% Text title : dattAtreyavajrakavacham % File name : dattAtreyavajrakavacham.itx % Category : kavacha, deities\_misc, dattatreya % Location : doc\_deities\_misc % Author : Traditional % Transliterated by : Ravin Bhalekar ravibhalekar at hotmail.com % Proofread by : Ravin Bhalekar ravibhalekar at hotmail.com % Description-comments : rudrayAmale himavatkhaNDeumAmaheshvara sa.nvAde % Latest update : December 6, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Dattatreya Vajrakavacham ..}## \itxtitle{.. shrIdattAtreyavajrakavacham ..}##\endtitles ## shrIgaNeshAya namaH | shrIdattAtreyAya namaH | R^iShaya UchuH | kathaM sa~NkalpasiddhiH syAdvedavyAsa kalau yuge | dharmArthakAmamokShANAM sAdhanaM kimudAhR^itam || 1|| vyAsa uvAcha | shR^iNvantuR^iShayaH sarve shIghraM sa~NkalpasAdhanam | sakR^iduchchAramAtreNa bhogamokShapradAyakam || 2|| gaurIshR^i~Nge himavataH kalpavR^ikShopashobhitam | dIpte divyamahAratnahemamaNDapamadhyagam || 3|| ratnasi.nhAsanAsinaM prasannaM parameshvaram | mandasmitamukhAmbhojaM sha~NkaraM prAha pArvatI || 4|| shrIdevyuvAcha | devadeva mahAdeva lokasha~Nkara sha~Nkara | mantrajAlAni sarvANi yantrajAlAni kR^itsnashaH || 5|| tantrajAlAnyanekAni mayA tvattaH shrutAni vai | idAnIM draShTumichChAmi visheSheNa mahItalam || 6|| ityudIritamAkarNya pArvatyA parameshvaraH | kareNAmR^ijya santoShAtpArvatIM pratyabhAShata || 7|| mayedAnIM tvayA sArdhaM vR^iShamAruhya gamyate | ityuktvA vR^iShamAruhya pArvatyA saha sha~NkaraH || 8|| yayau bhUmaNDalaM draShTuM gauryAshchitrANi darshayan | kvachit vindhyAcalaprAnte mahAraNye sudurgame || 9|| tatra vyAhartumAyAntaM bhillaM parashudhAriNam | vardhyamAnaM mahAvyAghraM nakhadaMShTrAbhirAvR^itam || 10|| atIva chitrachAritryaM vajrakAyasamAyutam | aprayatnamanAyAsamakhilaM sukhamAsthitam || 11|| palAyantaM mR^igaM pashchAdvyAghro bhItyA palAyitaH | etadAshcharyamAlokya pArvatI prAha sha~Nkaram || 12|| shrIpArvatyuvAcha | kimAshcharyaM kimAshcharyamagre shambho nirIkShyatAm | ityuktaH sa tataH shambhurdR^iShTvA prAha purANavit || 13|| shrIsha~Nkara uvAcha | gauri vakShyAmi te chitramavA~NmAnasagocharam | adR^iShTapUrvamasmAbhirnAsti ki~nchanna kutrachit || 14|| mayA samyak samAsena vakShyate shR^iNu pArvati | ayaM dUrashravA nAma bhillaH paramadhArmikaH || 15|| samitkushaprasUnAni kandamUlaphalAdikam | pratyahaM vipinaM gatvA samAdAya prayAsataH || 16|| priye pUrvaM munIndrebhyaH prayachChati na vA~nChati | te.api tasminnapi dayAM kurvate sarvamauninaH || 17|| dalAdano mahAyogI vasanneva nijAshrame | kadAchidasmarat siddhaM dattAtreyaM digambaram || 18|| dattAtreyaH smartR^igAmI chetihAsaM parIkShitum | tatkShaNAtso.api yogIndro dattAtreyaH samutthitaH || 19|| taM dR^iShTvA.a.ashcharyatoShAbhyAM dalAdanamahAmuniH | sampUjyAgre niShIdantaM dattAtreyamuvAcha tam || 20|| mayopahUtaH samprApto dattAtreya mahAmune | smartR^igAmI tvamityetat ki.nvadantI parIkShitum || 21|| mayAdya sa.nsmR^ito.asi tvamaparAdhaM kShamasva me | dattAtreyo muniM prAha mama prakR^itirIdR^ishI || 22|| abhaktyA vA subhaktyA vA yaH smarenmAmananyadhIH | tadAnIM tamupAgatya dadAmi tadabhIpsitam || 23|| dattAtreyo muniM prAha dalAdanamunIshvaram | yadiShTaM tadvR^iNIShva tvaM yat prApto.ahaM tvayA smR^itaH || 24|| dattAtreyaM muniH prAha mayA kimapi nochyate | tvachchitte yatsthitaM tanme prayachCha munipu~Ngava || 25|| shrIdattAtreya uvAcha | mamAsti vajrakavachaM gR^ihANetyavadanmunim | tathyetya~NgIkR^itavate dalAdanamunaye muniH || 26|| svavajrakavachaM prAha R^iShichChandaHpuraHsaram | nyAsaM dhyAnaM phalaM tatra prayojanamasheShataH || 27|| asya shrIdattAtreyavajrakavachastotramantrasya\, kirAtarUpI mahArudra R^iShiH\, anuShTup ChandaH\, shrIdattAtreyo devatA\, drAM bIjaM\, AM shaktiH\, krauM kIlakaM\, OM Atmane namaH | OM drIM manase namaH | OM AM drIM shrIM sauH OM klAM klIM klUM klaiM klauM klaH | shrIdattAtreyaprasAdasiddhyarthe jape viniyogaH || atha karanyAsaH | OM drAM a~NguShThAbhyAM namaH | OM drIM tarjanIbhyAM namaH | OM drUM madhyamAbhyAM namaH | OM draiM anAmikAbhyAM namaH | OM drauM kaniShThikAbhyAM namaH | OM draH karatalakarapR^iShThAbhyAM namaH || atha hR^idayAdinyAsaH | OM drAM hR^idayAya namaH | OM drIM shirase svAhA | OM drUM shikhAyai vaShaT | OM draiM kavachAya huM | OM drauM netratrayAya vauShaT | OM draH astrAya phaT | OM bhUrbhuvaHsvaromiti digbandhaH || atha dhyAnam | jagada~NkurakandAya sachchidAnandamUrtaye | dattAtreyAya yogIndrachandrAya paramAtmane || 1|| kadA yogI kadA bhogI kadA nagnaH pishAchavat | dattAtreyo hariH sAkShAdbhuktimuktipradAyakaH || 2|| vArANasIpurasnAyI kolhApurajapAdaraH | mAhurIpurabhikShAshI sahyashAyI digambara || 3|| indranIlasamAkArashchandrakAntisamadyutiH | vaiDuryasadR^ishasphUrtishchalatki~nchijjaTAdharaH || 4|| snigdhadhAvalyayuktAkSho.atyantanIlakanInikaH | bhrUvakShaHshmashrunIlA~NkaH sashA~NkasadR^ishAnanaH || 5|| hAsanirjitanIhAraH kaNThanirjitakambukaH | mA.nsalA.nso dIrghabAhuH pANinirjitapallavaH || 6|| vishAlapInavakShAshcha tAmrapANirdalodaraH | pR^ithulashroNilalito vishAlajaghanasthalaH || 7|| rambhAstambhopamAnorurjAnupUrvaikaja~NghakaH | gUDhagulphaH kUrmapR^iShTholasatpAdoSharisthalaH || 8|| raktAravindasadR^isharamaNIyapadAdharaH | charmAmbaradharo yogI smartR^igAmI kShaNe kShaNe || 9|| j~nAnopadeshanIrato vipaddharaNadIkShitaH | siddhAsanasamAsIna R^ijukAyo hasanmukhaH || 10|| vAmahastena varado dakShiNenAbhaya~NkaraH | bAlonmattapishAchIbhiH kvachidyuktaH parIkShitaH || 11|| tyAgI bhogI mahAyogI nityAnando nira~njanaH | sarvarUpI sarvadAtA sarvagaH sarvakAmadaH || 12|| bhasmoddhUlitasarvA~Ngo mahApAtakanAshanaH | bhuktiprado muktidAtA jIvanmukto na sa.nshayaH || 13|| evaM dhyAtvA.ananyachitto madvajrakavachaM paThet | mAmeva pashyansarvatra sa mayA saha sa~Ncharet || 14|| digambaraM bhasmasugandhalepanaM chakraM trishUlaM DamaruM gadAyudham | padmAsanaM yogimunIndravanditaM datteti nAmasmaraNena nityam || 15|| ##(##atha pa~nchopachAraiH saMpUjya OM drAM iti aShTottarashatavAraM japet##)## OM drAm | atha kavacham | OM dattAtreyaH shiraH pAtu sahasrAbjeShu sa.nsthitaH | bhAlaM pAtvAnasUyeyashchandramaNDalamadhyagaH || 1|| kUrchaM manomayaH pAtu haM kShaM dvidalapadmabhUH | jyotirUpo.akShiNI pAtu pAtu shabdAtmakaH shrutI || 2|| nAsikAM pAtu gandhAtmA mukhaM pAtu rasAtmakaH | jihvAM vedAtmakaH pAtu dantoShThau pAtu dhArmikaH || 3|| kapolAvatribhUH pAtu pAtvasheShaM mamAtvavit | svarAtmA ShoDashArAbjasthitaH svAtmA.avatAdgalam || 4|| skandhau chandrAnujaH pAtu bhujau pAtu kR^itAdibhUH | jatruNI shatrujit pAtu pAtu vakShaHsthalaM hariH || 5|| kAdiThAntadvAdashArapadmago marudAtmakaH | yogIshvareshvaraH pAtu hR^idayaM hR^idayasthitaH || 6|| pArshve hariH pArshvavartI pAtu pArshvasthitaH smR^itaH | haThayogAdiyogaj~naH kukShI pAtu kR^ipAnidhiH || 7|| DakArAdiphakArAntadashArasarasIruhe | nAbhisthale vartamAno nAbhiM vahnyAtmako.avatu || 8|| vahnitatvamayo yogI rakShatAnmaNipUrakam | kaTiM kaTisthabrahmANDavAsudevAtmako.avatu || 9|| bakArAdilakArAntaShaTpatrAmbujabodhakaH | (vakrAdi) jalatatvamayo yogI svAdhiShThAnaM mamAvatu || 10|| siddhAsanasamAsIna UrU siddheshvaro.avatu | vAdisAntachatuShpatrasaroruhanibodhakaH || 11|| mUlAdhAraM mahIrUpo rakShatAdvIryanigrahI | pR^iShThaM cha sarvataH pAtu jAnyunyastakarAmbujaH || 12|| ja~Nghe pAtvavadhUtendraH pAtva~NghrI tIrthapAvanaH | sarvA~NgaM pAtu sarvAtmA romANyavatu keshavaH || 13|| charma charmAmbaraH pAtu raktaM bhaktipriyo.avatu | mA.nsaM mA.nsakaraH pAtu majjAM majjAtmako.avatu || 14|| asthIni sthiradhIH pAyAnmedhAM vedhAH prapAlayet | shukraM sukhakaraH pAtu chittaM pAtu dR^iDhAkR^itiH || 15|| manobuddhimaha~NkAraM hR^iShIkeshAtmako.avatu | karmendriyANi pAtvIshaH pAtu j~nAnendriyANyajaH || 16|| bandhUn bandhUttamaH pAyAchChatrubhyaH pAtu shatrujit | gR^ihArAmadhanakShetraputrAdI~nCha~Nkaro.avatu || 17|| bhAryAM prakR^itivit pAtu pashvAdInpAtu shAr~NgabhR^it | prANAnpAtu pradhAnaj~no bhakShyAdInpAtu bhAskaraH || 18|| sukhaM chandrAtmakaH pAtu duHkhAt pAtu purAntakaH | pashUnpashUpatiH pAtu bhUtiM bhUteshvaro mama || 19|| prAchyAM viShaharaH pAtu pAtvAgneyyAM makhAtmakaH | yAmyAM dharmAtmakaH pAtu nairR^ityAM sarvavairihR^it || 20|| varAhaH pAtu vAruNyAM vAyavyAM prANado.avatu | kauberyAM dhanadaH pAtu pAtvaishAnyAM mahAguruH || 21|| urdhvaM pAtu mahAsiddhaH pAtvadhastAjjaTAdharaH | rakShAhInaM tu yatsthAnaM rakShatvAdimunIshvaraH || 22|| OM drAm | mAlAmantrajapaH | (punaH) atha karanyAsaH | OM drAM a~NguShThAbhyAM namaH | OM drIM tarjanIbhyAM namaH | OM drUM madhyamAbhyAM namaH | OM draiM anAmikAbhyAM namaH | OM drauM kaniShThikAbhyAM namaH | OM draH karatalakarapR^iShThAbhyAM namaH || atha hR^idayAdinyAsaH | OM drAM hR^idayAya namaH | OM drIM shirase svAhA | OM drUM shikhAyai vaShaT | OM draiM kavachAya huM | OM drauM netratrayAya vauShaT | OM draH astrAya phaT | OM bhUrbhuvaHsvaromiti digbandhaH || etanme vajrakavachaM yaH paThechChR^iNuyAdapi | vajrakAyashchira~njIvI dattAtreyo.ahamabruvam || 23|| tyAgI bhogI mahAyogI sukhaduHkhavivarjitaH | sarvatrasiddhasa~Nkalpo jIvanmukto.adya vartate || 24|| ityuktvAntardadhe yogI dattAtreyo digambaraH | dalAdano.api tajjaptvA jIvanmuktaH sa vartate || 25|| bhillo dUrashravA nAma tadAnIM shrutavAdinam | sakR^ichChravaNamAtreNa vajrA~Ngo.abhavadapyasau || 26|| ityetadvajrakavachaM dattAtreyasya yoginaH | shrutvAsheShaM shambhumukhAt punarapyAha pArvatI || 27|| pArvatyuvAcha | etatkavachamAhAtmyaM vada vistarato mama | kutra kena kadA jApyaM kiM yajApyaM kathaM katham || 28|| uvAcha shambhustatsarvaM pArvatyA vinayoditam | shrIshiva uvAcha | shruNu pArvati vakShyAmi samAhitamanAvilam || 29|| dharmArthakAmamokShANAmidameva parAyaNam | hastyashvarathapAdAtisarvaishvaryapradAyakam || 30|| putramitrakalatrAdisarvasantoShasAdhanam | vedashAstrAdividyAnAM nidhAnaM paramaM hi tat || 31|| sa~NgItashAstrasAhityasatkavitvavidhAyakam | buddhividyAsmR^itipraj~nAmatiprauDhipradAyakam || 32|| sarvasantoShakaraNaM sarvaduHkhanivAraNam | shatru sa.nhArakaM shIghraM yashaHkIrtivivardhanam || 33|| aShTasa.nkhyA mahArogAH sannipAtAstrayodasha | ShaNNavatyakShirogAshcha vi.nshatirmeharogakAH || 34|| aShTAdasha tu kuShThAni gulmAnyaShTavidhAnyapi | ashItirvAtarogAshcha chatvArishattu paittikAH || 35|| vi.nshatishleShmarogAshcha kShayachAturthikAdayaH | mantrayantrakuyogAdyAH kalpatantrAdinirmitAH || 36|| brahmarAkShasavetAlakUShmANDAdigrahodbhavAH | sa~NgajAH deshakAlasthAstApatrayasamutthitAH || 37|| navagrahasamudbhUtA mahApAtakasambhavAH | sarve rogAH praNashyanti sahasrAvartanAddhruvam || 38|| ayutAvR^ittimAtreNa vandhyA putravatI bhavet | ayutadvitayAvR^ittyA hyapamR^ityujayo bhavet || 39|| ayutatritayAchchaiva khecharatvaM prajAyate | sahasrAdayutAdarvAk sarvakAryANi sAdhayet || 40|| lakShAvR^ityA kAryasiddhirbhavetyeva na sa.nshayaH || 41|| viShavR^ikShasya mUleShu tiShThan vai dakShiNAmukhaH | kurute mAsamAtreNa vairiNaM vikalendriyam || 42|| audumbaratarormUle vR^iddhikAmena jApyate | shrIvakShamUle shrIkAmI tintiNI shAntikarmaNi || 43|| ojaskAmo.ashvatthamUle strIkAmaiH sahakArake | j~nAnArthI tulasImUle garbhagehe sutArthibhiH || 44|| dhanArthibhistu sukShetre pashukAmaistu goShThake | devAlaye sarvakAmaistatkAle sarvadarshitam || 45|| nAbhimAtrajale sthitvA bhAnumAlokya yo japet | yuddhe vA shAstravAde vA sahasreNa jayo bhavet || 46|| kaNThamAtre jale sthitvA yo rAtrau kavachaM paThet | jvarApasmArakuShThAditApajvaranivAraNam || 47|| yatra yatsyAtsthiraM yadyatprasannaM tannivartate | tena tatra hi japtavyaM tataH siddhirbhaveddhruvam || 48|| ityuktvAn cha shivo gaurye rahasyaM paramaM shubham | yaH paThet vajrakavachaM dattAtreyosamo bhavet || 49|| evaM shivena kathitaM himavatsutAyai proktaM dalAdamunaye.atrisutenapUrvam | yaH ko.api vajrakavachaM paThatIha loke dattopamashcharati yogivarashchirAyuH || 50|| || iti shrIrudrayAmale himavatkhaNDe mantrashAstre upAsanAkhaNDe shivavijayasiddhAnte umAmaheshvarasa.nvAde shrIdattAtreyavajrakavachastotraM sampUrNam || || shrIdattAtreyArpaNamastu | ## Encoded and proofread by Ravin Bhalekar ravibhalekar at hotmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}