% Text title            : ashvatthastotram.inf
% File name             : ashvatthastotram.itx
% Category              : deities\_misc, stotra
% Location              : doc\_deities\_misc
% Author                : traditional
% Transliterated by     : Anuradha Anuraadha at cs.com
% Proofread by          : Anuradha Anuraadha at cs.com
% Latest update         : February 6, 2003
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ashvattha stotram ..}##
\itxtitle{.. ashvatthastotram ..}##\endtitles ##

shrInArada uvAcha \-
anAyAsena loko.ayam sarvAn kAmAnavApnuyAt  |
sarvadevAtmakaM chaikaM tanme brUhi pitAmaha || 1||
brahmovAcha \-
shruNu deva mune.ashwatthaM shuddhaM sarvAtmakaM tarum |
yatpradakShiNato lokaH sarvAn kAmAn samashnute || 2||
ashvatthAddakShiNe rudraH pashchime viShNurAsthitaH |
brahmA chottaradeshasthaH pUrvetvindrAdidevatAH || 3||
skandhopaskandhapatreShu govipramunayastathA |
mUlaM vedAH payo yaj~nAH saMsthitA munipu~Ngava || 4||
pUrvAdidikShu saMyAtA nadInadasaro.abdhayaH |
tasmAt sarvaprayatnena hyashvatthaM saMshrayedbudhaH || 5||
tvaM kShIryaphalakashchaiva shItalasya vanaspate |
tvAmArAdhya naro vindyAdaihikAmuShmikaM phalam || 6||
chaladdalAya vR^ikShAya sarvadAshritaviShNave |
bodhisatvAya devAya hyashvatthAya namo namaH || 7||
ashvattha yasmAt tvayi vR^ikSharAja nArAyaNastiShThati sarvakAle |
athaH shrutastvaM satataM tarUNAM dhanyo.asi chAriShTavinAshako.asi || 8||
kShIradastvaM cha yeneha yena shrIstvAM niShevate |
satyena tena vR^ikShendra mAmapi shrIrniShevatAm || 9||
ekAdashAtmarudro.asi vasunAthashiromaNiH |
nArAyaNo.asi devAnAM vR^ikSharAjo.asi pippala || 10||
agnigarbhaH shamIgarbho devagarbhaH prajApatiH |
hiraNyagarbho bhUgarbho yaj~nagarbho namo.astu te || 11||
AyurbalaM yasho varchaH prajAH pashuvasUni cha |
brahma praj~nAM cha medhAM cha tvaM no dehi vanaspate || 12||
satataM varuNo rakShet tvAmArAddR^iShTirAshrayet |
paritastvAM niShevantAM tR^iNAni sukhamastu te || 13||
akShispandaM bhujaspandaM duHsvapnaM durvichintanam |
shatrUNAM cha samutthAnaM hyashvattha shamaya prabho || 14||
ashvatthAya vareNyAya sarvaishvarya pradAyine |
namo duHsvapnanAshAya susvapnaphaladAyine || 15||
mUlato brahmarUpAya madhyato viShNu rUpiNe  |
agrataH shivarUpAya vR^ikSharAjAya te namaH || 16||
yaM dR^iShTvA muchyate rogaiH spR^iShTvA pApaiH pramuchyate |
yadAshrayAchchira~njIvI tamashvatthaM namAmyaham || 17||
ashvattha sumahAbhAga subhaga priyadarshana |
iShTakAmAMshcha me dehi shatrubhyastu parAbhavam || 18||
AyuH prajAM dhanaM dhAnyaM saubhAgyaM sarvasampadam |
dehi deva mahAvR^ikSha tvAmahaM sharaNaM gataH || 19||
R^igyajuHsAmamantrAtmA sarvarUpI parAtparaH |
ashvattho vedamUlo.asAvR^iShibhiH prochyate sadA || 20||
brahmahA guruhA chaiva daridro vyAdhipIDitaH |
AvR^itya lakShasa~NkhyaM tat stotrametat sukhI bhavet || 21||
brahmachArI haviShyAshI tvadaHshAyI jitendriyaH |
papopahatachitto.api vratametat samAcharet || 22||
ekAhastaM dvihastaM vA kuryAdgomayalepanam |
archet puruShasUktena praNavena visheShataH || 23||
maunI pradakShiNaM kuryAt prAguktaphalabhAgbhavet |
viShNornAmasahasreNa hyachyutasyApi kIrtanAt || 24||
pade padAntaraM gatvA karacheShTAvivarjitaH |
vAchA stotraM mano dhyAne chatura~NgaM pradakShiNam || 25||
ashvatthaH sthApito yena tatkulaM sthApitaM tataH |
dhanAyuShAM samR^iddhistu narakAt tArayet pitR^in || 26||
ashvatthamUlamAshritya shAkAnnodakadAnataH |
ekasmin bhojite vipre koTibrAhmaNabhojanam || 27||
ashvatthamUlamAshritya japahomasurArchanAt |
akShayaM phalamApnoti brahmaNo vachanaM yathA || 28||
evamAshvAsito.ashvatthaH sadAshvAsAya kalpate |
yaj~nArthaM Chedite.ashvatthe hyakShayaM svargamApnuyAt || 29||
Chinno yena vR^ithA.ashvatthashCheditA pitR^idevatAH |
ashvatthaH pUjito yatra pUjitAH sarvadevatAH || 30||

|| iti ashvattha stotraM sampUrNam ||
##
Encoded and proofread by Anuradha AnurAdha at cs.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}