarvANi bhUtAni rakShantu parito dishaM |
viShvaksenashcha vighnesho viShvaksvasvagaNairyutau || 11||
nikR^intatAM chAntarAyaM shAntiM cha kurutAM sadA |
pa~nchotsavAH pa~nchadineShvatho viShNurathotsavaH || 12||
pashchAdavabhR^ithasnAnaM draShTR^INAM santu tuShTaye |
prAgratnamaNTape kuryAdutsavaM shrIpateH sudhIH || 13||
pashchAtsiMhotsavaM kuryAdgajotsavamataH paraM |
sheShotsavaM tataH kuryAttArkShyotsavamataH param || 14||
rathotsavaM tataH kuryAdala~NkR^itya janArdanaM |
sarvotsavasya shrIbhartuH sarvotsavashiromaNiH || 15||
rathotsavo.ayaM dadyAnno manorathamahotsavaM |
saptarAtrotsavAnyastu bhaktyA seveta mAnavaH || 16||
saptalokoparistho.asya viShNurhastagato bhavet |
namo.astu viShNave tubhyaM shriyai chAstu namonamaH || 17||
namo.astu parivArebhyo devebhyaH shivamastu naH |
tR^ipatastrivikramassarvottamassaptabhirutsavaiH || 18||
dadyAdAyuH shriyaM bhaktiM muktiM cha bhajatAM satAM |
janAssukR^itinassantu mano.astu madhusUdane || 19||
bhaktirbhavedbhavo nashyennashyeyuragharAshayaH |
pUrvApUrvakramaj~naptyai saptarAtramaharnisham || 20||
imaM stavaM yastu paThedvAdirAjasamIritaM |
dinedine tasya bhavedAyuH shreyashcha ma~Ngalam || 21||
AhUya devatAssarvA mantreNAnena mAntrikaH |
ArabhetotsavaM viShNorbherItADanapUrvakam || 22||
vAchayitvA svastyayanaM stotramedaddivaukasAM |
a~NkurAropaNatpUrvaM paTheyurhariki~NkarAH || 23||

iti shrImadvAdirAjapUjyacharaNavirachitaM
saptarAtrotsavaprakAraH sampUrNaH |

bhAratIramaNamukhyaprANAntargata shrIkR^iShNArpaNamastu |
##
Proofread by Revathy Rajaraman, Uma Mahesh

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}