% Text title : shankarAryapadAvalambastavaH % File name : shankarAryapadAvalambastavaH.itx % Category : deities\_misc, sachchidAnanda-shivAbhinava-nRisiMhabhAratI, gurudeva % Location : doc\_deities\_misc % Author : Sachchidananda Shivabhinava Nrisimha Bharati Swamigal % Proofread by : PSA Easwaran psawaswaran at gmail.com % Latest update : November 9, 2018 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Shankararyapadavalambastavah ..}## \itxtitle{.. shrIsha~NkarAryapadAvalambastavaH ..}##\endtitles ## (kAlaTikShetre )|| nAkAdilokaviratiH prabhaveddR^iDhA ya\- dvAkyAmR^itashravaNato.apyatikAmukasya | sa tvaM viraktida javAtpadanamrapa~Nktyai shrIsha~NkarArya mama dehi padAvalambam || 1|| annAsuchittamukhakoshavivechanena tattvaM paraM drutataraM pratibodhayaMstvam | mokShapradAyaka padAmbujasannatebhyaH shrIsha~NkarArya mama dehi padAvalambam || 2|| kleshAnnivArya kR^ipayA tarasAsmitAdIn pa~nchApi sAdhanachatuShTayamAshu dattvA | buddhiM vichAraparamAM pravidhAya samyak shrIsha~NkarArya mama dehi padAvalambam || 3|| bad.h{}dhvA tvada~NghrisarasIruhabhaktirajjvA chetaHkapiM viShayakaNTakapAdapeShu | ChAyAphalAdirahiteShu vR^ithA charantaM shrIsha~NkarArya mama dehi padAvatThambam || 4|| prANairvihInatanayaM tarasA samIpa\- mAnIya rodanakarau pitarau samIkShya | yaH prAtanodasuyutaM tanayaM hi sa tvaM shrIsha~NkarArya mama dehi padAvalambam || 5|| bhaTTAdibhAskarasitetarakaNThamukhyAn vAde vijitya kutukAdviduShAM vareNyAn | advaitamArgaparirakShaNajAgarUka shrIsha~NkarArya mama dehi padAvalambam || 6|| shrImatpraNItashukatAtamunIndrasUtra\- bhAShyAdipAThanavidhAvadhikaM paTutvam | datvApi shUnyaparimANajaDatvavArdheH shrIsha~NkarArya mama dehi padAvalambam || 7|| bhAShyAkhyapuShparasapUrNamukhAravinda\- namrAntara~NgamadhukR^itparituShTidakSha | rudrAkShakaNTha nijanIlagalatvasid.h{}dhyai shrIsha~NkarArya mama dehi padAvalambam || 8|| Astikyaratnamiha puNyachayena labhyaM kalyambudhau nipatitaM tarasA.a.aryapAda | uddhR^itya tena paripAlaya lokamenaM shrIsha~NkarArya mama dehi padAvalambam || 9|| yogapradAyaka javAnnatamaskaribhyo bhogapradAtha gR^ihiNAmaviraktibhAjAm | kAlasmayApaha vipApajaneDyapAda shrIsha~NkarArya mama dehi padAvalambam || 10|| Chinne.api shastranichayairbahudhA sharIre khedaM na ka~nchidapi yAti yathA mano me | tadvatsthirAM kuru matiM sukhachitsvarUpe shrIsha~NkarArya mama dehi padAvalambam || 11|| anyairbhiShagbhiranivAryamahA.a.amayaM me yasmAttvamAdyabhiShagasyachirAnnivArya | aj~nAnasa.nj~namatinishchalabodhadAnA\- chChrIsha~NkarArya mama dehi padAvalambam || 12|| vAtAvadhUtavaruNAlayabha~Ngagarva\- bha~NgaprachaNDavachasaH prabhavanti yatte | mUkA api praNamanAtpadayoH sakR^itta\- chChrIsha~NkarArya mama dehi padAvalambam || 13|| lInaM tathA kuru manaH paramArthavastu\- nyaikyAvabodhanavashAnmama niHsarenna | yadvatpunaH paramakAruNikAgragaNya shrIsha~NkarArya mama dehi padAvad.h{}dhyabam || 14|| sa.nnyAsinAM hi viShavadviShayeShu buddhiM tanvastathA cha gR^ihiNAM shubhakarmavA~nChAm | sarvAnkrameNa cha paraM padamApayaMstvaM shrIsha~NkarArya mama dehi padAbalambam || 15|| yatpAdapa~Nkajanaterapi jAtu mUka\- loko.api divyakavitAmayate hi tUrNam | sa tvaM tava stutikR^ite kavitAM vitIrya shrIsha~NkarArya mama dehi padAvalambam || 16|| AkarNya dInagR^ihiNIvachanaM kR^ipArdraH svarNAtmakAmalakasantatimAsamantAt | gehasya yo.atitarasA hi vavarSha sa tvaM shrIsha~NkarArya mama dehi padAvalambam || 17|| AneShTa dUraganadIM jananIhitAya yo bAlya eva jagatAM hitakR^itsvabhAvaH sa tvaM samastajanarakShaNabaddhadIkSha shrIsha~NkarArya mama dehi padAvalambam || 18|| mohAdvR^ithA virasagandhavihInashabda\- sparshAkhyapuShpachalanAdatikhedabhAjam | hR^idbhR^i~NgamAtmapadapadmagataM vidhAya shrIsha~NkarArya mama dehi padAvalambam || 19|| sarvAnsvakIyamatatattvaparIkShaNechChUM\- stattanmatArthakathanena vijitya modam | sarvaj~napIThamadhiruhya ya Apa sa tvaM shrIsha~NkarArya mama dehi padAvalambam || 20|| shAntyAdisAdhanavatA puruShottamena samprApya sadgurumataH shravaNAdi kR^itvA | yaH prApyate vimalabodhatanurhi sa tvaM shrIsha~NkarArya mama dehi padAvalambam || 21|| shrInAthashambhuvidhishuddhaparAtmarUpa kAshAntacha~nchalahR^idAM padasannatAnAm | pAShANanishchalamanastvanidhAnadakSha shrIsha~NkarArya mama dehi padAvalambam || 22|| rAjIvapAdamukhalabhyamanantapuNyai rAjAdhirAjanichayArthitamanvahaM cha | nirvyAjapUrNakR^ipayAsya varAkarAjaH shrIsha~NkarArya mama dehi padAvalambam || 23|| vAcho.api chittasahitA na hi yatra gantuM shakShyanti tadviShayatAM kathameti vastu | tyaktvA kR^ipAM guruvarasya hi chitsvarUpa shrIsha~NkarArya mama dehi padAvalambam || 24|| jADyAmbudhau niravadhau dR^iDhamagnamagna\- matyantavismR^itachidAtmasukhasvarUpam | uddhR^itya dhIrashanayA tarasA kR^ipAbdhe shrIsha~NkarArya mama dehi padAvalambam || 25|| hastAmbujaM shirasi hetuvihInapUrNa\- kAruNyato.atitarasA vinidhAya matke | svArAjyamAshuvitarAtmapade.abhiShichya shrIsha~NkarArya mama dehi padAvalambam || 26|| mAtA pitA cha bhaginI tanujashcha jAyA naivAshrayAya puruShasya bhavanti kAle | ekaM vinA guruvarA~NghripayaHprabhUtaM shrIsha~NkarArya mama dehi padAbalambam || 27|| samprAptayogasaraNiM sadasadviveka\- dakShaM damAdiguNasambhR^itamAnasaM cha | kR^itvA sarojabhavachittapayojabhAno shrIsha~NkarArya mama dehi padAbalambam || 28|| shrIsha~Nkareti satataM parikIrtayanti pAdAmbujaM paragurorhR^idi chintayanti | ye vai ta eva sukhinaH puruShA hi loke shrIsha~NkarArya mama dehi padAvalambam || 29|| mAtsaryamukhyabhayahetumR^igAvarkArNe sa~NkalpanAmakamahAjavapakShiyukte | svAntAkhyaghoravipine charataH kR^ipAbdhe shrIsha~NkarArya mama dehi padAvalambam || 30|| varNAshramAdiparipAlanasaktimAshu dattvA dR^iDhAM nR^ipataterapi bhUyasIM cha | shraddhAM shrutismR^ititatiShvachalAM cha lakShmIM shrIsha~NkarArya mama dehi padAvalambam || 31|| Adau tu sAdhanachatuShTayahetubhUtaM pashchAchChrutArthaparichintanasAdhanaM cha | ante cha dR^ishyarahitAtmasukhapradaM te shrIsha~NkarArya mama dehi padAvalambam || 32|| vidyAnidhe vishaditAnatachittapadma vidyApradAnaniratA~NghrisarojapUja | viShNvIshabhedamativAraNapa~nchavaktra shrIsha~NkarArya mama dehi padAvalambam || 33|| dakSheNa pANikamalena vibodhamudrA\- manyena namravaradAnasamarthachihnam | bibhrANapadmanibhanetra kR^ipAmburAshe shrIsha~NkarArya mama dehi padAvalambam || 34|| shrIkAlaTIdharaNibhUShaNabhUtajanman janmAdiduHkhavinivAraNabaddhadIkSha | kAruNyapUrNanayanAvanidevabhAgya shrIsha~NkarArya mama dehi padAvalambam || 35|| vedAviruddhamatasAdhanabaddhadIkSha vAde vijitya tarasA kShitimaNDalaM yaH | advaitarakShaNamaho kR^itavAMshcha sa tvaM shrIsha~NkarArya mama dehi padAvalambam || 36|| ttattvArthabodhanavihInahR^idambujasya rAgAdidoShaparipUritachetaso me | tattvaM vibodhya vinivArya cha rAgarogaM shrIsha~NkarArya mama dehi padAbalambam || 37|| iti shR^i~Ngeri shrIjagadguru shrIsachchidAnandashivAbhinavanR^isiMha\- bhAratIsvAmibhiH virachitaH shrIsha~NkarAryapadAvalambastavaH sampUrNaH | ## Proofread by PSA Easwaran psaeaswaran at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}