% Text title : Guru Stuti Shatakam % File name : gurustutishatakam.itx % Category : deities\_misc, gurudev, shataka % Location : doc\_deities\_misc % Author : Satchidananda Bharati % Transliterated by : Aruna Narayanan narayanan.aruna at gmail.com % Proofread by : Aruna Narayanan % Description/comments : Guru Stuti Sataka Of Satchidananda Bharati With Vyakhya By Lakshmana Sharma Sringeri % Acknowledge-Permission: Shankaracharya Mahasansthanam, Dakshinamnaya Shrisharadapitham, Sringeri % Latest update : December 25, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Guru Stuti Shatakam ..}## \itxtitle{.. gurustutishatakam ..}##\endtitles ## shR^i~NgagirijagadgurushrIsachchidAnandabhAratImahAsvAmibhirvirachitaM vinAyakamahaM vande vividhArthavidhAyakam | vidvajjanalasachchetoviShayaM vishvarUpiNam || 1|| anugrahAya bhaktAnAM praNamAmi gurUnaham | shlokaiH shatamitaiH sAdhupadairarthAbhidhAyibhiH || 2|| akhaNDasachchidAnandarUpAya brahmarUpiNe | prachaNDakaravarNAya paripUrNAya nityashaH || 3|| o~NkArAya namastubhyaM ma~NgalAya mahAtmane | vedamUlAya nityAya jyotiShe vimalAya cha || 4|| namaH sadAshivAyAtha koTisUryopamAya cha | namaH sahasrashIrShAya tAvaddR^ikpAdabAhave || 5|| namaH prakR^itaye tasyai triguNAkR^itaye.anisham | yayA vimohitA rudrabrahmaviShNupurogamAH || 6|| namaH shivAya rudrAya pArvatIramaNAya cha | nIlakaNThAya nityAya niravadyAya shUline || 7|| shivo.ahamiti yaM dhyAyannashivo.api shivo bhavet | dakShiNAmUrtirUpAya tasmai shrIgurave namaH || 8|| kAshIpuranivAsAya bhaktAnAM bhavashAntaye | tArakabrahmado yashcha tasmai shrIgurave namaH || 9|| tArakabrahmaNe tubhyaM tArakArividhAyine | tArakeshavibhUShAya tasmai shrIgurave namaH || 10|| yannAmasmaraNAdeva muchyante bhavapIDitAH | yo bhaktavarado viShNustasmai shrIgurave namaH || 11|| yaH phAlgunasakho bhUtvA gItAkhyAM sukhadAM sudhAm | nirmame bhagavAn kR^iShNastasmai shrIgurave namaH || 12|| gopIramaNagopAlagovardhanadharAbhidhaH | gopInAM muktido yashcha tasmai shrIgurave namaH || 13|| yaH padmabhavanaH padmAM tanute sR^iShTikarmaNaH | yo devo brahmavidbrahmA tasmai shrIgurave namaH || 14|| chaturvargasamudbhUtashchaturvedavirAjitaH | chaturo yastapo yoge tasmai shrIgurave namaH || 15|| chaturdashamahAlokamahAvR^ikShavidhAyakaH | jagato mUlabhUto yastasmai shrIgurave namaH || 16|| variShThAya gariShThAya baliShThAya tapobalAt | vasiShThAya taniShThAya tasmai shrIgurave namaH || 17|| samAshritatapashshaktiH shaktyA kR^itamahAtapAH | nAmnA yaH shaktirAkhyAtastasmai shrIgurave namaH || 18|| yo vidhUtamahAkAmasharo nAmnA parAsharaH | kopeshayasharo yashcha tasmai shrIgurave namaH || 19|| praj~nAbalena tapasA chaturvedavibhAjakaH | kR^iShNadvaipAyano yashcha tasmai shrIgurave namaH || 20|| jaTAdharastaponiShThaH shuddhayogo jitendriyaH | kR^iShNAjinadharaH kR^iShNastasmai shrIgurave namaH || 21|| bhAratasya vidhAtA cha dvitIya iva yo hariH | haribhaktaparo yashcha tasmai shrIgurave namaH || 22|| shukaH shuka ivAnantakathAmR^itamahAyanam | vAgbhirbheje.arthayuktAbhistasmai shrIgurave namaH || 23|| hR^idayasthaM paraM brahma j~nAtvA tyaktAkhilakriyaH | manasA dhyAnayogyo.abhUt tasmai shrIgurave namaH || 24|| yadAtmakamabhUtsarvaM jagadetachcharAcharam | yatsa~Ngato viraktassyAt tasmai shrIgurave namaH || 25|| jIvanmuktatayA yAntaM yaM vij~nAyApsarogaNaH | vItalajjo vivastro.abhUt tasmai shrIgurave namaH || 26|| j~nAnavij~nAnavidyotadbrahmadhyAnaparAyaNaH | niHspR^iho nirmamaH shAntastasmai shrIgurave namaH || 27|| brahmAmR^itarasAnandamahAsAgaramajjanAt | avij~nAtaprapa~ncho yastasmai shrIgurave namaH || 28|| goShpadIkR^itasaMsArasAgaro j~nAnato muniH | tamasaH pAramApede tasmai shrIgurave namaH || 29|| pa~nchabhUtasamo yashcha pa~nchabANavivarjitaH | pa~nchatvadoShanirmuktastasmai shrIgurave namaH || 30|| bAlo.apyabAlatAM yAto jIvannapi vimuktigaH | dehasthito.apyasa~Ngo yastasmai shrIgurave namaH || 31|| svoktibhirjitagauDAya gauDapAdAbhidhAya cha | gauNetarasvapakShAya tasmai shrIgurave namaH || 32|| govindabhagavAn yashcha govindapadabhAk sadA | govindapadago yo.abhUt tasmai shrIgurave namaH || 33|| yena shrIsha~NkarAchAryaguruNA gurubuddhinA | mathitaM bhAShyapIyUShaM tasmai shrIgurave namaH || 34|| ramaNIyena vAdena vijitA yena bhAratI | AnItA cha bhuvo bhAgaM tasmai shrIgurave namaH || 35|| abha~Ngadaprabandhashcha shR^i~NgArarasasAgaraH | praNIto yena muninA tasmai shrIgurave namaH || 36|| anantaguNavibhrAjadanantapadapa~NkajaH | anantamukhadeshashcha tasmai shrIgurave namaH || 37|| shivadA bhaktasa~Nghebhyo yatpraNItA shivAstutiH | shR^i~NgArarasasampUrNA tasmai shrIgurave namaH || 38|| saundaryalaharIshlokalaharIkaharItakI | nirmalIkurute vAchaM tasmai shrIgurave namaH || 39|| darshitaj~nAnamudrAya nAsAgranyastadR^iShTaye | jyotirmayaparabrahmaparAya gurave namaH || 40|| kaupInadR^iDhabandhAya vidhUtabhavasindhave | vibhAtavimalabrahmajyotiShe gurave namaH || 41|| lambakarNadvayopetavadanAya mahAtmane | maunine badaradhvaMsagurave gurave namaH || 42|| sha~Nkarashsha~NkarasyApi sha~NkarAchAryasaMyamI | svakIyairvividhaiH stotraistasmai shrIgurave namaH || 43|| R^iShyashR^i~NgatapaHsthAne tapastepe cha yo muniH | nAnAvyAkhyAnakR^idyashcha tasmai shrIgurave namaH || 44|| yadvAgviniHsR^itAnantavishuddhapadajAhnavI | pavitrIkurute nityaM tasmai shrIgurave namaH || 45|| durvAdinAM kavInAshcha vijetA vAgbalena yaH | tejomayalasatkAyastasmai shrIgurave namaH || 46|| kAShAyavastrabhR^innityamekadaNDamupAshritaH | bhUtibhUShitasadbhAlastasmai shrIgurave namaH || 47|| sanyAsasthApano yashcha karmamArganikR^intanaH | brahmavidyAprado yashcha tasmai shrIgurave namaH || 48|| mantrashAstrasya kartA yaH sarvamantravidAM varaH | sarvaj~nAnaikanilayastasmai shrIgurave namaH || 49|| yogena tapasA chaiva brahmacharyeNa bhaktitaH | vishuddhaM j~nAnamApede tasmai shrIgurave namaH || 50|| yadyashaHkaumudI chandraM kala~NkIkurute.anisham | suprasiddhashcha yo loke tasmai shrIgurave namaH || 51|| yaM dR^iShTvA vibudhAH sarve vidurvidyAvishAradam | giraM pumbhAvamApannAM tasmai shrIgurave namaH || 52|| shiShyaishchaturbhirgovindashchaturbhiriva bAhubhiH | virAjate munishreShThastasmai shrIgurave namaH || 53|| namaH sureshvarAchAryaguruvaryAya dhImate | surANAmIshvarAyeva surasa~NghanamaskR^ite || 54|| namaste padmapAdAya padmasampUjyakeshava | padmAsanaparAyAtha parabrahmAtmane tathA || 55|| namaste toTakAchAryagurave tAdR^ishAya cha | truTimAtreNa saMsAramanityaM manute tu yaH || 56|| anirvAchyamanirdeshyaM yaddhAmAmalakIkR^itam | avyaktamapi tadbrahma tasmai shrIgurave namaH || 57|| vishvarUpAbhidhAchAryavaryo yo vishvarUpiNam | viShNuM dhyAyati yogIndrastasmai shrIgurave namaH || 58|| namo bodhaghanAchAryayogine divyachakShuShe | j~nAnado yashcha shiShyebhyastasmai shrIgurave namaH || 59|| namo j~nAnaghanAchAryamahAyogIshvarAya cha | mahAnubhAvagaNyAya tasmai shrIgurave namaH || 60|| sAkShAtkR^itaparabrahmaj~nAnottamashivAya cha | uttamapratipAdyAya tasmai shrIgurave namaH || 61|| nAmnA praj~nAnagiraye gurave harivedine | namaH shrIsha~NkarAchAryasa.npradAyadhvajAya cha || 62|| narasiMhapadadvandvadhyAnanirmalachetase | nAmnA siMhagirIshAya tasmai shrIgurave namaH || 63|| mandAkinIpayaHsnAnatIrthabhUtAtmavigrahaH | yo.abhUdIshvaratIrthAkhyastasmai shrIgurave namaH || 64|| tIrthabhUtasvabhaktaughasamarpitanamastatiH | yo.abhUnnR^isiMhatIrthAkhyastasmai shrIgurave namaH || 65|| shrIvidyAsha~NkarAyAdyavidyAtIrthAbhidhAya cha | lambakarNAya shuddhAya tasmai shrIgurave namaH || 66|| aShTA~NgalakShaNo dharmo yasyAtisulabho.abhavat | lambikAyogasaMsthAya tasmai shrIgurave namaH || 67|| apAraj~nAnasandohavidhUtatamase tadA | apArasukhasandhAnavidhAnapaTave namaH || 68|| atIvasumahattejomUrtidhyAnaparAya cha | atItabhavasa~NgAya tasmai shrIgurave namaH || 69|| sadottu~Ngatara~NgAkhyAtu~NgabhadrAtaTe shubhe | pUrNabrahmaikaniShThAya tasmai shrIgurave namaH || 70|| bhAratIsa.npradAyasya ratnabhUtAya dhImate | bhAratIkR^iShNatIrthAya tasmai shrIgurave namaH || 71|| vidyAraNyamunIshAya vidyAraNyeShu nityashaH | charatkesariNe mAdyadvidvatku~njaravairiNe || 72|| suprasiddhamahAgranthakaraNe karuNAnvitA | vashagA yasya vAgIshA tasmai shrIgurave namaH || 73|| yo.abhUdvyAkhyAtavedArthaH praj~nayA tapasA tathA | kR^itasmR^itipurANAya tasmai shrIgurave namaH || 74|| vidyAnagaranirmANavidyAshatavishAradaH | vidyAraNyamahAyogI tasmai shrIgurave namaH || 75|| purA hariharAbhikhyapR^ithivImaNDaleshituH | sthApako yashcha kAlaj~nastasmai shrIgurave namaH || 76|| shrImachChR^i~NgapurasthAnasiMhAsanavidhAyine | ChatrachAmarabhUShAya tasmai shrIgurave namaH || 77|| yasya chAndolikAdaNDa ekato mAnuShairdhR^itaH | ekato bhUtavetAlaistasmai shrIgurave namaH || 78|| namo lakShmIvilAsAya namaste mantramUrtaye | vidvajjananivAsAya tasmai shrIgurave namaH || 79|| namo mahAnubhAvAya j~nAnavairAgyashAline | namo vishuddhabhAvAya tasmai shrIgurave namaH || 80|| namo bhavamahAdarpadalanAya mahAtmane | AshcharyakarmaNe nityaM tasmai shrIgurave namaH || 81|| yo vA nAmnAbhavachchandrashekharAraNyasadguruH | nR^isiMhabhAratIshashcha tAbhyAM nityaM namo namaH || 82|| puruShottamapAdAbjaparAyaNamanAssadA | namaskR^ito.astu nAmnA yaH puruShottamabhAratI || 83|| sha~NkarAchAryasadvaMshyo yo.abhUchCha~NkarabhAratI | ki~NkarIbhUtabhUpAlastasmai shrIgurave namaH || 84|| chandrashekharabhakto yashchandrashekharabhAratI | nR^isiMhabhAratI bhUyastAbhyAM nityaM namo namaH || 85|| puruShottamatAM yAtaH puruShottamabhAratI | naiva nAmnA tadarthAchcha tasmai shrIgurave namaH || 86|| rAmachandrakR^ipAleshamahAbhUtivishobhitaH | rAmachandrayatIndro yastasmai shrIgurave namaH || 87|| yo vibhAti yatishreShThaH samR^idhyA devarADiva | nR^isiMhabhAratIshAnastasmai shrIgurave namaH || 88|| shrIchakrasya prakAreNa vidyAsha~NkarasadguroH | devasthAnavidhAtA yastasmai shrIgurave namaH || 89|| ShaDdarshanarahasyasya j~nAtA tatsthApakashcha yaH | kR^itachAruprabandhAya tasmai shrIgurave namaH || 90|| tatpANika~njasa~njAtaH shrInR^isiMhAkhyabhAratI | tapasA jagati khyAtastasmai shrIgurave namaH || 91|| punarudbhUtasaMsthAnaH siMhAsanashubha~NkaraH | sudR^iDhIkR^itasAhAyyastasmai shrIgurave namaH || 92|| anugrahaparo yashcha jagataH paramo guruH | nirvisha~Nko mahAtejAstasmai shrIgurave namaH || 93|| tadIyakarapa~NkejasamudbhUtAya dhImate | nR^isiMhabhAratIshAya tasmai shrIgurave namaH || 94|| varashrIsachchidAnandasantoShitahR^ide sadA | paramAnandarUpAya tasmai shrIgurave namaH || 95|| karuNArasapUrNAntara~Ngasa~Ngatama~NgalaH | svadharmarasiko yashcha tasmai shrIgurave namaH || 96|| UrdhvarekhA~NkitapadaH padanirdhUtapa~NkajaH | prakAntanayano yashcha tasmai shrIgurave namaH || 97|| dIrghabAhurvR^iShaskandhaH pUrNavakShAH shubhAnanaH | kambugrIvaH sunAso yastasmai shrIgurave namaH || 98|| ramaNIyasuhemAbhajAnuja~NghorushobhitaH | shubhanAbhIhadaH shrImAn tasmai shrIgurave namaH || 99|| vishAlaphAlavibhrAjadgopIchandanashobhitaH | tripuNDritavibhUtiryastasmai shrIgurave namaH || 100|| vANIvijitadurvAdI tejonirjitabhAskaraH | gAmbhIryavijitAmbhodhistasmai shrIgurave namaH || 101|| vAde sati mahAsiMho dAne sati mahAmanAH | vyAkhyAne cha mahAsheShastasmai shrIgurave namaH || 102|| nAnAvidhasuratnADhyasuvarNamayapAdukaH | puraH sha~NkhamahAnAdastasmai shrIgurave namaH || 103|| asa~NkhyasvarNadAnAntasampUrNashikharakriyaH | vyAkhyAtashivagIto yastasmai shrIgurave namaH || 104|| ra~njitAnekashiShyAya sampUrNasvarNadAnataH | vyAptAya yashasA loke tasmai shrIgurave namaH || 105|| jyotiShTomamukhairyaj~naiH shiShyadvAraiva kAritaiH | toShitA yena devAshcha tasmai shrIgurave namaH || 106|| rAjAdhirAjapUjyAya rAjamAnAya tejasA | rAmachandrasamAnAya tasmai shrIgurave namaH || 107|| vedAntAkShastapashchandraH saMsAratamaso raviH | karmendhanamahAvahnistasmai shrIgurave namaH || 108|| koTisUryendusa~NkAsho yena dhyAtaH sadAshivaH | yadIyahR^idayAbhij~nastasmai shrIgurave namaH || 109|| yatpadArchanataH sarve narAH pUrNamanorathAH | namo.astu gurave nityaM tasmai ma~NgaladAyine || 110|| suma~NgalasharIrAya sarvasantoShakAriNe | dayAshAntivibhUShAya tasmai shrIgurave namaH || 111|| samyagjaptamahAmantravidhUtakaluShAya cha | nirmaladhyAnasaMsthAya tasmai shrIgurave namaH || 112|| yasya darshanamAtreNa tApatrayavivarjitAH | taranti manujA loke tasmai shrIgurave namaH || 113|| vedAntamathanodbhUtavij~nAnavimalAya cha | bhAvitAtmasvarUpAya tasmai shrIgurave namaH || 114|| shrIviShNoraMshabhUtAya yogIndrAya mahAtmane | sarvalakShaNayuktAya tasmai shrIgurave namaH || 115|| anekashAstrasampannamanAdR^itamanobhavam | asheShajagadAdhAramasmadgurumahaM bhaje || 116|| o~NkArajapasampUrNapuNyapUritavigraham | oMravaM manasA nityaM shrImadgurumupAsmahe || 117|| manujA bhaktisaMyuktA ye paThanti gurustutim | te shriyA vidyayA loke yuktA vR^iddhimavApnuyuH || 118|| shrIkR^iShNapAdasmR^itidhUtapApaH shrIsachchidAnandayatIndravaryaH | shrIsha~NkarAchAryasusa.npra+dAyashrImadgurustotramidaM vyatAnIt || 119|| namaskR^itilasadvAgbhiH shubhaiShA gurusantatiH | punAti sakalAn lokAn jAhnavIva prakIrtitA || 120|| iti shrIsachchidAnandabhAratIshavirachitaM gurustutishatakaM samAptam || ## Encoded and proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}