% Text title            : Shri Sundararaja Stotram 06 38
% File name             : sundararAjastotram.itx
% Category              : deities\_misc, stotra, gurudev
% Location              : doc\_deities\_misc
% Proofread by          : Saritha Sangameswaran
% Description/comments  : From stotrArNavaH 06-38
% Latest update         : January 6, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sundararaja Stotram ..}##
\itxtitle{.. shrIsundararAjastotram ..}##\endtitles ##
lakShmIdivyakarAravindamR^idulaM samphullapadmAruNaM
      brahmeshAnasurAsurendrakanakashrImaulinIrAjitam |
vajrAbjadhvajasha~NkhachakravilasatkalpA~NkushairlA~nChitaM
      vande sundararAjapAdayugalaM shrIbhUShaNairbhUShitam || 1||
shrImantaH shaThakopasaMyamimukhA vaikuNThabhaktAstu ye
      teShAM shreShThatamo dvijottamavaraH shrIviShNuchitto mahAn |
yasmin shrImadhurApure tvabhijagau shrIma~NgalAshAsanaM
      taM vande madhurAdhirAjamamalaM vyUhAtmakaM sundaram || 2||
shrImAn shrIparatattvanirNayamanAH shrIvallabhAkhyaH prabhuH
      sampatpUrNagurUttamA divi budhAnAhUya shulkaM dhanam |
sa~NkalpyArabhate tadA tu samaye shrIviShNuchitto guru\-
      stad goShThayAM madhurAmagAdbudhavarAn jetuM mahAvaibhavaH || 3||
shrImantaM vaTapatrashAyikR^ipayA vedAntapAra~NgataM
      lakShmInAthanivAsabhUtahR^idayaM shrIviShNuchittaM gurum |
dR^iShTvotthAya mahAnubhAvamanaghaM namro.abhavattadguru\-
      statkAle mahimAnabhij~navibudhAH kurvanti kopaM param || 4||
sampatpUrNagurUttamastu vibudhakShmApAlachUDAmaNi\-
      statkAle vadati sma shAstranipuNaM shrIviShNuchittaM gurum |
kartavyaH paratattvanirNaya iha shrIviShNuchitta tvayA
      tenoktaH sadasi sthitAn sa cha budhAn saMrambhate sAdaram || 5||
vedAntasmR^itishAstravedyamahimaM shrIpA~ncharAtrastutaM
      shrIrAmAyaNabhAratAdividitaM nirbAdhamAdyaM mahat |
shrInArAyaNanAmakaM cha saguNaM tattvaM paraM shAshvataM
      shrotavyaM vibudhA bhavadbhiramalaM jyotiH phaNAmo vayam || 6||
satyaM j~nAnamanantamavyayamajaM jyotiH sadA nirmalaM
      tattvaM nirmaladivyama~NgalaguNaM nArAyaNAdyAkhyakam |
vedAntasmR^itipA~ncharAtraviditaM trailokyabhUpAlakaM
      brahmeshAnamahendradevajanakaM shAntaM mahAvaibhavam || 7||
vedAnAmapahAraduHkhitamanA lokaprasiddho vidhi\-
      statkAle hyasuraM nihatya bhagavAn nArAyaNo vatsalaH |
kAruNyena dadAti vedamakhilaM tasmAjjagannAyakaH
      ko vA shaMsata pakShapAtarahitA yUyaM budhAH kevalam || 8||
IshAnaH kamalAsanasya shirasaH ChedAdabhUt pAtakI
      prAyashchittamayaM dadhAra shirasA vaikuNThapAdodakam |
tasmAdeva hi pAvanatvamagamadga~NgAdharAkhyAM tataH
      ko vA shaMsata pakShapAtarahitA yUyaM budhA IshvaraH || 9||
brahmANaM sR^ijati sma vai sa bhagavAn shrInAbhipa~NkeruhAt
      rudraM so.api pitAmahashcha sa haraH pa~nchAnanaH ShaNmukham |
tasmAdvedapurANaratnaviditAnnArAyaNAt kaH prabhuH |
      yUyaM shaMsata pakShapAtarahitA vidvadvarA IshvaraH || 10||
itthaM vedapurANashAstravachanaiH shrIpA~ncharAtrAdikaiH
      shrIrAmAyaNabhAratAdivachanaiH shrIviShNuchitto guruH |
tadgoShThayAM paratattvanirNayamaho kR^itvA budhAn paNDitAn
      jitvA tatra javena sarvaviditaM chichCheda shulkaM mudA || 11||
ityAshcharyacharitramasya vibudhAH sarve mahApaNDitAH
      sampatpUrNagurUttamashcha jagatAM rAjAdhirAjaH prabhuH |
dR^iShTvA tatra mahAvabodhavibhavaM shrIviShNuchittaM mudA
      kurvanti stutima~NgalaM pulakitAH kalyANasha~Nkhadhvanim || 12||
shrImAn bhUvalayAdhirAjaviditaH shrIvallabhAkhyaH prabhuH
      goShThayAM tatkR^itatattvanirNayamahAsantoShapUrNAshayaH |
sampatpUrNagurUttamAdivibudhaiH sAkaM mahApaNDitaiH
      sammAnaM kurute mahotsavamiva shrIviShNuchittaprabhoH || 13||
skandhArUDhamimaM gajasya cha mahAvIthiM valantaM stutaM
      bherIkAhalasha~NkhagItavilasatkolAhalaprojjvalam |
shrIshrIvallabhadevamukhyavibudhairlokaiH samastairvR^itaM
      vaikuNThaH sa cha vIkShate sma ramayA shrIviShNuchittaM mudA || 14||
AkAshe garuDe lasantamamalaM lakShmIpatiM sAdaraM
      dR^iShTvA tatsukumAravigrahamahAsaundaryamAlokayan |
asthAne bhayasha~NkayA bhagavataH shrIviShNuchitto guru\-
      rdyapyaddantigalastha eva sa jagau shrIma~NgalAshAsanam || 15||
vidvadvR^indasamAnatA~NghriyugalaM sammAnasAmrAjyagaM
      vidyAshulkadhanADhyakaM guNanidhiM devAdibhirvanditam |
shrIshrIvallabhadevarAjamahitaM shrIviShNuchittAhvayaM
      lakShmInAthasamIkShitaM guruvaraM vande mahAvaibhavam || 16||
tadgoShThyAH sa cha nirgataH shrutishirassArArthapAra~NgataH
      shrIshrIvallabhadevarAjasahitaH shrIviShNuchitto guruH |
divyAShTA~NgavimAnaratnanilayaM vyUhAtmakaM sundaraM
      tejorAshimayaM mahAguNagaNaM saMsevituM satvaram || 17||
sArdhaM rAjagurUttamAdivibudhaiH shrIgopuraM sundaraM
      natvA shrIbalipIThakaM cha garuDaM senApatiM sAdaram |
aShTA~NgAkhyavimAnamadbhutaguNaM saMsevya sAShTA~NgataH
      tasyAntaH pravishantamambujamukhaM shrIviShNuchittaM bhaje || 18||
vande sundararAjaminduvadanaM vAtsalyadivyAdbhuta\-
      kShAntyaudAryadayAdisadguNanidhiM nArAyaNaM shrIpatim |
muktAratnakirITadivyatulasImAlAmaNIndrAdika\-
      shrIbhUShAsamala~NkR^itaM rashanayA bhAsvatkaTIsundaram || 19||
aShTA~NgAkhyavimAnarAjanilayaM brahmAdibhirvanditaM
      mandasmerashubhAravindavadanaM kAruNyavArAnnidhim |
santAnaM namatAM svakIyacharaNau saulabhyabhUmAvadhiM
      vande santatamambujAkShamamalaM vyUhAtmakaM sundaram || 20||
shrIvatsAbdhisutAmaNIndratulasImAlAlasadvakShasaM
      shrImaddivyasuvarNaratnamakuTaM bhUShAlasadvigraham |
shrImaddivyavimAnagopuramaNiprAkAraratnojjvala\-
      sthUNAsaMvR^itadivyasannidhishubhaM vyUhaM bhaje sundaram || 21||
divyAShTA~NgavimAnadivyakanakasthUNAsahasrojjvala\-
      shrImanmaNTapagarbhagehavilasaddivyasthalIbhUShaNam |
divyashrImaNivatsamauktikamaNishrIhArabhUShAmaNiM
      shrImantaM madhurAdhirAjamamalaM vyUhaM bhaje sundaram || 22||
divyAShTAkSharamantraratnacharamashlokArthaniShThAvatAm |
      shiShTAnAM mahatAM tvadIyacharaNadvandvAshritAnAM satAm |
pAdAmbhojavisheShabhaktisahitaM mAM vIkShya nityaM smara
      shrIman sundara vArijAkSha kamalAnAtha prabho dehinAm || 23||
asmin shrImadhurApure tava kR^ipAsandhukShitaj~nAninA
      gItaM yena mayA tu ma~NgalakaraM yanma~NgalAshAsanam |
tasmAttena mayA samarpitamidaM divyaprabandhAtmakaM
      lakShmInAtha mahAprabho guNanidhe tvatsannidhau pAhi mAm || 24||
itthaM shrIbhagavantamambujamukhaM vyUhAtmakaM sundaraM
      stutvA tena samIkShitastu bhagavAn shrIviShNuchitto guruH |
shrIshrIvallabhadevamukhyavibudhaiH sarvairanuj~nApita\-
      stasmAdvai vaTapatrashAyinamagAdAhlAdapUrNAshayaH || 25||
tatrAsau vaTapatrashAyini mahAdivyasthale bhaktimAn
      shrImanmaNTapamardhamaNTamapi shrIgopuraM sundaram |
tatkAruNyavisheShalabdhakanakairityAdikaM nityashaH
      kai~NkaryaM kR^itavantamadbhutaguNaM shrIviShNuchittaM bhaje || 26||
itthaM shrIbhagavAn mahAdbhutaguNaH shrIviShNuchitto guruH
      bhaktyA nityamahAprabhAvamamalaM stauti sma yaM sundaram |
taM vande dvijanAthavanditapadaM vyUhAtmakaM sundaraM
      shrImantaM madhureshvarastutapadaM sarvAtmanA sundaram || 27||
shriyaH kAntAya jAjvalyashrIvatsA~NkitavakShase |
kalyANanidhaye vyUhasundareshAya ma~Ngalam || 28||
vimAne vishvakarmIye vegavatyAstu dakShiNe |
vasate shrImate vyUhasundareshAya ma~Ngalam || 29||

iti shrIsundararAjastotraM sampUrNam |

##
Proofread by Saritha Sangameswaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}