% Text title            : Shri Shankaracharya Prarthana
% File name             : shankarAchAryaprArthanA.itx
% Category              : deities\_misc, gurudev, shrIdharasvAmI, aShTaka
% Location              : doc\_deities\_misc
% Author                : Shridharasvami
% Proofread by          : Manish Gavkar
% Description/comments  : shrIdharasvAmI stotraratnamAlikA
% Latest update         : February 11, 2023
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shankaracharya Prarthana ..}##
\itxtitle{.. shrIsha~NkarAchAryaprArthanA ..}##\endtitles ##
            (pR^ithvIvR^ittam)
prabho bhavabhayArtihanbhavabhayAturaH prArthaye
      bhavaprashamanotsuko.api kimudAsavachcheShTase |
mamArtarava IdR^ishaH kimiti na shruto vismayI
      nirUpayitumapyaho sphuratu sAmR^itA vAktava || 1||
kalAvahaha mA.adR^isho.api khalu mAyayA bhrAmitaH
      na vetti kushalaM svarUpamamalaM paraM brahma yat |
tanoShi kushalaM paraM tvamasi bhoH paraM tadguNan
      shrutaM kila na nishchitaM hyanubhavena mAM bodhaya || 2||
yadeka iha bodhito.asmi na cha bhoH punaste shramaH
      bhaveyamiha bodhako bhuvi padAbjasevArataH |
shramo.api tava vArito.ahamapi mokShabhAgbho guro
      vinAshramamaninditaM bhavati vishvasa~Ngopanam || 3||
tavAnucharitaM priyaM hyahamapIha bhikShurguro
      tavaiva khalu vAsanA hR^idi mamApi jAnAsi bhoH |
ahaM tvamiti nishchayo vitanute shrutistattvataH
      satItthamapi kinna bho bhavati darshanaM te vada || 4||
dayAM kuru cha shAdhi mAM praNatavatsalastvaM guro
      tavAvataraNandinaM samavalokya bhoH prArthaye |
aho bata na bhAShase kimiti jADyametachchitaH
      kimarthamanusha~Nkase sakalavitprabho brUhi tat || 5||
bhavenmadadhiko.api vA bhavatu ko.api dakSho yadi
      tanotu kushalaM nR^iNAM tadapi me bhavettuShTaye |
vihAya khalu vAsanAM vitatabhUmni raMsye paraM
      samAdhimatha nishchalAM bhajatu me manaH prArthaye || 6||
na me viShayavAsanA na cha tathaiva kIrtispR^ihA
      na karmasachivo.asmyahaM na cha vimUDhadhIrvA dhane |
tvadIyavimalaM shubhaM sukhadhanaM svarUpaM yashaH
      guro jagati vistR^itaM bhavatu saiva me vAsanA || 7||
shrImachCha~Nkaradeshiko vijayate vedAntatattvodadhiH
      bhUmA brahmasanAtano vibhuraho nAsti dvitIyaM yataH |
aj~nAnAndhavimUDhachittajanatA yanmochitA.anekashaH
      mAyAdhvAntavinAshanaikataraNiM vande guruM sha~Nkaram || 8||

iti shrImat paramahaMsaparivrAjakAchArya sadguru bhagavAn
shrIdharasvAmImahArAjavirachitA shrIsha~NkarAchAryaprArthanA sampUrNA |

##
Proofread by Manish Gavkar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}