% Text title            : nIlastotram
% File name             : nIlastotra.itx
% Category              : deities\_misc, nIlamatapurANa
% Location              : doc\_deities\_misc
% Transliterated by     : Ankur Nagpal ankurnagpal108 at gmail.com
% Proofread by          : Ankur Nagpal, NA, PSA Easwaran
% Source                : Nilamata Purana Verses 442-460
% Latest update         : March 18, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Nilastotram ..}##
\itxtitle{.. shrInIlastotram athavA chandrakR^itaM nIlanAgarAjastotram ..}##\endtitles ##
|| atha shrInIlastotram ||
chandradeva uvAcha \-
namaste nAgarAjendra nIla nIlotpaladyute |
nIlameghachayaprekSha nIlatolakR^itAlaya || 1||
phaNAnAM tvaM shatairnAga shaibhase saptabhiH sadA |
saptasaptirivArchismAvrAjase tvaM gabhastibhiH || 2||
tvaM nIla nIlabha vinItapApairdevesha devairapi nekShyase tvam |
nAgendra bhogIndra ivAmbarastho dhyAnen vidvadbhirapIhamAnaH || 3||
tvaM nIla yogesha ivAsanastho vedArthavidbhirvividhairvidhAnaiH |
saMsArakAryeShu surAyakR^idbhirArAdhyase mokShaphalAya vipraiH || 4||
nAgesha nIlArchirivAmareshairvij~nAyase sUrya ivAmbarasthaH |
tvaM nIla nIlArchirivojjvalashcha subhaktakAryANi vidhAsyamAnaH || 5||
dR^iShTo mayA kAraNameva deva bhUmIsakAshAtpatatA balena |
smR^itorchito mochaya me.atiduHkhAttrAyasva mAM bhogipate namaste || 6||
tvaM nIla nIraughachayaprakAsho virAjase viShNurivAmareshaH |
vidhirvidhAtA ramase phaNIsha tvAM vAsudevaM praNato.ami nityam || 7||
tvAM nIlanIlAmbara nIlanatramAkAshavatsarvagataM suresham |
dhyAyannaro yo.apyajitendriyo vA nAgendra muchyeta tava prasAdAt || 8||
nIla tvAmeva vedArthe jagurvedAH sanAtanam |
devaM bahu mumukShUNAM kAminAM chArtasAdhanam || 9||
tvatprakAshaM yato brahma nirmalaM niShphalaM param |
sUkshmato vyomanirdiShTaM sarvagAtrairakR^itrimam || 10||
akiMchano vadAnyastvamati sUkshmo.asi cha pR^ithuH |
arthAshrayo mahArthastvaM stavyastasyAksharasya cha || 11||
kudrUH putra sahasreNa nAgarAjendrashobhitA |
tvayA tu rAjate.atyarthaM viShNunaivAditiryathA || 12||
tvameva tapasA.atyarthaM tathA vidyotase prabho |
toyaM himaM shIkarAMshcha tathA mu~nchasi dhArmika || 13||
prajApatiH kashyapo hi sarvabhUtapitA prabhuH |
tvayA tu shobhate.atyarthaM putreNAtyantadhArmikaH || 14||
tvayi dharmashcha satyaM cha kshamA cha satataM prabho |
devAsuravimardeShu shatasho.atha sahasrashaH || 15||
tvayA vinihatA daityA devabrAhmaNakaNTakAH |
varadastvaM vareNyashcha balArirbalahA vibhuH || 16||
bhaktAnukampI bhaktashcha deva deve janArdane |
tasyAtidayitashchAsi yathA nAgaH sa vAsukiH || 17||
dhanadaste sakhA nAga yathA sharvasya nityadA |
dhanadashchAsi bhaktAnAM dhanesha iti vishrutaH || 18||
nAgAnAM tvaM gatirnityaM devAnAmiva vAsavaH |
bhaktimAnasmi te nityaM tvaM cha jAnAsi dhArmika || 19||

|| iti shrInIlamatapurANe nIlastotram athavA chandrakR^itaM nIlanAgarAjastotram
sampUrNam ||
##

Encoded and proofread by Ankur Nagpal ankurnagpal108 at gmail.com
NA, PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}