भजनं हीरम्
राममटत कृष्णमटत नाम रटत शङ्करं
ब्रह्म भजत कर्म सृजत सत्यमटत सादरम् ॥ ध्रुवम्॥
मर्म चरत विश्वभुवनदारुपुरुषपुष्करं
गोलनयननीलवदनपीतवसनभास्वरम् ॥ १॥
प्रेमनगरभव्यरसिकभक्तिदयितसुन्दरं
क्षेत्रविधुरपण्डितवरभारभरितमन्दरम् ॥ २॥
नित्यनमितवासवसुरसारसकलनिर्जरं
वैदिकधनमानमहिमसंस्कृतसुखमक्षरम् ॥ ३॥
दीनधरितहीनभरितपूर्णपुरुषमीश्वरं
रोगशमनयोगकरणभुक्तिभवनभासुरम् ॥ ४॥
मुग्धसलिलदुग्धधवलधारसरलडामरं
देवपतितपावनसुखशाश्वतपरमेश्वरम् ॥ ५॥
नन्दकवनकुन्दसहितमन्दरहितखेचरं
द्वन्द्वमनसि वासकमतिगन्धमधुरकेशरम् ॥ ६॥
इति नन्दप्रदीप्तकुमारविरचितं भजनं हीरं समाप्तम् ।
Composed, encoded, and proofread by
Dr. Pradipta Kumar Nanda, Kendrapara, Orisa pknanda65 at gmail.com