% Text title            : Shri RamakrishnaparamahamsopadeshAvaliH 1
% File name             : rAmakRiShNopadesha1.itx
% Category              : deities\_misc, gurudev
% Location              : doc\_deities\_misc
% Author                : Sw. Ramakrishnananda (1863-1911)
% Transliterated by     : Sunder Hattangadi sunderh at hotmail.com
% Proofread by          : Sunder Hattangadi sunderh at hotmail.com
% Description-comments  : English and Hindi translations in the source book
% Source                : ShriRamKrishna UpadeshSahasri by Swami Apurvananda
% Latest update         : July 10, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ramakrishnopadeshavalih 1 ..}##
\itxtitle{.. shrIrAmakR^iShNaparamahaMsopadeshAvaliH 1 ..}##\endtitles ##
viyattale sUryavibhAprabhAvAd
yathA divA khe na vibhAnti bhAni |
vibhuntathA mohabalAddR^iShTvA
nirIshvaraM ke.api vadanti vishvam || 1||
apyabdhinIraM lavaNena pUrNaM
nAsvAdanAt prAgavagamyate kaiH |
idaM jagat pUrNamapIshashaktyA
kastAM vijAnAti vinA sucheShTAm || 2||
uDDIyamAno viyatIha gR^idhro
dR^iShTiM yathAyaM kuNapeShu dhatte |
dR^iShTistathA yAtyapi paNDitAnAM
nirarthakeShvarthayashaHsu nityam || 3||
yato.abhyAsAt svabhAvo.ayaM strIpuMsAM jAyate dhruvam |
yataH sarvaH sadaiveha svabhAvamanuvartate |
kadabhyAsaM tataH sarvo vihAya satsvabhAvataH |
sadbhAvAn samanuShThAya vimalAnandabhAg bhavet || 4||

kR^ipaNeShu yathArtheShu spR^ihAsti balavattamA |
tathaiva tava lobho.astu shrIhareH pAdasevane || 1||
phalodaye kShayaM yAnti yathA puShpadalAni vai |
j~nAnodaye tathA hyatra mAnamohamadAndhatAH || 2||
hR^idAkAshamidaM yAvad vAsanAtamasAvR^itam |
brahmasUryodayasyAsmin tAvad vai sambhavaH kutaH \? || 3||
tAvad gu~njati bhR^i~Ngo.ayaM yAvat puShpaM na gachChati |
puShpAli~NganamAsAdya niHshabdo madhupaH sadA || 4||
tathAyaM paNDitastAvad vAdatarkaparAyaNaH |
pANDityaghoShaNAyochchaiH shAstrArthakathanotsukaH || 5||
shAstrANAM pratipAdyasya sarveShAmIshvarasya tu |
yAvanna labhate bhaktiM pAdapa~NkajayugmayoH || 6||
yadA tu tatkR^ipAleshAt tadbhaktiM labhate parAm |
tadAlokananirvR^ityA nishcheShTo jAyate tadA || 7||
chitte mAyAparichChinne vibhurnaiva vikAshate |
rUpaM malasamAchChanne darpaNe kiM prakAshate \? || 8||
yathA ghanaghaTAkAshe sUryamAvR^itya tiShThati |
mahAmAyA tathaiveha vibhumAvR^itya vartate || 9||
mAyAyAM vigatAyAntu vibhuH sarvatra bhAShyate |
jalade.apagate sUryo yathA sarvatra dIpyate || 10||
tara~Ngasa~Nkule.ambhodhau chandrabimbAni khaNDashaH |
khelantIva yathA chandraM saMvibhajya sahasrashaH || 11||
tathA sucha~nchale chitte saMsArAbaddhachetasAm |
pavitre.api brahmabhAvAH kShaNamAyAnti yAnti cha || 12||
sahasravatsaravyApi\-tamaHpUrNagR^ihodaram |
sarvatra dyutimadbhAti dIpayogAdyathA~njasA || 13||
manomalaM kilbiShAkhyaM sahasrajanmasa~nchitam |
shrIhareH karuNAleshAt tathA tUrNaM palAyate || 14||
tyajanti sAttvikAH sarvaM kathaM govindamAnasAH |
dhanaM dhAnyaM yashomAnaM putradAragR^ihAdikam \? || 15||
vismR^itya nikhilAn bhogAn vihAya jIvitaspR^ihA |
pata~Ngo.ayaM yathA yAti pradIptajvalanaM prati || 16||
yathApi makShikA tUrNaM tuchChIkR^itya svajIvitam |
paramAnandamAsthAya madhubhANDe nimajjati || 17||
tathetararasAn sarvAn vismR^itya saMvihAya cha |
shrIviShNumupagachChanti bhagavatparamAyaNAH || 18||
jalaM yathA bhinnanAmabhiH bruvate janAH |
\ldq{}ovATariti\rdq{} vA kechid \ldq{}AkovA\rdq{} iti vA pare || 19||
\ldq{}pAnIti\rdq{} vA vadantyeke tvabhinnaM salilaM bhuvi |
tathaivaM sachchidAnandaM nAmabhirbahubhiH pR^ithak |
vadanti bhinnapuruShA \ldq{}allA\rdq{} \ldq{}gA.cD\rdq{} \ldq{}jihove\rdq{}\-ti vA || 20||
\ldq{}adhunaiva mayA dR^iShTaH kR^ikalAso manoharaH |
vR^ikShashAkhAgra\-bhAge.asmin raktavarNaH samujjvalaH || 21||
patrAntaraM praviShTo.asau idAnIntu na dR^ishyate |
kiM bhrAtaH sa tvayA dR^iShTaH saraTo bhR^ishamadbhataH\rdq{} || 22||
bhrAtarmayApi dR^iShTo.asau nUnaM pIto na raktabhAk |
tasya tadvachanaM shrutvA.abravIttaM prathamo.adhvagaH || 23||
\ldq{}kiM kAmalarujA bhrAtardR^iShTiste kaluShIkR^itA |
kathaM tvaM manyase pItamamuM kokanadachChavim\rdq{} || 24||
parihAsamimaM shrutvA tamuvAcha tato.aparaH |
\ldq{}nAhaM kAmalavAnasmi na me dR^iShTirbhramAtmikA\rdq{} || 25||
\ldq{}pItaM drakShyAmi shonaM ched yAsyAmi duShTadR^iShTitAm |
pItAn saraTanivahAn vidhAtA sR^iShTavAn purA || 26||
rakto.asau saraTo nUnaM navasR^iShTistavAdhunA |\rdq{}
itthaM vivadamAnau tau tR^itIyaH prAptavAn pathi |
sAgrahaM samakAla~ncha taM prApya pR^ichChataH sma tau || 27||
bhrAtaryadi vijAnAsi satyaM nu vada sAmpratam |
\ldq{}kiMvarNaH saraTo bhAti pItaH kimuta lohitaH \rdq{}|| 28||
tayostadvachanaM shrutvA sasmitaM tAvuvAcha naH |
\ldq{}yuvayorvachane satyaM bahurUpaH sa eva hi || 29||
patrAntare.asau harito.api bhUtvA chApekShate kAlavashAt praneyAn |
AhAryakITAnatitIkShNadR^iShTiH svapatravarNAchcha suguptadehaH || 30||
AhAryamAhartumanekarUpaM prayojanasyAnumataM sa dhatte |
svabhAvamityasya nirIkShya dhIrA ima~ncha nityaM bahurUpamAhuH || 31||
anantabhAvasya cha vishvamUrterdabhrAn vibhinnAnadhigamya bhAvAn |
parasparaM mUDhamanuShyasa~NghAH itthaM pR^ithivyAM vivadanta eva || 32||
yuvAM tato nArhatha evameva chitte nidhAtuM khalu dInabhAvam |
nAnyasya dharme kuruta~ncha nindAM sarve vivAdA hi tamaHprasUtAH || 33||

iti |
##
Encoded and proofread by Sunder Hattangadi sunderh at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}