नवपद्यसुरत्नमाला
श्रीकान्ततीर्थ गुरुराज कराब्जजात
श्रीनिधिर्यतिरुदार गुणोल्लसन्तीम् ।
श्रीपादराज नवपद्य सुरत्नमालां
भक्त्या करोमि गुरुराज वरप्रसादात् ॥ १॥
श्रीपूर्णबोधकुलवार्धिसुधाकराय
श्रीव्यासराजगुरवे यतिशेखराय ।
श्रीरङ्गविठ्ठलपदाम्बुज बम्भराय
श्रीपादराज गुरवेस्तु नमश्युभाय ॥ २॥
सम्पूरिताखिल जनोरु मनोरथाय
श्रीमन्नृसिंहसरसीतट संस्थिताय ।
श्रीमत्सुवर्णवर्णसमवर्ण कराब्जजाय
श्रीपादराजगुरवेस्तु नमश्युभाय ॥ ३॥
श्रीव्यासराज फणिबन्ध निवारकाय
तद्भाषयैव फणिराज सुतोषकाय ।
श्रीमत्सुरत्न खचितोज्ज्वल कुण्डलाय
श्रीपादराज गुरवेस्तु नमश्शुभाय ॥ ४॥
श्रीगोपिकापति निवेदित षष्टिशाक-
मुख्योरु भोजन विदूषण तत्पराणाम् ।
सन्दर्शितोरु निजकुक्षिगतार्द्रशाकान्
श्रीपादराज गुरवेस्तु नमश्शुभाय ॥ ५॥
श्रीमद्यतीश रघुनाथ मुनेर्विमानात्
पुष्पे स्वमूर्द्निप्रतति प्रसमीक्ष्यचोक्ता ।
संप्रेरितोरु रघुनाथ मुनीश्चराय
श्रीपादराज गुरवेस्तु नमश्शुभाय ॥ ६॥
शङ्खस्थितेन पयसा द्विजघातपापे
दूरीकृते बहुजनेषु वि शङ्कितेषु ।
तेनैव शुद्धमलिनातिपटिच्छराय
श्रीपादराज गुरवेस्तु नमश्शुभाय ॥ ७॥
श्रीमन्नृसिंहसरसी पयसि प्रमोदा-
द्ध्यायामि तिष्ठ सरसी शुभकारि तीरे ।
स्वष्नेनिबोद्य नळिनी जयदक्षगाभूत्
श्रीपादराज गुरवेस्तु नमश्शुभाय ॥ ८॥
दुर्वादिवारण विदारण दीक्षिताय
श्रीमद्रमेशचरणाब्जगुहाश्रयाय ।
व्याख्यानिनाद रुचिरोरु मृगाधिपाय
श्रीपादराज गुरवेस्तु नमश्शुभाय ॥ ९॥
कस्तूरिकादि समलङ्कृत दिव्यदेहं
दृष्ट्वाविदूषयति मूढजने क्षणेन ।
तत्यागधारित तनूः परिरक्षकाय
श्रीपादराज गुरुवेस्तु नमश्शुभाय ॥ १०॥
श्रीपादराज नवपद्य सुरत्नमालां
येधारयन्त्यनुदिनं भुविशुद्धभावाः ।
वृन्दावनस्य पुरतस्सकलेष्टदश्च
श्रीपादराजगुरुराज हृदब्जवासी ॥ ११॥
इति श्रीनिधियतिविरचिता नवपद्यसुरत्नमाला समाप्ता ।
Encoded and proofread by Krishnananda Achar