% Text title            : ramaNachatvAriMshat Forty Verses in praise of Maharshi Ramana
% File name             : ramaNachatvAriMshatGM.itx
% Category              : deities\_misc, ramana, stotra, gaNapati-muni
% Location              : doc\_deities\_misc
% Author                : Vasishtha Ganapati Muni
% Proofread by          : Sunder Hattangadi sunderh at hotmail.com
% Acknowledge-Permission: Sri V.S. Ramanan, President, Sri Ramanasramam sriramanamaharshi.org
% Latest update         : October 1, 2014
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ramanachatvarimshat - Forty Verses in praise of Maharshi Ramana ..}##
\itxtitle{.. shrIramaNachatvAriMshat ..}##\endtitles ##

vande shrIramaNarSherAchAryasya padAbjam |
yo me.adarshayadIshaM bhAntaM dhvAntamatItya ||

kathayA nijayA kaluShaM haratA karuNAnidhinA.aruNashailajuShA |
khagavAhanabhAShitatattvavidA vR^iShavAhanamaunarahasyabhR^itA || 1||

gaNarANmukhasUrisabhAguruNA guNasa~nchayaratnamahodadhinA |
ghanagUDhasahasrakareNa yathA tanuka~nchukaguptamahAmahasA || 2||

chatureNa chalendriyanigrahaNe paTunA parakIyaguNagrahaNe |
ChalavarjitamaunasamAdhijuShA balatarjitabhIkarakAmaruShA || 3||

jaTharaM samaye paripUrayatA kaThinaM vratamadritaTe charatA |
jhaShaketanashastradurApahR^idA kR^iShimAtmavibodhavidhau dadhatA || 4||

bhavabhIkaravArinidhiM taratA karatAmarasena supAtravatA |
svadR^ishA.adhikashItalakAntibhR^itA bhayama~NghrisarojajuShAM haratA || 5||

namatAmatibhaktimatAM nidhinA ghanatApavidhUnanasannidhinA |
yatidharmatatiM paripAlayatA paritashcha tamo vinivArayatA || 6||

phaNinAyakavarNyaguNaughabhR^itA bhaNitIH priyasatyahitA bhaNatA |
bahumAnavashAdayatA sukhitAmavamAnatateravidUnavatA || 7||

yatinAmadhipena kushAgralasanmatinA dhR^itinA shitachittabhuvA |
laharIMpramadasya sadAvahatA nihatAntarashAtravasaMhatinA || 8||

bhagavatpadamanyajanAsulabhaM svaguNairadhigatya paraM jayatA |
mamatArahitena hitena satAM nihitena gaNaprabhuNA hR^idaye || 9||

dharaNIdharajA~Nkamapi tyajatA dharaNItalavAsitamodhutaye |
naraveShabhR^itA nagarandhrakR^itA ramaNena sanAthamidaM bhuvanam || 10||

paradeshineva dhavalena vAsasaH shakalena veShTitakaTIvishobhinA |
varadeshikena naraveShadhAriNA shikhivAhanena gurumajjagadbhavet || 11||

atItaguNajAlAya naiShThikabrahmachAriNe |
namo mAyAmanuShyAya gurave tArakAraye || 12||

yAnAyAtra na kekinAM kulapatiH snAnAya na svarNadI
pAnAya kShitibhR^inmahendraduhiturnastanyadugdhAmR^itam |
gAnAya pramatheshvarAssavayaso naivAtra vINAbhR^ito
vAsaM shoNagirau karoShi bhagavan krau~nchAdribhettaH kutaH || 13||

ekaM vaktramumA~NkavAsavirahaH pANau na shaktyAyudhaM
martyatvaM na patAkinI cha pR^itanA pArshvadvaye nAkinAm |
veSho.alaM punareSha mugdhanayanaprachChAdane bhUjuShA\-
mantardhAnamupaiShi tArakaripo kva stanyadAyAdataH || 14||

kechidyogavidAM puraHsara iti praj~nAnibuddhyA pare
sAdhuH kashchiditItare gurudhiyA ke.apya~NghripadmaM tava |
sevante ramaNAbhidhAnamanujakShemAya jAtakShitau
dvitrAstvAM girijA~NkapIThanilayaM jAnanti devaM guham || 15||

o~NkArArthamupAdisho bhagavate vANImanohAriNe
tAtAyApyupadeShTumudyatamabhUt ki~nchittvadIyaM mukham |
jyeShThasyAdya sahodarasya gurutAM prApto.asi dhIgauravAt
subrahmaNya kaniShThatAmapi gataH sarvAdhikastvaM guNaiH || 16||

yatpUrvaM shrutipAradarshidhiShaNo dvaipAyano.adhyAruhat
pashchAdbodhakalAvidhUtatimiraH sha~NkApahashsha~NkaraH |
tatsampratyakhilAvanItalajuShAmAchAryasiMhAsanaM
deva tvAM prativIkShate naratano gIrvANasenApate || 17||

dharme nAshamupAgate tribhuvane paryAkule pApataH
praj~nAne parito girAM pathi mudhA sa~nchAryamANe janaiH |
sadbhAve parameshvarasya cha pituH sandehaDolAM gate
dvIpaH kaitavamartyakekituraga tvAmantarA kassatAm || 18||

vairAgyaM tava vittamastu karuNAM shaknoShi hAtuM kathaM
dUshyaste.astu samudyamaH pitR^ipadadhyAnaM cha kiM tAdR^isham |
kAmaste.astu vigarhito vinamatAM rakShA cha kiM garhitA
skandachChadmamanuShya kiM nu samayaM ka~nchitsamudvIkShase || 19||

dUraM yAhi kuvAda dharmavR^iSha te netaH paraM pa~NgutA
durbhrAnte bhuvanaM jahIhi parito vardhasva saMsatsatAm |
sodaryeNa samanvito bhuvamimAM prApto gurugrAmaNIH
shUrAntaHpuranetravibhramaharo devo bhavAnIsutaH || 20||

janmasthAnamavApya guptamahamo yo bhedamAdhUtavAn
bhUtAnAM charatAM pR^ithagvidhadhiyAmAtmaiva yo bhAsate |
dehaM sarvamidaM jagachcha vibhavAdAkramya yaH prollasa\-
tyekastaM gurumUrtimAnamata re lambodarabhrAtaram || 21||

antaryashcha bahirvidhUtatimiraM jyotirmayaM shAshvataM
sthAnaM prApya virAjate vinamatAmaj~nAnamunmUlayan |
pashyanvishvamapIdamullasati yo vishvasya pAre para\-
stasmai shrIramaNAya lokagurave shokasya hantre namaH || 22||

prasaratAditaH shubhavilokitam |
ramaNa te sakR^itphalatu me kR^itam || 23||

ramaNa janminAmayi bhavAn guruH |
abhida Ashayastava mahAnuruH || 24||

jagadahaM paraH sphurati me trayam |
sadabhidaM girA tava visaMshayam || 25||

tvadupadeshato galati saMvidA |
mayi niranyayA sadahamorbhidA || 26||

ahami yo.antarastamamalaM hR^idi |
anubhavema bhostava kR^ipA yadi || 27||

na karuNA guNastava vidAM pate |
hR^idayatejasaH sahajabhaivate || 28||

tava tanurjvalatyanagha vidyutA |
tava dR^igAtatA lasati bhAsvatA || 29||

kabalitaM manastava vibho hR^idA |
tvamasi santataM vilasito mudA || 30||

bhuvanabhUpaterbhagavataH kR^ite |
bhavasi pAchako yamavatAM pate || 31||

narapashUnimAnahami tADayan |
parashivaudanaM vitanuShe pachan || 32||

timirANi na kevalaM vachobhiH
karuNApA~Ngavilokitaishcha nR^INAm |
hR^idaye prasaranti mardayantaM
bhagavantaM ramaNaM guruM namAmi || 33||

bhavajalanidhiM gAhaM gAhaM chirAdalasAlasAn
padajalaruhadvandvadvIpaM shritAMstava samprati |
ramaNabhagavan kalyANAnAM niketana pAhi naH
sadaya dayayA siktairbhaktAnapA~NgavilokitaiH || 34||

yadi na jananI stanyaM dadyAchChishorbata kA gatiH
yadi pashupatiH krodhaM kuryAtpashoravanaM kutaH |
yadi padajuShAmAchArya tvaM nihaMsi na saMshayaM
bhramashataparAbhUtA ete tarantu bhavaM katham || 35||

vishadahasite pUrNA shAntiH sudhAkarasodare
sthirapR^ithulayoH pUrNA shaktirdR^ishoratulArchiShoH |
hR^idayakamale nityA niShThA bahishcha saratprabhe
ramaNabhagavan ko vA maunI samastava bhUtale || 36||

devI shaktiriyaM dR^ishoH shritajanadhvAntakShayAdhAyinI
devI shrIriyamambujAkShamahiShI vaktro sahasrachChade |
devI brahmavadhUriyaM vijayate vyAhAragUDhA parA
vishvAchArya mahAnubhAva ramaNa tvAM stautu kaH prAkR^itaH || 37||

so.ahaM jAto ramaNabhagavan pAdayoste daviShTho
yadyapyasminmahati samaye shaktilAsye pravR^itte |
sUryasyeva jvalitamahaso dUragAM nAtha shaktiM
vishvasyAgyrAM tava mama mano vItaduHkhaM tathApi || 38||

tadbhAgadheyamasamAnamanekamauni\-
vAsArjitaM kShitibhR^itaH khalu lohitasya |
a~NgIchakAra bhagavAn ramaNo maharShi\-
ranyeShu satsu yadimaM bahuShu sthaleShu || 39||

shAntirnitAntamadhikA paramAsya shakti\-
rvairAgyamadbhutatamaM karuNA tu sAndrA |
j~nAnaM nirastakuhanaM madhuraM cha vR^IttaM
nR^INAM nidarshanamayaM ramaNo maharShiH || 40||

nArasiMhirgaNapatirvAsiShTho ramaNaM gurum |
chatvAriMshanmitaiH padyaiH skandAMshaM stutavAnR^iShim ||

##
\medskip\hrule\medskip
Proofread by Sunder Hattangadi sunderh at hotmail.com

This work is published by Sri Ramanasramam.
It has been approved to be posted on sanskritdocuments.org
by permission of Sri V. S. Ramanan, President, Sri Ramanasramam.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}