% Text title            : Shridhara Stotram 1
% File name             : shrIdharastotram1.itx
% Category              : deities\_misc, gurudev, shrIdharasvAmI, stotra
% Location              : doc\_deities\_misc
% Proofread by          : Paresh Panditrao
% Description/comments  : shrIdharasvAmI stotrANi.  shrIdharasandeshaH
% Latest update         : January 14, 2023
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shridhara Stotram ..}##
\itxtitle{.. shrIdharastotram ..}##\endtitles ##
svAtmadhyAnaparAyaNaM shrutidhanaM vedAntagamyaM guruM
      niHshreyasvaradaM sadAshubhakaraM sadyastapobhAsvaram |
shAntishrIsahitaM sukhAlayalayaM sAnandavaktraprabhaM
      seve sadgurushrIdharaM yativaraM bhaktAntarasthaM vibhum || 1||
dharmaglAniharaM dhiyAvikasitaM sachchitsukhAlambanaM
      AtmAnandaparaM sudhAvilasitaM divyaprabhAveShTitam |
vidyAvedarataM sadA vihasitaM chittaprashAntipradaM
      seve sadgurushrIdharaM yativaraM bhaktAntarasthaM vibhum || 2||
brahmaj~nAnavikAshakaM pramuditaM vij~nAnayogasthitaM
      shAbde j~nAnapare pravINamakalaM sarvArthasiddhipradam |
shraddhAsAdhanataH sulabhyamamalaM saddharmasaMsthApakaM
      seve sadgurushrIdharaM yativaraM bhaktAntarasthaM vibhum || 3||
dvandvAtItapada samAhitamatiM phullAravindAnanaM
      brahmAviShNumaheshashakradivijairyatpAdapa~Nkeruham |
samyagpUjitamagrataH sahajato yaH sarvadA nishchalaH
      seve sadgurushrIdharaM yativaraM bhaktAntarasthaM vibhum || 4||
satyaj~nAnamanantamadvayamidaM vAkyArthato lakShyitaM
      adhyAtmasmR^itisArakalpitamidaM shrIvigrahaM tattvataH |
chittaM yasya kR^ipArdrasAndrasaralaM kaivalyaniShThAnvitaM
      seve sadgurushrIdharaM yativaraM bhaktAntarasthaM vibhum || 5||
praj~nAnotkaTamedhasAvilasitaM sa.nnyAsayogAdvara
      pIDArtoddharaNaM varAbhayakaraM lIlAvatAraM prabhum |
dInatrANakaraM spR^ihAvirahitaM jyotiHsvarUpaM paraM
      seve sadgurushrIdharaM yativaraM bhaktAntarasthaM vibhum || 6||
bhaktAntaHkaraNAbdhisaumyashashinaM kAruNyaratnAkaraM
      satyasvargatale sukhAmR^itaghaTaM chidratnachintAmaNim |
yaH sa~NkalpataruH sadAsuphalito brahmaikyatAkAmadhuk
      seve sadgurushrIdharaM yativaraM bhaktAntarasthaM vibhum || 7||
saMsArAmbudhitArakaM suranutaM tattvArthasaMveditaM
      tattvaj~nAnagataM prabodhagaditaM sanmArgamokShapradam |
shiShyAbhIShTakaraM prasannavadanaM snehA~NkitaM sundaraM
      seve sadgurushrIdharaM yativaraM bhaktAntarasthaM vibhum || 8||
yaH shrIsadgurusaMstutiM yadipaThenniShkAmato bhaktimAn
      saH shAntiM pralabhetparAmavichalAM satyaM cha no saMshayaH |
chittaM nirviShayaM sthiraM hyavikalaM kR^itvA paThedyaH shuchiH
      santoShAmR^itavAridhau hyaviratammagno bhavetsaH pumAn || 9||
(shrIdharasandeshaH shrAvaNa 1887)

iti shrI pR^ithvIrAja bhAlerAva athavA suvratavirachitaM
          shrIdharastotraM sampUrNam |
##

Proofread by Paresh Panditrao 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}