% Text title            : Deshikotkarshamanjari
% File name             : deshikotkarShamanjarI.itx
% Category              : deities\_misc, gurudev, chandrashekharabhAratI
% Location              : doc\_deities\_misc
% Author                : chandrashekharabhAratI
% Transliterated by     : Aruna Narayanan narayanan.aruna at gmail.com
% Proofread by          : Aruna Narayanan narayanan.aruna at gmail.com
% Description/comments  : Sri Gururaja Sukti Malika
% Latest update         : January 1, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Deshikotkarshamanjari ..}##
\itxtitle{.. deshikotkarShama~njarI ..}##\endtitles ## 
yadvaktrAbjanirIkShaNAdanupamaH pApI bhaveddhArmiko
     yadvAchAmR^itasechanAdapi jaDaH syAttattvabodhe guruH |
yatsAnnidhyavalAdiyaM vasumatI chAbhUtsatAmAspadaM
     sa svAmI mama deshikastaditaro nAmnA.api nAmnAyate || 1||
yo bAlye vidhivadvidhUya kutukAtkarmANi karmandirAT
     bhUtvA drAksamatItarannatajanAnsaMsAravArAnnidhim |
yasyAsItkaruNA visheShamanishaM prANiShvasheSheShviha
     sa svAmI mama deshikastaditaro nAmnA.api nAmnAyate || 2||
yaH svAnugrahakA~NkShayA nijapadAmbhojAtayugmaM mudA
     sa.nprAptAnvividhArtipIDitajanAnprItyA.anugR^ihNansthitaH |
yadvaktraM natakaShTabodhasamaye shuShkaM bhaveda~njasA
     sa svAmI mama deshikastaditaro nAmnA.api nAmnAyate || 3||
bhaktiryasya gurau nitAntamabhavadyasyAH prabhAvAtsadA
     santuShTaH svasamIpamAgatavatastuShTAntara~NgAnvyadhAt |
yasyAsIchcha dR^iDhA matiH shrutitatau tanmArgasaMrakShaNe
     sa svAmI mama deshikastaditaro nAmnA.api nAmnAyate || 4||
kIrtiryasya diga~NganApriyasakhI mUrtishcha hemAkR^itiH
     sphUrtirdevaguruM sadopahasatIvArtiM natAnAM javAt |
pUrtishchApi dayArasasya harate sUktiH sudhAsyandinI
     sa svAmI mama deshikastaditaro nAmnA.api nAmnAyate || 5||
tu~NgAtIralasattapovanabhuvi svairaM charannanvahaM
     ga~NgAvArilasajjaTAvilasitaM chitte mudA bhAvayan |
tu~NgAnandavidhAyakaH praNamatAM shR^i~NgAdrivAsapriyaH
     sa svAmI mama deshikastaditaro nAmnA.api nAmnAyate || 6||
yasyAstikyamabhUdasheShajanatAvismApakaM bhUtale
     yatkarmAcharaNapravR^ittirabhavanmukhyaM pramANaM nR^iNAm |
yatkShAntyA vasudhA mumocha tarasA sarvaMsahatvaprathAM
     sa svAmI mama deshikastaditaro nAmnA.api nAmnAyate || 7||
AtmAnAtmavivechane.atichaturo mithyAtvamApAdaya\-
     ndvaitasyAtmani satyatAmatidR^iDhaM sampAdayan shAstrataH |
yastattvaM manasA vichintya nitarAM lebhe.anubhUtiM nijAM
     sa svAmI mama deshikastaditaro nAmnA.api nAmnAyate || 8||
shAstrArthAnbahudhA vichArya vibudhaiH sAkaM vineyAnalaM
     sambodhya shrutibhistada~NganichayaistarkaistadantargataiH |
nishchitya svayamAtmatattvamakhilAMshchakre subodhAnsukhaM
     sa svAmI mama deshikastaditaro nAmnA.api nAmnAyate || 9||
utpadyAtmavidagrajanmabhavane garbhAShTame saMskR^ito
     yaH pUrvAjitapuNyapu~njavibhavaiH sa.nprAptaturyAshramaH |
vairAgyAdibhiradbhutairguNagaNaiH shrIsha~NkarAryo.aparaH
     sa svAmI mama deshikastaditaro nAmnA.api nAmnAyate || 10||
yaH kalyANapure vishAlamatulaM nirmApya ka~nchinmaThaM
     sadvidyAprachayAya tatra viduShaH sAkaM mahAdhyetR^ibhiH |
saMsthApyAshanavastravAsanilayAndatvA.a.atmavidyAmapAt
     sa svAmI mama deshikastaditaro nAmnA.api nAmnAyate || 11||
shuddhAdvaitamataprachAraNakR^ite vAdena jitvA tu yAM
     shR^i~NgAdrau varachakrarAjanilayAM chakre jagaddeshikaH |
yastasyai niramApayat dR^iDhataraM kAntaM shilAmandiraM
     sa svAmI mama deshikastaditaro nAmnA.api nAmnAyate || 12||
yaH shrIsha~NkaradeshikendrajananasthAnaM viditvA chirAt
     kR^itvA chAtmavashaM mudA dhanachayairnirmApya sanmandiram |
tatra sthApayatisma sha~NkaragurordevyAshcha mUrtiM girAM
     sa svAmI mama deshikastaditaro nAmnA.api nAmnAyate || 13||
satyaM vAchi dayA nateShu paTutA dharmAdhvasaMrakShaNe
     saujanyaM sujane bhR^ishaM vimukhatA duShTeShu yasyAbhavat |
raktirbrahmaNi ninditeShu viShayeShvAsIdviraktirdR^iDhA
     sa svAmI mama deshikastaditaro nAmnA.api nAmnAyate || 14||
yasyAsIt dR^iDhabhAvanA pathi kR^itAsvedhomR^idashmAdibhi\-
     rdevAnAM pratimAsu dR^iShTiviShayaM yAtAsvakasmAdapi |
pUjAstotrajapAdikarmasu dR^iDhA tAdAtmyadhIra~njasA
     sa svAmI mama deshikastaditaro nAmnA.api nAmnAyate || 14||
pApaughaM dhvaMsayitvA bahujanirachitaM kiM cha puNyAlimArA\-
     tsampAdyAstikyabuddhiM shrutiguruvachaneShvAdaraM bhaktidArDhyam |
devAchAryadvijAtiShvapi manunivahe tAvakIne nitAntaM
     vidyAM shuddhAM cha buddhiM kamalajadayite satvaraM dehi mahyam || 15||

iti shrIjagadruru shrIshR^i~NgerIpIThAdhipa shrIchandrashekharabhAratI
     shrIpAdaiH virachitA shrIdeshikotkarShama~njarI samAptA |
##
Proofread by Aruna Narayanan narayanan.aruna at gmail.com 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}