Shri Ramakrishna Ashtakam

श्रीरामकृष्णाष्टकम्

प्रस्थानभेदान् विविधान् विरुद्धान् समन्वयेनैक्यमलम्भयद्यः । कृपामृताब्धिं तमचिन्त्यशक्तिं श्रीरामकृष्णं शरणं श्रयेऽहम् ॥ १॥ निरञ्जनं निष्कलमात्मतृप्तं सदाचिदानन्दतनुं प्रसन्नम् । प्रपन्नमर्त्यार्त्तिहरं नृदेवं युगावतारं भज रामकृष्णम् ॥ २॥ श्रीरामकृष्णौ पृथगेव पृथ्व्यां यदावतीर्णौ न तदा यदासीत् । तत्सर्वधर्मैक्य-समन्वयाख्यं कृत्यं यदीयं भुवनैकभव्यम् ॥ ३॥ श्रीरामकृष्णं मिलितावतीर्णं भूदेवरूपेण तमादिदेवम् । भजन् विवेकेन विहाय दम्भं नरः समाप्नोति भवार्तिशान्तिम् ॥ ४॥ पृथक्पृथक्धर्मनिषेवणेन सारं तदीयं स्वयमव्यलीकम् । सम्यक् समास्वाद्य जगद्धिताय श्रीरामकृष्णः वितरन्तमीड़ए ॥ ५॥ निरस्तमोहं परिपूर्णकामं भवाम्बुधेः पारदपारपोतम् । नवं नवं रूपमिहाददानं श्रीरामकृष्णं भजतां न दुःखम् ॥ ६॥ सदा प्रशान्तं सकलैकसेव्यमैश्वर्यवैराग्यनिधानभूतम् । नित्यैकरूपं समदर्शिनं तं गुरुं गुरूणां भज रामकृष्णम् ॥ ७॥ स्वजन्मना धन्यतमां धरित्रीं विधाय यो राजति निष्कलङ्कम् । तं पूर्णचन्द्रं क्षयहीनमेकं युगावतारं भज रामकृष्णम् ॥ ८॥ इति महामहोपाध्यायश्रीप्रमथनाथतर्कभूषणविरचितं ``श्रीरामकृष्णाष्टकम्'' सम्पूर्णम् । Proofread by Aruna Narayanan