% Text title            : Shri Ramakrishna Suprabhatam
% File name             : rAmakRRiShNasuprabhAtam2.itx
% Category              : deities\_misc, gurudev, rAmakRiShNa, suprabhAta
% Location              : doc\_deities\_misc
% Author                : Otturaunninammutirippada 
% Proofread by          : Aruna Narayanan
% Description-comments  : rAmakRiShNastotramAlA, stavanAnjali
% Acknowledge-Permission: Ramakrishna Shivananda Mission, Varasat
% Latest update         : June 12, 2023
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ramakrishna Suprabhatam ..}##
\itxtitle{.. shrIrAmakR^iShNasuprabhAtam ..}##\endtitles ##
lIlA manuShyo bhagavan kShudirAma sUno
      shrI shAradAramaNa, chandramaNI tanUja |
sarvAvatAra tilakAyita\-puNyakIrte
      shrIrAmakR^iShNa bhavatastava\-suprabhAtam || 1||
kAlIpadAmbuja samarchanalAlasasya
      tadviprayoga kaThinavyasanAturasya |
niHsheSha romavivarashR^itaraktabindo\-
      rmUrChAmibhUtamanasastava\-suprabhAtam || 2||
tyaktAnnapAnashayanAdi sharIra dharmAn,
      shashvaddharAtalaluNThana\-kamanIyamUrte |
ambAbhidhAna mukharIkR^ita puNyakaNTha
      trailokya pAvanavibho, tava suprabhAtam || 3||
khaDgeNa kaNThadalanAya samudyatasya
      sadyovilokita jagajjananImukhasya |
tatkAntivIchi kavalIkR^ita vigrahasya
      sammUrchChayA prapatatastava suprabhAtam || 4||
kAlInirantaranirIkShaNAnanditasya
      vAtAtmajena paramaikyamupAgatasya |
kAmopadhAvana parasya sAkShAt\-
      kArAnura~njitadhiyastava suprabhAtam || 5||
niShkAmalobhamadamatsaramAnasasya
      sat shikShaNArthakR^itadAraparigrahasya |
vaitR^iShNya vismR^ita vivAhakathasya sAdhoH
      shrIshAradAmaNipatestava suprabhAtam || 6||
sarvA~NgadAhashamanArtha mudaplutasya
      shrIbhairavI vihita bheShaja nirvR^itasya |
tantroktasAdhana sahasraniShevakasya
      sarveShu siddhimayatastava suprabhAtam || 7||
svasyA~NgataH sukR^itapAtakarUpa puMso\-
      nirvANamutkaTaparasparamallayuddham |
puNyena pApahananaM cha nishAmya sAkShA\-
      chChAntajvarasya sukhinastava suprabhAtam || 8||
svarNe tR^iNe malayate viShatulyadR^iShTe\-
      rjIve shave nR^iShu mR^igeShu samAnabuddheH |
bhikShau gR^ihiNya viShamaM prasamIkShyamANa
      syAntarbahiH samadR^ishastava suprabhAtam || 9||
bhogeShu yogavibhaveShu virAgashAlin
      kShetreShu veshabhavaneShu parArthadarshin |
shiShTeShu duShTanikareShu kR^ipAbhivarShiNa
      trailokyapAvanayashastava suprabhAtam || 10||
antarbahishcha bhuvanatritayaM samastaM
      sarveshvarasya mahasAtimitaM tataM cha |
AlakShya harShajavadharShita mAnasasya
      mattapraNartana kR^itastava suprabhAtam || 11||
Alokya lokajananI pratimAn pradIpA\-
      nArAdhanopakaraNAni samarchakAMshcha |
devAlayaM cha sakalAni chidAtmakAni
      vishvaksumAnikiratastava suprabhAtam || 12||
rAdhApraviShTahR^idayasya, tadAtmakasya
      mAdhuryabhAvamadhupAna madotkaTasya |
preyAviyogadravataptakalevarasya
      nirjIvasAmyamayatastava suprabhAtam || 13||
gopAlanandananirIkShaNavijvarasya
      tannityayogaparamotsavanirvR^itasya |
sarvatratattanuvilokanavismitasya
      tatsAtmatA~Ngatavatastava suprabhAtam || 14||
bhaktottamo mahita bhAgavataM purANaM
      tatsaMshrayashcha bhagavAniti kIrtitasya |
vastutrayaikya paramaikya mahArahasyaM
      sAkShAdvilokitavatastava suprabhAtam || 15||
anyAdR^ishAtmatapasAmanubhAvaheto\-
      rekaika romavivarAt svatanorgalantIm |
Alokya kAntimabhinanditumakShamasya
      tannaShTayespR^ihayatastava suprabhAtam || 16||
asteyasatyakaruNAdiyamairyutasya
      kArtsnena sAdhanachatuShTaya puShkalasya |
aj~nAnato.api kanakAdisamastaloha\-
      sparshAkShamasya bhagavanstava suprabhAtam || 17||
pUgAdiyat kimapi vastukarAravinde
      sa~NgR^ihyate yadi kadApi nijopayuktyai |
tarhyajasA kurUTatAmatimU.DhatAM cha
      samprApya kashmalabhujastava suprabhAtam || 18||
santA.Danasya parakAyanipAtitasya
      suspaShTachihnamakhilAtmatayA svadehe |
sa~NkrAntamadbhutavimohita mAnuShANAM
      netrasya gocharayatastava suprabhAtam || 19||
totApurIcharaNabhakta, tatogR^ihIta
      sa.nnyAsadIkSha viditasvaparAtmabhAva |
mAsAn ShaDujjhita vikalpamahAsamAdhau
      nirmajya saMsthita vibho, tava suprabhAtam || 20||
AchArapUtakaraNasya shubhAshayasya
      baddhAsanasya vijitAnilapa~nchakasya |
pratyAhR^itendriyagaNasya, samAhitasya
      brahmAmR^itaM rasayatastava suprabhAtam || 21||
svechChAgR^ihIta madhurapramadAmayasya
      varShArdhabhuktabahuduHsahayAtanasya |
itthaM shanairja.DasamAdhi samutthitasya,
      sthAnatrayaM gatavatastava suprabhAtam || 22||
islAmatotsuka mohammadamUrtidarshin
      IshornirIkShaka, vilokita gaura kR^iShNa |
teShAmasheShavapuShAM svatanoH praveshaM
      nivarNya vismitamate, tava suprabhAtam || 23||
sAkShAtkR^iteshagirijAchyutarAmarAdhA
      sItA~njaneyanavikR^istushachItanUja |
anyairadR^iShTacharayogarahasyavedin
      sa~NkShuNNa sarvasaraNe tava suprabhAtam || 24||
tyaktvA vikalparahitAM ja.DayoganidrA\-
      mambAj~nayA kushalabhAvamukhasthitasya |
lokaM maheshvaramapi sphuTamekakAle
      sampashyato.akhila gurostava suprabhAtam || 25||
lIlAsahAyavirahavyathitAntara~Nga
      teShAmupAgamanadarshanasuprasanna |
teShAM puraH prakaTitAtmamahAprabhAva
      svAmin jagatrayaguro, tava suprabhAtam || 26||
sachchinmUrte dhR^itanaratanorlIlayA dharmaguptyai
      kR^itvA dIrghaM bahuvidhatapAM syeShusamprApyasiddhiH |
nikShipyAnte svayamupachitaM j~nAnavittaM svashiShye,
      ShvantardhAtuM vyavasitamaterastu te suprabhAtam || 27||
sachchitsaukhyekamUrte nijamahimaraterbhUrikAruNyarAshe\-
      rviprAgyrAllabdhajAterbahuvidhatapasi vyApR^itasvAntavR^itteH |
prAptabrahmAnubhUteH sahacharanihita svIyatejovibhUte\-
      rAnAkavyApikIrterakhilajanapaterastu te suprabhAtam || 28||

iti oTTuraunninammUtirippAda virachitaM
           \ldq{}shrIrAmakR^iShNasuprabhAtagItam\rdq{} sampUrNam |
##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}