% Text title            : mahAvAkyArthabodhaH
% File name             : mahAvAkyArthabodhaH.itx
% Category              : deities\_misc, dattatreya
% Location              : doc\_deities\_misc
% Proofread by          : PSA Easwaran psaeaswaran at gmail.com
% Description-comments  : Brihatstotraratnakara 2, Narayana Ram Acharya, Nirnayasagar, stotrasankhyA 225-425
% Source                : Dattapurana
% Latest update         : March 24, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrImahAvAkyArthabodhaH ..}##
\itxtitle{.. shrImahAvAkyArthabodhaH ..}##\endtitles ##

shrIgaNeshAya namaH |
tvAmagre ravichandrAderbhAsakaM lokachAlakam |
pR^ichChAmIdaM kathaM j~nAnamApnuyAM dayayA vada || 1||
iti pR^iShTo.arjunenAha shrIdattaH shR^iNu bhUpate |
yadekaM paramaM brahma nityamuktamavikriyam || 2||
tatsvashaktisamAviShTamIshamAhurmanIShiNaH |
sa viShNuH sa shivo brahmA so.agnirindraH svarAD hariH || 3||
dhAtA kAlaH kriyA kartA jIvanaM mR^ityurAmayaH |
nArAyaNo hR^iShIkesho bhUtaM bhavyaM bhavachcha saH || 4||
vastumAtramidaM sarvamahamevAsmi sarvadR^ik |
ahameva paraM dhyeyaM mithyAbhramanivR^ittaye || 5||
bhramasyApi cha nAmAni kalpitAni shR^iNuShva tat |
mAyAvidyA parA devI mano.anAdirbhramastrivR^it || 6||
pradhAnaM prakR^itirbrahma  yoniH shaktishcha kAraNam |
moho.adhyAsastamo.aj~nAnaM prasvApaH kAraNaM tvidam || 7||
ato.avidyA pa~nchaparvA mahAmoho dvirUpakaH |
vikShepAvR^itishaktyAkhya AdyAtsargo.atra bhautikaH || 8||
svarUpamAvR^iNotyanyo muktaM cheshaM vinA bhR^isham |
yo.avidyArto.avasho duHkhI bhrAnto.aj~no jIva eva saH || 9||
samaShTirIshaH sarvaj~no vashamAyaH svarAT sukhaH |
asatvAbhAnAkhyabhaktAvR^itihR^idgururapyasau || 10||
mataM mUDhairjagannityaM tathA jIveshayorbhidA |
evaM bhedatrayeNedaM bhAtaM vastveva mAyayA || 11||
tannivR^ittyai kR^itA vedaiH sR^iShTipralayakalpanA |
mUDhasya sA matA satyA bhramo.ayaM lIyate vidA || 12||
j~nAnaM vidyeti tAM prAhurdvedhA vidyA vichArajA |
parokShA chAparokSheti tatrAdyA guruvaktrataH || 13||
amAnitvAdiyuktaiH sA vij~neyA sAdhanAnvitaiH |
gurubhaktiM vinA sApi durlabhA mokShadAyinI || 14||
yasya deve parA bhaktiryathA deve tathA gurau |
tasyaite kathitA hyarthAH prakAshante mahAtmanaH || 15||
gurvanugrahamAtreNa vichAraH sulabho nR^iNAm |
vichAreNa paraM tattvaM svayameva prakAshate || 16||
rAjaMstvayArivalaM karma yogayAgAdikaM mayi |
samarpitaM tato.ayaM te vichAro.adya samutthitaH || 17||
vairAgyaM paramaM jAtaM bhramamohamalApaham |
ato vidyAprasAdaste bhaviShyatyachireNa hi || 18||
vidyA j~neyA parokSheyaM vedAntashravaNAtmikA |
upakramAdibhirli~NgairyattAtparyAvadhAraNam || 19||
tadeva shravaNaM tattu haretsaMshayabhAvanAm |
asattvAvaraNaM chApi vastvastIti tadekShate || 20||
mananaM kAryamasyedamAshvasambhAvanAharam |
vashIkArAkhyavairAgyayuktasyedaM sukhAvaham || 21||
Atmaiva neha nAnAsti mohitasya jagattvidam |
bhAti nAnyasya mithyedaM svapno nidrAgame yathA || 22||
viShayAndhyAyato yadvanmanorathaparamparA |
asatyeva sadA bhAti nAnAviShayagocharA || 23||
paramAtmaika evAhaM vastumAtrashchidAtmakaH |
mayi mithyAvibhAgo.ayaM dR^ishyate.anAdyavidyayA || 24||
bhramo moho mahAmAyA pradhAnaM prakR^itirmanaH |
aj~nAnaM shaktiravyaktaM guNasAmyamitIritA || 25||
saiva mithyAmatiryasyA idaM bhAtaM charAcharam |
evaM vichArashravaNAnusAri mananaM tu tat || 26||
sachchidAnandalakShmApi parAtmA mAyayA.a.avR^itaH |
nijaM svarUpaM vismR^itya yayedaM dR^ishyate jagat || 27||
mahAMstato.ahamastasmAttanmAtrANi tataH kramAt |
bhUtendriyasurANAM cha sargastryAmA.ahamaH kramAt || 28||
na hyatra niyamo rAjannasatye mAnasabhrame |
kadAchidyugapatsR^iShTiH kramasR^iShTiH kadAchana || 29||
dehAH surAsuranaratirashchAM bhautikA ime |
sthUlaiH sthUlAni sUkShmaishcha sUkShmANyevaM bhavodbhavaH || 30||
upakramo.ayamAkhyAta upasaMhAra uchyate |
bhUteShu bhautikAnahi kramAdyogI vilApayet || 31||
pR^ithvI jale jalaM vahnau vahnirvAyau sa khe cha kham |
ahami prANago devA manashchApi svakAraNe || 32||
aha~NkAro.api mahati so.avyakte tachcha niShkale |
sa evAhaM parAtmaikaH shuddho mukta upAdhitaH || 33||
evaM nididhyAsanata ekaH svAtmaiva shiShyate |
tasmAnnAstyaparaM ki~nchidAtmaivAyaM yathA tathA || 34||
rAjanmama prasAdAttvaM khalu dhanyo.asyasaMshayam |
antaHkaraNashuddhiste jAtA vairAgyamuttamam || 35||
mayi bhaktirdR^iDhA premNA shravaNaM chApi vistarAt |
prapa~nchasthApi chittasthA sarvathA vilayaM gatA || 36||
tattvamekaM paraM brahma na dvitIyaM kadApi hi |
evaM shamAdirUpAM tAmArUDho bhava bhUmikAm || 37||
tvaM sAkShAtkArasUpAyakramaM viddhyatha bhUpate |
dattachitto bhavAdyAtra tattvanishchayakAraka || 38||
sarvasAdhanasampannaH puruSho jAtanishchayaH |
shrotriyaM brahmaniShThaM taM sadguruM sharaNaM vrajet || 39||
tattvamasyAdivAkyarthamupadiShTaM tu ShaDvidhaiH |
li~NgairdhiyA samAlochya budhaH samavadhArayet || 40||
shravaNaM tvidamevoktaM tatsamAsena te bruve |
yatastvaM shiShyatAM prApto matsevAhatakilbiShaH || 41||
tatpadena paraM brahma tvampadena cha pUruSham |
anUdyaikyaM tayorbhUpa bodhyate.asipadena sat || 42||
viruddhasya tvamarthasya tadarthatvaM katha bhavet |
iti chechChR^iNu rAjendra tayoraikye nidarshanam || 43||
devadattaH kvachiddR^iShTo yuvA deshAntare sa cha |
punardR^iShTo jarAM prAptaH so.ayamityavadhAryate || 44||
pUrvadeshamavasthAM cha tyaktvedaM tasya vArddhakam |
deshaM chApi yathaikena piNDenaikyaM pratIyate || 45||
tyaktvA dvyaMshau tathA.atrApi vAkya aikyaM hi lakShyate |
tvampadasya cha vAchyArthaH saMsArIti sunishchitaH || 46||
kartA bhoktA sukhI duHkhI mAyayaiva na tattvataH |
dehendriyamanaHprANAha~NkArebhyo vilakShaNaH || 47||
vastutaH sachchidAnandasvarUpo guNagocharaH |
ekAMshastatra chidrUpamanyaH saMsAritA.asya cha || 48||
evaM tvamarthaM nishchitya tadarthamapi nishchinu |
atadvyAvR^ittyA vidhinA sAkShAchcha shrutiyuktitaH || 49||
tatpadasya cha vAchyArthaH sarvaj~naH parameshvaraH |
tasyaikoM.asho.api chidrUpaM sarvaj~natvAdi chAparaH || 50||
tyaktvA viruddhavAchyAMshadvayaM jIveshayoriha |
lakShyau chidaMshau nirbAdhaM padayorubhayorapi || 51||
aviruddhaM tayoraikyaM lakShaNAlakShitaM dvayoH |
vAkyArtho.ayaM suniShpannastvaM brahma paramaM hi tat || 52||
tadeva tvaM paraM brahma nAsti bhedaH katha~nchana |
akhaNDaikarasatvena vAkyArtho.atra satAM mataH || 53||
visheShyaM tvampadaM tasya tatpadaM cha visheShaNam |
nirasyate.asya duHkhitvaM sukhitvaM cha vidhIyate || 54||
vaiparItyena vij~neyaM visheShyaM tatpadaM tathA |
visheShaNaM tvampadaM cha pArokShyasya nirAsakR^it || 55||
tadvahma paramaM shuddhaM tvamAtmaiva nirAmayaH |
ityaikyaM bhUpa vij~neyaM vedoktaM gurvanugrahAt || 56||
svAtmaikyArthamiyaM proktA sudhIbhirbhAgalakShaNA |
trikANDenApi vedena so.ayamartho vinishchitaH || 57||
sthUladhIbhiH sudurj~neyo vij~neyo hi manIShibhiH |
paryavasyanti vedAdyA atraiva vividhA api || 58||
shAstratattvamavij~nAya mUDhAH shAstrANi sarvashaH |
te pravR^ittiparANyeva kathayanti kutarkataH || 59||
upakramopasaMhArAvabhyAso.apUrvatA phalam |
arthavAdopapattI cha li~NgaM tAtparyanirNaye || 60||
prAk sadaivetyupakramyaitadAtmyamidameva sat |
upasaMhR^itamityekamabhyAso navadhA param || 61||
shAbdenaiva hyakhaNDArthavinayatvaM tR^itIyakam |
turyaM videhakaivalyaM prArabdhAnte vivekinaH || 62||
ShaShThaM mR^idAdidR^iShTAntairnirNayastUpapattikam |
sR^iShTisthityantapraveshAniyamaH shodhanaM phalam || 63||
saptArthavAdAstadrUpaM pa~nchamaM li~Ngamuchyate |
sarvasyAtmana utpatteravasthAnAchcha tatra hi || 64||
punarlayAjjagau vedaH kAraNabrahmamAtratAm |
sUryasyeva jale chAtra praveshamapi chAtra tu || 65||
antaryAmitayA bhedAtsadA niyamanaM smR^itam |
tathA rohitarUpAdyaiH padArthaparishodhanam || 66||
abhedaj~nAnasya paraM svAtmaikyamamR^itaM phalam |
evaM saptArthavAdAtmalakShaNaM pa~nchamaM matam || 67||
ShaDli~Ngairiti tAtparyAvadhR^itiH shravaNaM smR^itam |
AsthAyAtho yogabhUmiM mananAdi charedbudhaH || 68||

iti dattapurANe shramihAvAkyArthabodhaH sampUrNaH ||

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}