% Text title            : navaratnamAlikAmanjUShA or Nathanavaratnamalika
% File name             : navaratnamAlikAmanjUShA.itx
% Category              : deities\_misc, nava
% Location              : doc\_deities\_misc
% Author                : maheshanAtha
% Transliterated by     : Sunder Hattangadi
% Proofread by          : Sunder Hattangadi
% Latest update         : June 5, 2015
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Natha Navaratnamalika Manjusha ..}##
\itxtitle{.. navaratnamAlikAma~njUShA athavA nAthanavaratnamAlikA ..}##\endtitles ##
shrIgaNeshAya namaH

shrImaheshanAthakR^itA shrInAthanavaratnamAlikA

shrIbhAsurAnandanAthavirachitayA
ma~njUShAkhyayA vyAkhyayA saMvalitA
shrInAthAditritayaM natvA gambhIrarAyasUrisutaH |
nAthanavaratnamAlAgUDhArthavyAvR^itiM tanute||
iha khalu nikhilopAsanAH guruprasAdalabhyAH, \ldq{}gurumUlAH kriyAH sarvAH \rdq{} 
iti vachanAt |
tatprasAdashcha tatsvarUpopAstimantarA durlabhaH | tadrUpaM tu trividham \-
sthUlaM, sUkShmaM, paraM cheti | teShu AdyaM, \ldq{}sahasradalapa~Nkaje 
sakalashItarashmiprabham\rdq{} ityAdinA karaNacharaNAdyavayavavaishiShTyeNoktaM 
prasiddham | dvitIyaM tu gurupAdukAmantrarUpam | tR^itIyaM vAsanAtmakam |
tachcha
rahasyatvAt sa~NketabhAShayopAsakAnujidhR^ikShayA vivR^iNoti\-

haMsaH so.ahaM mantramayaiH shvAsanikAyai\-
     ryA gAyatrI jantuShu sarveShu pinaddhA |
sannAvirabhUdvAsanayA ya\-
     staM sanmArgaM mattamayUraM gurumIDe || 1||

haMsa iti | prAthamikasR^iShTau yadbindutrayaM prAdurabhUt | tatra binduH
pumAn; visargaH prakR^itiH; tAbhyAM krameNa svasya vishiShTau 
hakArasakArAvutpannau | so.ahaM haMsaH, sa tvajapAnAmako mantraH | 
tasyaiva vaiparItyakathanena so.ahamitiparamAtmamantnaH; paramAtmani
yoge tu, \ldq{}parAprAsAdamantraH\rdq{} ityAdishAradAyAM charamapaTale.anyatra
choktam | tadidaM parasparabhinnamantrapa~nchakamuchChvAsanishvAsarUpam |
\ldq{}uchChvAse chaiva niHshvAse haMsa ityakSharadvayam |\rdq{} iti vachanAt | 
sa cha mantraH sarvaiH prANibhiH ahorAtrasaMmite kAle
ShaTshatAdhikaikaviMshatisahasra(21600)mAvartyate | so.ayamanAyAsena japaH |
tathAtvena j~nAnamAtreNa mokShapradatvAtsarvamantrottamaH | taduktam\-
\ldq{}haMsaH padaM pareshAni pratyahaM japate naraH |
  mohAndho yo na jAnAti mokShastasya na vidyate||
  shrIguroH kR^ipayA devi j~nAyate japyate tataH |
  tasmAchChvAsaishcha niHshvAsaistadA bandhakShayo bhavet||
  ajapA nAma gAyatrI yoginAM mokShadAyinI |
  tasyA vij~nAnamAtreNa naraH pApaiH pramuchyate||
  anayA sadR^ishI vidyA chAnayA sadR^isho japaH |
  anayA sadR^ishaM puNyaM na bhUtaM na bhaviShyati ||\rdq{}
iti cha tadupAsanetikartavyatA shAradAyAM chaturdashe paTale, anyatra
cha vistR^iteti nehochyate | gurudevatAmantrANAmaikyaM cha, te sarve shvAsAH
nAtharUpA eva |

akSharArthastu \- haMsa ityajapAmantrAdirUpashvAsasamUhAbhinnA yA
gAyatrI sarvaprANiShvAchChannA vartate, tadabhinnaH san vAsanAtmakarUpeNa
yaH prAdurbhUtaH, taM guruM naumIti | sa eva cha guruH, satAM mArgaH,
muktipuragamanopAyaH ; \rdq{}gururupAyaH\rdq{} iti shivasUtrAt | Anandamantro
hi mayUraH svapi~nchChAvayavAn prasArya nR^ityakAle yathA vichitrarUpo
dR^ishyate, tena tathA kAlAntare, ataH tasya tadrUpamAchChannam | evaM
gurorapi vakShyamANaM vichitrarUpamAchChannamastIti gauNyA mattamayUrapadena
guruH stUyate |

asmin stotre dashApi shlokAH mattamayUrAbhidhavR^ittarUpAH | tallakShaNaM
choktaM pi~NgalamuninA \-
\ldq{}mattamayUraM  mtau ysau gsamudga(4) navakau\rdq{} iti |
matayasagaNAH gurushcha, pratipadaM chaturbhirnavabhishcha
yatiriti tadarthaH | prakR^ite.apyuktaireva padaiH sUchyArthakathanAdiha
mudrAla~NkAraH | tallakShaNaM choktaM chandrAloke\-
\ldq{}sUchyArthasUchakaM mudrA prakR^itArthapadai: padaiH |
  nitambagurvI taruNI dR^igyugmavipulAlasA ||\rdq{}
iti | sa~NketarItyA anuktashvAsasa~NkhyAyA api padadvayena sUchanAt sa
evAla~NkAraH | tatprakArastu \-

\ldq{}ka\-Ta\-pa\-ya\-vargabhavairiha piNDAntyairakSharaira~NkA |
na~n_shUnyaM vij~neyaM tathA svare kevale kathite ||\rdq{}
iti shlokarItyA makAraH pa~nchasa~NkhyA~Nke ; takAraH ShaShThA~Nke ;
punarmakAraH pa~nchA~Nke, yakArarephagakArAH ekadvitrya~NkeShu 
sa~NketitAH | tathA, \ldq{}a~NkAnAM vAmato gatiH\rdq{}
ityuktarItyA lekhane kR^ite sati, ma 5, tta 6, ma 5, yU 1, re 2, 
padena ekaviMshatisahasrANi pa~nchashatAni pa~nchaShaShTishcha 
kathitAni bhavanti | san; vidyamAno mArgaH (35)
yasminniti vyutpatyA mArgashabdoktapa~nchatriMshatsa~NkhyayA asyA melanena
ShaTshatAdhikaikaviMshatisahasrasa~NkhyAniShpatti\-(21600)riti | evamagre.api
sa~Nketo.avagantavyaH || 1||

tantrarAje hi saptaviMshe paTale shvAsAnAM vAsanAdvayamuktam

\ldq{}sa~NkhyAbhirvAsanAvyAptiM shvAsAnAM shR^iNu sundari |
  yayA viditayA mantrI sadA darshanavAnbhavet ||\rdq{}

ityAdinA | tayo: prathamAM vAsanAmudyadityAdibhiH chaturbhiH shlokaiH pradarshayati \-

udyadbhAsvanmaNDalakAlAddinanityA\-
vidyArUpaH prApa ShaDathInarabhAvam |
yastIrthAtmA maNDalapUrNAkSharavarShmA
taM sanmArgaM mattamayUraM gurumIDe || 2||

udyaditi | sUryamaNDalodayakAlamArabhya prathamataH shvAsA
ekaikadinavidyArUpAH | a A i I ityArabhya kSha: kShAyai ityantA mantrAH
ShaTtriMshadadhikasaptadashottaraviMshatisahasrasa~NkhyAkA (576##x##36##=##20736) |
ShaTtriMshadvarNA api ShoDashasvarasaMyogenoktAH 36##x##16##=##(576) pratidinamevaM
ShaTtrishaddinaparyantaM japtAstAvanta eva bhavanti | yatastantre prasiddhaH
etA eva svIdaivatyatayA vidyA ityuchyante | \ldq{}strIdaivatyA smR^itA vidyA
puMdaivatyAstu mantrakAH\rdq{} na iti koshAt | gurunAthastu tAvadrUpaH |
te cha vidyAyA arthA yoginI hR^idayavyAkhyAyAmasmAbhiH prapa~nchitAH |

ShaDathInarapadena dinanityAvidyAnAM sa~NkhyoktAH (20736) | evamuttaratra
sarvatrApi sa~NkhyAsa~NketAkSharapadAnAM shrIguroH shleSheNa dvyarthatA avaseyA |
tatparataH ShaTsaptatyuttarapa~nchashataM (576) shvAsAH pUrNamaNDalAkShararUpAH |
akAra ekaH, kakArAdikShakArAntAH pa~nchatriMshadvya~njanAni chetyevaM
ShaTtriMshadakSharANAM pratyekamakArAdiShoDashasvarasaMyoge satyuktasa~NkhyAni
(576) akSharANi bhavanti | tAni pUrNamaNDalapadena dinArNavapadena cha tantre 
vyavahiyante | tadabhinnaM varShmA, sharIraM yasya saH, tIrthAtmA (576) gururUpA eva,
\ldq{}tIrthamR^iShijuShTajale gurau\rdq{} ityamaraH || 2||

tIrthAtmApadaM choktasa~NkhyAM (576) vyanakti \-

tatpashchAtyaprANasamUhanavanAthA
     yaH ShaTtriMshattattvamayaH ShoDasha nityAH |
evaM rItyA vAsitasaMdhyAtrayamUrti\-
     staM sanmArgaM mattamayUraM gurumIDe || 3||

     taditi | pUrNamaNDalAt pare nava (9) shvAsAH prakAshAdisubhagAntA
nAthanavakarUpAH | tataH pare shivAdikShityantatattvarUpAH ShaTtriMshat (36) |
taduttaraM tripurasundarIkAmeshvaryAdichitrAntarUpAstu nityAH ShoDasha (16) |
eta eva krameNa saMdhyAtraye upAsyante | tena tadvAsanArUpA gururevetyarthaH || 3||

shvAsaiH ShaShTayA ShaShTighaTIdaivatarUpo (60)
     meShapraShTadvAdashashashi (12) pratimAnaH |
arkAdyAtmA yo navasa~NkhyAgrahamUrti\-
     staM sanmArgaM mattamayUraM gurumIDe || 4||

     shvAsairiti | tadanantaraM visargarahitAnAM pa~nchAshanmAtR^ikANAM
dashAkSharairekaiko varga ityevaM pa~ncha vargAH; a (60), e (60), cha
(60), ta (60), ya (60) mAnaH | teShu prathamavargasya AdAvante cha jape
sati, ShaShTirvarNA ahorAtraghaTikA rUpA bhavantIti tantre spaShTam |
nityashvAsAnantaraM ShaShTiH shvAsAH taddevatAtmAnaH (60); tato dvAdasha
meShAdirAshirUpAH | praShTashabdo.agresaravAchI san prabhR^itiparaH, 
\ldq{}praShTo.agragAmini\rdq{} iti nipAtanAt | (12) taduttaraM nava shvAsAH (9)
arkAdinavagraharUpAH; tatsvarUpo gururityarthaH ||4||

pa~nchAtmA bhUtanikAyo gatamAyo yaH
     pa~nchAshadvarNa (50) vapushchakragatAbhiH |
shaktyAlIbhiH sa~NgatimAnekanavatyA
     taM sanmArgaM mattamayUraM gurumIDe || 5||

     pa~nchAtmeti | grahAtmakashvAsAnantaraM pa~ncha shvAsAH
AkAshAdipa~nchabhUtarUpAH (5) | taduttaraM pa~nchashachChvAsAH mAtR^ikArUpAH
(50) tAsAmekapa~nchAshato (51) madhye.api sargasvaratyAgAttachCheSheNAha
\- gatamAya iti | mAyAshabdo.api sargasvaravAchakaH, tadrahita ityarthaH |
tadanantaramekanavatishvAsAH chakrashchidAvaraNashaktisamUhaparAH |
tAsAmekanavatitvaM (91) mUla eva navamashloke vishadIkariShyate | tatashcha
pUrvoktadinanityAvidyA (20736) pUrNamaNDalA (576) navanAtha (9) tattva
(36) nityA (16) ghaTikA (60) rAshi (12) navagraha (9) bhUta (5) mAtR^ikA (50)
varNashakti (91) sa~NkhyAnAmekIkaraNe shvAsasa~NkhyApUrtiH (21600) saMpadyate |
taduktaM tantrarAje \-

\ldq{}nityAtattvAptividyAnAM sa~NkhyAH syuH pUrvamekashaH |
  tato dinArNAH saMdhyAshcha tatashcha ghaTikArNakAH||
  rAshayo dvAdasha tato grahabhUtAni pa~ncha vai |
  mAtR^ikAshchApi pa~nchAshachChrIchakrasthAshcha shaktayaH||
  saikA navatayaH proktA devI sarvAtmanA sthitA |\rdq{}

iti | nityAH ShoDasha (16) svarAH, tattvAkSharANi (36) pUrvoktAni,
teShAmAptiH parasparasaMyogavisheSharUpaH prastaraH tatsaMvardhitAnAM
dinanityAvidyAnAmityarthaH | shiShTaM spaShTam || 5||

etAvatA prabandhena shvAsAnAmavayavasho vibhAgena vAsanA upadishyedAnIM
saMpUrNasyaiva shvAsasamUhasyaikaikA vAsanA upadishati \-

yadvA pa~nchAshallipipIDaikaradAnA\-
     mAvR^ittyAsIdyaH phalavAn deshikavaryaH |
j~nAnottu~Ngo (3600) DaralakasahaShaTkavR^itai\-
     staM sanmArgaM mattamayUraM gurumIDe || 6||

     yadveti | uktAnAM vakShyamANAnAM cha vAsanAnAmanyatamAnusaMdhAne
vikalpadyotanArtho vAkAraH | imAshcha vAsanA mUle.anuktA api 
pUjyapAdamukhAvagantavyA iti tu manoramAkAraH |
\ldq{}atha ShoDasha nityAnAM kAlena prANatochyate |
  mAtR^ikAbhUtanAthAdyaiH shrIchakreNa cha shaktibhiH ||\rdq{}

iti paTalArambhapratij~nAshloke sUchitA iti tu nidhikAraH | kAlena prANataH
shvAsAtbhakakAlabhedaH | atrAdyapadena grahatattvanityAghaTikArAshayo
gR^ihyante | shrIchakrashabdena tadantargatatrailokyamohanAdinavachakrANi |
shaktishabdena shrIchakrasthAH ShaNNavatIH shaktaya uchyante |
vastutastu \- mAtR^ikApadena gaNeshagrahanakShatrayoginIrAshipIThAnAM
laghuShoDhAnyAsadevatArUpANAM grahANAM, taiH saha mAtR^ikAbhedastu
tantrarAja eva \ldq{}gaNeshagrahanakShatra\-\rdq{} ityAdidvAdashashlokIstavane
kathanAt | gurudevyAH taiH sahAbhedastu yoginIhR^idaye kaulikAryaprakaraNe
varNanAt; nityAhR^idaye, \ldq{}saMpradAyoktaM sphuTopAyena bhAvayet\rdq{}
iti vachanena yoginIhR^idayoktabhAvanAsApekShatayA svatantre svIkArAt |
tasmAdAdyapadenanityAtattvAdereva grahaNam; lipayaH, akArAdyA
varNAH; pIThAH, kAmarUpAdayaH; ekaradAH, vighneshvarAdayo gaNeshAH;
ete trayo.api gataprAyA: santaH pa~nchAshadeva shvAsasa~NkhyA, piNDasya
(21600) pa~nchAshatA vibhAge dvAtriMshaduttarachatuHshatI (432) labdhA |
tena tAvadvAramAvR^ittA lipyAdayo devashvAsA iti vAsanAtrayamAvR^ittishcha
daNDakalitanyAyena svasvasthAnavivR^iddhyA veti tu gurumukhAdeva nirNeyam |
phalavAniti padena labdhasa~NkhyoktiH (432) | DAkinyAdiyoginIShaTkAtmakatayA
shvAsavAsanAmAha \- j~nAneti | j~nakAranakArau shUnyaparau, takAragakArau
 ShaTtrya~Nkapare | tena trisahasrANi ShaTshatAnIti j~nAnottu~Nga (3600)
padena sUchitAnItyarthaH | ShaDbhiH shvAsasa~NkhyAvibhAge tAvata eva lAbhAt
\ldq{}Daralakasaha\rdq{} ityanena nAmaikadeshena nAmagrahaNamiti nyAyena DAkinyAdaya
uchyante | yAkinyA saha saptasa~NkhyA tu nAsha~NkanIyA | \ldq{}shAktaiH
ShaDbhiryathAkSharaiH\rdq{} ityAdinA yoginIhR^idaye ShaNNAmeva grahaNam |
\ldq{}yAkinyAH ShaTsamaShTirUpatvena vyaShTito bhedAbhAvAt saptAnAM
grahaNam\rdq{} ityamR^itAnandavyAkhyA tu setubandha evAsmAbhirnirastA | 

     yattu yoginIpadasya vashinyAdyaShTakaparatvena kAshmIrANAM vyAkhyAnam; 
tatpakSho.api na doShaH | aShTabhiH shvAsAnAM vibhAgo.api 
saptadashottarasahasradvayasya lAbhena shvAsasa~NkhyAyA niHsheShatvasaMbhavAt | 
atrAvR^itteH pa~nchamAShTamAkSharayoH gurutvasyAvashyakatve.api tayoH 
sthAne dvidvilaghuniveshau, \ldq{}lau saH\rdq{} iti sUtreNa laghudvayasya 
gurukAryakAritvavidhAnabalAtsvIkR^itaH | tatsUtrasya mAtrAchChandoviShayakatve.api 
varNachChandaso.api katipayavR^itteShu tada~NgIkAro j~nApakasiddha iti tu 
ChandobhAskarAdau prapa~nchitamasmAbhiH | prayoge.api; \\ldq{}vande rAmaM 
marakatavarNaM munivandyam\rdq{} ityAdiH || 6||

netrodgADho(4320)deshikarADbhUta(5)samUhai\- 
     reno vArI yo navanAthagrahachakraiH | 
nakShatrasyAvR^ittibhirAnandasharIra\- 
     staM sanmArgaM mattamayUraM gurumIDe || 7||

     netreti | netrAMshe udgADho dR^iDha ityanena dUradarshitvAdikaM
guroruktam | pa~nchabhUtasa~NkhyAyAH shvAsavibhAge sati chatvAri sahasrANi
trINi shatAni viMshatishcha (4320) labhyanta iti tAvadvAraM mArutAH
shvAsAH gururUpA evetyarthaH | netrodgADhapadena tatsa~NkhyA darshitA |
nAthAdinavakarUpavAsanAtrayamAha \- eno vArIti | pApahA mahAguruH
chatuHshatAdhikasahasradvayavyAvR^ittyA nAthAdidvaya ityarthaH | dvayaM vArA
vR^ittyAdi (2400) nAthAdirUpa ityarthaH | navanAthA navagrahAH navachakrANi
cheti vAsanAtrayam | aShTashatAvR^ittyAgururnakShatrarUpo.abhUdityAha \-
nakShatrasyeti | jAtAvekavachanam | Ananda (800) shabdenoktasa~NkhyA
pradarshitA || 7||

nityAvR^ittAvIshalayaH sannachalo.abhU\-
     nnADyAvR^ittau rAshiShu nAnAjaparUpaH |
abhyasyadbhistattvagaNairunnatamUrti\-
     staM sanmArgaM mattamayUraM gurumIDe || 8||

     nityeti | ShoDashanityAbhiH (16) shvAsAnAM (21600) vibhAge
sahasrottarasArdhatrishatI (1350) labdhA | Ishe, paramashive, layo yasya
sa guruH; tatsa~NkhyAkanityAvR^ittirUpaH | \ldq{}dashadhyAnasamo layaH\rdq{} iti
lakShitasamAdhivisheSho laya ityuchyate | ShaShTinADIdevatAsa~NkhyayA vibhAge
tu achalo bhavet, ShaShTyuttarashatatrayasa~Nkhyo (360) jAtaH | rAshiShu;
rAshivyAvartamAneShu, nAnAjapAtmA; aShTashatyadhikasahasra (1800) japarUpaH |
ShaTtriMshattattvagaNAbhyAsena unnatasvarUpaH (600) ShaTshatasa~Nkhya ityarthaH || 8||

dhR^ityurvIshAShTendradigAshAhiyugatri\-
     proktAbhiH puMhetibhirambAbhirabhinnaH |
AvR^ittyaivaM ShaNNavateryaH shikharAtmA
     taM sanmArgaM mattamayUraM gurumIDe || 9||

     dhR^itIti | dhR^itayo.aShTAdasha (18) devatAH, bhUpurasthAH aNimAdayo
dasha (10); brAhmyAdyA aShTau (8) kAdimate tR^itIyarekhAyA akathanena
tatratyamudrAdevatAdashakasyAbhAvAt | urvIshAH ShoDasha (16) kAmAkarShiNyAdyAH
ShoDashadalapadmasthAH, aShTau (8) ana~NgaH kusumAdayo.aShTadalapadmasthAH |
indrAH chaturdasha (14) sarvasa~NkShobhiNyAdayo manvashragatAH | disho
dasha (10) bahirdashAragAH sarvasiddhipradAdayaH | AshA api dasha (10)
antardashAragAsarvaj~nAdyAH | ahayo.aShTau (8) vashinyAdyA aShTakoNasthAH |
ambAyudhadevatAshchatasraH (4); trikoNagatakAmeshvaryAdidevatAstisraH (3) etAH
saMhatyaikanavati (91) sa~NkhyAkatvena pa~nchamashloke proktAH tAvatInAmeva
grahaNe shvAsasa~NkhyAyA ekanavatyA vibhAge niHsheShatAyA asaMbhavAt
vibhAjakA~Nke pa~nchAnAM melanena ShaNNavatitvamApAdayitumAha \- puMhetibhiriti |
kAmeshvaryAyudhadevatAbhiH chatasR^ibhirityarthaH | imAH pa~nchanavatibhiH
(99) ambAbhirabhinnasthAH pradhAnAMsheShvityekasheShAbhiprAyeNa
ambAbhirityuktam | evaMprakAreNa ShaNNavaterdevatAnAmAvR^ittyA shikharAtmA
sarvottamasvarUpo guruH sapAdashatadvayAvR^ittimAnAsIdityarthaH |

     nanu cha \ldq{}chakreNa shaktibhiH\rdq{} ityatra shaktisAmAnyavAchakasyApi
padasyaikAnavatayaH proktAH | \ldq{}shrIchakrasthAstu shaktayaH
\rdq{} ityanenopasaMhArAdekanavatidevatAH siddhyantIti na puMhetyAdi
grahaNe mAnaM pashyAmaH | na cha tayA sa~NkhyayA shvAsasa~NkhyAvibhAge
niravasheShatAsaMbhavAdeva pa~nchAnAma~NkAnAM yoga iti vAchyam | kasyApi
katipayAnyUnatAdikalpanenApi saMbhavAt | dhR^ityAdinavasa~NkhyAbhiH pratyekaM
18, 16, 8, 14, 10, 10, 8, 4, 3 vibhajane.api tatsaMbhavAdvA indrasa~NkhyayA
vibhAge dvAdashanAmAnyeteShAM rAshivAsanAkalpanAsaMbhavAt |

     na chaivaM vAsanAsA~Nkarye yathAvasthitaikanavativibhAgasheShasyApi
vAsanAntarakalpanayaivopapattau pratichitradevatAsa~NkhyAnAM
prAtisvikaM vibhajakatvakalpanA na syAditi vAchyam | ekanavatyA
vibhAge trayastriMshatAvasheSheNa tasyoktamAtR^ikAdibhinnatvena
svechChayA devatAntarakalpanAyAmavyavasthApattiriti chet,
maivam | iha saMpradAyasyaiva sharaNatvAt | ata eva manoramAyAM
shaktibhiriti padamekanavatiShaNNavatiparatvena dvedhA vyAkhyAyaikatra
vachanamanyatra gurumukhAgama evottaragranthe pramANamupanyastam|
idaM tu suvacham \- shrIchakreNeti chakArAt navachakrasa~NkhyAmekanavatau
saMmelyobhayasamuchchayarUpayAMshasa~NkhyayA niravasheSheNa vibhAgo vidhIyata
iti |

     na chaikanavatyA vibhAjakatvAyogAt tadAdhArachakranavakamelanasya
nyAyasiddhatvena manvashre.api tadAdhArachakramAtrasya melanena tAvanmAtrAMshe
pa~nchadashasa~NkhyAyA vibhAjakatvakalpane niravasheShatAsaMbhavAt
dhR^ityAdibhiH pArthakyena vibhAgaH siddha iti vAchyam | mahAtripurasundaryA
ekanavatyanantargatatvAt tadAdhArachakrasya tatra melane upapattyabhAvena
navachakrasa~NkhyAmelanasya vAchanikatvA~NgIkAreNaiva nirvAhAditi dik || 9||

maheshanAthakR^itasya nAthanavaratnamAlikAnAmnaH stavasyopasaMhArapUrvakaM
pAThaparANAM gurubhaktAnAM shrIvidyopAsakAnAM sadyaH parashivabhAvaprAptiH
phalatItyAha \-

ityagranthAdbhAskararAyo navaratnai\-
     rmAlAmagryAM nAtharahasyaM gamayantIm |
yeShAmeShA kaNThagatA te jagadambA
     vidyAbhyAsAdatra januShyeva maheshaH || 10||
	
iti shrImaheshanAthakR^itA nAthanavaratnamAlA samAptA |

     itIti | mAlAstotrayo rUpakAnuguNyAya
prabandharachanamAlArachanobhayavAchigrathidhAtuH prayuktaH | nAtharahasyaM
paraM rUpam | atra januShyeva; asminneva janmani, maheshaH; parama\- shivarUpaH |
uktaM cha tantrarAje; \ldq{}evaMvidhAM bhAvanAM yo bhAvayetsa maheshvaraH\rdq{}
iti sarvaM shivam || 10||

iti shrImannAthanavaratnamAlAbhidhAstuteH |
ma~njUShA bhAsurAnandanAthenAkAri guptaye ||

iti shrImatpadavAkyapramANapArAvArapArINadhurINanikhila\-
tantrasvatantrashrImadgambhIrarAjabhAratIdIkShitasUnunA
bhAsurAnandanAthadIkShAbhidhAnena bhAskararAyeNa virachitA
shrInAthanavaratnamAlAvyAkhyA ma~njUShA samAptA |

## 
Encoded and proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}