.. मन्त्रपुष्पांजलि ..

ॐ योऽपां पुष्पं वेद . पुष्पवान् प्रजावान् पशुमान् भवति . 
चंद्र मा वा अपां पुष्पम् . पुष्पवान् प्रजावान् पशुमान् भवति . 
य एवं वेद . योऽपामायतनं वेद . आयतनवान् भवति .. १.. 

अग्निर्वा अपामायतनम् . आयतनवान् भवति . 
योऽग्नेरायतनं वेद . आयतनवान् भवति . 
आपो वा अग्नेरायतनम् . आयतनवान् भवति . 
य एवं वेद . योऽपामायतनं वेद . आयतनवान् भवति .. २.. 

वायुर्वा अपामायतनम् . आयतनवान् भवति . 
यो वायोरायतनं वेद . आयतनवान् भवति . 
आपो वै वायोरायतनम् . आयतनवान् भवति . 
य एवं वेद . योऽपामायतनं वेद . आयतनवान् भवति .. ३.. 

असौ वै तपन्नपामायतनम् . आयतनवान् भवति . 
योऽमुष्य तपत आयतनं वेद . आयतनवान् भवति . 
आपो वाऽमुष्य तपतपमयतनम् . आयतनवान् भवति . 
य एवं वेद . योऽपामायतनं वेद . आयतनवान् भवति .. ४.. 

चंद्रमा वा अपामायतनम् . आयतनवान् भवति . 
यश्चंद्रमस आयतनं वेद . आयतनवान् भवति . 
आपो वै चंद्रमस आयतनम् . आयतनवान् भवति . 
य एवं वेद . योऽपामायतनं वेद . आयतनवान् भवति .. ५.. 

नक्षत्राणि वा अपामायतनम् . आयतनवान् भवति . 
यो नक्षत्राणामायतनं वेद . आयतनवान् भवति . 
आपो वै नक्षत्राणामायतनम् . आयतनवान् भवति . 
य एवं वेद . योऽपामायतनं वेद . आयतनवान् भवति .. ६.. 

पर्जन्यो वा अपामायतनम् . आयतनवान् भवति . 
यः पर्जन्यस्यायतनं वेद . आयतनवान् भवति . 
आपो वै पर्जन्यस्यायतनम् . आयतनवान् भवति . 
य एवं वेद . योऽपामायतनं वेद . आयतनवान् भवति .. ७.. 

संवत्सरो वा अपामायतनम् . आयतनवान् भवति . 
यस्संवत्सरस्यायतनं वेद . आयतनवान् भवति . 
आपो वै संवत्सरस्यायतनम् . आयतनवान् भवति . 
य एवं वेद . योऽप्सुनावं प्रतिष्ठितां वेद . प्रत्येव तिष्ठति .. ८.. 

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:sanskrit@cheerful.com