Shridhara Panchaka Stotram

श्रीधरपञ्चकस्तोत्रम्

अज्ञानध्वंसकं नित्यं मनोबुद्ध्याद्यगोचरम् । छित्वाऽविद्यामहाग्रन्न्थिं भजेहं श्रीधरं गुरुम् ॥ १॥ अखण्डमानन्दमनाद्मनन्तं परं प्रशान्तं भवरोगवैद्यम् । जीवेशमायाकलनादिवर्जितं श्रीश्रीधरं स्वात्मपदं भजे शिवम् ॥ २॥ परात्परं पूर्णमनामयं विभु- महंस्वरूपेण सदा विराजितम् । प्रत्यक्परानन्दघनप्रकाशकं श्रीश्रीधरं स्वात्मपदं भजे शिवम् ॥ ३॥ भवभयहरमीशं नित्यमोक्षस्वरूपं निरतिशयसुशान्तं निर्मलं नित्यतृप्तम् । प्रगलितजगदिशाज्ञानजीवात्मभावं निरुपमसुखसिन्धुं श्रीधरं तं नमामि ॥ ४॥ करचरणविहीनं कल्पनातोतमेकं निरवधिनिजबोधं शुद्धचिन्मात्ररूपम् । अनलतरणिचन्दैःसर्वदानैव भान्तं निरुपमसुखसिन्धुं श्रीधरं तं नमामि ॥ ५॥ ईश्वरप्रेरितं स्तोत्रं शुभं श्रीधरपञ्चकम् । ये पठन्ति मुदा भक्त्या ते प्रयान्ति परं पदम् ॥ इति ब्र. सौ. सावित्री भागवतद्वारा प्रवर्तितः श्रीधरपञ्चकस्तोत्रं सम्पूर्णम् । Proofread by Paresh Panditrao