% Text title            : Matribhuteshvara Ashtakam
% File name             : mAtRRibhUteshvarAShTakam.itx
% Category              : deities\_misc, gurudev, aShTaka, ramaNa-maharShi
% Location              : doc\_deities\_misc
% Proofread by          : Aruna Narayanan
% Latest update         : December 25, 2023
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Matribhuteshvara Ashtakam ..}##
\itxtitle{.. mAtR^ibhUteshvarAShTakam ..}##\endtitles ##
mAtA tvaM cha pitAsi sarvajagatAM mAtA pitA vA na te
tasmAttvaM bhuvi vishruto.asi bhagavaMstvaM mAtR^ibhUteshvaraH |
tena tvaM mahilArdhavigraha iti khyAtashcha nAmnaiva te
tatvArthAkalanAya kevalamasau jAgarti yogeshvarI || 1||
siddhakShetramidaM jagatsuviditaM devo.aruNAdrIshvaraH
siddhashrIramaNIyahastavibhavAchChrImAtR^ibhUteshvaraH |
siddho.asau bhuvi siddhidassaha mahAyogeshvarIjAyayA
paryAptantvidametadIyamahimaprakhyApane bhUjuShAm || 2||
bhImairbhogivarairvibhUShitatanuryadyapyabhItipradaH
pUtaH pretaniketago.api phalado bhikShAkaevasvayam |
sAkaM shrIramaNeshvareNa bhajatAM dhyAnAspadaM yoginAM
so.ayaM chitracharitrako vijayate shrImAtR^ibhUteshvaraH || 3||
bhIto bhImabhuja~Ngamairna cha tathA prIto himAMshoH karA\-
tpUto jahnusutAjalAnnacha na chApUto.asthisambhUShaNAt |
no duHkhI chitibhasmanaH pitR^ivanAvAsAchcha yogAmbikA\-
sa~NgAnnApi sukhI samo viShamadR^ik shrImAtR^ibhUto.avatu || 4||
digrUpaM vasanaM vihAya ruchiraM kShaumaM vasAnashshubhaM
hitvA vAsaruchiM shmashAnagahane puNyAshramaikAshrayaH |
chityaM bhasma vihAya chandanarasairmAlyaiH kR^itAla~NkriyaH
yogAmbAgR^ihamedhiko vijayate shrImAtR^ibhUteshvaraH || 5||
yachChaktyA ramaNAshramasthalamidaM bhUvAsinAM nandanaM
jAtaM svasya vichitrashilpirachanAvaichitryachaityaM mahat |
shoNAdrIshvarasAnugassa jagatAmIsho nirIshassvayaM
sarvaishvaryanidhirdhunotu duritaM shrImAtR^ibhUteshvaraH || 6||
ga~NgAchandrakalAdharo.asi shirasi shrImAtR^ibhUtesha ! te
vAmArdhe karuNArasArdrahR^idayA yogeshvarI rAjate |
shItA~NgAshcha bhuja~NgamAH karapadoH ki~nchAbhiSheko.anishaM
sahyaM shatyamidaM kathaM yadi vaseshchitte na tapte mama || 7||
mAtA.abhUdramaNasya yA bhagavatassaundaryanAmnI satI
pashchAt saiva samastalokajananItvenApi sampUjitA |
adyatve tu vihAya sA pariNatA strItvaM pumAkArato
li~NgAtikramarUpatashcha lasati shrImAtR^ibhUteshvaraH || 8||
bhagavadramaNAchArya mAtR^ibhUteshvarastutiH |
arpitA tatpadadvandve jagadIshvarashAstriNA || 9||

iti mAtR^ibhUteshvarAShTakaM sampUrNam ||

##
Proofread by Aruna Narayanan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}