श्रीरामकृष्णस्तोत्र १

श्रीरामकृष्णस्तोत्र १

ॐ ह्रीं ऋतं त्वमचलो गुणजिद्गुणेड्यो नक्तं दिवं सकरुणं तव पादपद्मम् । मोहङ्कषं बहुकृतं न भजे यतोऽहं तस्मात्त्वमेव शरणं मम दीनबन्धो ॥ १॥ भक्तिर्भगश्च भजनं भवभेदकारि गच्छंत्यलं सुविपुलं गमनाय तत्त्वम् । वक्त्रोद्धृतंतु हृदि मे न च भाति किंचित् var वक्त्रोद्धृतोऽपि हृदये न मे तस्मात्त्वमेव शरणं मम दीन बन्धो ॥ २॥ तेजस्तरंति तरसा त्वयि तृप्ततृष्णाः var त्वरितं त्वयि रागे कृते ऋतपथे त्वयि रामकृष्णे । मर्त्यामृतं तव पदं मरणोर्मिनाशं तस्मात्त्वमेव शरणं मम दीनबन्धो ॥ ३॥ कृत्यं करोति कलुषं कुहकांतकारि ष्णांतं शिवं सुविमलं तव नाम नाथ । यस्मादहं त्वशरणो जगदेकगम्य तस्मात्त्वमेव शरणं मम दीनबन्धो ॥ ४॥ ॐ स्थापकाय च धर्मस्य सर्वधर्मस्वरूपिणे । अवतारवरिष्ठाय रामकृष्णाय ते नमः ॥ -- स्वामी विवेकानन्द Encoded and proofread by Sunder Hattangadi Corrections by Swami Mahayogananda.
% Text title            : Hymn to Shri Ramakrishna (1)
% File name             : rk_hymn_1.itx
% itxtitle              : rAmakRiShNastotram 1
% engtitle              : Hymn to Shri Ramakrishna (1)
% Category              : deities_misc, svara, vivekAnanda, gurudev
% Location              : doc_deities_misc
% Sublocation           : deities_misc
% SubDeity              : gurudev
% Texttype              : svara
% Author                : Swami Vivekanand
% Language              : Sanskrit
% Subject               : Religious hymn
% Transliterated by     : Sunder Hattangadi
% Proofread by          : Sunder Hattangadi, Swami Mahayogananda
% Latest update         : Dec. 28,1997, December 7, 2008
% Send corrections to   : Sanskrit@cheerful.com
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP
sanskritdocuments.org