% Text title : chandrashekharendrasarasvatI sahasranAmastotram nAmAvalI % File name : chandrashekharendrasahasranAmastotram.itx % Category : deities\_misc, gurudev, sahasranAma % Location : doc\_deities\_misc % Proofread by : Aruna Narayanan % Latest update : November 20, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Chandrashekharendrasarasvati Sahasranama Stotram ..}## \itxtitle{.. shrIchandrashekharendrasarasvatI sahasranAmastotram ..}##\endtitles ## shrIgurubhyo namaH | shrIkA~nchIkAmakoTipIThAdhIshvarajagadguru shrIsha~NkarAchArya paramapUjya shrIchandrashekharendrasarasvatIshrIcharaNa sahasranAmastotram | shuklAmbaradharaM viShNuM shashivarNaM chaturbhujam | prasannavadanaM vande sarvavighnopashAntaye || 1|| pustakajapavaTahaste varadAbhayachihnachArubAhulate | karpUrAmaladehe vAgIshvari shodhayAshu mama chetaH || 2|| nArAyaNaH padmabhavo vasiShThaH shaktishcha tatputraparAsharashcha | vyAsaH shuko gauDapado yamIndro govindayogIti gurukramo.ayam || 3|| AdyaH shrIsha~NkarAchAryobhagavatpAdasa.nj~nakaH | avatIrNaH shambhuriti prathitaH kAlaTIpade || 4|| sureshvaraH padmapAdo hastAmalakatoTakau | sarvaj~nashcheti tachChiShyAH prathitA gurusannibhAH || 5|| sha~NkaraH kAmakoTyAkhyaM pIThaM kA~nchyAM vyarAjayat | pratyasthApayadadvaitaM pIThesarvaj~nake sthitaH || 6|| AtmAnamanu sarvaj~naM sureshvaramate sthitam | goptAraM kAmakoTyAkhyapIThasya vyadadhAdguruH || 7|| tadAdyendrasarasvatyAkhyA.avichChinnA paramparA | pAti no guruvaryANAM shAradAmaThasusthitA || 8|| aShTaShaShTitamAchAryaH sha~NkarashchandrashekharaH | virAjate brahmabhUtaH svaM vR^indAvanamAsthitaH || 9|| tasya nAmAnyanantAni tadanugrahabhAjanaiH | gIyante.anudinaM bhaktyA tadanugrahakAmyayA || 10|| nAmnAM sahasraM gauNebhyastannAmabhyaH prakIrtaye | chittashuddhayai tatprasAdalabdhyai lokashivAya cha || 11|| tadArhantyai prapadye tAn kAmakoTigurUttamAn | prapannavatsalAn lokahitAcharaNatatparAn || 12|| dhyAnam \- apArakaruNAsindhuM j~nAnadaM shAntarUpiNam | shrIchandrashekharaguruM dhyAyAmi tamaharnisham || 13|| shrIsha~NkarAryamaparaM shrIshivAshivarUpiNam | pUjyashrIkAmakoTyAkhyapIThagaM taM dayAnidhim || 14|| atha sahasranAmastotram | OM apArakaruNAsindhurj~nAnadaH shAntamAnasaH | shrIchandrashekharaguruH shuchirdAntastaporataH || 1|| R^ijuH kShamAparo.atarkyaH sthiradhIrachalo.amalaH | aShTaShaShTitamAchAryasha~Nkaro deshikAgraNIH || 2|| kA~nchIrAjatkAmakoTipIThAla~NkR^itivishrutaH | kAmakoTIpIThakR^ityanirvAhodyuktapUrvajaH || 3|| jayAbdavaishAkhajAtaH pratipattithisambhavaH | AryAbhikhyAtagovindayajvadauhitravaMshajaH || 4|| kuladevatayA.a.akhyAta svAmishaileshanAmavAn | nAgeshvarAryadauhitro mInAkShItanujAbhavaH || 5|| subrahmaNyAtmajaH sUriranurAdhAbhavaH suhR^it | mahAlakShmIgarbhadhR^itaH R^igvedI haritAnvayaH || 6|| hosalasmArtakulajaH karNATImAtR^ibhAShaNaH | gaNapatyanujaH sAmbalalitAdipurobhavaH || 7|| parAbhavAbdamAghAttaturyAshrama udAradhIH | sarvaj~nabhagavatpAdAchAryarUpo mahAyashAH || 8|| mahAdevendrayatirADanugo bAlasaMyamI | raktashuklaprabhAmishrashrIgurudhyAnanirvR^itaH || 9|| kalavaigrAma ArUDhapITho gurupadasthitaH | plava~Ngachaitre paTTAbhiShikto deshikasattamaH || 10|| gR^ihItavidyaH pramukhasUribhyastattvavittamaH | mahendrama~NgalagurukulavAsI dvijAvR^itaH || 11|| dakShastIrthAttashAstrArthastIrthIkR^itanijAshritaH | sarvataH sArasa~NgrAhI sambhAShArasikAgraNIH || 12|| sAraj~nAtA.avisaMvAdI j~nAtaj~neyo vishAladhIH | parachittavidekAntachintako.amarShavarjitaH || 13|| saMskR^itadrAviDAndhrAdibahubhAShAvishAradaH | svayaM shiShTaH shiShTajanavR^ito dharmye pathi sthitaH || 14|| shuddhastriShavaNasnAyI kAShAyAmbaraveShTitaH | Adyasha~NkarayogIndrasamayAnugataurataH || 15|| bAhudaNDalasaddaNDaH karAgragakamaNDaluH | phAlabhAgalasadbhUti puNDro.ativimalAnanaH || 16|| svadaNDapUjanarato daNDadR^iShTeshvaraH sudhIH | bhUtipraliptAvayavaH puNyatIrthakR^itAplavaH || 17|| agnirvAyurjalaM sarvaM bhasmeti manane rataH | sadA triyambakamanujApI shivatanuH shivaH || 18|| dhR^itarudrAkShamakuTo janadR^iShTashivAkR^itiH | rudrAkShamAlAbharaNaH kamro mandagatirvratI || 19|| dharmamArgAgragAmI chAnugamArgapradarshakaH | vANIvihArijihvAgro lokasa~NgrahaNerataH || 20|| sundarIchandramaulIshapadAbjamadhupAntaraH | shrImahAdevayatirADIpsitAchAra saMyataH || 21|| shrIchandrashekharayatidR^iShTaturyAshramasthitiH | shrImerumadhyabindustha sundarIdhyAnatatparaH || 22|| kailAsAnItayogAkhyashivali~NgakR^itArhaNaH | pUjAmaNDapavAhAdisamala~NkR^ititatparaH || 23|| gaNeshAdityagovinda shivAsha~NkarapUjakaH | advaitabhAvanApetabhedadhIH (100) saguNekShaNaH || 24|| sarvaM brahmeti kR^itadhIH sarvatrabrahmabhAvanaH | pa~nchAyatanasuj~neyadevapUjanatatparaH || 25|| shrIrudrapAThanirato.atirudrAdipravartakaH | shivArpitamanaHkAyaH sarvatra shrIshivekShaNaH || 26|| kShetrayAtrAparo vishvAkArabrahmavimarshakaH | kShetreshapUjakashchintAkriyAnvayakR^itau kShamaH || 27|| sadvR^ittajanatAbhAgyaM sAdhutarpaNabhAShaNaH | chidrasArdraH sattamAnAmatirodhApitakramaH || 28|| UhAdyagamyavyApAro.analasaH saphalodyamaH | suvrataH sukhadAchAraH sukR^itI sukR^itArhaNaH || 29|| kaShTAvahavratI kaShTAchintakaH sukarodyamaH | nirvyApAralavaH svArthe vyApR^ito janatAhite || 30|| durj~neyavastunivahalaghUkaraNabhAShaNaH | nirlakShyo labdhalakShyArtho vA~Nmano.atItachintakaH || 31|| vividhAptajanaprArthyadarshano.agUDhacharyakaH | kAladeshAvadhikR^itaniyantraNabahirbhavaH || 32|| nigamAgamanirbhAtatattvAnveShI vichAravAn | aspaShTo dR^iShTamAtreNa shAntaH sugrahavigrahaH || 33|| bhUtabhUtendriyamanovashIkaraNatatparaH | durlabhyavastusulabhIkaraNe mArgadarshakaH || 34|| udyuktaH puruShArthArthI sAndrAnandAvabodhakaH | tanvA vAchA dhiyA.akShudraH kShudrachetovidUragaH || 35|| vishvapIDApahAnAya yataH sthiratarAtmadhIH | rajastamo.anAkulitasatvavR^ittiH prashAntadhIH || 36|| parAnandAmR^itAsvAdI niShkampaH kuparisthitau | nityapUrNaparabrahmalInadhIrakR^itAntaraH || 37|| avyApR^ito.anekakR^ityavyApR^itorAgadUragaH | udyatsUryAbhavaktrashrIH bhAlarAjitrirekhakaH || 38|| pravrAT pravrADgaNoddIpaH kAShAyAmbarashAyanaH | kaupInarAjatkaTiko vastrAla~NkR^ityanirbharaH || 39|| mahito vedavachasA mohito vedavAchanaiH | kAntaH svAcharaNaiH kAntinidhAnaM madhurehitaH || 40|| pUrvabhAShI madhuravAk nikaTastho hitaiShaNaH | vibhurhR^idA prabhuHshaktyA kutukI lokasa~Ngrahe || 41|| prabhaviShNuH prabhavitA nishcheShTashcheShTitAkhilaH | netradvayamatiprItidAyakAcharaNaH kR^itI || 42|| ambAdhyAnAmR^itasyandasandohAplutamAnasaH | dharAdharasutAdivyakathAmR^itakR^itAdaraH || 43|| saundaryalaharIpAne pAyane.ashrupariplutaH | puraH sannihitAnamrajanAbhIShTadavAksudhaH || 44|| paramAnandasAndrAtmabhAShaNAllokanandakaH | parabhaktiplato devIchandramauliprapUjakaH || 45|| kAruNyAtmA.a.ashritahitAcharaNo.ameyahR^idgataH | vAgIshAno madhuravAk svAtmadashchAvisheShadR^ik || 46|| dayAgururlokahitapravaNIkR^itasajjanaH | anabhyarthyarthinivahavishrANitadhanAdikaH (201) || 47|| lokAhitAvahajananetR^isaumatyadAyakaH | nigrahAnugrahachaNo.asa~NgobhagavadAshritaH || 48|| bhakteShTadaH pArijAtasamaH svAtmana IshitA | arthivrajArtiharaNaniyojitadhanivrajaH || 49|| sphItabhAgyapradAnotkacharaNaH svAtmaniShThitaH | kIrtyo guNagaNAdhAraH saundaryalaharIrataH || 50|| svA~NgabhAsvattapaHshrIko vishvatejA vibhAvitaH | mahitAchAryacharaNo.akhilavidvedyadarshanaH || 51|| IshiteshitasanmartyaH shAradAmaThasusthitaH | vidyAvAnvimalodyogo vij~no niHspR^ihacheShTitaH || 52|| asaktaH sukhasaMvettA.adInaH shokavivarjitaH | vivAsI vijane gAnarato vINAvinodavan || 53|| shakravATIdrumatatilaghUkArishivAsmR^itiH | shivayordhyAnayogena shivIkR^itajagattrayaH || 54|| AtmArAmAtmadR^iShTipAvitasvajano mahAn | sha~NkR^ityadhikR^itaishvaryaH sha~NkarArpitachintanaH || 55|| vigIto niHspR^ihaiH sevyaH sa~NgavArtAvinAkR^itaH | premArdrahAso madhuravachAH kShipraprasAdanaH || 56|| dR^ishyaH sunAsaH sugrIvo vibhUtya~Nkita phAlakaH | kaNThojjvalatsurudrAkShamAlayonnatakandharaH || 57|| rudrAkShabhUShitashrotro rudrAkShAvalishekharaH | karalambitarudrAkShajapamAlaH sudarshanaH || 58|| tulasIbilvamAlAdhR^ikshirAH praNatavatsalaH | nArAyaNetivyAhAradattAshIrvachano.anaghaH || 59|| nArAyaNeti vyAhAra smR^itagovindadattadhIH | bhagavadrUpakalanAvyApR^itakShaNa IDitA || 60|| AtmasampadrataH sampadyashraddhaH svAshritAshrayaH | achyutasmR^itilInAtmA.achyuto.achyutanijAshritaH || 61|| chirantanoktimahitavedarakShAparAyaNaH | AshcharyadarshI kutukI vishvagAshcharyadarshane || 62|| mahIyasA.apimahitaH mahanIyo mahAmanAH | darpaNAlokitajagadbodhitAtmasvarUpadR^ik || 63|| laghvAyAsasunirvartyasatkarmasu niyojakaH | kliShTatarkArato nItimArgaj~no nItibodhakaH || 64|| aihikashreyaso vaktA chAmuShmikahitAvahaH | mR^idurmR^idutarasvAnto bahvarthalalitasmitaH || 65|| lalitAnyastasarvasvaH sadayo dayitAshritaH | mahAmahimarAShTreshasachivAdyabhivanditaH || 66|| kAshInepAlarAShTreshakR^itapAdAbhivandanaH | dharmyamArgagasannetR^inyastadharmAbhirakShaNaH || 67|| saundaryalaharImukhyastutitattvavidagraNIH | shivAkAraH shivAnandalaharImagnamAnasaH || 68|| bhagavatpAdarachitastotrapArAyaNotsukaH | AdyAchAryAkhilagranthasAravettA pragalbhavAk || 69|| krodhadUraH krodhayantA yato(300) dAntanijAntaraH | svachChandavR^ittirachChando dharmachChandAnuvartanaH || 70|| tachChabdavAchyachintAkastadarthAtmaniyojakaH | tadvashastatpadaj~neyasaguNAj~nAvashaMvadaH || 71|| saguNabrahmadattekShaH saguNAbhyarhaNerataH | saguNe.arpitasarvasvaH saguNAnnirguNekShakaH || 72|| bhaktapriyobhaktivedyaH bhaktivashyo bhavArchakaH | bhaktasaubhAgyaghaTako bhakteShTAcharaNapriyaH || 73|| mantrajApI mantrasiddho mantrArthamanane rataH | bhAvanAgamyalalitAmahimAvekShaNerataH || 74|| bhavAraNyakuThArAtmAnandalabdhisunirvR^itaH | mahAyogeshvarastantramantrayogavidarhitaH || 75|| parAtmabhAvanAlIno mantratantrAdyupekShakaH | nirmamo niraha~NkAro niShkAmo niShparigrahaH || 76|| akleshato dhIkAluShyahArI vimaladhIpradaH | pramodabharitasvAnto nirvR^itAtmeshachintakaH || 77|| dhanyo dhanyasmR^itirdhanyatApAdakavachaHsmR^itiH | tapasA.adhigatasveShTo.agadogadanivAraNaH || 78|| devIpadAbjasmaraNarasiko nAmajApakaH | AdhivyAdhiharodInajanavishrAntidAyakaH || 79|| chidrUpasaddarshanAptAnandaH sammodasambhR^itaH | gUDhAtmagatiravyagraH prauDhayogagatauchaNaH || 80|| devInAmasmR^itiprAptanairujastApavarjitaH | dharmyAchAre dR^iDhamatiH IshejyAdhUtakalmaShaH || 81|| IshAlokotkanayanaH IshagAthAratashravAH | parA~NmukhasyAbhimukhIkaraNe chATuvAktatiH || 82|| ArtapralApijanatotsAhakR^it dainyanAshakaH | yamAdinirataH shAntidAntibhUmA samAdhimAn || 83|| shubhadarbhAsanAsIno mR^igAjinakR^itAsanaH | tAramantrajapelInaH prANavAyuniyAmakaH || 84|| Ishe vishvAtmabhAvADhyaH vishve IshAtmabhAvanaH | tAratryavayavadhyAtA tAranAdonmukhashravAH || 85|| dhAraNAchyavanaklinnaH punaH siddhAtmadhAraNaH | dhAraNAnirvR^ito dhyAnalabdhAtmAnanda AtmavAn || 86|| anAvR^itapadasthAyI brahmabhAvAdavichyutaH | akliShTakArI sukaradhyAnamArgapradarshakaH || 87|| snigdhaH samo madhuragIrmadhurAnmadhurekShaNaH | avyAjakaruNApUrNahR^idayaH karuNekShaNaH || 88|| nistulastulanAhInabrahmavastuniviShTadhIH | duShTadUro duShTajanapAvano duShTatApahaH || 89|| AryadharmakAmakoTimukhapatrapravartakaH | bimbagrahakalAbhij~no gAyako gItasAravit || 90|| j~nAnasambandhavAgIshamukhagItAntarArthadR^ik | maNivAchakagodeshasuprabhAtastuteshvaraH || 91|| shrImadrAmAyaNakathAshravaNe kutukI shamI (400) | rAmanAmaprabhAvaj~no rAmachAritravismitaH || 92|| shrIrAmanAmalekhotkajanatotsAhavardhanaH | koTisa~NkhyAka shrIrAmanAmalekha pravartakaH || 93|| shukavAgamR^itAsvAdI shrIkR^iShNadhyAnalInadhIH | kR^itArthachitto dhanyAtmA dhanyavAkkAyamaNDalaH || 94|| samAkUtiH sahR^idayaH samanAH sa~NgavarjitaH | samaH svaparabhedAj~naH kShamayA pR^ithivIsamaH || 95|| karuNAsyandidR^ikpAto gItadevArara~njitaH | devArashravaNaprItidhAtA devAratattvavit || 96|| devAragAyakagaNarakShako madhugAyanaH | vidvanmahitadevAragItaH parashivAkR^itiH || 97|| sudhAmadhurabhAShyalpAkSharobhUryarthavedakaH | akShitejodhUtapApo gobrAhmaNahite rataH || 98|| goshAlApAlanavyagro vR^iddhAnAthasupoShakaH | yatimaNDalasaMvIto bAlachittavinodanaH || 99|| bhaktamAnasarAjIvamitro maitrIdayAvratI | A~NglyAdibahubhAShAvit navyavij~nAnasUkShmavit || 100|| svabhAShayA.anyabhAShAvidgaNasambhAShaNotsukaH | navyavij~nAnavinmukhyaistattvavidyAvichArakR^it || 101|| sambhAShAj~nAtavij~nAnatAratamyagaveShakaH | pAdamUlanatAnekavipashchidgaNasaMvR^itaH || 102|| sadgoShThImahitaH sAdhuhitAchAraH satA~NgatiH | bhagavachCha~NkaraguroraparAkR^itiruttamaH || 103|| kAShAyavAsA vidhvastakaShAyodeshikottamaH | shiroveShTitakAShAyavAso.achChannamukhAmbujaH || 104|| vishAlavakShA niShTaptahemAbhatanurUrjitaH | vedAdhyayanashAlAkR^idvedAdhItikR^itAdaraH || 105|| vedarakShAsamitikR^idvedAdhyApakamaNDanaH | trayIpadavibhAgaj~navedAdhyApakarakShakaH || 106|| anadhItivashAlluptavedashAkhAgaveShakaH | vimAnitadvijagaNasammAnanakR^itAdaraH || 107|| padakramajaTApAThe vidyArthyutsAhavardhanaH | jayAkhyendrasarasvatyA kR^itapAdAbhivandanaH || 108|| shrIsha~NkaravijayendrasarasvatyabhivanditaH | shrIjayendraguruprerakechChAshaktiH prabhAvanaH || 109|| kriyAshaktishrIjayendra pUritechCho vibhAvanaH | gurupriyAbrahmasUtravR^ittikR^ichChiShyatoShitaH || 110|| rAjarAjAkhyacholasya svarNamaulikR^itArhaNaH | gurorhR^idgatasa~NkalpakriyAnvayakR^idAshravaH || 111|| kAmAkShIvAhakasvarNarathakalpananirbharaH | kAmAkShyambAlayasvarNachChAdako hemadIptimAn || 112|| kAshyAM shrIkAmakoTIshAlayakartA vidAMvaraH | kumbhAbhiShechanAdIptadevAlaya udAradhIH || 113|| kAlaTyAM sha~NkaraguroH kIrtistambhakR^itArhaNaH | chidambareshakaruNAplAvitaH shaivavAgrataH || 114|| ratnabhUShitanR^ityeshahastashIrShapadAmbujaH | shrIchakrAtmakatATa~NkanavIkaraNamoditaH || 115|| shrIkAmAkShyAH sahasrAkhyAmAlAla~NkaraNakShamaH | padayAtrAla~NghitAdhvA kShetratIrthATanaH sadA || 116|| kShemado janatAyogakShemavidbhadrakArakaH | varNadharmarahasyaj~no brahmacharyavrate sthitaH || 117|| bhasmIkR^itaiShaNAbhatribhUtirekhAlalATakaH | UrIkR^itajagadrakSho dR^ikkoNakaruNekShaNaH || 118|| sudhAsrutisamAbhAShaH kaNThagasphaTikAvaliH | ambikAkrIDasaudhAbhAbhayahastaH purAnavaH || 119|| ShaDbhAvadUrastapasA dIptatejA budhArhitaH (500) | antarmukhaH sadA maunI jitatR^iShNo jitakShudhaH || 120|| gIrvANavANIsampoShalagnaH kShAmodaraH kR^ishaH | bahirmukho lokahite upavAsarato.aklamaH || 121|| dharmapoShaNasa~Nkalpo dharmaj~no dharmyapAlanaH | asa~NgavivR^itaj~nAnayogo vettA jitendriyaH || 122|| shiShyopadeshanirataH kAryAkAryaprabodhakaH | j~nAnamudrA~nchitakaraH kukkuTAsanasusthitaH || 123|| kAntaH padmAsanAsInaH kvachidutkaTakasthitaH | pArivrAjyAshramayashaHkArako mantratantravit || 124|| trayImArgopradeShTA.archyaH sarvatantrasvatantradhIH | vedAntasmR^ititattvaj~no dvaitAdvaitavichakShaNaH || 125|| shrutismR^itipurANAdisAravidvij~nasammataH | sArasvatAnugrahadoguNatrayavibhAgavit || 126|| kalighnaH kalyuchitasatsa~NgadhAtA viraktadhIH | shaivavaiShNavashAktAdilakShyabhedapradarshakaH || 127|| bhagavannAmaratikR^it nAmajapakamadhyagaH | amAnuShacharitrADhyashchAtimAnuShavIryavAn || 128|| tattadbhAShAgabhajanastutigItaprakAshakaH | chitrakarmaratashchitradarshanotsukamAnasaH || 129|| shilpachitrakalAbhij~nasaMrakShaNavidhaurataH | shilpachitrakalAbodhividyAlayavidhAyakaH || 130|| shilpi prachodakaH shilpaiH kR^itAlayapariShkR^itiH | svanAmavikhyAtavishvavidyAlayasamIkShakaH || 131|| vishvarAShTrIyasadgranthAlayalabdhAtmatoShaNaH | vidyAlayavrAtakR^itituShTo vidyAvivardhanaH || 132|| bherIpaTahavAdyAdimahitasvAgatotsavaH | sakR^itsmaraNasantuShTaH sarvaj~no j~nAnadAyakaH || 133|| darasmitamukhAmbhojaH kAntyA vijitabhAskaraH | svAnuShThityAkhyAtakarmayogo netA svakarmavit || 134|| svabhaktiyogaghaTitachandramaulipadadvayaH | saptakoTimahAmantravettA japtamahAmanuH || 135|| maitryAdivAsanAvAptasamadhIrlokasharmadaH | vaikharIjitavAgIshAshAvargajidagraNIH || 136|| prAchyAgrahArarachanArasikaH sthitarakShakaH | grAmINajanasadvR^ittividhAtA vihitArthadR^ik || 137|| shaivaH shAkto gANapato vaiShNavo.abhedadarshakaH | brahmacharyAtpravrajita eShaNAtrayavarjitaH || 138|| bhagavatpAdasmR^ityuttharomA~ncho.arativarjitaH | bhaktyAvanamravijayajayendreDyo yamIshvaraH || 139|| prapa~nchavyavahArANAM sAkShI sa~NgavivarjitaH | dvandvAtItaH suhR^idayo rAjayogasthirAntaraH || 140|| avasthAtritayAtItabhAnavAn sUritallajaH | vIkShAvivashitAsheShajanasvAntaH svarAD guhaH || 141|| shivo guruH shivaguruH shivagurvAtmajAshritaH | shrIkAmakoTipIThAgryaniketo gurutallajaH (600) || 142|| svavR^ittaprINitAsheShavibudho vibudhottamaH | mahAvAkyasamAmnAtatattvaj~nastattvabodhakaH || 143|| bhaktopahR^itasadgranthakR^itekShastatsthasAravit | j~nAnadAnotkamadhuravAgvilAso mahAmahAH || 144|| maryAdolla~NghanaratajanadUro.avidUragaH | bAlakotsAhado bAlasulabho bAladeshikaH || 145|| vyakto.avyakto.ativishadashchinmayashchitkalAdharaH | AkA~NkShyadarshano navyanavyarUpadhR^igIshvaraH || 146|| mUkavAchAlakR^itpa~NgusukarAdrIshala~NghanaH | sachChiShyarakShitaH shiShyarakShAkR^it shiShyavatsalaH || 147|| padavAkyapramANaj~naH prasthAnatrayapaNDitaH | bhaktAnAM paramaspaShTaH paramAkhyagurupriyaH || 148|| parard.hdhyaspR^iha ArteShTadAtA dharmaparAyaNaH | parjanyavaddhitakaraH parigrahavivarjitaH || 149|| pavanaH pAvanaH pUtasvAchAre paryavasthitaH | smaraNAdAdhishatahR^it bhavarugbheShajaM bhiShak || 150|| puNyakIrtiH puNyalabhyadarshanaH smR^itipAvanaH | puShkarAkShaH puShpahAsaH purujitpurusattamaH || 151|| bhUtabhavyabhavaddraShTA bhavyo rudrAkShabhUShaNaH | pragrahaH peshalaH prAMshuH shiShyadoShapratardanaH || 152|| brahma brahmavidAmagryaH prasannobrahmabhAvadaH | bhrAjiShNuH prANadaH prANanilayoma~NgalaM param || 153|| manojavo mArutajitshvAsAyAmo mahAkramaH | mahonidhirmahAbhAgo mahAbuddhirmahArhaNaH || 154|| mR^idusvano mahAvAgmI parA muktyarthinAM gatiH | sumedhayA dR^iShTalokavArtAko.adR^ishyadarshanaH || 155|| bhagavatpadavishrAnto netA yogavidAM satAm | ravimaNDalamadhyasthashrImAtrAlokatatparaH || 156|| chandramaNDaladR^iShTAtmadaivato bhAvanAbalI | vanamAlistutiparo varAroha udAravAk || 157|| kartA vikartA gahanacheShTo guhyasvavikramaH | vishvadR^iShTivisheShaj~no vidheyavinayAvahaH || 158|| virajomArgasa~nchArI virAmo virajo.ayanaH | AtmArAmo jitamanAH vihAyasagatipriyaH || 159|| vIro vItabhayo viShNurvegavAn vItadurbhagaH (700) | vyagro vyavasthito.akliShTavyavasAyo.avyathakramaH || 160|| vyAsasUktirato vyAsadR^iShTabhAratabhAvavit | rAmasetudhanuShkoTirAmeshvarachirasthitiH || 161|| agnitIrthe dvAdasheshali~NgadarshananirvR^itaH | abdhivelAtikramaNarodhimArutipUjakaH || 162|| vR^iShArUDhamaheshAnadarshanAsakta uttaraH | vAtyAdinaShTamArgasthadInAnAthAnnadAnakR^it || 163|| viviktasevI vijitakaraNaH pUtahR^ichChayaH | janmamR^ityujarAbhItipadAdAyI jitAntaraH || 164|| jitamanyurjitakrodho jitAmarSho.avyathendriyaH | jyotirAdityadattekShaH AtmajyotiShi niShThitaH || 165|| prabalendriyasa~NgharShajayIndriyavinodanaH | svakR^ityabharasa.nkSheptA sadAyogI satAM gatiH || 166|| satkR^ito dvijasatkartAsatpathAchAradeshikaH | satvasthaH satvavAnsAdhusandhAtA susamIhitaH || 167|| samiti~njayavAgbhUtiH sarvashAstravidAMvaraH | sarvadarshI sarvasahaH sarvayogaviniHsR^itaH || 168|| sarvAsunilayashrImatkAmAkShI padaniShThitaH | sahaH sahiShNuH sarvaj~na sAkShyAtmA siddhasAdhanaH || 169|| parAhantAbharanyastasvAhambhAva upekShakaH | dhanyanAmA dhanyakR^itiH dhanyatApAdanakShamaH || 170|| dharAdharakShamAshIlo darpahA saumyabhAvanaH | dharmagubdharmakR^iddharmI dharmAdhyakSho durArihA || 171|| dAkShiNyanidhirAshAntakhyAtakIrtiradAruNaH | dhR^itimAn jitaShaDvargo dIptimAndurgamAntaraH || 172|| durmarShaNo.apratirathaH turIyAtmani niShThitaH | duHsvapnahA duShkR^itihA varadeshaprasAdanaH || 173|| tejonidhirdyutidharo nirdhano draviNapradaH | dhR^itAtmA.a.anandano nandI nayanItasvajIvanaH || 174|| nigraho nigR^ihItAtmA nigrahAdhvapradarshakaH | niyato.aniyamojetAdhyAnanItakShaNAntaraH || 175|| naikakarmakR^idavyagro naikarUpo.anirUpitaH | bhagavAnbhagavatpAdasmR^itidhanyo bhavApahaH || 176|| anuttamapadadraShTA bhayakR^idbhayanAshanaH | akrUro.atIndriyadraShTA.agrAhyo.ashoko.atamA (800) dR^iDhaH || 177|| achintyavego.adhiShThAnasthito.adhokShaja AshramaH | kR^ite lokahite.atR^ipto.anantarUpa udIrataH || 178|| anirodhyo.aprameyAtmA vAde.atiratha ugradhIH | anukUlo.aravindAkSho.ameyashrIrdharaNIshayaH || 179|| amAnI mAnado mAnyo mitAshI mitabhAShaNaH | karaNIyAdanAvR^itto.akShobhya AnandabhAvanaH || 180|| udArachinto niHsvArtha UrjAvAnUrjitaH svataH | kapIndrabhakto garuDavAhanArAyaNArchakaH || 181|| kavihR^idyakathAvaktA.akAmo gurutamaH svayam | govindAShTakagAyI sukR^itAshIrgAtR^imadhyagaH || 182|| bhajagovindagAnena tuchCharAgavyapohanaH | kR^itaj~no gurupAdeShu kR^itadhIH svakR^itau svataH || 183|| bAlAdapi shrutanayaH chaturashraH shuchishravAH | svAmI shaktimatAMshreShThaH chaturvedavidarhaNaH || 184|| svAntargatArinivahaniyantA.abAhyashatrukaH | gokShIrachandanakShodaghR^itAdyairIshasechakaH || 185|| shabdAtigabrahmarataH shabdabrahmaNi niShThitaH | akShubdhachetA akruddhaH svashAstA shiShyashAsakaH || 186|| iShTho.avishiShTaH shiShTeShTaH shubhA~NgaH shubhadekShaNaH | shivArpitamanAH shrIshasevI shreyodasUktimAn || 187|| dAnto damayitA.adamyaH tIrNashrutyAdisAgaraH | siddhArthaH siddhasa~NkalpaH sutapA shubhadarshanaH || 188|| AshritAvananiShNAtasuprasAdaH sulochanaH | sumukhaH suruchiH sevA.a.ayAtArthisulabhaH sudR^ik || 189|| somayAgAdiviprendranirvartyakraturakShakaH | stavyaH stavapriyaH stotraM stutiH stotAstutAtigaH || 190|| sthaviro daNDadhR^it daNDApanItAshritarukchayaH | sthiraH spaShTAkSharo bilvatulasIsragvibhUShitaH || 191|| svastikR^itsvavashaH sva~NgaH svabhAvamR^idurakShitaH | havanaprItahutabhu~NmadhyageshvaradarshanaH || 192|| anugrahakShamaH kShAmadraShTA kShemakR^idIkShaNaH | kShetrakShetraj~nadR^iShTyAptasamadR^iShTirhita~NkaraH (901) || 193|| mahanIyaguNagrAmo jayendranyastapIThadhUH | svahaMsagamanavyAptabhArato vibudhAkR^itiH || 194|| kadannatR^iptaH kShAmodaro mugdhatarAnanaH | mahAdhvagamanAshrAnto mahApAshupatAkR^itiH || 195|| sAmagAnapriyaH sAmagAnatoShitasha~NkaraH | mahAmantrajapaprAptavibhUtirbhUtidonR^iNAm || 196|| sudhAdharIkR^itichaNasUktiH svIkR^itasaMyamaH | vR^ittau madhukarashchitte himovAgIshvaro dhiyA || 197|| suvAsinyarchanarato navakanyAsamarchakaH | suvAsinImaNDalagadevIdarshananirvR^itaH || 198|| ajapAjapasuprItaH kAmAkShIprakaTAkR^itiH | devyai navanavasnigdhamadhurAnnanivedakaH || 199|| agrajAgro.achintyaguNo.agarvito.amaravAgvadaH | vaidikaistAntrikairmantrairarhitAmbohyatAntrikaH || 200|| anAkalitasAdR^ishyaH shrIvidyAmantratantravit | sarvAdhishAyikaruNolalitaH smitarochiShA || 201|| advaitaM satyamityAkhyanmadhyArjunashivArchakaH | tryAshramasthairarhitA~NghriH pratyak chitivimarshakaH || 202|| dayamAno dIrghadR^iShTiH gurusa~NketapAlakaH | nijasaMlApamAdhuryahR^itasajjanamAnasaH || 203|| upachAraiH ShoDashabhirmAnasairmahiteshvaraH | AbAlagopaviditaH karmAkarmavibhAgavit || 204|| luptavighnaH svAshritAnAM R^ijuchittasamIpagaH | daivIsampaddhR^itAkAro daivIsampannidhAnabhUH || 205|| ambApAdAvalambisvajIvanaH sukhajIvanaH | maunyacheShTo.avachanapravaktA shrotR^itarpakaH || 206|| jarAshoShitasarvA~Ngo jarayA.ajaritAntaraH | vAchApanItavaimatyaH shAstrarakShaNatatparaH || 207|| guruvAre shAstravidbhiH kR^itashAstravichAraNaH | svajanmabhAnurAdhAsu vedarakShAvichArakR^it || 208|| aprauDhakanyodvAhArthanidhido lokanAyakaH | anAthapretasaMskAropakR^innidhividhAyakaH || 209|| vedabhAShyAdhItipAlaH kShudhitAnnavitArakaH | muShTitaNDulachittyAttaniHsvAlayasupoShaNaH || 210|| rugNAlayagatArtAnAM IshAnugrahavedakaH | kalavaisthasvagururADvR^indAvanachirasthitiH || 211|| satArAkShetragodIchya chidambarashivAshrayaH | dehalInirmitAdryagrya svAmishaileshamandiraH || 212|| sharaNAgatadInArtaparitrANaparAyaNaH | AmnAyasAragulikAchUShakaH svachChahR^ichChayaH || 213|| viditAtmarasAnandAsvAdatyaktaiShaNaH svabhUH | siMhAsaneshImanurADjapanistandritAntaraH || 214|| AtmAnandarasAsvAdArdhasammIlitapakShmakaH | pUjAgehAnantarabhUkR^itavAso.aniketanaH || 215|| mahAgurumahAsvAmiparamAchAryasa.nj~nakaH | navomahAnitikhyAta shiShyaH shiShyopanAyakaH || 216|| deshapAlairarchitA~NghriH koTyatItajanairnutaH | shrIjayendrasarasvatyai svayamadvaitabodhakaH || 217|| shiShyAya yogali~NgArchAmArganirdeshakArakaH | sundarIvarivasyArha shrIvidyAdIkShitAshravaH || 218|| prakhyApitaprashiShyashcha bAlasvAmIti sa.nj~nayA | svasannidhau prashiShyAya bodhitAdvaita AshukR^it || 219|| shiShyaprashiShyanirvR^ittashatAbdIparamotsavaH | vedaishchaturbhirvipraughaghoShitairmuditAntaraH || 220|| pAdapIThe nyastapAdo hemasiMhAsanAsthitaH | gurudvitayashiShyAgryakR^itachAmaravIjanaH || 221|| shiShyairjayendraiH kanakamudrAkR^itapadArchanaH | vR^indAvanesannihitaH kA~nchyantaritavigrahaH (1000) | svarchyaH staveDyaH stutyAtmApuraHsphuritabhAtanuH || 223|| nAdyAstIti bhrAntibhItasvAnte.asmItipradarshakaH | kA~nchyAM shrIkAmakoTyAkhyapIThagaH sha~Nkaro guruH || 224|| pUjyashrIcharaNaH chandrashekharendrasarasvatI | mahAsvAmI vijayatAchChAradAmaThasusthitaH (1008) || 225|| namaste paramAchArya mahAsvAmin mahAguro | vR^indAvane sannihita rakSha vR^indamimaM svakam || 226|| nAmastavanamAtreNapuraH sphuritavigrahaH | darshayatyAtmacharitaM modayannaH paroguruH || 227|| imaM stavamadhIyAnaH shraddhAbhaktisamanvitaH | Apnoti sampadaM sarvAmiShTAmarthyAM shubhekShaNaH || 228|| shrIchandrashekharendrasarasvatI sahasranAmastotraM sampUrNam | shrI guro jaya vijayIbhava | ## Proofread by Aruna Narayanan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}