% Text title            : Nityananda Dvadashakam
% File name             : nityAnandadvAdashakam.itx
% Category              : deities\_misc, krishna, gurudev, dvAdasha
% Location              : doc\_deities\_misc
% Author                : shrIdhara deva gosvAmI
% Latest update         : July 10, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ShrI Nityananda Dvadashakam  ..}##
\itxtitle{.. shrInityAnandadvAdashakam  ..}##\endtitles ##
yo.ananto.anantavaktrairniravadhi harisa~NkIrtanaMsaMvidhatte
     yo vA dhatte dharitrIMshirasi niravadhi kShudradhUlI kaNeva |
yaH sheshashchatrashayyAsanavasanavidhaiH sevate te yadarthAH
     shrInityAnandachandrambhaja bhaja satata~NgaurakR^iShNapradantam || 1||
aMshairyaH kShIrashAyI sakala bhuvanapaH sarva jIvAntarastho
     yo vA garbhodashAyIdashashatavadano vedasUktairvigItaH |
bramANDAsheSha garbhA prakR^itipatipatirjIvasa~NghAshrayA~NgaH
     shrI nityAnandachandrambhaja bhaja satata~NgaurakR^iShNapradantam || 2||
yasyAMsho vyuhamadhye vilasati paramavyomni sa~NkarShaNAkhya
     Atanvan shuddhasattva.nnikhilaharisukha~nchetanaMlIlayA cha |
jIvAha~NkArabhAvAspada iti kathitaH kutrachijjIvavadyaH
     shrInityAnandachandrambhaja bhaja satata~NgaurakR^iShNapradantam || 3||
yashchAdi vyuhamadhye prabhavati sagaNo mUlasa~NkarShaNAkhyo
     dvArAvatyAntadUrddhe madhupuri vasati prAbhavAkhyo vilAsaH |
sarvAMshI rAmanAmA vrajapuri ramate sAnujo yaH svarUpe
     shrInityAnandachandrambhaja bhaja satata~NgaurakR^iShNapradantam || 4||
shrIkR^iShNapremanAmA paramasukhamayaH ko.apyachintyaH padArtho
     yadgandhAtsajjanaughA nigamaba~NhumatammokShamapyAkShipanti |
kaivalyaishvaryasevApradagaNa iti yasyA~NgataH premadAtuH
     shrI nityAnandachandrambhaja bhaja satata~NgaurakR^iShNapradantam || 5||
yo bAlye lIlayaikaH paramamadhurayA chaikachakrAnagaryyAM
     mAtApitrorjanAnA matha nijasuhR^idAMhlAdayaMshchittachakram |
tIrthAn vabhrAma sarvAnupahR^ita janako nyAsinA prArthitashcha
     shrInityAnandachandrambhaja bhaja satata~NgaurakR^iShNapradantam || 6||
bhrAmambhrAma~ncha tIrthAn yatimukuTamaNi mAdhavendra prasa~NgAt
     labdhollAsaH pratikShya prakaTita charita~NgauradhAmAjagAma |
shrIgauraH shrInivAsAdibhirapi yamAvApAlaye nandanasya
     shrInityAnandachandrambhaja bhaja satata~NgaurakR^iShNapradantam || 7||
prAptAj~no gaurachandrAdakhilajana gaNoddhAranAmapradAne
     yaH prApya dvau surApau kalikaluShahatau bhrAtarau brahmadaityau |
gADhaprema prakAshaiH kR^itarudhiravapushchApi tAvujjahAra
     shrInityAnandachandrambhaja bhaja satata~NgaurakR^iShNapradantam || 8||
sAkShAdgauro gaNAnAMshirasi yadavadhUtasya kaupInakhaNDaM
     sandharttu~nchAdideshAsava yavana vadhU spR^iShTadR^iShTo.api vandyaH |
brahmAdyAnAmapIti prabhuparihR^itakAnAmapi sveShTapITaH
     shrInityAnandachandrambhaja bhaja satata~NgaurakR^iShNapradantam || 9||
uddharttu~nj~nAnakarmmAdyapahatacharitAn gaurachandro yadAsau
     nyAsa~NkR^itvA tu mAyA mR^igamanusR^itavAn grAhayan kR^iShNanAma |
tachchAyevAnvadhAvatsthalajalagahane yo.api tasyeShTacheShTaH
     shrI nityAnandachandrambhaja bhaja satata~NgaurakR^iShNapradantam || 10||
shrIrAdhApremalubdho divasanishitadAsvAdamattaika lIlo
     gauro ya~nchAdi desha svaparikaravR^ita~NkR^iShNanAma pradAtum |
gauDe.abAdhandadau yaH subhagagaNadhana~NgauranAmaprakAmaM
     shrInityAnandachandrambhaja bhaja satata~NgaurakR^iShNapradantam || 11||
shrIrAdhAkR^iShNalIlArasamadhurasudhAsvAdashuddhaikamUrtau
     gaure shraddhAndR^iDhAmbho prabhuparikarasamrAT prayachchAdhame.asmin |
ulla~NghyA~NghriMhi yasyAkhilabhajanakathA svapnavachchaiva mithyA
     shrInityAnandachandrampatitasharaNada~Ngauradantambhaje.aham || 12||


iti shrIla bhakti rakShaka shrIdhara deva gosvAmI virachitaM
            shrInityAnandadvAdashakaM sampUrNam |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}