% Text title            : Abhaya Ashtakam
% File name             : abhayAShTakam.itx
% Category              : deities\_misc, gurudev, aShTaka, ramaNa-maharShi
% Location              : doc\_deities\_misc
% Proofread by          : Aruna Narayanan
% Latest update         : December 25, 2023
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Abhaya Ashtakam ..}##
\itxtitle{.. abhayAShTakam ..}##\endtitles ##
bho brahman ramaNesha ! tAvakapadAmbhojadvaye sAmprataM
vij~nApyaM rahasIdamekamadhunA shrotavyamityarthaye |
aj~nAtaM bhuvi nANumAtramapi te sarvaj~nachUDAmaNe\-
rvaktavyaM tvananUditaM nanu nR^iNAM marmANi niShkR^intati || 1||
bhItyA tvatpadapa~Nkaje shritavatAM kleshaprahANaiShiNA\-
matratyairupachIyamAnamanishaM prachChannavidveShibhiH |
durvAraprasaraM bhayaM ramaNa ! naH kShobhapradaM chetasaH
svAminnAshayamUlato.atha vadavA.abhItipratij~nAvachaH || 2||
saMsArAhvayanATakasya cha bhavAn satsUtradhArAyita\-
ssvAmin mR^ityubhiyA mR^ikaNDusutavadbhargAkR^itiM tAvakIm |
mUrtiM bhavyadhiyo vayaM sharaNamityAshritya sevAmahe
kiM vAsmAsvapi te vihInakaruNaM yuktaM bhayotpAdanam || 3||
vedAnte kvachidAshrutaM bhagavato bhItipradatvantu ya\-
ttanmAyA parikalpitArthaviShayaM tattvArthatAM nAshnute |
nocheddhanta ! vijAnatAM tava kR^ipAleshAdvimuktAtmanAM
nUnaM naiva ghaTeta bhItirahitAvasthatvamavyAhatam || 4||
mAyAkalpitanAmarUpakalanA yAvannR^iNAM vartate
tAvattAnsamupaiti bhItiriti hi provAcha vAgvaidikI |
advaite pariniShThitasya mahasi sve te gatAndR^ikpathaM
dvaitAnnaH kathametu bhItirathavA tAH kinnirarthA giraH || 5||
kalyANAni tanotu ko.api gururAT kaivalyadAnavratI
vyApannAbhayasatradIkShita iti khyAtaH kR^ipAluH kShamI |
sarvAnarthanidAnamohakalilodbhUtaM bhayaM mAnasaM
ki~ncha shrIramaNaH pramArShTu bhagavAnityeva naH prArthanA || 6||
ramaNabhagavatpAdambhoje sadA ramatAM mano
ramaNabhagavadvaktrAmbhoje manaH pibatAnmadhu |
ramaNabhagavanmUrtiM divyAM muhussmaratAnmano
ramaNabhagavatpAdAchAryo mamAstu parAyaNam || 7||
shoNAdrIshvarasa~ncharAya yamine mAyAgR^ihItAtmane
svAtmasthAya kR^ipArasArdramanase shAntAya sanyAsine |
magnAnAM bhavasAgare bhuvi nR^iNAmAnandamutsarjate
tasmai shrIramaNAya bodhagurave tanma strisandhyaM namaH || 8||
dhyAyet padmAsanasthaM pramuditavadanaM dakShiNAmUrtirUpaM
kaupInAla~NkR^itA~NgaM hR^idi kimapi mahassantataM chintayantam |
bhAsA svenaiva bhAntaM gurukaruNadR^ishaM sAdhusaMsevitA~NghriM
sarvashreyovadAnyaM ramaNamunivaraM shoNashailesharUpam || 9||
kR^iShIShTa bhagavAniShTaM paThatAmabhayAShTakam |
viShTabhya bhuvanaM kR^itsnaM ya IShTe ramaNo guruH || 10||

iti abhayAShTakaM sampUrNam |

##
Proofread by Aruna Narayanan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}