% Text title            : Tridevanam Ananyatva Pratipadanam
% File name             : tridevAnAmAnanyatvapratipAdanaM.itx
% Category              : deities\_misc, shiva, vishhnu
% Location              : doc\_deities\_misc
% Proofread by          : PSA Easwaran
% Description/comments  : Kalikapurana Adhyaya 12 shloka 1-67
% Latest update         : January 15, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Tridevanamananyatvapratipadanam ..}##
\itxtitle{.. tridevAnAmAnanyatvapratipAdanam ..}##\endtitles ##
##Oneness of the trinity Brahma-Vishnu-Mahesha##
R^iShaya UchuH \-
ananyatvaM tridevAnAM yajjagAda janArdanaH |
shambhave tadvayaM shrotumichChAmo dvijasattama || 1||
ekatvaM darshayAmAsa kathaM vA garuDadhvajaH |
tat samAchakShva viprendra paraM kautUhalaM hi naH || 2||
mArkaNDeya uvAcha \-
shR^iNudhvaM munayo guhyaM paramaM prayataM param |
tridevAnAmananyatvaM tathaivaikatvadarshanam || 3||
hareNa pR^iShTo govindastaM samAbhAShya sAdaram |
idamAha munishreShThA abhinnapratipAdakam || 4||
shrIbhagavAnuvAcha \-
idaM tamomayaM sarvamAsIdbhuvanavarjitam |
apraj~nAtamalakShya~ncha prasuptamiva sarvataH || 5||
na divArAtribhAgo.atra nAkAshaM na cha kAshyapI |
na jyotirna jalaM vAyurnAnyat ki~nchana saMsthitam || 6||
ekamAsIt paraM brahma sUkShmaM nityamatIndriyam |
avyaktaM j~nAnarUpeNa dvaitahInavisheShaNam || 7||
prakR^itiH puruShashchaiva nityau dvau sarvasaMhitau |
sthitaH kAlo.api bhUtesha jagatkAraNamekakam || 8||
yadekaM paramaM brahma tatsvarUpAt paraM hara |
rUpatrayamidaM nityaM tasyaiva jagataH pateH || 9||
kAlo nAmAparaM rUpamanAdyaM tattukAraNam |
sarveShAmeva bhUtAnAmavachChedena sa~NgataH || 10||
tatastat svaprakAshena bhAsvadrUpaM prakAshate |
purA sR^iShTyarthamatulaM kShobhayan prakR^itiM svayam || 11||
sa~NkShubdhAyAnnu prakR^itau mahattattvamajAyata |
mahattattvAttataH pashchAdaha~NkArastridhAbhavat || 12||
aha~NkAre tu sa~njAte shabdatanmAtratastataH |
AkAshamasR^ijadviShNuranantaM mUrtivarjitam || 13||
tatastu rasatanmAtrAdapaH sR^iShTvA maheshvaraH |
nirAdhAraH svayaM dadhre tAstadA nijamAyayA || 14||
tatastriguNasAmyena saMsthitAM prakR^itiM prabhuH |
punaH sa~NkShobhayAmAsa sR^iShTyarthaM parameshvaraH || 15||
tataH sA prakR^itistAsu bIjaM triguNadhAbhavat |
apsu saMsarjayAmAsa jagadbIjaM nirAkulam || 16||
tadvivR^iddhaM krameNaiva haimamaNDamabhUnmahat |
jagrAhApaH samastAstA garbha eva tadaNDakam || 17||
apsu sthitAsu haimANDagarbhe viShNustadaNDakam |
tvayaiva mAyayA dadhre brahmANDamatulaM punaH || 18||
vAriNA vahnibhishchaiva vAyubhirnabhasA tathA |
bahistadaNDakaM ChannaM sarvapArshve samantataH || 19||
saptasAgaramAnena tathA nadyAdi mAnataH |
brahmANDAbhyantare toyaM tadanyattu bahirgatam || 20||
tadantaH svayamevAsau viShNurbrahmasvarUpadhR^ik |
daivaM varShamuShitvaiva prabibheda tadaNDakam || 21||
tasmAt samabhavanmerurutpanno.asmin maheshvara |
jarAyuH parvatA jAtAH samudrAH sapta tajjalAt || 22||
tanmadhye gandhatanmAtrAt pR^ithivI samajAyata |
IshvareNa prakR^ityA cha yojitA triguNAtmikA || 23||
prAgeva parvatAdibhyaH samutpannA vasundharA |
brahmANDakhaNDasaMyogAddR^iDhA bhUtA tu sA bhR^isham || 24||
      tasyAmeva sthito brahmA sarvalokaguruH svayam |
yadA brahmANDamadhyastho brahmA vyakto na chAbhavat |
      tadaiva rUpatanmatrAttejaH samyagajAyata || 25||
vAyustu sparshatanmAtrAt prakR^ityA viniyojitAt |
babhUva sarvabhUtAnAM prANabhUtaH samantataH || 26||
adbhistejobhiratulairvAyubhirnabhasA tathA |
antarbahistadaNDasya vyAptamanyattu gardhagam || 27||
tato brahmasharIrantu tridhA chakre maheshvaraH |
pradhAnechChAvashAchChambhau triguNatriguNIkR^itam || 28||
tadUrdhvabhAgaH sa~njAtashchaturvaktrashchaturbhujaH |
padmakesharagaurA~NgakAyo brAhmo maheshvaraH || 29||
tanmadhyabhAgo nIlA~Nga ekavaktrashchaturbhujaH |
sha~NkhachakragadApadmapANiH kAyaH sa vaiShNavaH || 30||
abhavattadadhobhAgaH pa~nchavaktrashchaturbhujaH |
sphaTikAbhrasamaH shuklaH sakAyashchandrashekhara || 31||
itastato brAhmakAye sR^iShTishaktiM nyayojayat |
svayamevAbhavat saShTA brahmarUpeNa lokabhR^it || 32||
sthitishaktiM nijAM mAyAM prakR^ityAkhyAM nyayojayat |
mahesho vaiShNave kAye j~nAnashaktiM nijAM tathA || 33||
sthitikartAbhavadviShNurahameva maheshvaraH |
sarvashaktiniyogena sadA tadrUpatA mama || 34||
antashaktiM tathAkAye shAmbhave cha nyayojayat |
antashaktiM tathAkAye shAmbhave cha nyayojayat || 35||
antakartAbhavachChambhuH sa eva parameshvaraH |
tatastriShu sharIreShu svayameva prakAshate || 36||
j~nAnarUpaM paraM jyotiranAdirbhagavAn prabhuH |
sR^iShTisthityantakaraNAdeka eva maheshvaraH || 37||
      brahmA viShNuH shivashcheti sa.nj~nAmApa pR^ithak pR^ithak |
atastva~ncha vidhAtA cha tathAhamapi na pR^ithak |
      evaM sharIraM rUpa~ncha j~nAnamasmAkamantaram || 38||
mArkaNDeya uvAcha \-
etachChrutvA vachastasya viShNoramitatejasaH |
harShotaphullamukhaH proche punareva janArdanam || 39||
Ishvara uvAcha \-
eka eva maheshashet jyotIrUpo nira~njanaH |
kA vA mAyAtha kaH kAlaH kA vA prakR^itiruchyate || 40||
ke pumAMsastato.abhinnA bhinnAshchet kathamekatA |
tanme vadasva govinda tatprabhAvaM yathAgatam || 41||
shrIbhagavAnuvAcha \-
tvameva pashyasi sadA dhyAnasthaH parameshvaram |
AtmanyAtmasvarUpaM majjyotIrUpaM sadakSharam || 42||
mAyA~ncha prakR^itiM kAlaM puruSha~ncha svayaM vibho |
j~nAtA tvaM dhyAnayogena yasmAd.hdhyAnaparo bhava || 43||
mAyayA mohito yasmAdadhunA tvammadIyayA |
tato vismR^itya paramaM jyotirhi vanitArataH || 44||
adhunA kopayuktastvaM vismR^ityAtmAnamAtmani |
yAM pachChasi prakR^ityAdirUpANi prathamAdhipa || 45||
mArkaNDeya uvAcha \-
tatastatra mahAdevaH shrutvA vAkyaM sunishchitam |
munInAM pashyatAM yogayukto dhyAnaparo.abhavat || 46||
AsAdya baddhaparya~NkaM nirnimIlitalochanaH |
AtmAna~nchintayAmAsa tadAtmani maheshvaraH || 47||
paraM chintayatastasya sharIraM vibabhau shubham |
tejobhirujjvalaM draShTuM nashekurmunayastadA || 48||
tatkShaNAt dhyAnayuktashcha shambhuH sa viShNumAyayA |
parityakto.ati vibabhau tapastejobhirujjvalaH || 49||
ye ye gaNAstadA tasthuH sevayA sha~NkarAntike |
na te.api vIkShituM shekuH sha~NkaraM vA divAkaram || 50||
svayameva tadA viShNuH samAdhimanAso bhR^isham |
pravivesha sharIrAntarjyotIrUpeNa dhUrjaTeH || 51||
pravishya tasya jaThare yathA sR^iShTikramaH purA |
tathaiva darshayAmAsa svayaM nArAyaNo.avyayaH || 52||
na sthUlaM na cha sUkShma~ncha na visheShaNagocharam |
nityAnandaM nirAnandamekaM shuddhamatIndriyam || 53||
adR^ishyaM sarvadraShTAraM nirguNaM paramaM padam |
paramAtmAnamAnandaM jagatkAraNakAraNam || 54||
prathamaM dadR^ishe shambhurAtmAnaM tatsvarUpiNam |
tatra praviShTamanasA bahirj~nAnavivarjitaH || 55||
tasyaiva rUpaM prakR^itiM sR^iShTyarthe bhinnatAM gatAm |
dadarsha tasyaivAbhyAse pR^ithagbhUtAmivaikikAm || 56||
puruShAMshcha dadarshAsau yathaiva vasatastataH |
agneriva kaNAt sthUlAdajasraM dvijasattamAH || 57||
tadeva kAlarUpeNa bhAsate cha muhurmuhuH |
sR^iShTisthityantayogAnAmavachChedena kAraNam || 58||
prakR^itiH puruShashchaiva kAlo.api cha muhurmuhuH |
abhinnAn bhAsamAnAMshcha sargArthe bhinnatAM gatAm || 59||
pR^ithagbhUtAnabhinnAMshcha dadR^ishe chandrashekharaH |
ekamevAdvayaM brahma neha nAnAsti ki~nchana || 60||
sapradhAnasvarUpeNa kAlarUpeNa bhAsate |
tathApuruSharUpeNa saMsArArthaM pravartate || 61||
bhogArthaM prANinAM shashvachCharIre cha pravartate |
saiva mAyA yA prakR^iti sA mohayati sha~Nkaram || 62||
hariM tathA viri~nchi~ncha tathaivAnyajanurbhavAn |
mAyAkhyA prakR^itirjAtA jantuM sanmohayatyapi || 63||
sA strIrUpeNa cha sadA lakShmIbhUtA hareH priyA |
sA sAvitrI ratiH sandhyA sA satI saiva vIriNI || 64||
buddhirUpA svayaM devI chaNDiketi cha gIyate |
iti svayaM dadarshAshu dhyAnamArgagato haraH || 65||
mahadAdi prabhedena tathA sR^iShTikramaM svayam || 66||
darshayitvA hariH kAlaM prakR^itiM puruShAMstathA |
tathAnyaddarshayAmAsa tachCharIraM dvijottamAH || 67||

iti shrIkAlikApurANe tridevAnAmAnanyatvapratipAdena dvAdasho.adhyAyaH |
##

Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}