Gorakhanatha Ashtakam

 गोरखनाथाष्टकम् 
अष्टाङ्गयोगनिधि अन्ध विनाशकर्ता
      वेदान्तसार सुख साधक क्लेश हर्ता ।
त्रिशूल धृक् शिव-मृड-करुणा करेश
      वन्दे समस्त गुरु गोरखनाथ तुभ्यम् ॥ १॥

भिषक परात्पर महेश्वर सर्व व्यापी
      ॐकाररूप प्रणवात्मक ध्यानगम्य ।
दाता दयाकर सनातनधर्म धाम
      धेयः महापुरुष गोरखनाथ तुभ्यम् ॥ २॥

बद्धोऽस्मि हे पशुपते ! जगमोहजाले
      हे नाथ ! मामपिविलोकय दीनवन्धो ।
तापं मदीय मनसोहर अक्षमाली
      वन्दे महापुरुष गोरखनाथ तुभ्यम् ॥ ३॥

आनन्दरूप ध्रुव-ताण्डव नृत्यकारी
      इष्टो विशिष्ट जगपालक हे कपाली ।
दिग्वस्त्रकाय विधु-भास्कर अग्नि नेत्र
      धेयः महापुरुष गोरखनाथ तुभ्यम् ॥ ४॥

व्याघ्राम्बरा श्रवण दर्शन दर्शनीय
      आनन्दमूल अखिलेश्वर अप्रमेय ।
सर्वोत्तमोत्तम प्रभा भवरोग हारी
      वन्दे महापुरुष गोरखनाथ तुभ्यम् ॥ ५॥

सम्पूर्ण शास्त्रमय श्री अवधूत सिद्ध
      योगेश योगविषयातिव सु-प्रसिद्ध ।
गोर्खेश हे ! सकल कारण शान्त मूर्ते !
      धेयः समस्त गुरु गोरखनाथ तुभ्यम् ॥ ६॥

स्वयं प्रकाश शुभ स्वस्तिदः षट् गुणेश
      कल्याणदा अभयदा शिव ज्ञान गम्य ।
ब्रह्मादिदेव वर वन्दित साधु-साध्य
      वन्दे महापुरुष गोरखनाथ तुभ्यम् ॥ ७॥

संसार-सम्प्लव विमोचन वन्दनीय
      गोवंश रक्षक प्रवर्धक मूल त्राण ।
विद्येश नर्तक-स्वतन्त्र अमोघ वीर्य
      धेयः समस्त गुरु गोरखनाथ तुभ्यम् ॥ ८॥

      इति गोरखनाथाष्टकं सम्पूर्णम् ।

                   रचयिता - कवि नेत्रमणि आचार्य, गोरखा

गोरक्षनाथाष्टकं



Encoded and proofread by Chandrasekhar Karumuri