% Text title            : Guru Paduka Pushpa Mala
% File name             : gurupAdukApuShpamAlA.itx
% Category              : deities\_misc, gurudev
% Location              : doc\_deities\_misc
% Author                : Makhanlal Kokil
% Transliterated by     : Swathi R Venkat
% Proofread by          : Swathi R Venkat
% Description/comments  : Offering to Makhanlal Kokil's guru.
% Latest update         : May 14, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Guru Paduka Pushpa Mala ..}##
\itxtitle{.. shrIgurupAdukApuShpamAlA ..}##\endtitles ##
OM shrIgurave namaH |
maddhR^itsthaM subhagAkAraM sarvasaukhyakaraM param |
bhavatApaharaM shUraM vareNyaM viduShAM matam || 1||
mahanIyAkR^itiM devaM shrIguruM paramaM vibhum |
lakShmaNaM lakShaNairyuktaM praNaumi sarvadaM sadA || 2|| (yugalakaM)

dAso.ahamasmi mUDho.ahaM tvaddayAva~nchitaH khalu |
kR^ipAkaTAkShapUraistvaM pUraya virasaM manaH || 3||
darsha darsha bhavadrUpaM tR^iNmadIyA na shAmyati |
shrAvaM shrAvaM bhavatkIrti shushrUShA nApakShIyate || 4||
smAraM smAraM bhavannAma jigIShA nApachIyate |
pAyaM pAyaM bhavadvAkyaM matpipAsA pravardhate || 5||
kaulAkhye shaivashAstre yaH vigrahIva kalau yuge |
santArayati j~nAnasya potena sharaNAgatAn || 6||
avAptukAmo bhavadAshrayaM hi viShaNNachetA vibhavAbdhimagnaH |
tvatpUtapAdAbjaparAgakA~NkShI dvAre tava prA~njalirAgato.asmi || 7||
dhunoti vAyurhi yathA mahIruhAn iyaM tathA duShprakR^itirmanuShyAn |
paraM bhavaddarshanavAtapAlitAn narAn samartho.asti na ko.api dharShitum || 8||
alpaj~nAn kujanAn dhImAn kaulAchAravivarjitAn |
navAbhinavakairbhAvaiH prapUrayati madguruH || 9||
tvadvAkyatantryodyata ramyanAdaiH manoj~nabhAvaiH rasapUritaM sat |
svAntaM madIyaM rasabhAvahInaM prApnotyanAkhyAM sthitimadvitIyAm || 10||
bhavatpadAbjena manAk spR^iShTe malantridhA drAgapayAti kutra |
jAne na bho kaulikadeshikendra ! etaddhi satyaM na mR^iShAbravImi || 11||
pUtaM viviktaM dasharAgavarjitaM sattve suniShThaM nayanAmR^itaM param |
svatantravidvajjanavR^indavanditaM guruM dayAdraM praNamAmi nityam || 12||
smR^itau nimagnaH virahAturastvahaM lebhe na shAnti na sukhaM na nidrAm |
nikAmapAnIyayutAM na ko.api hitvA nadIM sa~njati tR^iShNikAyAm || 13||
tava bhaktisudhAhInA dashA na mAM sukhAvahA |
madhukumbhe mahAlabdhe drAkShehA nopajAyate || 14||
na bhogavibhavaM kA~NkShe na sukhaM nArthasa~nchayaH |
paramekA bhavadbhaktirastu me sarvasaukhyadA || 15||
sudarshanaH sadAstu mAmanantAnandavardhakaH |
saMvinmArgo bhavatprAptisAdhakaH triguNAtmakaH || 16||
nAsInasya na suptasya bhramato notthitasya na |
tvAmantarAshamonAsti divA rAtrau cha jAgrataH || 17||
kaThoraH komalA~Ngo.asi durdhaShaH sulabho.asi tvam |
ugraH shAntasvabhAvo.asi dAne rato.asi nirmadaH || 18||
babharti bhaktAn svasnehadhArayA jaharti duShTAn bhavabhaktibAdhakAn |
vibhUtisusiddhisamR^iddhiyuktAn chakarti lokAn svakR^ipAkaTAkShaiH || 19||
samAnabhAvena samAnaprItyA samatvayogI samatAprachArakaH |
sarvAn sharaNya sharaNAgatA~ncha kAruNyabhAvena samIkShase tvam || 20||
tvag majjAsthi hR^idi vyAptaM janmAntarairupArjitam |
tatsarvaM nAshayatvIsha ! yadaghaughaM mayA kR^itam || 21||
ekaviMshatipuShpANAM kokilena kR^itA mayA |
mAlA shrIgurudevasya lakShmaNasya prasAdaye ||

iti shrImakhanalAlakokilavirachitA shrIpAdukApuShpamAlA |
iti shivaM
##
Encoded and proofread by Swathi R Venkata

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}