% Text title            : Shri RamakrishnopadeshAvaliH 2
% File name             : rAmakRiShNopadesha2.itx
% Category              : deities\_misc, gurudev
% Location              : doc\_deities\_misc
% Author                : Sw. Ramakrishnananda (1863-1911)
% Transliterated by     : Sunder Hattangadi sunderh at hotmail.com
% Proofread by          : Sunder Hattangadi sunderh at hotmail.com
% Description-comments  : English and Hindi translations in the source book
% Source                : ShriRamKrishna UpadeshSahasri by Swami Apurvananda
% Latest update         : July 10, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ramakrishnopadeshavalih 2 ..}##
\itxtitle{.. shrIrAmakR^iShNaparamahaMsopadeshAvaliH 2 ..}##\endtitles ##
yathA vilipte tu rasaiH prakAshate
kAchasya pR^iShThe pratirUpasa~nchayaH |
hR^illagnashukre cha tathordhvaretasA\-
mAdarshavat sarvavibhuH prakAshate || 1||
vAShpAlokA yathaiveha puravartmagR^ihAdikam |
nAnArugbhirdyotayanti hyekakoShAt samAgatAH ||
nAnAjAtikulodbhUtA avatArAstathA bhR^isham |
sarvAn deshAn bhAsayati hyadvayeshAt samAgatAH || 2||
yathA sparshamaNiM spR^iShTvA lohaH kA~nchanatAM gataH |
sthApito yatra kutrApi vikR^itiM naiva gachChati ||
tathA sadgurusaMsargAd yadA nirmalatAM vrajet |
shubhAnvito janaH ko.api na punaH kilbiShI bhavet || 3||
yathA sparshamaNeH sparshAt taravAro hyayomayaH |
hiraNmayatvamAsAdya na tu rUpaM tyajet svakam ||
tathApi pUrvavat nAnyaddhiMsituM kShamate tvasau |
tathA haripadasparshAt kashchit puNyavatAM varaH ||
nirmalatvaM samAsAdya pUrvadehaM samAshrayet |
tathApyasau punarneha gachChedvai ripuvashyatAm || 4||
ayaskAntagirirguptaH samudrasalilAntare |
vishleShayatyayaH kIlAn potebhyaH kShaNamAtrataH ||
tathA harikR^ipAkarShAn naro vigatabandhanaH |
tatpremArNavagarbhe vai hyAtmArAmo nimajjati || 5||
siddhakandamUlAdIni bhajante mR^idutAM yathA |
asiddhAni yathA tAni santyeva kaThinAni cha ||
niShThuro.api tathA siddhaH puruSho jAyate yadA |
komalatvamApnoti kAThinyaM saMvihAya saH ||
asiddhaH svalpasiddho vA svabhAvAd vikR^ito bhavet |
mR^iShAchArI mR^iShAbhAShI suduShTo jAyate dhruvam || 6||
svapnamantra\-haThakR^ipA\-nityatvAdi\-vibhedataH |
siddhAH pa~nchavidhA j~neyAH pR^ithvIshobhAvivardhanAH ||
svapnakAle yadA ko.api mantraM prApya tu chetanam |
tenaiva siddhimApnoti svapnasiddhaH sa uchyate ||
gurudattaM shubhaM mantraM sarvasiddhipradAyakam |
yo japtvA siddhimApnoti mantrasiddhaH sa eva hi ||
haThAt prApya dhanaM dIno bhavettUrNaM dhanI yathA |
duShTo.api sAdhutAmeti sahasaiva kvachidbhuvi ||
dIrghakAlatapasyAbhiryat phalaM prApyate naraiH |
muhUrtenaiva tatprApya haThasiddha sa jAyate ||
dInaM hInaM yathA dR^iShTvA dhanI kR^ipAparAyaNaH |
tasyApanayati kleshaM dhanadAnena sarvathA ||
vIkShya ka~nchid dInachittaM durAchAra naraM tathA |
karoti sAttvikashreShTha govindo dInavatsalaH ||
tasyaiva naradevasya sarvapUjyasya vai tadA |
kR^ipAsiddha iti khyAtirbhavatIha dharAtale ||
kuShmANDAlAvuvallInAM yathA phalodayAt param |
puShpANi sambhavantIha phalAni cha tataH param ||
tathA ye nityasiddhAste janmasiddhA bhavanti vai |
teShAM tvAjanmasiddhAnAM kartavyAnIha santi na ||
tathApi te.anutiShThanti yAni karmANi siddhaye |
tAnyeva lokashikShArthaM nityasiddhAsta eva hi || 7||
yathA dUrato haTTakolAhalo.ayam
abodhyaH sadA bhAti sarvairmanuShyaiH |
samIpe tu vANijyakAryottha\-shabdAH
krayAdyarthamutthApitA bhAnti nityam ||
tathA sR^iShTikANDamanantaM vilokya
hyanIshaM svatantraM vadantIha mUDhAH |
sudhIH sUkShmadarshI tu jAnAti nityaM
vidhAtAsya netA prabhurvishvakartA || 8||

iti |
##
Encoded and proofread by Sunder Hattangadi sunderh at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}