% Text title            : shankarAryapadAvalamvasuvarNamAlAstutiH
% File name             : shankarAryapadAvalamvasuvarNamAlAstutiH.itx
% Category              : deities\_misc, sachchidAnanda-shivAbhinava-nRisiMhabhAratI, gurudeva
% Location              : doc\_deities\_misc
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shankararyapadavalamva Suvarnamalastutih ..}##
\itxtitle{.. shrIsha~NkarAryapadAvalamva suvarNamAlAstutiH ..}##\endtitles ##
(shrIkAlaTikShetre)
o~NkArapa~Nkajamadhuvrata vedashIrSha\-
ka~njAtabAladinanAtha kR^ipAsamudra |
vR^indArakendrapadatauchChyamanaHpradAyin
shrIsha~NkarArya mama dehi padAvalambam || 1||

natvA padAmbujaniyugmamaho yadAyaM
vAchaspatitvamadhigachChati janmamUkaH |
sa tvaM kR^ipArNava saroruhapatranetra
shrIsha~NkarArya mama dehi padAbalambam || 2||

matto manaHprabhava eSha purA yadIya\-
netrAgninA.a.apa tarasA bhasitasvabhAvam |
sa tvaM viraktimachalAM pravitIrya mahyaM
shrIsha~NkarArya mama dehi padAvalambam || 3||

sha~NkAnivAraNapaTo praNatavrajasya
yaM kAlakAla iti kumbhabhavo jagAda |
sa tvaM vitIrya paramAyurabhIShTapUgaM
shrIsha~NkarArya mama dehi padAvalambam || 4||

kanyeva rUpaguNashAlinamAdareNa
martyaM pramodabharataH svayameva muktiH |
yadvAksudhApraNayinaM vR^iNute hi sa tvaM
shrIsha~NkarArya mama dehi padAvalambam || 5||

rAjAdhirAjapedavIM tarasA prayAti
yatpAdapa~NkajayugaM sakR^ideva natvA |
dInAgrayAmyapi vinA kamapi prayatnaM
shrIsha~NkarArya mama dehi padAvalambam || 6||

yatyagrayAyijanatAvanabaddhadIkSha
tattvaM prabodhya tarasA bahulaiH svakIyaiH |
granthaishcha pUrNakaruNAbharitaiH kaTAkShaiH
shrIsha~NkarArya mama dehi padAvalambam || 7||

stotraM tvada~NghrikamalAlitamAnasena
sUktaM paThedya iha bhaktiyutAntara~NgaH |
pAtraM bhavetsa khalu sarvasukhasya satyaM
na dvAparo.atra viShaye manasApi kAryaH || 8||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitA shrIsha~NkarAryapadAvalambasuvarNamAlAstutiH
sampUrNA |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}