% Text title : datta bhAvasudhArasa stotram % File name : dattabhaavasudhaarasastotram.itx % Category : deities\_misc, dattatreya, stotra, vAsudevAnanda-sarasvatI % Location : doc\_deities\_misc % Author : vAsudevAnanda sarasvatI % Transliterated by : Arun Shantharam shantharam.arun at gmail.com % Proofread by : Arun Shantharam shantharam.arun at gmail.com % Latest update : April 4, 2009 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrI datta bhAvasudhArasa stotram ..}## \itxtitle{.. shrIdatta bhAvasudhArasastotram ..}##\endtitles ## shrI datta bhAvasudhArasa stotram | dattAtreyaM paramasukhamayaM vedageyaM hyameyaM yogidhyeyaM hR^itanijabhayaM svIkR^itAnekakAyam | duShTAgamyaM vitatavijayaM devadaityarShivandyaM vande nityaM vihitavinayaM chAvyayaM bhAvagamyam || 1|| dattAtreya namo.astu te bhagavate pApakShayaM kurvate dAridryaM harate bhayaM shamayate kAruNyamAtanvate | bhaktAnuddharate shivaM cha dadate satkIrtimAtanvate bhUtAndrAvayate varaM pradadate shreyaH pate sadgate || 2|| ekaM saubhAgyajanakaM tArakaM lokanAyakam | vishokaM trAtabhajakaM namasye kAmapUrakam || 3|| nityaM smarAmi te pAde hatakhede sukhaprade | pradehi me shuddhabhAvaM bhAvaM yo vArayeddrutam || 4|| samastasampatpradamArtabaMdhuM samastakalyANadamastabaMdhum | kAruNyasiMdhuM praNamAmi dattaM yaH shodhayatyAshu malInachittam || 5|| samastabhUtAMtarabAhyavartI yashchAtriputro yatichakravartI | sukIrtisaMvyAptadigaMtarAlaH sa pAtu mAM nirjitabhaktakAlaH || 6|| vyAdhyAdhidAridryabhayArtihartA svaguptaye.anekasharIradhartA svadAsabhartA bahudhA vihartA kartApyakartA svavasho.arihartA || 7|| sa chAnasUyAtanayo.abhavadyo viShNuH svayaM bhAvikarakShaNAya | guNA yadIyA ma hi buddhimadbhirgaNyaMta AkalpamapIha dhAtrA || 8|| na yatkaTAkShAmR^itavR^iShTito.atra tiShThanti tApAH sakalAH paratra | yaH sadgatiM sampradadAti bhUmA sa me.antare tiShThatu divyadhAmA || 9|| sa tvaM prasIdAtrisutArtihArin digambara svIyamanovihArin | duShTA lipiryA likhitAtra dhAtrA kAryA tvayA sA.atishubhA vidhAtrA || 10|| sarvamaMgalasaMyukta sarvaishvaryasamanvita | prasanne tvayi sarveshe kiM keShAM durlabhaM kuha || 11|| hArdAMdhatimiraM hantuM shuddhaj~nAnaprakAshaka | tvadaMghrinakhamANikyadyutirevAlamIsha naH || 12|| svakR^ipArdrakaTAkSheNa vIkShase chetsakR^iddhi mAm | bhaviShyAmi kR^itArtho.atra pAtraM chApi sthitestava || 13|| kva cha mando varAko.ahaM kva bhavAnbhagavAnprabhuH | athApi bhavadAvesha bhAgyavAnasmi te dR^ishA || 14|| vihitAni mayA nAnA pAtakAni cha yadyapi | athApi te prasAdena pavitro.ahaM na saMshayaH || 15|| svalIlayA tvaM hi janAnpunAsi tanme svalIlA shravaNaM prayachCha | tasyAH shruteH sAndravilochano.ahaM punAmi chAtmAnamatIva deva || 16|| purataste sphuTaM vachmi doSharAshirahaM kila | doShA mamAmitAH pAMsuvR^iShTibindusamA vibhoH || 17|| pApIyasAmahaM mukhyastvaM tu kAruNikAgraNIH | dayanIyo na hi kvApi madanya iti bhAti me || 18|| IdR^ishaM mAM vilokyApi kR^ipAlo te mano yadi | na dravettarhi kiM vAchyamadR^iShTaM me tavAgrataH || 19|| tvameva sR^iShTavAnsarvAndattAtreya dayAnidhe | vayaM dInatarAH putrAstavAkalpAH svarakShaNe || 20|| jayatu jayatu datto devasa~NghAbhipUjyo jayatu jayatu bhadro bhadrado bhAvukejyaH | jayatu jayatu nityo nirmalaj~nAnavedyo jayatu jayatu satyaH satyasaMdho.anavadyaH || 21|| yadyahaM tava putraH syAM pitA mAtA tvameva me | dayAstanyAmR^itenAshu mAtastvamabhiShi~ncha mAm || 22|| IshAbhinnanimittopAdanAtsraShTurasya te | jagadyone suto nAhaM datta mAM paripAhyataH || 23|| tava vatsasya me vAkyaM sUktaM vA.asUktamapyaho | kShantavyaM me.aparAdhashcha tvatto.anyA na gatirhi me || 24|| ananyagatikasyAsya bAlasya mama te pitaH | na sarvathochitopekShA doShANAM gaNanApi cha || 25|| aj~nAnitvAdakalpatvAddoShA mama pade pade | bhavanti kiM karomIsha karuNAvaruNAlaya || 26|| athApi me.aparAdhaishchedAyAsyantarviShAdatAm | padAhatArbhakeNApi mAtA ruShyati kiM bhuvi || 27|| ra~Nkama~NkagataM dInaM tADayantaM padena cha | mAtA tyajati kiM bAlaM pratyutAshvAsayatyaho || 28|| tAdR^ishaM mAmakalpaM chennAshvAsayasi bho prabho | ahahA bata dInasya tvAM vinA mama kA gatiH || 29|| shishurnAyaM shaThaH svArthItyapi nAyAtu te.antaram | loke hi kShudhitA bAlAH smaranti nijamAtaram || 30|| jIvanaM bhinnayoH pitrorloka ekatarAchChishoH | tvaM tUbhayaM datta mama mA.astu nirdayatA mayi || 31|| stavanena na shakto.asmi tvAM prasAdayituM prabho | brahmAdyAshchakitAstatra mando.ahaM shaknuyAM katham || 32|| datta tvadbAlavAkyAni sUktAsUktAni yAni cha | tAni svIkuru sarvaj~na dayAlo bhaktabhAvana || 33|| ye tvA sharaNamApannAH kR^itArthA abhavanhi te | etadvichArya manasA datta tvAM sharaNaM gataH || 34|| tvanniShThAstvatparA bhaktAstava te sukhabhAginaH | iti shAstrAnurodhena datta tvAM sharaNaM gataH || 35|| svabhaktAnanugR^ihNAti bhagavAn bhaktavatsalaH | iti sa~nchitya sa~nchitya katha~nchiddhArayAmyasUn || 36|| tvadbhaktastvadadhIno.ahamasmi tubhyaM samarpitam | tanuM mano dhanaM chApi kR^ipAM kuru mamopari || 37|| tvayi bhaktiM naiva jAne na jAne.archanapaddhatim | kR^itaM na dAnadharmAdi prasAdaM kuru kevalam || 38|| brahmacharyAdi nAchIrNaM nAdhItA vidhitaH shrutiH | gArhasthyaM vidhinA datta na kR^itaM tatprasIda me || 39|| na sAdhusa~Ngamo me.asti na kR^itaM vR^iddhasevanam | na shAstrashAsanaM datta kevalaM tvaM dayAM kuru || 40|| j~nAte.api dharme nahi me pravR^itti\- rj~nAte.apyadharme na tato nivR^ittiH || shrIdattanAthena hR^idi sthitena yathA niyukto.asmi tathA karomi || 41|| kR^itiH sevA gatiryAtrA smR^itishchintA stutirvachaH | bhavantu datta me nityaM tvadIyA eva sarvathA || 42|| pratij~nA te na bhaktA me nashyantIti sunishchitam | shrIdatta chitta AnIya jIvanaM dhArayAmyaham || 43|| datto.ahaM te mayetIsha AtmadAnena yo.abhavat | anasUyAtriputraH sa shrIdattaH sharaNaM mama || 44|| kArtavIryArjunAyAdAdyogardhimubhayIM prabhuH | avyAhatagatiM chAsau shrIdattaH sharaNaM mama || 45|| AnvIkShikImalarkAya vikalpatyAgapUrvakam | yo.adAdAchAryavaryaH sa shrIdattaH sharaNaM mama || 46|| chaturviMshatigurvAptaM heyopAdeyalakShaNam | j~nAnaM yo yadave.adAtsa shrIdattaH sharaNaM mama || 47|| madAlasAgarbharatnAlarkAya prAhiNochcha yaH | yogapUrvAtmavij~nAnaM shrIdattaH sharaNaM mama || 48|| AyurAjAya satputraM sevAdharmaparAya yaH | pradadau sadgatiM chaiSha shrIdattaH sharaNaM mama || 49|| lokopakR^itaye viShNudattaviprAya yo.arpayat | vidyAstachChrAddhabhugyaH sa shrIdattaH sharaNaM mama || 50|| bhartrA sahAnugamanavidhiM yaH prAha sarvavit | rAmamAtre reNukAyai shrIdattaH sharaNaM mama || 51|| samUlamAhnikaM karma somakIrtinR^ipAya yaH | mokShopayogi sakalaM shrIdattaH sharaNaM mama || 52|| nAmadhAraka bhaktAya nirviNNAya vyadarshayat | tuShTaH stutyA svarUpaM sa shrIdattaH sharaNaM mama || 53|| yaH kalibrahmasaMvAdamiSheNAha yugasthitIH | gurusevAM cha siddhA.a.asyAchChrIdattaH sharaNaM mama || 54|| durvAsaHshApamAshrutya yo.ambarIShArthamavyayaH | nAnAvatAradhArI sa shrIdattaH sharaNaM mama || 55|| anasUyAsatIdugdhAsvAdAyeva trirUpataH | avAtaradajo yo.api shrIdattaH sharaNaM mama || 56|| pIThApure yaH sumatibrAhmaNIbhaktito.abhavat | shrIpAdastatsutastrAtA shrIdattaH sharaNaM mama || 57|| prakAshayAmAsa siddhamukhAtsthApanamAditaH | mahAbaleshvarasyaiSha shrIdattaH sharaNaM mama || 58|| chaNDAlyapi yato muktA gokarNe tatra yo.avasat | li~NgatIrthamaye tryabdaM shrIdattaH sharaNaM mama || 59|| kR^iShNAdvIpe kurupure kuputraM jananIyutam | yo hi mR^ityorapAchChrIpAchChrIdattaH sharaNaM mama || 60|| rajakAyApi dAsyanyo rAjyaM kurupure prabhuH | tiro.abhUdaj~nadR^iShTyA sa shrIdattaH sharaNaM mama || 61|| vishvAsaghAtinashchorAnsvabhaktaghnAnnihatya yaH | jIvayAmAsa bhaktaM sa shrIdattaH sharaNaM mama || 62|| kara~njanagare.ambAyAH pradoShavratasiddhaye | yo.abhUtsuto nR^iharyAkhyaH shrIdattaH sharaNaM mama || 63|| mUko bhUtvA vratAtpashchAdvadanvedAnsvamAtaram | pravrajan bodhayAmAsa shrIdattaH sharaNaM mama || 64|| kAshIvAsI sa saMnyAsI nirAshIShTvaprado vR^iSham | vaidikaM vishadIkurvan shrIdattaH sharaNaM mama || 65|| bhUmiM pradakShiNIkR^itya sashiShyo vIkShya mAtaram | jahAra dvijashUlArtiM shrIdattaH sharaNaM mama || 66|| shiShyatvenorarIkR^itya sAyaMdevaM rarakSha yaH || bhIte cha krUrayavanAchChrIdattaH sharaNaM mama || 67|| prerayattIrthayAtrAyai tIrtharUpo.api yaH svakAn | samyagdharmamupAdishya shrIdattaH sharaNaM mama || 68|| sashiShyaH paryalIkShetre vaidyanAthasamIpataH | sthitvoddadhAra mUDho yaH shrIdattaH sharaNaM mama || 69|| vidvatsutamavidyaM yo AgataM lokaninditam | ChinnajihvaM budhaM chakre shrIdattaH sharaNaM mama || 70|| nR^isiMhavATikAstho yaH pradadau shAkabhu~N\-nidhim | daridrabrAhmaNAyAsau shrIdattaH sharaNaM mama || 71|| bhaktAya tristhalIyAtrAM darshayAmAsa yaH kShaNAt | chakAra varadaM kShetraM sa shrIdattaH sharaNaM mama || 72|| pretArtiM vArayitvA yo brAhmaNyai bhaktibhAvitaH | dadau putrau sa gatidaH shrIdattaH sharaNaM mama || 73|| tattvaM yo mR^itaputrAyai bodhayitvApyajIvayat | mR^itaM kalpadrumasthaH sa shrIdattaH sharaNaM mama || 74|| dohayAmAsa bhikShArthaM yo vandhyAM mahiShIM prabhuH | dAridryadAvadAvaH sa shrIdattaH sharaNaM mama || 75|| rAjaprArthita etyAsthAnmaThe yo gANagApure | brahmarakShaH samuddhartA shrIdattaH sharaNaM mama || 76|| vishvarUpaM nindakAya shibikAsthaH svala~NkR^itaH | garvahA darshayadyaH sa shrIdattaH sharaNaM mama || 77|| trivikrameNa chAnItau garvitau brAhmaNadviShau | bodhayAmAsa tau yaH sa shrIdattaH sharaNaM mama || 78|| uktvA chaturvedashAkhAtada~NgAdikamIshvaraH | vipragarvaharo yaH sa shrIdattaH sharaNaM mama || 79|| saptajanmavidaM saptarekholla~Nghanato dadau | yo hInAya shrutisphUrtiH shrIdattaH sharaNaM mama || 80|| trivikramAyAha karmagatiM dattavidA punaH | viyuktaM patitaM chakre shrIdattaH sharaNaM mama || 81|| rakShase vAmadevena bhasmamAhAtmyamudgatim | uktAM trivikramAyAha shrIdattaH sharaNaM mama || 82|| gopInAthasuto rugNo mR^itastatstrI shushocha tAm | bodhayAmAsa yo yogI shrIdattaH sharaNaM mama || 83|| gurvagastyarShisaMvAdarUpaM strIdharmamAha yaH | rUpAntareNa sa prAj~naH shrIdattaH sharaNaM mama || 84|| vidhavAdharmamAdishyAnugamaM chAkShabhasmadaH | ajIvayanmR^itaM vipraM shrIdattaH sharaNaM mama || 85|| veshyAsatyai tu rudrAkShamAhAtmyayutamIT\-kR^itam | prasAdaM prAha yaH satyai shrIdattaH sharaNaM mama || 86|| shatarudrIyamAhAtmyaM mR^itarAT sutajIvanam | satyai shashaMsa sa guruH shrIdattaH sharaNaM mama || 87|| kachAkhyAnaM striyo maMtrAnarhatArthasubhAgyadam | somavrataM cha yaH prAha shrIdattaH sharaNaM mama || 88|| brAhmaNyA duHsvabhAvaM yo nivAryAhnikamuttamam | shashaMsa brAhmaNAyAsau shrIdattaH sharaNaM mama || 89|| gArhasthadharmaM viprAya pratyavAyajihAsayA | kramamuktyai ya Uche sa shrIdattaH sharaNaM mama || 90|| tripuMparyAptapAkena bhojayAmAsa yo nR^iNAm | siddhashchatuHsahasrANi shrIdattaH sharaNaM mama || 91|| ashvatthasevAmAdishya putrau yo.adAtphalapradaH | chitrakR^id\-vR^iddhavandhyAyai shrIdattaH sharaNaM mama || 92|| kArayitvA shuShkakAShThasevAM tad\-vR^ikShatAM nayan | viprakuShThaM jahArAsau shrIdattaH sharaNaM mama || 93|| bhajantaM kaShTato.apyAha sAyaMdevaM parIkShya yaH | gurusevAvidhAnaM sa shrIdattaH sharaNaM mama || 94|| shivatoShakarIM kAshIyAtrAM bhaktAya yo.avadat | savidhiM vihitAM tvaShTrA shrIdattaH sharaNaM mama || 95|| kauNDiNyadharmavihitamanaMtavratamAha yaH | kArayAmAsa tadyo.api shrIdattaH sharaNaM mama || 96|| shrIshailaM taMtukAyAsau yogagatyA vyadarshayat | shivarAtrivratAhe sa shrIdattaH sharaNaM mama || 97|| j~nApayitvApyarmatyatvaM svasya dR^iShTyA chakAra yaH | vikuShThaM nandisharmANaM shrIdattaH sharaNaM mama || 98|| narakesariNe svapne svaM kalleshvarali~Ngagam | darshayitvAnujagrAha shrIdattaH sharaNaM mama || 99|| aShTamUrtidharo.apyaShTagrAmago bhaktavatsalaH | dIpAvalyutsave.abhUtsa shrIdattaH sharaNaM mama || 100|| apakvaM ChedayitvApi kShetre shataguNaM tataH | dhAnyaM shUdrAya yo.adAtsa shrIdattaH sharaNaM mama || 101|| gANagApurake kShetre yo.aShTatIrthAnyadarshayat | bhaktebhyo bhImarathyAM sa shrIdattaH sharaNaM mama || 102|| pUrvadattavarAyAdAdrAjyaM sphoTakaruggharaH | mlechChAya dR^iShTiM cheShTaM sa shrIdattaH sharaNaM mama || 103|| shrIshailayAtrAmiSheNa varadaH puShpapIThagaH | kalau tiro.abhavadyaH sa shrIdattaH sharaNaM mama || 104|| nidrAmAtR^ipure.asya sahyashikhare poThaM mimaMkShApure kAshyAkhye karahATake.arghyamavare bhikShAsya kolApure | pA~nchAle bhujirasya viThThalapure patraM vichitraM pure gAMdharve yujirAchamaH kurupure dUre smR^ito nAntare || 105|| amalakamalavaktraH padmapatrAbhanetraH paraviratikalatraH sarvathA yaH svatantraH | sa cha paramapavitraH satkamaNDalvamatraH paramaruchiragAtro yo.anasUyAtriputraH || 106|| namaste samasteShTadAtre vidhAtre namaste samasteDitAghaughahartre | namaste samaste~Ngitaj~nAya bhartre namaste samasteShTakartre.akahartre || 107|| namo namaste.astu purAntakAya namo namaste.astvasurAntakAya | namo namaste.astu khalAntakAya dattAya bhaktArtivinAshakAya || 108|| shrIdattadeveshvara me prasIda shrIdattasarveshvara me prasIda | prasIda yogeshvara dehi yogaM tvadIyabhakteH kuru mA viyogam || 109|| shrIdatto jayatIha dattamanishaM dhyAyAmi dattena me hR^ichChuddhirvihitA tato.astu satataM dattAya tubhyaM namaH | dattAnnAsti parAyaNaM shrutimataM dattasya dAso.asmyaham | shrIdatte parabhaktirastu mama bho datta prasIdeshvara || 110|| || iti shrI paramaha.nsa parivrAjakAchArya shrI shrI shrI vAsudevAnanda sarasvatI yati vareNya virachitaM shrI datta bhAvasudhArasa stotraM sampUrNam || ## Encoded and proofread by Arun Shantharam shantharam.arun @ gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}