% Text title : ramaNasahasranAmastotram % File name : ramaNasahasranAmastotram.itx % Category : sahasranAma, misc, jagadIsha-shAstrI % Location : doc\_deities\_misc % Author : Jagadisha Sastri % Transliterated by : Sunder Hattangadi sunderh at hotmail.com % Proofread by : Sunder Hattangadi sunderh at hotmail.com % Source : Ramanashram Publication www.sriramanamaharshi.org % Acknowledge-Permission: Sri V.S. Ramanan, President, Sri Ramanasramam sriramanamaharshi.org % Latest update : January 9, 2015 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Ramanamaharshi Sahasranama Stotra ..}## \itxtitle{.. ramaNasahasranAmastotram ..}##\endtitles ## || shrIH || || shrIramaNasahasranAmastotraprArambhaH || devyuvAcha | bhagavansarvashAstrArthaparij~nAnavatAM vara | aruNeshasya mAhAtmyaM tvatto vistarashaH shrutam || 1|| tannAmnAmapi sAhasraM sarvapApaharaM nR^iNAm | aruNeshAvatArasya ramaNasya mahAtmanaH || 2|| idAnIM shrotumichChAmi tasya nAmasahasrakam | yasya sa~NkIrtanAnmartyo vimuktiM vindate dhruvam || 3|| tvantu sarvaM vijAnAsi nAnyastvatto.asya veditA | tasmAtkAruNyato mahyaM bhaktimatyai visheShataH || 4|| nAmnAM sahasraM divyAnAM ramaNasya munIshituH | rahasyamapi vaktavyaM tvayA gautama suvrata || 5|| gautama uvAcha | sAdhu sAdhu mahAbhAge prashna eSha jagaddhitaH | vakShye tachChraddhayopetA sAvadhAnamanAH shR^iNu || 6|| j~nAnaM vedAntasa~njAtaM sAkShAnmokShasya sAdhanam | karmopAstyAdi tadbhinnaM j~nAnadvAraiva muktidam || 7|| niShkAmakarmashuddhAnAM vivekAdimatAM nR^iNAm | jAyate tachcha vij~nAnaM prasAdAdeva sadguroH || 8|| j~nAnasAdhananiShThatvaM j~nAnAbhyAsaM vidurbudhAH | tAratamyena bhidyante j~nAnAbhyAsAdhikAriNaH || 9|| vichAramAtraniShThasya mukhyA j~nAnAdhikAritA | vichArI durlabho loke vichAro duShkaro yataH || 10|| mamukShavo narAssarve j~nAnAbhyAse.adhikAriNaH | strIshUdrANAM tathAnyeShAM nAdhikArovigarhitaH || 11|| deshabhAShAntareNApi teShAM sopyupakArakaH | j~nAnasya cha vichAro.ayaM sannikR^iShTaM hi sAdhanam || 12|| vichArabhinnamArgashcha na sAkShAjj~nAnasiddhaye | vichArajananadvAretyAhurvedAntavedinaH || 13|| yogopAstyAdayopyanye santi vij~nAnahetavaH | tadAlambo bhavatyeva vichArAnadhikAriNAm || 14|| yogopAstyAdyashaktAnAM japastyutyAdikIrtanam | j~nAnopAyobhavatyeva jij~nAsAnuShThitaM yadi || 15|| tasmAdayatnatoj~nAnaM sarveShAM yena hetunA | tAdR^ishaM nAmasAhasraM ramaNasya mahAtmanaH || 16|| tvaya prItyaiva vakShyAmi hitAya jagatAM shR^iNu | nAbhaktAya pradAtavyamidaM mokShasukhapradam || 17|| asya shrIramaNadivyasahasranAmastotramahAmantrasya | gautamo R^iShiH | anuShTupChandaH | shrIramaNaparamAtmAdevatA | aiM bIjam | hrIM shaktiH | shrIM kIlakam | \ldq{}shrI ramaNAya namaH\rdq{} iti mantrapratyekavarNena hR^idayAdi nyAsaH | OM bhUrbhuvassvaromiti digbandhaH | dhyAnam | dhyAyechChAradachandrasundaramukhaM tAmrAravindekShaNaM bhaktAbhIShTavarAbhayapradakaraM kaupInamAtrojjvalam | svAtmAnandarasAnubhUtivivashaM sarvAnavadyA~NgakaM shrImantaM ramaNeshvaraM guruvaraM yogAsanAdhyAsitam || aruNajalajanetraM mugdhamandasmitAsyaM taruNatapanabhAsaM pUrNabodhaprasAdam | aruNashikharisAnuprA~NgaNe sa~ncharantaM ramaNamaruNamUrtiM chintayediShTasiddhyai || || OM || aruNeshamahAshaktinipAtapratibodhitaH | achintyaparanirvANasthitiravyaktashaktikaH || 1|| anabhyAsashramAvAptasamastanigamAgamaH | aruNAchalanAthIyapa~ncharatnaprakAshakaH || 2|| anAhatAnyahR^idayasthAnabodhanapaNDitaH | akArAdikShakArAntamAtR^ikAmantramAlikaH || 3|| antargatamahAshaktiraNimAdiguNAnvitaH | abhyAsAtishayaj~nAta atyAshcharyacharitrakaH || 4|| ativarNAshramAchAro.achintyashaktiramoghadR^ik | a~NgAvantyAdideshIyamumukShujanatAshrayaH || 5|| antarmukho.antarArAma antaryAmyahamarthadR^ik | ahamarthaikalakShyArtha aruNAdrimayo.aruNaH || 6|| apItAmbA~NganirmAlyapayaHpAnaikajIvitaH | adhyAtmayoganilaya adInAtmA.aghamarShaNaH || 7|| akAyo bhaktAkAyasthaH kAlachakrapravartakaH | akShipeyAmR^itAmbhodhirAhUyaishvaryadAyakaH || 8|| AjAnubAhurakShobhya AtmavAnanasUyakaH | AvartakShetrasa~njAta ArtarakShaNatatparaH || 9|| itihAsapurANaj~na iShTApUrtaphalapradaH | iDApi~NgalikAmadhya\-suShumnAgranthibhedakaH || 10|| iDApi~NgalikAmadhya\-suShumnAmadhyabhAsuraH | iShTArthadAnanipuNa indrabhogaviraktadhIH || 11|| IshAna IShaNAhInaH ItibAdhAbhayApahaH | upAsyamUrtirutsAhasampanna uruvikramaH || 12|| udAsInavadAsIna uttamaj~nAnadeshikaH | nAma 50 UrdhvaretA Urdhvagati ruTajastha udAradhIH || 13|| R^iShIR^iShigaNastutyo R^ijubuddhI R^ijupriyaH | R^itambhara R^itapraj~no R^ijumArgapradarshakaH || 14|| evamityavinirNeyaH enaHkUTavinAshanaH | aishvaryadAnanipuNa audAryaguNamaNDitaH || 15|| o~NkArapadalakShyArtha aupamyaparivarjitaH | kaTAkShasyandikaruNaH kaTibaddhAlamallakaH || 16|| kamanIyacharitrADhyaH karmavitkavipu~NgavaH | karmAkarmavibhAgaj~naH karmalepavivarjitaH || 17|| kalidoShaharaH kamraH karmayogapravartakaH | karmandipravaraH kalyaH kalyANaguNamaNDitaH || 18|| kAntipattanasandR^iShTAruNajyotiHpraharShitaH | kAmahantAkAntamUrtiH kAlAtmAkAlasUtrahR^it || 19|| kA~NkShAhInaH kAlakA~NkShI kAshIvAsaphalapradaH | kAshmIradeshyasevyA~NghrirnepAlIyasamarchitaH || 20|| kAmakAranirAkartA kR^itakR^ityatvakArakaH | kAvyakaNThasudhIdR^iShTakArtikeyasvarUpadhR^ik || 21|| ki~NkarIkR^itabhUpAlaH kIrtimAnkIrtivarddhanaH | kumAraH kutalAmodaH kukuTumbI kulodgataH || 22|| nAma 100 kuShThApasmArarogaghnaH kusumArAmaniShThitaH | kR^ipAluH kR^ipaNAlambaH kR^ishAnusadR^ishaH kR^ishaH || 23|| keralAndhrAdibhAShAj~naH keralAndhrajaneDitaH | kaivalyapadanishshreNiH kaivalyasukhadAyakaH || 24|| ko.ahaM nAhaM so.ahamiti svAtmAnveShaNamArgadR^ik | ko.ahaMvimarshabrahmAstra\-nAshitAsheShavibhramaH || 25|| koshAlayapratiShThAtA koshavAnkoshavIkShitA | kShamAvAnkShiprasantuShTaH kShapitAsheShakalmaShaH || 26|| kShatakarmA kShatAvidyaH kShINabhaktajanAvanaH | kShAmanAshI kShudhAhInaH kShudraghnaH kShitimaNDanam || 27|| kShetraj~naH kShemadaH kShemaH kShemArthijanavanditaH | kShetrATanaparishrAntabhaktakShipraprasAdanaH || 28|| kShmrauMmantrabIjatattvaj~naH kShetrAjIvaphalapradaH | gambhIro garvitogarvavihIno garvanAshanaH || 29|| gadyapadyapriyogamyo gAyatrImantrabodhitaH | girisho gIShpatirguNyo guNAtIto guNAkaraH || 30|| gR^ihIgR^ihavinirmukto grahAtigrahasa~njayI | gItopadeshasArAdigranthakR^id granthibhedakaH || 31|| nAma 150 gurumUrtataponiShThaH naisargikasuhR^idvaraH | gR^ihimuktyadhikAritva vyavasthApanatatparaH || 32|| govindo gokulatrAtA goShThIvAngodhanAnvitaH | charAcharahitashchakShurutsavashchaturashchalaH || 33|| chaturvargachaturbhadrapradashcharamadehabhR^it | chANDAlachaTakashvA.ahi\-kiTikIshahita~NkaraH || 34|| chittAnuvartI chinmudrI chinmayashchittanAshakaH | chirantanashchidAkAshashchintAhInashchidUrjitaH || 35|| chorahA choradR^ik chorachapeTAghAtananditaH | ChalachChadmavachohInashshatrujichChatrutApanaH || 36|| ChannAkArashChAndaseDya~nChinnakarmAdi bandhanaH | ChinnadvaidhashChinnamohashChinnahR^ichChinnakalmaShaH || 37|| jagadgururjagatprANo jagadIsho jagatpriyaH | jayantIjojanmahIno jayado janamohanaH || 38|| jAgratsvapnasuShuptyAdisAkShI jADyavinAshakaH | jAtivarNabhidAshUnyo jitAtmA jitabhUtakaH || 39|| jitendriyo jitaprANo jitAntashshatrusa~nchayaH | nAma 200 jIvabrahmaikyavijjIvanmukto jIvatvanAshakaH || 40|| jyotirli~NgamayajyotissamaloShTAshmakA~nchanaH | jetA jyAyAjj~nAnamUrtirj~nAnI j~nAnamahAnidhiH || 41|| j~nAnaj~nAtR^ij~neyarUpatripuTIbhAvanojjhitaH | j~nAtasarvAgamo j~nAnagamyo j~nAteyasannutaH || 42|| j~nAnavij~nAnatR^iptAtmA j~nAnasa~nChinnasaMshayaH | j~nAnAgnidagdhakarmA cha j~nAnopAyapradarshakaH || 43|| j~nAnayaj~navidhiprIto j~nAnAvasthitamAnasaH | j~nAtA.aj~nAtAnyachinmAtro j~nAnavR^iddhopalAlitaH || 44|| tattvaj~nastattvavinnetA tattvamasyAdilakShitaH | tattvabhAShaNasantuShTastattvabodhakadeshikaH || 45|| tatpadArthaikasaMlInastattvAnveShaNa tatparaH | tapanastapanIyA~NgastamassantApachandramAH || 46|| tapasvI tApasArAdhyastapaH kliShTatanUdvahaH | tapastattvArthasAraj~nastapomUrtistapomayaH || 47|| tapobalasamAkR^iShTabhaktasa~NghasamAvR^itaH | tApatrayAgnisantaptajanasa~njIvanAmR^itam || 48|| tAtAdeshAptashoNAdristAtAruNamaheshvaraH | tAtAntikasamAgantA tAtAnveShaNatatparaH || 49|| titikShustIrthavittIrthaM turIyastuShTamAnasaH | nAma 250 tulyanindAstutistUShNIMshIlastR^iShNAvivarjitaH || 50|| tejasvItyaktaviShayastrayIbhAvArthakovidaH | tridiveshamukhopAsyastrivargastriguNAtmakaH || 51|| trailokyabudhasampUjyastrailokyagrAsabR^iMhitaH | trailokyasR^iShTisthitikR^it traiguNyaviShayojjhitaH || 52|| traiguNyaviShavegaghno dakSho dagdhavapurdharaH | darshanIyo dayAmUrtirdakShiNAsyo damAnvitaH || 53|| daNDadhR^ik daNDanItistho dakShiNo dambhavarjitaH | daharAkAshamadhyastha chidAkAshapratiShThitaH || 54|| dashadikpAlasampUjyo dashadigvyApisadyashAH | dakShiNadvIpavikhyAto dAkShiNAtyakalAkaviH || 55|| dAridryadhvaMsako dAnto dAritakleshasantatiH | dAsIdAsabharo divyo diShTyAbuddho digambaraH || 56|| dIrghadarshI dIpyamAno dInabandhurdR^igAtmakaH | durvigAhyo durAdharSho durAchAranivartakaH || 57|| dR^igdR^ishyabhedadhIshUnyo darshanaM dR^iptakhaNDakaH | devavandyo devatesho doShaj~no doShanAshanaH || 58|| nAma 300 dvAdashArNamanudhyeyo dvAdashAntasthalasthitaH | daiviko drAviDo dvIpAntaravikhyAtavaibhavaH || 59|| dvitIyAtithisambhUto dvaitabhAvavimuktadhIH | dvaitAdvaitamatAtIto dvaitasantamasApahaH || 60|| dhanado dharmasUkShmaj~no dharmarAT dhArmikapriyaH | dhAtA dhAtR^isamashrIko dhAtushuddhividhAyakaH || 61|| dhAraNAshaktimAndhIro dhurINo dhR^itivarddhanaH | dhIrodAttaguNopeto dhyAnaniShTho dhruvasmR^itiH || 62|| namajjanoddhAraNakR^innaravAhanasannibhaH | navanItasamasvAnto natasAdhujanAshrayaH || 63|| naranArIgaNopeto nagasAnukR^itAshramaH | namametyavyayayuto navIno naShTamAnasaH || 64|| nayanAnandado namyo nAmochchAraNamuktidaH | nAgasvAmyanujo nAgasundarajyeShThatAM gataH || 65|| nAdabindukalAbhij~no nAdabrahmapratiShThitaH | nAdapriyo nAradAdipUjyo nAmavivarjitaH || 66|| nAmI nAmajapaprIto nAstikatvavighAtakR^it | nAsAgraNyastadR^i~N nAmabrahmAtIto nira~njanaH || 67|| nira~njanAshrayo nityatR^ipto nishshreyasapradaH | nAma 350 niryatnasiddhanitya shrIrnityasiddhasvarUpadR^ik || 68|| nirmamo niraha~NkAro niravadyo nirAshrayaH | nityAnando nirAta~Nko niShprapa~ncho nirAmayaH || 69|| nirmalo nishchalo nityo nirmoho nirupAdhikaH | nissa~Ngo nigamastutyo nirIho nirupaplavaH || 70|| nityashuddho nityabuddho nityamukto nirantaraH | nirvikAro nirguNAtmA niShpApo niShparigrahaH || 71|| nirbhavo nistulo nighno nijAnandaikanirbharaH | nigrahAnugrahasamo nikR^itij~no nidAnavit || 72|| nirgrantho nirnamaskAro nistulirnirayApahaH | nirvAsano nirvyasano niryogakShemachintanaH || 73|| nirbIjadhyAnasaMvedyo nirvAdo nishshiroruhaH | pa~nchAkSharamanudhyeyaH pa~nchapAtakanAshanaH || 74|| pa~nchaskandhImatAbhij~naH pa~nchakoshavilakShaNaH | pa~nchAgnividyAmArgaj~naH pa~nchakR^ityaparAyaNaH || 75|| nAma 400 pa~nchavaktraH pa~nchatapAH pa~nchatAkAraNoddharaH | pa~nchopachArasampUjyaH pa~nchabhUtavimardanaH || 76|| pa~nchaviMshatitattvAtmA mahApa~nchadashAkSharaH | parAsharakulodbhUtaH paNDitaH paNDitapriyaH || 77|| parameShThI pareshAnaH paripUrNaH parAtparaH | paraMjyotiH paraMdhAma paramAtmA parAyaNam || 78|| pativratAbhIShTadAyI parya~NkasthaH parArthavit | pavitrapAdaH pApAriH parArthaikaprayojanaH || 79|| pAlItIrthataTollAsI pAshchAtyadvIpavishrutaH | pitA pitR^ihitaH pittanAshakaH pitR^imochakaH || 80|| pitR^ivyAnveShita pInaH pAtAleshAlayasthitaH | punarvasUditaH puNyaH puNyakR^itpuruShottamaH || 81|| punnAgataruvatkShetrI puNyApuNyavivarjitaH .|| pUtAtmA pR^ithukaprItaH pR^ithudashcha purohitaH || 82|| pratimAkR^itasAnnidhyaH pratigrahaparA~NmukhaH | pramAdivatsarodbhUtaH prakR^itisthaH pramANavit || 83|| pratIkopAstiviShayaH pratyuttaravichakShaNaH | nAma 450 pratyak prashAntaH pratyakShaH prashritaH pratibhAnavAn || 84|| pradakShiNAprItamanAH pravAlAdrisamAshrayaH | prAchyapratIchyadeshIya vibudhAgraNyavanditaH || 85|| prasthAnabhedasamboddhyaH prAMshuH prANanirodhakaH | prasUtidinavR^iddhastrI darshitajyotirAkR^itiH || 86|| prArthitArthapradaH prAj~naH prAvArakanigUhitaH | prAtassmartavyachAritraH prAptaprAptavyanirvR^itaH || 87|| prayANasmR^itisamprApyaH priyahInaH priyaMvadaH | prekShAvAnpreShyarahitaH phalabhUtaH phalapradaH || 88|| bahushruto bahumato bahupAkI bahupradaH | balavAnbandhumAnbAlarUpo bAlyavicheShTitaH || 89|| bAlabhAnupratIkAsho bAlasannyAsishabditaH | brahmacharyatapoyogashrutapraj~nAsamanvitaH || 90|| brahmaNyo brahmavidbrahma brahmasAyujyadAyakaH | brahmArpitamanobuddhirbrAhmaNasvAminAmakaH || 91|| brahmAsanasthito brahmasUtravidbhagavAnbhavaH | bhayakR^idbhayasaMhartA bhavAdo bhaktabhAvitaH || 92|| nAma 500 bhArUpo bhAvanAgrAhyo bhAvaj~no bhAgyavarddhanaH | bhAratIyamahAbhAgyaM bhAratakhyAtipoShakaH || 93|| bhAratodyadj~nAnadIpo bhAvanAbhedakR^intanaH | bhidAshUnyo bhidAdhvaMsI bhAvuko bhikShukeshvaraH || 94|| bhUtido bhUtikR^idbhUmi nAthapUrNAMshasambhavaH | bhaumabrahma bhramadhvaMsI bhUhR^itkShetralakShitaH || 95|| bhUtibhUShitasarvA~Ngo ma~Ngalo ma~NgalapradaH | manobuddhiraha~NkAraH prakR^itishcha paraH pumAn || 96|| mahAshaktirmahAsiddhirmahodAro mahAdyutiH | mahAkartA mahAbhoktA mahAyogI mahAmatiH || 97|| mahAmAnyo mahAbhAgo mahAsenamahoMshajaH | maryAdAkR^inmahAdevo mahArUpI mahAyashAH || 98|| mahodyamo mahotsAho mamatAgrahapIDanaH | mahAmantro mahAyantro mahAvAkyopadeshakaH || 99|| mahAvAkyArthatattvaj~no mahAmohanivArakaH | mAyAvI mAnado mAnI mAtR^imuktividhAyakaH || 100|| nAma 550 mAnAvamAnasAmyAtmA mAlUrAdhastapassthitaH | madhUkadrutalasthAyI mAtR^imAnmAtR^ibhaktimAn || 101|| mAtrAlayapratiShThAtA mArgito mArgabAndhavaH | mArgaNIyo mArgadarshI mArgashIrShakR^itodayaH || 102|| mArgitAtmA mArgashUnyo mitabhu~Nmitasa~ncharaH | mitasvapnAvabodhashcha mithyAbAhyanirIkShakaH || 103|| munirmukto muktidAyI medhAvI medhyabhojanaH | maunavyAkhyAnakR^inmaunI maunabhAShAvishAradaH || 104|| maunAmaunadvayAtIto maunado mauniShu priyaH | yaj~nakR^idyaj~nabhugyaj~no yajamAno yathArthavit || 105|| yatAtmA yatisampUjyo yatiprApyo yashaskaraH | yamAdyaShTA~Ngayogaj~no yajushshAkhI yatIshvaraH || 106|| yavanAnugrahakaro yakSho yamaniShUdanaH | yAtrAvirahito yAnA.anArUDho yAj~nikapriyaH || 107|| yAtanAnAshano yA~nchahIno yAchitadAyakaH | nAma 600 yuktakR^idyuktabhugyukta svapnabodho yugAdikR^it || 108|| yogIsho yogapuruSho yogatattvavivechakaH | yogAsano yogabhUmi samArohaNasAdhakaH || 109|| yogigamyo yogaphalaM yogabhraShTashubhapradaH | yogaprashaMsI yogastho yogakShemadhurandharaH || 110|| rakShako ramaNo ramyo ramaNIyA~NgasaMhatiH | rameshakleshasandR^iShTajyotirakleshadarshanaH || 111|| rajopaho rajomUrtI rasiko rasashevadhiH | rahasyo ra~njano rasyo ratnagarbho rasodayaH || 112|| rAjavidyAgurU rAja vidyAvidrAjamAnitaH | rAjasAhAranirmukto rAjasaj~nAnadUragaH || 113|| rAgadveShavinirmukto rasAlAshramakokilaH | rAmAbhirAmo rAjashrIH rAjA rAjyahita~NkaraH || 114|| rAjabhogaprado rAShTrabhAShAvidrAjavallabhaH | ruditadveShaNo rudro lakShmIvAnlakShmivarddhanaH || 115|| lajjAlurlalito labdhalabdhavyo laghusiddhidaH | nAma 650 layavillabdhakAmaugho lAbhAlAbhasamAshayaH || 116|| layAdhiShThAnatattvaj~no layapUrvasamAdhimAn | lAsyapriyo li~NgarUpI li~Ngottho li~NgavarjitaH || 117|| lipilekhachaNo lokashikShako lokarakShakaH | lokAyatamatAbhij~no lokavArtAvivarjitaH || 118|| lokodAsInabhAvastho lokottaraguNottaraH | lokAdhyakSho lokapUjyo lokAsAratvabodhakaH || 119|| lokAkarShaNashaktAtmashaktimatkAntaparvataH | lokAnutsAdako lokapramANaM lokasa~NgrahI || 120|| lokabodhaprakAshArtha shoNodyajj~nAnabhAskaraH | variShTho varado vaktA va~NgadeshyajanAshrayaH || 121|| vandArujanamandAro vartamAnaikakAlavit | vanavAsarasAbhij~no valitrayavibhUShitaH || 122|| vasumAnvastutattvaj~no vandyo vatsatarIpriyaH | varNAshramaparitrAtA varNAshramamatAtigaH || 123|| vAkyaj~no vAkyakushalo vA~NmanobuddhyagocharaH | vAdyagItapriyo vAjashravA vApIpratiShThakaH || 124|| vAhanAgAraniShThAvAnvAjimedhaphalapradaH | vakShodakShiNabhAgastha hR^idayasthAnadarshakaH || 125|| nAma 700 vachadbhUmantrasaMsevyo vichAraikopadeshakR^it | vichAramAtranirato vivekijanatAdR^itaH || 126|| viditAtmA vidheyAtmA vismiteshAdivIkShitaH | virUpAkShaguhAvAsI vishvAtmA vishvabhugvibhuH || 127|| viviktasevI vighneshachaityaprAkArasaMsthitaH | vidhyadR^iShTamahodarshI vij~nAnAnandasundaraH || 128|| vighasAshI vishuddhAtmA viparyAsanirAsakaH | vibhUtisitaphAlADhyo virodhoktivinAkR^itaH || 129|| vishvambharo vishvavaidyo vishvAsyo vismayAnvitaH | vINAgeyo vItamAyo vIryavAnvItasaMshayaH || 130|| vR^iddhihrAsavinAbhUto vR^iddho vR^ittinirodhakaH | vR^ittido vR^ittibodheddho veNuvAdyavashaMvadaH || 131|| vedavedAntatattvaj~no veShadoShaprakAshakaH | vyaktAvyaktasvarUpaj~no vya~NgyavAkyaprayogavit || 132|| vyAptAkhilo vyavasthAkR^idvyavasAyavibodhakaH | vaij~nAnikAgraNIrvaishvAnaro vyAghrAjinasthitaH || 133|| sharaNyashsharmadashshakti pAtabuddhashshamAnvitaH | sharIrivadbhAsamAnashsharmaNyajanavanditaH || 134|| nAma 750 shAstrajAlamahAraNya vR^ithATananiShedhakaH | shAstrAbhyAsaphalIbhUta j~nAnavij~nAnatatparaH || 135|| shAstrolla~NghanavidveShI shAstramArgAvila~NghanaH | shAntAtmA shAntidashshAntidhanashshAntopadeshakaH || 136|| shANDilyopAstilakShyArthashshAstrayoniH prajApatiH | shiva~NkarashshivatamashshiShTeShTashshiShTapUjitaH || 137|| shivaprakAshasantuShTashshivAdvaitapratiShThitaH | shivaga~NgAtaDAkasthashshivaj~nAnapradAyakaH || 138|| shItAchalaprAntyapUjyashshIprAtIrajanAshrayaH | shubhAshubhaparityAgI shubhAshubhavimatsaraH || 139|| shuklakR^iShNagatij~nAnI shubhaMyushshishirAtmakaH | shukavajjanmasaMsiddhashsheShAdrisvAmivatsalaH || 140|| shaivavaiShNavashAktAdi virodhapratirodhakaH | shR^i~NgArAdirasAlambo shR^i~NgArarasavipriyaH || 141|| shravaNAdhyarthatattvaj~nashshravaNAnandabhAShitaH | shoNeshAlayasa~nchArI shoNeshaH shoNatIrthavit || 142|| shokamohAdyasaMspR^iShTashshoNakShetrAdhidaivatam | shrIdaH shrIshaH shrInivAsaH shrIkaNThamatatattvavit || 143|| shrIvidyAmantratattvaj~naH shrIvaiShNavamatapriyaH | shrutitAtparyanirvaktA shrutamAtrAvadhAraNaH || 144|| shrutashrotavyasantuShTaH shrautamArgasamarthakaH | ShaDadhvadhvAntavidhvaMsI ShaDUrmibhayabha~njanaH || 145|| nAma 800 ShaTgranthibhedachaturaShShaTguNI ShaTpramANavAn | ShaTkoNamadhyanilayaShShaDarighnaShShaDAshrayaH || 146|| ShaNDatvaghnaShShaDAdhAranirdhyAtaShShaDanAdivit | sarvaj~nassarvavitsarvassArvassarvamanassthitaH || 147|| sadasannirNayaj~nAnI sarvabhUtasamAshayaH | sarvashrutissarvachakShussarvAnanakarAdimAn || 148|| sarvendriyaguNAbhAsassarvasambandhavarjitaH | sarvabhR^itsarvakR^itsarvaharassarvahiterataH || 149|| sarvArambhaparityAgI saguNadhyAyitArakaH | sarvabhUtanishAbuddhassarvajAgaranidritaH || 150|| sarvAshcharyamassabhyassa~NkalpaghnassadAtanaH | sargAdimadhyanidhanassakR^itsmR^itivimuktidaH || 151|| saMyamI satyasandhashcha saMskAraparivarjitaH | samassamavibhaktA~NgassamadR^ik samasaMsthitaH || 152|| samarthassamaradveShI samaryAdassamAhitaH | samayaj~nassadAnandassamAhR^itanijendriyaH || 153|| sattAsaMvinmayajyotissampradAyapravartakaH | nAma 850 samastavR^ittimUlAhaM vR^ittinAshopadeshakaH || 154|| samrAT samR^iddhassambuddhassarvashrutimanoharaH | saralassarasassarvarasassarvAnubhUtiyuk || 155|| sarveshvarassarvanidhissarvAtmA sarvasAdhakaH | sahajaprAptakarmAnuShThAnatyAganiShedhakaH || 156|| sahiShNussAttvikAhArassAttvikaj~nAnivIkShitaH | sattvAdhikamanobuddhisukhadhairyavivardhakaH || 157|| sAttvikatyAgayogaj~nassAttvikArAdhyavaibhavaH | sArdhaShoDashavarShAptapArivrAjyo viraktadhIH || 158|| sAmagAnapriyassAmyavaiShamyamatikR^intanaH | sAdhitAkhilasiddhIshassAmavitsAmagAyanaH || 159|| siddhArthassiddhasa~NkalpassiddhidassiddhasAdhanaH | siddhyasiddhisamassiddhassiddhasa~NghasamarchitaH || 160|| sisAdhayiShulokeDyassahAyAmbAsahAyavAn | sundarassundarakShetra vidyAbhyAsavilAsabhR^it || 161|| sundareshvaralIlAkR^it sundarAnandavarddhanaH | surarShisannutassUkShmassUridR^ishyapadasthitaH || 162|| sudarshanassuhR^itsUrissUnR^itoktivadAvadaH | sUtravitsUtrakR^itsUtraM sR^iShTivaitathyabodhakaH || 163|| nAma 900 sR^iShTivAkyamahAvAkyaikyakaNThyapratipAdakaH | sR^iShTihetumanonAshI sR^iShTyadhiShThAnaniShThitaH || 164|| srakchandanAdiviShayavirAgI svajanapriyaH | sevAnamrasvabhaktaugha sadyomuktipradAyakaH || 165|| somasUryAgnyaprakAshya svaprakAshasvarUpadR^ik | saundaryAmbAtapassampatparIpAkaphalAyitaH || 166|| sauhityavimukhasskandAshramavAsakutUhalI | skandAlayataponiShThasstavyastAvakavarjitaH || 167|| sahasrastambhasaMyukta maNDapAntaramAshritaH | stainyastenasstotrashAstra geyassmR^itikarassmR^itiH || 168|| sAmarasyavidhAnaj~nassa~NghasaubhrAtrabodhakaH | svabhAvabhadro madhyasthasstrIsannyAsavidhAyakaH || 169|| stimitodadhivajj~nAnashaktipUritavigrahaH | svAtmatattvasukhasphUrtitundilasvasvarUpakaH || 170|| svasvadharmaratashlAghI svabhUssvachChandacheShTitaH | svasvarUpaparij~nAna parAmR^itapadasthitaH || 171|| svAdhyAyaj~nAnayaj~nejyasvatassiddhasvarUpadR^ik | svastikR^itsvastibhuksvAmI svApajAgradvivarjitaH || 172|| hantR^ihantavyatAshUnya shuddhasvAtmopadeshakaH | hastapAdAdyasa~NgrAhyanirliptaparamArthadR^ik || 173|| hatyAdipApashamano hAnivR^iddhivivarjitaH | hitakR^iddhUNadeshIya janavarNitavaibhavaH || 174|| hR^idayabrahmatattvaj~no hR^idayAnveShadeshanaH | hR^idayastho hR^idayAkAshasvarUpI hR^idguhAshayaH || 175|| hArdAkAshAntaragata bAhyAkAshAdivastudR^ik | hR^idayasthAnatattvaj~no hR^idahannAshapaNDitaH || 176|| nAma 950 heyopAdeyarahito hemantartukR^itodayaH | haribrahmendraduShprApasvArAjyorjitashAsanaH || 177|| hatAsuraprakR^itiko haMso hR^idyo hiraNmayaH | hArdavidyAphalIbhUto hArdasantamasApahaH || 178|| setussImA samudrashcha samAbhyadhikavarjitaH | purANaH puruShaH pUrNo.anantarUpassanAtanaH || 179|| jyotiH prakAshaH prathitassvayambhAnaH svayamprabhuH | satyaM j~nAnaM sukhaM svasthassvAnubhUH paradaivatam || 180|| maharShishcha mahAgrAso mahAtmA bhagavAnvashI | ahamartho.aprameyAtmA tattvaM nirvANamuttamam || 181|| anAkhyavastu muktAtmA bandhamuktivivarjitaH | adR^ishyo dR^ishyanetA cha mUlAchAryassukhAsanaH || 182|| antaryAmI pArashUnyo bhUmA bhojayitA rasaH | nAma 1000 upasaMhAraH | ko.ahaM mArga dhanuShpANirnAhaM tattvasudarshanaH | so.ahaM bodha mahAsha~Nkho bhagavAn ramaNo.avatu || 1|| iti trivAram iti te nAmasahasraM ramaNasya mahAtmanaH | kathitaM kR^ipayA devi gopyAdgopyataraM mayA || 2|| ya idaM nAmasAhasraM bhaktyA paThati mAnavaH | tasya muktirayatnena siddhyatyeva na saMshayaH || 3|| vidyArthI labhate vidyAM vivAhArthI gR^ihI bhavet | vairAgyakAmo labhate vairAgyaM bhavatArakam || 4|| yena yena cha yo yo.arthI sa sa taM taM samashnute | sarva pApavinirmuktaH paraM nirvANamApnuyAt || 5|| durdeshakAlotthadurAmayArtAH daurbhAgyatApatrayasanniruddhAH | narAH paThanto ramaNasya nAma\- sAhasramIyussukhamastaduHkham || 6|| iti shrIgautamamaharShiproktaM shrIramaNasahasranAmastotraM sampUrNam | || shubhamastu || ## Composed by Jagadisha Sastri. This is a Ramanashram Publication available at http://www.sriramanamaharshi.org The Sanskrit text has been approved to be posted on sanskritdocuments.org by permission of Sri V.S. Ramanan, President, Sri Ramanasramam. Encoded and proofread by Sunder Hattangadi sunderh at hotmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}