% Text title            : mahAshAstranugrahakavacham
% File name             : mahAshAstranugrahakavacham.itx
% Category              : deities\_misc, ayyappa, kavacha
% Location              : doc\_deities\_misc
% Proofread by          : PSA Easwaran
% Description/comments  : From Shastrarchana, Kannada publication
% Latest update         : July 10, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mahashastranugrahakavacham ..}##
\itxtitle{.. mahAshAstranugrahakavacham ..}##\endtitles ##
shrIgaNeshAya namaH |
atha mahAshAstranugrahakavachaM prArabhyate ||
shrIdevyuvAcha
bhagavan devadevesha sarvaj~na tripurAntaka |
prApte kaliyuge ghore mahAbhUtaiH samAvR^ite || 1||
mahAvyAdhimahAvyALaghorarAjaiH samAvR^ite |
duHsvapnaghorasantApaiH durvinItaiH samAvR^ite || 2||
svadharmavirate mArge pravR^itte hR^idi sarvadA |
teShAM siddhiM cha muktiM cha tvaM me brUhi vR^iShadhvaja || 3||
Ishvara ivAcha
shR^iNu devi mahAbhAge sarvakalyANakAraNe |
mahAshAstushcha deveshi kavachaM puNyavardhanam || 4||
agnistambhajalastambhasenAstambhavidhAyakam |
mahAbhUtaprashamanaM mahAvyAdhinivAraNam || 5||
mahAj~nAnapradaM puNyaM visheShAtkalitApaham |
sarvarakShAkaraM divyamAyurArogyavardhanam || 6||
kimato bahunoktena yaM yaM kAmayate dvijaH |
taM tamApnotyasandeho mahAshAstuH prasAdataH || 7||
kavachasya R^iShirbrahmA gAyatrIshChanda uchyate |
devatA shrImahAshAstA devo hariharAtmajaH || 8||
ShaDa~NgamAcharedbhaktyA mAtrayA jAtiyuktayA |
dhyAnamasya pravakShyAmi shR^iNuShvAvahitA priye || 9||

asya shrImahAshAstuH kavachastotramahAmantrasya brahmA R^iShiH |
gAyatrIH ChandaH | mahAshAstA devatA |
(hrAM)prAM bIjam | (hrIM)prIM shaktiH | (hrUM)prUM kIlakaM
shrImahAshAstuH prasAdasiddharthe jape viniyogaH |
(hrAM)prAM ityAdi ShaDa~NganyAsaH ||
atha dhyAnam |
tejomaNDalamadhyagaM trinayanaM divyAmbarAla~NkR^itaM
devaM puShpasharekShukArmukalasanmANikyapAtrAbhayam |
bibhrANaM karapa~Nkaje madagajaskandhAdhirUDhaM vibhuM
shAstAraM sharaNaM vrajAmi satataM trailokyasammohanam ||
(lamityAdi pa~nchopachArapUjA |)
mahAshAstA shiraH pAtu bhAlaM hariharAtmajaH |
kAmarUpI dR^ishau pAtu sarvaj~no me shrutI sadA || 1||
ghrANaM pAtu kR^ipAdhyakSho mukhaM gaurIpriyaH sadA |
vedAdhyAyI cha me jihvAM pAtu me chibukaM guruH || 2||
kaNThaM pAtu vishuddhAtmA skandhau pAtu surArchitaH |
bAhU pAtu virUpAkShaH karau tu kamalApriyaH || 3||
bhUtAdhipo me hR^idayaM madhyaM pAtu mahAbalaH |
nAbhiM pAtu mahAvIraH kamalAkSho.avatAtkaTim || 4||
apAnaM  pAtu vishvAtmA guhyaM guhyArthavittamaH |
(samIpaM pAtu vishvesho guhyaM guhyArthavitsadA)
UrU pAtu gajArUDho vajradhArI cha jAnunI || 5||
ja~Nghe pAshA~NkushadharaH pAdau pAtu mahAmatiH |
sarvA~NgaM pAtu me nityaM mahAmAyAvishAradaH || 6||
itIdaM kavachaM puNyaM sarvAghaughanikR^intanam |
mahAvyAdhiprashamanaM mahApAtakanAshanam || 7||
j~nAnavairAgyadaM divyamaNimAdivibhUShitam |
AyurArogyajananaM mahAvashyakaraM param || 8||
yaM yaM kAmayate kAmaM taM taM prApnotyasaMshayaH |
trisandhyaM yaH paThedvidvAn sa yAti paramAM gatim || 9||

iti shrIguhyaratnachintAmaNau shrImahAshAstranugrahakavachaM sampUrNam |
##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}