% Text title            : Yogashastra by Dattatreya
% File name             : dattayoga.itx
% Category              : deities\_misc, dattatreya
% Location              : doc\_deities\_misc
% Author                : Vedic Tradition
% Transliterated by     : Sovarel Vlad vlad.sovarel at yahoo.com
% Proofread by          : Sovarel Vlad vlad.sovarel at yahoo.com
% Source                : Tr. Eng. dr. Amita Sharma, Swami Keshawananda Yoga-Samsthan-Prakashana, Delhi 1985
% Latest update         : June 10, 2000
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIDattatreya Yogashastra ..}##
\itxtitle{.. shrIdattAtreya yoga shAstra ..}##\endtitles ##

nR^isi.nharUpiNe chidAtmane sukhasvarUpiNe |
padaiH tribhiH tadAdibhiH nirUpitAya vai namaH || 1||
sA.nkR^itiH munivaryo asau bhUtaye yogalipsayA |
bhuvaM sarvAM paribhrAnyannaimiShAraNyamAptavAn || 2||
sugandhinAnAkusumaiH svAdusatphalasa.nyutaiH |
shAkhibhiH sahitaM puNyaM jalakAsAramaNDitam || 3||
saH muniH vicharastatra dadarshAmrataroH adhaH |
vedikAyAM samAsInaM dattAtreyaM mahAmunim || 4||
baddhapadmAsanAsInaM nAsAgrArpitayA dR^ishA |
UrumadhyagatottAnapANiyugmena shobhitam || 5||
tataH praNamyAkhilaM dattAtreyaM mahAmunim |
tat shiShyaiH saha tatraiva sammukhashchopaviShTavAn || 6||
tadaiva saH muniH yogAt viramya svapuraH sthitam |
uvAcha sA.nkR^itiM pritipUrvakaM svAgataM vachaH || 7||
sA.nkR^ite kathaya tvaM mAM kimuddishyehAgataH |
iti pR^iShTastu saH prAha yogaM j~nAtumihAgataH || 8||
yogo hi bahudhA brahmantatsarvaM katayAmi te |
mantrayogo layashchaiva haThayogastathaiva cha |
rajayogashchaturthaH syAtyogAnAmuttamastu saH || 9||
Arambhashcha ghaTashchaiva tathA parichayaH smR^itaH |
niShpattishchetyavasthA cha chaturthI parikalpitA |
eteShAM vistaraM vakShye yadi tvaM shrotumichChasi || 10||
a~NgeShu mAtR^ikA pUrvaM mantraM japan sudhIH |
ya kachanAbhisiddhayai syAt mantrayogaH sa kathyate || 11||
mR^iduH tasyAdhikArI syAddvAdashAbdaiH tu sAdhanAt |
prAyeNa labhate j~nAnaM siddhishchaivANimAdikAH || 12||
alpabuddhiH imaM yogaM sevate sAdhakAdhamaH |
mantrayogo hyayaM prokto yogAnAmadhamastu saH || 13||
layayogashchittalayaH sa.nketaiH tu prajAyate |
AdinAthena sa.nketA aShTakoTi prakIrttitAH || 14||
sA.nkR^itiruvAcha \-\-
bhagavannAdinAthaH saH kiM rUpaH kaH saH uchyatAm |
dattAtreya uvAcha \-\-
mahAdevasya nAmAnyAdinAthAdikAnyapi |
shiveshvarashcha devo.asau lIlayA vyacharatprabhuH || 15||
shrIkaNThaparvate gauryA saha pramathanAyakAn |
himAkShaparvate chaivakadalIvanagochare || 16||
girikUTe chitrakUTe supAdapayute girau |
kR^ipayaikaikasa.nketaM sha.nkaraH prAha tatra tAn || 17||
tAni sarvANi vaktuM tu na hi shaknomi vistarAt |
kAnichitkathayiShyAmi sahajAbhyAsavatsukham || 18||
tiShThan gachChansvapanbhu~njandhyAyanshUnyamaharnisham |
ayameko hi sa.nketaH AdinAthena bhAShitaH || 19||
nAsAgradR^iShTimAtreNa hyaparaH parikIrtitaH |
shiraspashchAchcha bhAgasya dhyAnaM mR^ityuM jayet param || 20||
bhrUmadhyadR^iShTimAtreNa paraH sa.nketaH uchyate |
lalAte bhrUtale yashchottamaH saH prakIttitaH || 21||
savyadakShiNapAdasyA~NguShTe layamuttamam |
uttAnashavavatbhUmau shayanaM choktamutamam || 22||
shithilo nirjane deshe kuryAchchetsiddhimApnuyAt |
evaM cha bahu sa.nketAn kathayAmAsa sha~NkaraH || 23||
sa.nketaiH bahubhishchAnyaiH yasya chittalayo bhavet |
sa eva layayogaH syAt karmayogaM tataH shR^iNuH || 24||
yamashcha niyamashchaivAsanaM cha tataH param |
prANAyAmashchatuthaH syAt pratyAhArastu pa~nchamaH |
tatastu dhAraNA proktA dhyAnaM saptamamuchyate || 25||
samAdhiH aShTamaH proktaH sarvapuNyapradaH |
evamaShTA~NgayogaM cha yAj~navalkyAdayo viduH || 26||
kapilAdyAstu shiShyAshcha haThaM kuyustato yathA |
tadyathA cha mahAmudrA mahAbandhastathaiva cha || 27||
tataH syAtkhecharImudra bandho jAlandharaH tathA |
uDDiyANaM mUlabandho viparItakaraNI tathA || 28||
vajroliH amarolishcha sahajolistridhA matA |
eteShAM lakShaNaM vakShye karttAvyaM cha visheShataH || 29||
yamAH ye dashaH samproktAH R^iShibhiH tattvadarshibhiH |
laghvAhArastu teShveko mukhyo bhavati nApare |
ahi.nsA niyameShvekA mukhyA bhavati nApare || 30||
chaturashItilakSheShvAsaneShvuttamaM shR^iNu |
AdinAthena samproktaM yadAsanamihochyate || 31||
uttAnau charaNau kR^itvorUsa.nsthau prayalataH |
urU madhye tathottAnau pANI kR^itvA tato dR^ishau || 32||
nAsAgre vinyasedrAjaddantamUlaM cha jihvayA |
uttabhya chibukaM vakShaH sa.nsthApya pavanaM shanaiH || 33||
yathAshakti samAkR^iShya pUrayedudaraM shanaiH |
yathAshaktyeva pashchAttu rechayetpavanaM shanaiH || 34||
idaM padmAsanaM proktaM sarvavyAdhivinAshanam |
durlabhaM yena kenApi dhimatA labhyate bhuvi || 35||
sA.nskR^ite shR^iNu sattvastho yogAbhyAsakramaM yathA |
vakShyamANaM prayatnena yoginAM sarvalakShaNaiH || 36||
yuva avastho.api vR^iddho vA vyAdhito vA shanaiH shanaiH |
abhyAsAtsiddhimApnoti yoge sarvo.apyatandritaH || 37||
brAhmaNaH shramaNo vA bauddho vApyArhato.athavA |
kApAliko vA chArvAkaH shraddhayA sahitaH sudhIH |
yogAbhyAso.ato nityaM sarvasiddhimavApnuyAt || 38||
kriyAyuktasya siddhiH syAdakriyasya kathaM bhavet |
na shAstrapAThamAtreNa kAchitsiddhiH prajAyate || 39||
muNDito daNDadhArI vA kAShAyavasano.api vA |
nArAyaNavado vApi jaTilo masmalepanaH || 40||
namaH shivAyavAchI vA bAhyArchA pUjako.api vA |
dvAdashasthAnapUjo vA bahyavatsalabhAShitam |
kriyAhIno.athavA kUraH kathaM siddhimavApnuyAt || 41||
na veShadhAraNaM siddheH kAraNaM na cha tattathA |
kR^ipaiva kAraNaM siddheH satyameva tu sA.nkR^ite || 42||
shishnodarArthaM yogasya kathayA veShadhAriNaH |
anuShThAnavihInAH tu va~Nchayanti janAn kila || 43||
uchchAvachaiH vipralaMbhaiH yatante kushalAH narAH |
yogino vayamityevaM mUDhAH bhogaparAyaNAH || 44||
shanairtathAvidhAn j~nAtvA yogAbhyAsavivarjitAm |
kR^itArthAnvachanaireva varjayedveShadhAriNaH || 45||
ete tu vighnabhUttAste yogAbhyAsasya sarvadA |
varjayettAn prayatnenedR^ishI siddhdA kriyA || 46||
prathamAbhyAsakAle tu praveshastu mahAmune |
AlasyaM prathame vighnaH dvitIyastu prakatthanam |
pUrvoktadhUrttagoShThI cha tR^itIyo mantrasAdhanam || 47||
chaturtho dhAtuvAdaH syAtpa~NchamaH khAdyavAdakam |
evaM cha bahavo dR^iShTAH mR^igatR^iShNAH samAH muneH || 48||
sthirAsanasya jAyante tAM tu j~nAtvA sudhIH tyajet |
prANAyAmaM tataskuryAtpadmAsanagataH svayam || 49||
sushobhanaM maThaM kuryAtsUkShmadvAraM tu nirghuNam |
suShThu liptaM gomayena sudhayA vA prayatnataH || 50||
matkuNaiH mashakaiH bhUtaiH varjitaM cha prayatnataH |
dine dine susammR^iShTaM sammArjanyA hyatandritaH |
vAsitaM cha sugandhena dhUpitaM guggulAdibhiH || 51||
malamUtrAdibhiH vargaiR^iaShTAdashabhireva cha |
varjitaM dvArasampannam ... || 52||
... vastraM vAjinameva vA |
nAnyatrastaraNAsInaH parasa.nsargavarjitaH || 53||
tasmin sa tu samAstIryAsanaM vistR^itA.nshakam |
tatropavishya medhAvI padmAsanamanvitaH || 54||
samakAyaHprA~njalishcha praNamya sveShTadevatAm |
tato dakShiNahastasyA~NguShThenaiva pi~NgalAm || 55||
nirudhya pUrayedvAyumiDyA cha shanaiH shanaiH |
yathAshaktinirodhena tataskuryAttu kumbhakam || 56||
tatastyajetpi~NgalayA shanaiH pavanavegataH |
punaH pi~NgalayApUrya pUrayedudaraM shanaiH |
yathA tyajettathA tena pUrayedanirodhataH || 57||
evaM prAtaH samAsInaskuryAdvi.nshatikumbhakAn |
kumbhakaH sahito nAma sarvagrahavivarjitaH || 58||
evaM madhyAhnasamaye kuryAt vi.nshatikumbhakAn |
evaM sAyaM prakurvIta punaH vi.nshatikumbhakAn |
evamevArdharAtre api kuryAt vi.nshatikumbhakAn || 59||
kurvIta rechapUrAbhyAM sahitAn prativAsaram |
sahito rechapUrAbhyAM tasmAtsahitakumbhakaH || 60||
kuryAdevaM chaturvAramanAlasyo dine dine |
evaM mAsatrayaM kuryAnnADIshuddhistato bhavet || 61||
yadA tu nADIshuddhiH syAttadA chihnAni bAhyataH |
jAyante yogino dehe tAni vakShyAmyasheShataH || 62||
sharIralaghutA dIptiH jaTharAgnivivardhanam |
kR^ishatvaM cha sharIrasya tadA jAyettu nishvatam || 63||
tadA varjyAni vakShyAmi yogavighnakarANi tu |
lavaNaM sarShapaM chAmlamuShNaM rUkShaM cha tIkShNakam || 64||
atIva bhojanam tyAjyaM strIsa~Ngamanameva cha |
agnisevA tu santyAjyA dhUrttagoShTishcha santyajet || 65||
upAyaM cha pravakShyAmi kShipraM yogasya siddhaye |
ghR^itaM kShIraM cha miShThAnnaM mitAharashcha shasyate || 66||
pUrvoktakAle kurvIta pavanAbhyAsameva cha |
tataH paraM yatheShTaM tu shaktiH syAdvAyudhAraNe |
yatheShTaM dhAraNAdvAyoH siddhetkevalakumbhakam || 67||
kevale kumbhake siddhe rechapUrakavarjite |
na tasya durlabhaM ki~nchittriShu lokeShu vidyate || 68||
prasvedo jAyate pUrvaM mardanaM tena kArayet |
tato.aptidhAraNAdvAyoH krameNaiva shanaiH shanaiH || 69||
kampo bhavati dehasyAsanasthasya dehinaH |
tato.adhiratarAbhyAsAddardurI jAyate dhruvam || 70||
yathA tu darduro gachChedutplutyotplutya bhUtale |
padmAsanasthito yogI tathA gachChati bhUtale || 71||
tato.adhikatarAbhyAsAdbhUmityagashcha jAyate |
padmAsanastha evAsau bhUmimutsR^ijya varttate || 72||
nirAdhAro.api chitraM hi tadA sAmarthyamudbhavet |
svalpaM vA bahu vA bhuktvA yogI na vyathate tadA || 73||
alpamUtrapurIShashcha svalpanidrashcha jAyate |
krimayo dUShikA lAlA svedo durgandhitA tanoH |
etAni sarvadA tasya na jAyante tataH param || 74||
tato.adhikatarAbhAsAdbalamutpadyate bhR^isham |
yena bhUcharasiddhiH syAdbhUcharANAM jaye kShamaH || 75||
vyAghro lulAyo vanyo vA gavayo gaja eva vA |
si.nho vA yoginA tena mriyante hastatADanAt |
kandarpasya yathArUpaM tathA tasyApi yoginaH || 76||
tasmin kAle mahAvighno yoginaH syAtpramAdataH |
tadrUpavashagAH nAryaH ka~NkShante tasya sa~Ngamam || 77||
yadi sa~NgaM karotyeSha bindustasya vinashyati |
AyuH kShayo bindunAshAdasAmarthyaM cha jAyate || 78||
tasmAtsarvaprayatnena bindurAkShyo hi yoginA |
tato rahasyupAviShTaH praNavaM  plutamAtrayA || 79||
japetpUrvAH jitAnAM cha pApAnAM cha nAshahetave |
sarvavighnaharashchAyaM praNavaH sarvadoShahA || 80||
evamabhyAsayogena siddhiH ArambhasambhavA |
tato bhavedghaTAvasthA pavanAbhyAsinaH sadA || 81||
prANApAnau manovayU jIvatmaparamAtmanau |
anyonyasyAvirodhenaikatAM ghaTato kAnichit || 82||
tadA ghaTAdvayAvasthA prasiddha yoginAM smR^itA |
tatashchihnAni yAni syuH tAni vakShyAmi kAnichit || 83||
pUrvaM yaH kathito.abhyAsashchaturdhA taM parityajet |
divA vA yadi vA rAtrau yAmamAtraM samabhyaset || 84||
ekabAraM pratidinaM kuryAtkevalakumbhakam |
pratyAhAro hi evaM syAdevaM kartuH hi yoginaH || 85||
indriyANIndriyArthebhyo yatpratyAharati sphuTam |
yogI kumbhakamAsthAya pratyAhAraH sa uchyate || 86||
yadyatpashyati chakShurbhyAM tattadAtmani bhAvayet |
yadyajjighrati  nAsAbhyAM tattadAtmani bhAvayet || 87||
evaM j~nAnendriyANAM hi tatsa.nkhyA sandharayet |
yAmamAtraM pratidinaM yogI yatnAdatandritaH || 88||
tadA vichitrasAmarthyaM yoginAM jAyate dhruvam |
dUrashrutiH dUradR^iShTiH kShaNAddUragamastathA || 89||
vAksiddhiH kAmachAritvamadR^ishyakaraNaM tathA |
malamUtrapralepena lohAdInAM suvarNatA |
khecharatvaM tathAnyattu satatAbhyAsayoginaH || 90||
tadA buddhimatA bhAvya yoginA yogasiddhaye |
ete vihatAH mahAsiddheH na rametteShu buddhimAn || 91||
na darshayechcha kasmaichitsvasAmarthya hi sarvadA |
kadAchiddashayetprItyA bhaktiyuktAya vA punaH || 92||
yathA mUrkho yathA mUDho yathA badhira eva vA |
tathA varteta lokeShu svasAmarthyasya guptaye || 93||
nochechChiShyAH hi bahavo bhavanti sva na sa.nshayaH |
tatkarmakaraNavyagraH svAbhyAse vismR^ito bhavet |
abhyAsena vihInastu tato laukikatAM vrajet || 94||
avismR^itya guroH vakyamabhyasettadaharnisham |
evaM bhavedghaTAvasthA sadAbhyAsasya yoginaH || 95||
anabhyAsena yogasya vR^ithA goShThyA na sidhyati |
tasmAtsarvaprayatnena yogameva sadAbhyaset || 96||
tataH parichayAvasthA jayate abhyAsayogataH |
vAyuH samprerito yatnAdagninA saha kuNDalIm || 97||
bodhayitvA suShumnAyAM pravishedavirodhataH |
vAyunA saha chittaM tu pravishechcha mahApatham || 98||
mahApathaM shmashAnaM cha suShumnApi vetyasau |
yasya chittaM sapavanaM suShumnAM pravishediha || 99||
bhAvyAnarthAn saH vij~nAya yogi rahasi yatnataH |
pa~nchadhA dhAraNa kuryAttattadbhUtabhayAphaham || 100||
pR^ithivI dhAraNaM vakShye pArthivebhyp bhayApaham |
nAbheH adhaH gudasyodhvaM ghaTikAH pa~ncha dhArayet || 101||
vAyuM bhavet tato pR^ithvIdhAraNaM tadbhayApaham |
pR^ithivI sambhavaH tasya na mR^ityuH yogino bhavet || 102||
nAbhisthAne tato vAyuM dhArayet  pa~ncha nADikAH |
tato jalAdbhayaM nAsti jalamR^ityuH na yoginaH || 103||
nAbhyurdhvamaNDale vAyuM dhArayetpa~ncha nADikAH |
agneyadhAraNA seyaM na mR^ityuH tasya vahninA || 104||
sadA vichitrasAmarthyaM yogino jAyate dhruvam |
na dahyate sharIraM cha prakShipto vahni kuNDake || 105||
nAbhibhruvoH hi madhye tu pradeshatrayasa.nyute |
dhArayet pa~ncha ghaTikAH vAyuM sAiShA hi vAyavI |
dhAraNAnna tu vAyostu yogino hi bhayaM bhavet || 106||
bhrUmadhyAdupariShTAttu dhArayet pa~ncha nADikAH |
vAyuM yo.asau prayatnena seyamAkAshadhAraNA || 107||
AkAshadhAraNAM kurvanmR^ityuM jayati tattvataH |
yatra tatra sthito vApisukhamatyantamashnute || 108||
evaM cha dhAraNAH pa~ncha kuryAdyogI vichakShaNaH |
tato dR^iDhasharIraH syanmR^ityurtasya na vidyate || 109||
ityevaM pa~nchabhUtAnAM dhAraNAM yaH samabhyaset |
brahmaNaH pralaye vApi mR^ityuH tasya na vidyate || 110||
samabhyasettadA dhyAnaM ghaTikAH ShaShTimeva cha |
vAyuM nirudhya dhyAyettu devatAmiShTadAyinIm || 111||
saguNadhyAnamevaM syAdaNimAdiguNapradam |
nirguNaM khamiva dhyAtvA mokShamArgaM prapadyate || 112||
nirguNadhyAnasampannaH samAdhiM cha tato.abhyaset |
dinadvAdashakenaiva samAdhiM samavApnuyAt || 113||
vAyuM nirudhya medhavI jIvanmukto bhaveddhruvam |
samAdhiH samatAvasthA jIvAtmaparamAtmanoH || 114||
yadi syAddehamutsraShTumichChA chedutsR^ijetsvayam |
parabrahmaNi lIyettyaktvA karmashubhAshubham || 115||
atha chenno samutsraShTuM svasharIraM yadi priayam |
sarva lokeShu vicharedaNimAdiguNAnvitaH || 116||
kadAchitsvechChayA devo bhUtvA svargayapi sa.ncharet |
manuShyo vApi yakSho vA svechChayA hi kShaNAdbhavet || 117||
si.nho vyAghro gajo vA syAdichChayA jantutAM vrajet |
yatheShTameva vartteta yogI vidvAnmaheshvaraH || 118||
kavimArgo.ayamuktaH te sA.nkR^ite aShTA~NgayogataH |
siddhAnAM kapilAdInAM mataM vakShye tataH param || 119||
abhAsabhedato bhedaH phala tu samameva hi |
mahAmudrAM pravakShyAmi bhairaveNoktamAdarAt || 120||
pArShNivAmasya pAdasya yonisthAne niyojayet |
prasArya dakShiNaM pAdaM hastAbhyAM dhArayeddR^iDham || 121||
chibukaM hR^idi vinyasya pUrayet vAyunA punaH |
kumbhakena yathAshaktyA dhArayitvA tu rechayet |
vAmA~Ngena samabhyasya dakShiNA~Ngena chAbhyaset || 122||
prasAritastu yaH pAdastamurUpari vinyaset |
ayameva mahAbandho mudrAvachchAmumabhyaset || 123||
mahAbandhasthito yogI sphichau santADayechChanaiH |
ayameva mahAbandhaH siddhaiH abhyasyate naraiH || 124||
antaH kapAlakuhare jihvAM vyAvartya bandhayet |
bhrUmadhye dR^iShTiH apyeShA mudrA bhavati khecharI || 125||
kaNThamAku~nchya hR^idaye sthApayeddR^iDhamichChayA |
jalandharo bandha eSha amR^itadravapAlakaH || 126||
nAbhistho.agniH kapAlasthasahasrakamalachyutam |
amR^itaM sarvadA tAvadantarjvalati dehinAm || 127||
yathA chAgnistadamR^itaM na pibettu pibetsvayam |
yAti pashchimamArgeNaivamabhyAsataH sadA |
amR^itaM kurute dehaM jalandharamato.abhyaset || 128||
uDyANaM tu sahajaM guNaughAtkathitaM sadA |
abhyasedastatandrastu vR^iddho.api taruNo bhavet || 129||
nAbheH UrdhvamadhashchApi tAnaM kuryAtprayatnataH |
ShaNmAsamabhyasenmR^ityuM jayedeva na sa.nshayaH || 130||
mUlabandhaM tu yo nityamabhyasetsa cha yogavit |
gude pArShNiM tu sampIDya vAyumAku~nchayedbalAt |
vAraM vAraM yathA chordhvaM samAyAti samIraNaH || 131||
prANApAnau nAdabindU mUlabandhena chaikatAm |
gatvA yogasya sa.nsiddhiM yachChato nAtra sa.nshayaH || 132||
karaNaM  viparitAkhyaM sarvavyAdhivinAshanam |
nityamabhyAsayuktasya jaTharAgniH vivarddhate || 133||
AhAro bahulaH tasya sampAdyaH sA.nkR^ite dhruvam |
alpAhAro yadi bhavedagniH dAhaM karoti vai |
UrdhvaM bhAnuradhashchandrastadyathA shR^iNu sA.nkR^ite || 134||
adhaH shirashchordhvapAdaH kShaNaM syAtprathame dine |
kShaNAttu ki.nchidadhikamabhyasena dine dine || 135||
valishcha palitashchaiva ShaNmAsordhvaM na dR^ishyate |
yAmamAtraM tu yo nityamabhyasetsa tu ogavit || 136||
vajroliM kathayiShyAmi gopitaM sarvayogibhiH |
atIvaitadrahasyaM tu na deyaM yasya kasyachit |
svaprANaistu samo yo syAttasamai cha kathayeddhruvam || 137||
svechChayA varttamAno.api yogoktaniyamaiH vinA |
vajroliM yo vijAnati sa yogI siddhibhAjanaH || 138||
tatra vastu dvayaM vakShye durlabhaM yena kenachit |
labhyate yadi tasyaiva yogasiddhikaraM smR^itam || 139||
kShIramA~NgirasaM cheti dvayorAdyaM tu labhate |
dvitIyaM durlabhaM pu.nsAM strIbhyaH sAdhyamupAyataH |
yogAbhyAsaratA strI cha pu.nsA yatnena sAdhayet || 140||
pumAn strI vA yadanyonyaM strIpu.nstvAnapekShayA |
svaprayojanamAtraikasAdhanAtsiddhimApnuyAt || 141||
chalito yadi binduH tamurdhvamAkR^iShya rakShayet |
evaM cha rakShito binduH mR^ituM jayati tattvataH || 142||
maraNaM bindupAtena jIvanaM bindudhAraNat |
bindurakShAprasAdena sarvaM sidhyati yoginaH || 143||
amarolistadyathA syAtsahajolistato yathA |
tadabhyAsakramaH shasyaH siddhAnAM sampradAyataH || 144||
etaiH saiH vaistu kathitairabhyaset kAlalAlataH |
tato bhavedrAjayogo nAntarA bhavati dhruvam |
na di~NmAtreNa siddhiH syAdabhyasenaiva jAyate || 145||
rAjayogaM varaM prANya sarvasattvavasha.nkaram |
sarvaM kuryAnnavA kuryAdyathAruchivichoShTitam || 146||
yathAntarA cha yogena niShpannA yoginaH kriyA |
yathAvasthA hi niShpattirbhuktimuktiphalapradA || 147||
sarvaM te kathitaM brahman sA.nskR^ite yogamAchara |
iti tasya vachaH shrutvA sA.nskR^itiH yogamAptavAn |
sarvAsiddhIravApyAsau dattAtreyaprasAdataH || 148||
ya idaM paThate nityaM sAdhubhyaH shrAvayedapi |
tasya yogaH krameNaiva sidhyatyeva na sa.nshayaH || 149||
yogino.abhyAsayuktAH ye hyaraNyeShu gR^iheShu vA |
bahukAlaM ramante sma bahukAlavivarjitAH || 150||
tasmAtsarvaprayatnena yogameva sadAbhyaset |
yogAbhyAso janmaphalaM viphalA hi tathA kriyA || 151||
mahAmAyAprasAdena sarveShAmastu tatsukham |
etatsarvaM yathAyuktaM tAmevArAdhayettataH || 152||
yaH sa.nsmR^ityA munInAmapi duritaharo yogasiddhipradashcha |
kArUNyAdyaH pravaktA sukhaduHkhasuhR^idyogashAstrasya nAthaH || 153||
tasyAhaM bhaktishunyo.apyakhilajanaguroH bhaktichintAmaNeH hi |
dattatreyasya viShNoH padanalinayugaM nityameva prapadye || 154||
##
\medskip
Encoded by Vlad Sovarel, 1998 Bucharest vlad.sovarel at yahoo.com
%Datt\=atreya, Yoga \'S\=astra.
%Tr. Eng. dr. Amita Sharma, Swami Keshawananda Yoga-Samsthan-Prakashana, Delhi 1985.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}