% Text title : stotraadi % File name : tstotra.itx % Category : deities\_misc, stotra % Location : doc\_deities\_misc % Transliterated by : Collection T. R. Chari trchari at hotmail.com % Proofread by : T. R. Chari trchari at hotmail.com % Latest update : November 29, 1998 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Sri T R Chari's stotra collection ..}## \itxtitle{.. stotrAdi ..}##\endtitles ## OM shrI lakShmInR^isiMha parabrahmaNe namaH | shrI padmAvatI sameta ve~NkaTeshAya namaH | shrI viShNave paramAtmane namaH | shrImate rAmAnujAya namaH | shrI nigamAnta mahA deshikAya namaH | shrI sAyirAm | \medskip\hrule\medskip\centerline{|| AdityahR^idayam ||} tato yuddhaparishrAntaM samare chintayA sthitam | rAvaNaM chAgrato dR^iShTvA yuddhAya samupasthitam || 1 || daivataishcha samAgamya draShTumabhyAgato raNam | upagamyAbravIdrAmamagastyo bhagavAnR^iShiH || 2 || rAma rAma mahAbAho shR^iNu guhyaM sanAtanam | yena sarvAnarInvatsa samare vijayiShyasi || 3 || AdityahR^idayaM puNyaM sarvashatruvinAshanam | jayAvahaM japennityamakShayyaM paramaM shubham || 4 || sarvama~NgaLamA~NgalyaM sarvapApapraNAshanam | chintAshoka prashamanamAyurvardhanamuttamam || 5 || rashmimantaM samudyantaM devAsura namaskR^itam | pUjayasva vivasvantaM bhAskaraM bhuvaneshvaram || 6 || sarvadevAtmako hyeSha tejasvI rashmibhAvanaH | yeSha devAsuragaNAn lokAn pAti gabhastibhiH || 7 || yeSha brahmA cha viShNushcha shivaH skandaH prajApatiH | mahendro dhanadaH kAlo yamaH somohyApAmpatiH || 8 || pitaro vasavaHsAdhyA hyashvinau maruto manuH | vAyurvahniH prajAprANa R^itukartA prabhAkaraH || 9 || AdityaH savitA sUryaH khagaH pUShA gabhastimAn | suvarNasadR^isho bhAnuH svarNaretA divAkaraH || 10 || haridashvaH sahasrArchiH saptasaptirmarIchimAn | timironmathanaH shambhustvaShTA mArtANDa aMshumAn || 11 || hiraNyagarbhaH shishirastapano bhAskaro raviH | agnigarbho.aditeH putraH sha~NkhaH shishiranAshanaH || 12 || vyomanAthastamobhedI R^igyajussAmapAragaH | ghanavR^iShTirapAM mitro vindhyavIthIplava~NgamaH || 13 || AtapI maNDalI mR^ityuH pi~NgalaH sarvatApanaH | kavirvishvo mahAtejA raktaH sarvabhavodbhavaH || 14 || nakShatra grahatArANAmadhipo vishvabhAvanaH | tejasAmapi tejasvI dvAdashAtmannamo.astute || 15 || namaH pUrvAya giraye pashchimAyAdraye namaH | jyotirgaNAnAM pataye dinAdhipataye namaH || 16 || jayAya jayabhadrAya haryashvAya namo namaH | namo namaH sahasrAMsho AdityAya namo namaH || 17 || nama ugrAya vIrAya sAra~NgAya namo namaH | namaH padmaprabodhAya mArtANDAya namo namaH || 18 || brahmeshAnAchyuteshAya sUryAyAdityavarchase | bhAsvate sarvabhakShAya raudrAya vapuShe namaH || 19 || tamoghnAya himaghnAya shatrughnAyAmitAtmane | kR^itaghnaghnAya devAya jyotiShAM pataye namaH || 20 || taptachAmIkarAbhAya vahnaye vishvakarmaNe | namastamo.abhinighnAya ruchaye lokasAkShiNe || 21 || nAshayatyeSha vai bhUtaM tadeva sR^ijati prabhuH | pAyatyeSha tapatyeSha varShatyeSha gabhastibhiH || 22 || eSha supteShu jAgarti bhUteShu pariniShThitaH | eSha evAgnihotra~ncha phala~nchaivAgnihotriNAm || 23 || vedAshcha kratavashchaiva kratUnAM phalameva cha | yAni kR^ityAni lokeShu sarva eSha raviH prabhuH || 24 || \medskip\hrule\medskip\centerline{|| phalashrutiH ||} enamApatsu kR^ichChreShu kAntAreShubhayeShucha | kIrtayan puruShaH kashchinnAvasIdati rAghava || 25 || pUjayasvainamekAgro devadevaM jagatpatim | etat triguNitaM japtvA yuddheShu vijayiShyasi || 26 || asmin kShaNe mahAbAho rAvaNaM tvaM vadhiShyasi | evamuktvA tadA.agastyo jagAma cha yathAgatam || 27 || etachChrutvA mahAtejA naShTashoko.abhavattadA | dhArayAmAsa suprIto rAghavaH prayatAtmavAn || 28 || AdityaM prekShya japtvA tu paraM harShamavAptavAn | trirAchamya shuchirbhUtvA dhanurAdAya vIryavAn || 29 || rAvaNaM prekShya hR^iShTAtmA yuddhAya samupAgamat | sarvayatnena mahatA vadhe tasya dhR^ito.abhavat || 30 || atha raviravadannirIkShya rAmaM muditamanAH paramaM prahR^iShyamANaH | nishicharapatisa~NkShayaM viditvA suragaNamadhyagato vachastvareti || 31 || \medskip\hrule\medskip\centerline{|| sarasvati prArthanA ||} sarasvatI namastubhyaM varade kAmarUpiNI | vidyArambhaM kariShyAmi siddhirbhavatu me sadA || 1 || padmapatra vishAlAkShI padma kesaravarNinI | nityaM padmAlayAdevI sA mAmpAtu sarasvatI || 2 || yAkundendu tuShArahAradhavaLA yAshubhra vastrAnvitA yAvINA varadaNDamaNDitakarA yA shveta padmAsanA | yAbrahmAchyuta sha~NkaraprabhR^itibhirdevaissadA pUjitA sAmAmpAtu sarasvatI bhagavatI nishsheShajADyApahA || 3 || \medskip\hrule\medskip\centerline{|| vighneshvara prArthanA ||} shuklAmbaradharaM viShNuM shashivarNaM chaturbhujam | prasanna vadanaM dhyAyet sarva vighnopashAntaye || 1 || agajAnana padmArkaM gajAnana maharnisham | anekadantaM bhaktAnAM ekadantamupAsmahe || 2 || yaM brahma vedAntavido vadanti pare pradhAnaM puruShaM tathAnye | vishvodgateH kAraNamIshvaraMvA tasmai namo vighnavinAyakAya || 3 || ekadantaM mahAkAyaM taptakA.nchana sannibham | lambodaraM vishAlAkShaM vande.ahaM gaNanAyakam || 4 || mau~njI kR^iShNAjinadharaM nAga yaj~nopavItinam | bAlendu shakalaM mauLau vande.ahaM gaNanAyakam || 5 || chitraratna vichitrA~Nga chitramAlA vibhUShitam | kAmarUpadharaM devaM vande.ahaM gaNanAyakam || 6 || mUShakottamamAruhya devAsuramahAhave | yoddhukAmaM mahAvIryaM vande.ahaM gaNanAyakam || 7 || gajavaktraM surashreShThaM karNachAmara bhUShitam | pAshA~NkushadharaM devaM vande.ahaM gaNanAyakam || 8 || yakShakinnara gandharva siddha vidyAdharaissadA | stUyamAnaM mahAbAhuM vande.ahaM gaNanAyakam || 9 || ambikAhR^idayAnandaM mAtR^ibhiH pariveShTitam | bhaktapriyaM madonmattaM vande.ahaM gaNanAyakam || 10 || sarvavighnakaraM devaM sarvavighna vivarjitam | sarvasiddhipradAtAraM vande.ahaM gaNanAyakam || 11 || mUShakavAhana modakahasta chAmarakarNa vilambitasUtra | vAmanarUpa maheshvara putra vighnavinAyaka pAdanamaste || 12 || gajAnanaM bhUtagaNAdhisevitam.h kapittha jambUphalasAra bhakShaNam | umAsutaM shokavinAshakAraNam.h namAmi vighneshvara pAdapa~Nkajam || 13 || gaNAShTakamidampuNyaM yaHpaThetsatataM naraH | siddhyanti sarvakAryANi vidyAvAn dhanavAn bhavet || 14 || asmad gurubhyo namaH | asmatparama gurubhyo namaH | asmatsarva gurubhyo namaH | shrImate shrI AdivaN shaThakopa yatIndra mahA deshikAya namaH | yasyAbhavadbhakta janArtihantuH pitR^itvamanyeShvavichArya tUrNam | stambhe.avatArastamananyalabhyaM lakShmI nR^isiMhaM sharaNaM prapadye || shrImAn ve~NkaTa nAthAryaH kavitArkika kesarI | vedAntA chArya varyome sannidhattAM sadAhR^idi || gurubhyastad gurubhyashcha namovAkamadhImahe | vR^iNImahe cha tatrAdyau dampatI jagatAM patI || shrImannabhIShTha varada | tvAmasmi sharaNaM gataH || svasheSha bhUtena mayA svIyaiH sarva parichChadaiH | vidhAtuM prItamAtmAnaM devaH prakramate svayam | shuklAmbaradharaM viShNuM shashivarNaM chaturbhujam | prasannavadanaM dhyAyet sarva vighnopashAntaye || yasya dvirada vaktrAdyAH pAriShadyAH paraHshatam | vighnaM nighnanti satataM viShvaksenaM tamAshraye || shrIhayagrIvastotram.h j~nAnAnandamayaM devaM nirmalasphaTikAkR^itim | AdhAraM sarvavidyAnAM hayagrIvamupAsmahe || 1 || j~nAnAnandamayaM devaM svatassiddhaM shuddhasphaTika maNibhUbhR^itpratibhaTaM sudhAsadhrIchIbhirdhutibhiravadAtatribhuvanam | anantaistrayyantairanuvihita heShAhalahalaM hatAsheShAvadyaM hayavadanamIDImahi mahaH || 2 || svatassiddhaM shuddhasphaTika samAhArassAmnAM pratipadamR^ichAM dhAma yajuShAM layaH pratyUhAnAM laharivitatirvedhajaladheH | kathAdarpakShubhyatkathakakulakolAhalabhavaM haratvantardhvAntaM hayavadana heShA halahalaH || 3 || prAchI sandhyA kAchidantarnishAyAH praj~nAdR^iShTera~njanashrIrapUrvA | vaktrI vedAn bhAtu me vAjivaktrA vAgIshAkhyA vAsudevasya mUrtiH || 4 || vishuddha vij~nAnaghana svarUpaM vij~nAna vishrANana baddhadIkSham | dayAnidhiM dehabhR^itAM sharaNyaM devaM hayagrIvamahaM prapadye || 5 || apauruSheyairapi vAkprapa~nchaiH adyApi te bhUtimadR^iShTapArAm | stuvannahaM mugdha iti tvayaiva kAruNyato nAtha kaTAkShaNIyaH || 6 || dAkShiNyaramyA girishasya mUrtiH devI sarojAsanadharmapatnI | vyAsAdayo.api vyapadeshyavAchaH sphuranti sarve tava shaktileshaiH || 7 || mando.abhaviShyanniyataM viri~ncho vAchAM nidhe va~nchita bhAgadheyaH | daityApanItAn dayayaiva bhUyo.api adhyApayiShyo nigamAn na chet tvAm || 8 || vitarkaDolAM vyavadhUya satve bR^ihaspatiM vartayase yatastvam | tenaiva deva tridasheshvarANAm.h aspR^iShTa DolAyitamAdhirAjyam || 9 || agnou samiddhArchiShi saptatantoH AtasthivAn mantramayaM sharIram | akhaNDa sArairhaviShAM pradAnaiH ApyAyanaM vyomasadAM vidhatse || 10 || yanmUlamIdR^ik pratibhAti tattvaM yA mUlamAmnAya mahAdrumANAm | tattvena jAnanti vishuddha satvAH tvAmakSharAmakSharamAtR^ikAM te || 11 || avyAkR^itAd vyAkR^ita vAnasi tvaM nAmAni rUpANi cha yAni pUrvam | shaMsanti teShAM charamAM pratiShTAM vAgIshvara tvAM tvadupaj~navAchaH || 12 || mugdhendu niShyanda vilobhanIyAM mUrtiM tavAnanda sudhA prasUtim | vipashchitashchetasi bhAvayante velAmudArAmiva dugdhasindhoH || 13 || manogataM pashyati yaH sadA tvAM manIShiNAM mAnasa rAjahaMsam | svayaM purobhAva vivAdabhAjaH ki~Nkurvate tasya giro yathArham || 14 || api kShaNArdhaM kalayanti ye tvAM AplAvayantaM vishadairmayUkhaiH | vAchAM pravAhairanivAritaiste mandAkinIM mandayituM kShamante || 15 || svAmin bhavaddhyAna sudhAbhiShekAt.h vahanti dhanyAH pulakAnubandham | alakShite kvApi nirUDhamUlaM a~NgeShvivAnandathum a~Nkurantam || 16 || svAmin pratIchA hR^idayena dhanyAH tvaddhyana chandrodaya vardhamAnam | amAntamAnanda payodhimantaH payobhirakShNAM parivAhayanti || 17 || svairAnubhAvAstvadadhIna bhAvAH samR^iddhavIryAstvadanugraheNa | vipashchito nAtha taranti mAyAM vaihArikIM mohana pi~nChikAM te || 18 || prA~N nirmitAnAM tapasAM vipAkAH pratyagranishshreyasa sampado me | samedhiShIraMstava pAdapadme sa~Nkalpa chintAmaNayaH praNAmAH || 19 || vilupta mUrdhanya lipikramANAM surendra chUDApada lAlitAnAm | tvada~NghrirAjIva rajaH kaNAnAM bhUyAn prasAdo mayi nAtha bhUyAt || 20 || parisphurannUpurachitrabhAnu \- prakAsha nirdhUta tamonuSha~NgAm | padadvayIM te parichinmahe.antaH prabodha rAjIva vibhAtasandhyAm || 21 || tvatki~NkarAla~NkaraNochitAnAM tvayaiva kalpAntara pAlitAnAm | ma~njupraNAdaM maNinUpuraM te ma~njUShikAM vedagirAM pratImaH || 22 || sa.nchintayAmi pratibhAdashAsthAn.h sa.ndhukShayantaM samayapradIpAn | vij~nAna kalpadruma pallavAbhaM vyAkhyAna mudrA madhuraM karaM te || 23 || chitte karomi sphuritAkShamAlaM savyetaraM nAtha karaM tvadIyam | j~nAnAmR^itoda~nchana lampaTAnAM lIlAghaTIyantramivAshritAnAm || 24 || prabodha sindhoraruNaiH prakAshaiH pravAla sa~NghAtamivodvahantam | vibhAvaye deva sapustakaM te vAmaM karaM dakShiNamAshritAnAm || 25 || tamAMsi bhitvA vishadairmayUkhaiH samprINayantaM viduShashchakorAn | nishAmaye tvAM navapuNDarIke sharadghane chandramiva sphurantam || 26 || dishantu me deva sadA tvadIyAH dayAtara~NgAnucharAH kaTAkShAH | shrotreShu puMsAmamR^itaM kSharantIM sarasvatIM saMshrita kAmadhenum || 27 || visheShavitvAriShadeShu nAtha vidagdha goShThIsamarA~NgaNeShu | jigIShato me kavitArkikendrAn.h jihvAgra siMhAsanamabhyupeyAH || 28 || tvAM chintaya.nstvanmayatAM prapannaH tvAmudgR^iNan shabdamayena dhAmnA | svAmin samAjeShu samedhiShIya svachChanda vAdAhava baddhashUraH || 29 || nAnAvidhAnAmagatiH kalAnAM na chApi tIrtheShu kR^itAvatAraH | dhruvaM tavAnAthaparigrahAyAH navaM navaM pAtramahaM dayAyAH || 30 || akampanIyAnyapanIti bhedaiH ala.nkR^iShIran hR^idayaM madIyam | sha~NkAkala~NkA pagamojjvalAni tattvAni samya~nchi tava prasAdAt || 31 || vyAkhyA mudrAM karasarasijaiH pustakaM sha~Nkachakre bibhradbhinnasphaTikaruchire puNDarIke niShaNNaH | amlAnashrIramR^itavishadairaMshubhiH plAvayan mAM AvirbhUyAdanagha mahimA mAnase vAgadhIshaH || 32 || vyAkhyA mudrAM karasarasijaiH vAgartha siddhihetoH paThata hayagrIvasaMstutiM bhaktyA | kavitArkika kesariNA ve~NkaTanAthena virachitAmetAm || 33 || vAgartha siddhihetoH kavitArkikasiMhAya kalyANaguNashAline | shrImate ve~NkaTeshAya vedAntagurave namaH || \medskip\hrule\medskip\centerline{|| dashAvatAra stotram ||} shrImAn ve~NkaTa nAthAryaH kavitArkika kesarI | vedAntA chArya varyome sannidhattAM sadAhR^idi || devo naH shubhamAtanotu dashadhA nirvartayan bhUmikAM ra~Nge dhAmani labdha nirbhara rasairadhyakShito bhAvukaiH | yadbhAveShu pR^ithagvidheShvanuguNAn bhAvAn svayaM bibhratI yaddharmairiha dharmiNI viharate nAnAkR^itirnAyikA || 1 || devo naH shubhamAtanotu nirmagna shruti jAla mArgaNa dashA datta kShaNairvIkShaNaiH antastanvadivAravinda gahanAnyaudanvatInAmapAm | niShpratyUha tara~Nga ri~NgaNa mithaH pratyUDha pAthashChaTA \- DolAroha sadohalaM bhagavato mAtsyaM vapuH pAtu naH || 2 || avyAsurbhuvana trayImanibhR^itaM kaNDUyanairadriNA nidrANasya parasya kUrma vapuSho nishvAsa vAtormayaH | yadvikShepaNa saMskR^ito dadhipayaH pre~Nkholaparya~NkikA \- nityArohaNa nirvR^ito viharate devaH sahaiva shriyA || 3 || gopAyedanishaM jaganti kuhanA potrI pavitrI kR^ita \- brahmANDaH pralayormi ghoSha gurubhirghoNA ravairghurghuraiH | yaddaMShTrA~Nkura koTi gADha ghaTanA niShkampa nitya sthitiH brahma stambamasaudasau bhagavatI musteva vishvambharA || 4 || pratyAdiShTa purAtana praharaNa grAmaH kShaNaM pANijaiH avyAt trINi jagantyakuNTha mahimA vaikuNTha kaNThIravaH | yatprAdurbhavanAdavandhya jaTharA yAdR^ichChikAd vedhasAM yA kAchit sahasA mahAsura gR^iha sthUNA pitAmahyabhUt || 5 || vrIDA viddha vadAnya dAnava yasho nAsIra dhATI bhaTaH traiyakShaM makuTaM punannavatu nastraivikramo vikramaH | yatprastAva samuchChrita dhvaja paTI vR^ittAnta siddhAntibhiH srotobhiH surasindhuraShTasu dishA saudheShu dodhUyate || 6 || krodhAgniM jamadagni pIDana bhavaM santarpayiShyan kramAt.h akShatrAmapi santatakSha ya imAM triHsapta kR^itvaH kShitim | datvA karmaNi dakShiNAM kvachana tAmAskandya sindhuM vasan.h abrahmaNyamapAkarotu bhagavAnAbrahma kITaM muniH || 7 || pArAvAra payo vishoShaNa kalA pArINa kAlAnala \- jvAlA jAla vihAra hAri vishikha vyApAra ghora kramaH | sarvAvastha sakR^itprapanna janatA saMrakShaNaika vratI dharmo vigrahavAnadharma viratiM dhanvI sa tanvIta naH || 8 || phakkatkaurava paTTaNa prabhR^itayaH prAsta pralambAdayaH tAlA~Nkasya tathAvidhA vihR^itayastanvantu bhadrANi naH | kShIraM sharkarayeva yAbhirapR^ithagbhUtAH prabhUtairguNaiH AkaumArakamasvadanta jagate kR^iShNasya tAH kelayaH || 9 || nAthAyaiva namaHpadaM bhavatu nashchitraishcharitra kramaiH bhUyobhirbhuvanAnyamUni kuhanA gopAya gopAyate | kAlindI rasikAya kAliya phaNi sphAra sphaTA vATikA \- ra~Ngotsa~Nga visha~Nka cha.nkramadhurA paryAyacharyA yate || 10 || bhAvinyA dashayA bhavanniha bhava dhvaMsAya naH kalpatAM kalkI viShNuyashassutaH kali kathA kAluShya kUla~NkaShaH | niHsheSha kShata kaNTake kShititale dhArA jalaughairdhruvaM dharmaM kArtayugaM prarohayati yannistriMsha dhArAdharaH || 11 || ichChA mIna vihAra kachChapa mahA potrin yadR^ichChA hare rakShA vAmana roSha rAma karuNA kAkutstha helA halin | krIDA vallava kalka vAhana dashA kalkinniti pratyahaM jalpantaH puruShAH punanti bhuvanaM puNyaugha paNyApaNAH || vidyodanvati ve~NkaTeshvarakavau jAtaM jaganma~NgalaM deveshasya dashAvatAra viShayaM stotraM vivakSheta yaH | vaktre tasya sarasvatI bahu mukhI bhaktiH parA mAnase shuddhiH kApi tanau dishAsu dashasu khyAtiH shubhA jR^imbhate || kavitArkikasiMhAya kalyANaguNashAline | shrImate ve~NkaTeshAya vedAntagurave namaH || \medskip\hrule\medskip\centerline{|| nyAsa dashakam ||} shrImAn ve~NkaTa nAthAryaH kavitArkika kesarI | vedAntA chArya varyome sannidhattAM sadAhR^idi || ahaM madrakShaNa bharo madrakShaNa phalaM tathA | na mama shrIpaterevetyAtmAnaM nikShiped budhaH || 1 || nyasyAmyaki~nchanaH shrImannanukUlo.anyavarjitaH | vishvAsa prArthanA pUrvam AtmarakShA bharaM tvayi || 2 || svAmI svasheShaM svavashaM svabharatvena nirbharam | svadatta svadhiyA svArthaM svasmin nyasyati mAM svayam || 3 || shrImannabhIShTa varada tvAmasmi sharaNaM gataH | etaddehAvasAne mAM tvatpAdaM prApaya svayam || 4 || tvachCheShatve sthira dhiyaM tvatprAptyeka prayojanam | niShiddha kAmya rahitaM kuru mAM nitya ki~Nkaram || 5 || devI bhUShaNa hetyAdi juShTasya bhagavaMstava | nityaM niraparAdheShu kai.nkaryeShu niyu~NkShva mAm || 6 || mAM madIyaM cha nikhilaM chetanAchetanAtmakam | svakai.nkaryopakaraNaM varada svIkuru svayam || 7 || tvadekarakShyasya mama tvameva karuNAkara | napravartaya pApAni pravR^ittAni nivartaya || 8 || akR^ityAnAM cha karaNaM kR^ityAnAM varjanaM cha me | kShamasva nikhilaM deva praNatArtihara prabho || 9 || shrImAn niyata pa~nchA~NgaM madrakShaNa bharArpaNam | achIkarat svayaM svasminnato.ahamiha nirbharaH || 10 || saMsArAvarta vega prashamana shubhadR^igdeshika prekShito.ahaM santyakto.anyairupAyairanuchita charitoShvadya shAntAbhisandhiH | niHsha~NkastatvadR^iShTyA niravadhikadayaM prArthya saMrakShakaM tvAM nyasya tvatpAdapadme varada nijabharaM nirbharo nirbhayo.asmi || kavitArkikasiMhAya kalyANaguNashAline | shrImate ve~NkaTeshAya vedAntagurave namaH || \medskip\hrule\medskip\centerline{|| sudarshanAShTakam ||} shrImAn ve~NkaTa nAthAryaH kavitArkika kesarI | vedAntA chArya varyome sannidhattAM sadAhR^idi || pratibhaTa shreNi bhIShaNa vara guNa stoma bhUShaNa janibhaya sthAna tAraNa jagadavasthAna kAraNa | nikhila duShkarma karshana nigama saddharma darshana jaya jaya shrI sudarshana jaya jaya shrI sudarshnana || 1 || shubha jagadrUpa maNDana sura gaNa trAsa khaNDana shata\-makha brahma vandita shata\-patha brahma nandita | prathita vidvatsapakShita bhajadahirbudhnya lakShita jaya jaya shrI sudarshana jaya jaya shrI sudarshana || 2 || sphuTa taTijjAla pi~njara pR^ithu\-tara jvAla pa~njara parigata pratna vigraha parimita praj~na durgraha | praharaNa grAma maNDita parijanatrANa paNDita jaya jaya shrI sudarshana jaya jaya shrI sudarshnana || 3 || nija pada prIta sadgaNa nirupadhi sphIta ShaDjuNa nigama nirvyUDha vaibhava nija para vyUha vaibhava | hari haya dveShi dAraNa hara pura ploSha kAraNa jaya jaya shrI sudarshana jaya jaya shrI sudarshnana || 4 || danuja vistAra kartana jani tamisrA vikartana danuja vidyA nikartana bhajadavidyA nivartana | amara dR^iShTa sva vikrama samara juShTa bhrami krama jaya jaya shrI sudarshana jaya jaya shrI sudarshnana || 5 || pratimukhAlIDha bandhura pR^ithu mahA heti dantura vikaTa mAyA bahiShkR^ita vividha mAlA pariShkR^ita | pR^ithu mahAyantra tantrita dR^iDha dayA tantra yantrita jaya jaya shrI sudarshana jaya jaya shrI sudarshnana || 6 || mahita sampatsadakShara vihita sampatShaDakShara ShaDara chakra pratiShTita sakala tattva pratiShTita | vividha sa~Nkalpa kalpaka vibudha sa~Nkalpa kalpaka jaya jaya shrI sudarshana jaya jaya shrI sudarshnana || 7 || bhuvana netastrayImaya savana tejastrayImaya niravadhi svAdu chinmaya nikhila shakte jaganmaya | amita vishva kriyAmaya shamita viShvagbhayAmaya jaya jaya shrI sudarshana jaya jaya shrI sudarshnana || 8 || dvichatuShkamidaM prabhUta sAraM paTatAM ve~NkaTanAyaka praNItaM viShame.api manorathaH pradhAvan.h na vihanyeta rathA~NgadhuryaguptaH kavitArkikasiMhAya kalyANaguNashAline | shrImate ve~NkaTeshAya vedAntagurave namaH || \medskip\hrule\medskip\centerline{|| vairAgya pa~nchakam ||} kShoNI koNa shatAMsha pAlana kalA durvAra garvAnala\- kShubhyatkShudra narendra chATu rachanA dhanyAn na manyAmahe | devaM sevitumeva nishchinumahe yo.asau dayAluH purA dAnA muShTimuche kuchela munaye datte sma vitteshatAm || 1 || silaM kimanalaM bhavedanalamaudaraM bAdhituM payaH prasR^iti pUrakaM kimu na dhArakaM sArasam | ayatna mala mallakaM pathi paTachcharaM kachcharaM bhajanti vibudhA mudhA hyahaha kukShitaH kukShitaH || 2 || jvalatu jaladhi kroDa krIDatkR^ipIDa bhava prabhA\- pratibhaTa paTu jvAlA mAlAkulo jaTharAnalaH | tR^iNamapi vayaM sAyaM samphulla malli matallikA parimalamuchA vAchA yAchAmahe na mahIshvarAn || 3 || durIshvara dvAra bahirvitardikA\- durAsikAyai rachito.ayama~njaliH | yada~njanAbhaM nirapAyamasti me dhana~njaya syandana bhUShaNaM dhanam || 4 || sharIra patanAvadhi prabhu niShevaNApAdanAt.h abindhana dhana~njaya prashamadaM dhanaM dandhanam | dhana~njaya vivardhanaM dhanamudUDha govardhanaM susAdhanamabAdhanaM sumanasAM samArAdhanam || 5 || nAsti pitrArjitaM ki~nchinna mayA ki~nchidArjitam | asti me hasti shailAgre vastu paitAmahaM dhanam || 6 || \medskip\hrule\medskip\centerline{|| shrIstutiH ||} mAnAtIta prathita vibhavAM ma~NgalaM ma~NgalAnAM vakShaH pIThIM madhu vijayino bhUShayantIM svakAntyA | pratyakShAnushravika mahima prArthinInAM prajAnAM shreyo mUrti shriyamasharaNastvAM sharaNyAM prapadye || 1 || AvirbhAvaH kalasha jaladhAvadhvare vApi yasyAH sthAnaM yasyAH sarasija vanaM viShNu vakShaH sthalaM vA | bhUmA yasyA bhuvanamakhilaM devi divyaM padaM vA stoka praj~nairanavadhi guNA stUyase sA kathaM tvam || 2 || stotavyatvaM dishati bhavatI dehibhiH stUyamAnA tAmeva tvAmanitara gatiH stotumAshaMsamAnaH | siddhArambhaH sakala bhuvana shlAghanIyo bhaveyaM sevApekShA tava charaNayoH shreyase kasya na syAt || 3 || yatsa~NkalpAdbhavati kamale yatra dehinyamIShAM janma sthema pralaya rachanA ja~NgamAja~NgamAnAm | tat kalyANaM kimapi yaminAmekalakShyaM samAdhau pUrNaM tejaH sphurati bhavatI pAda lAkShA rasA~Nkam || 4 || niShpratyUha praNaya ghaTitaM devi nityAnapAyaM viShNustvaM chetyanavadhiguNaM dvandvamanyonya lakShyam | sheShashchittaM vimala manasAM maulayashcha shrutInAM sampadyante viharaNa vidhau yasya shayyA visheShAH || 5 || uddeshyatvaM janani bhajatorujjhitopAdhi gandhaM pratyagrUpe haviShi yuvayoreka sheShitva yogAt | padme patyustava cha nigamairnityamanviShyamANo nAvachChedaM bhajati mahimA nartayan mAnasaM naH || 6 || pashyantIShu shrutiShu paritaH sUri vR^indena sArdhaM madhye kR^itya triguNa phalakaM nirmita sthAna bhedam | vishvAdhIsha praNayini sadA vibhrama dyUta vR^ittau brahmeshAdyA dadhati yuvayorakSha shAra prachAram || 7 || asyeshAnA tvamasi jagataH saMshrayantI mukundaM lakShmIH padmA jaladhi tanayA viShNu patnIndireti | yannAmAni shruti paripaNAnyevamAvartayanto nAvartante durita pavana prerite janma chakre || 8 || tvAmevAhuH katichidapare tvatpriyaM lokanAthaM kiM tairantaH kalaha malinaiH ki~nchiduttIrya magnaiH | tvatsamprItyai viharati harau sammukhInAM shrutInAM bhAvArUDhau bhagavati yuvAM dampatI daivataM naH || 9 || ApannArti prashamana vidhau baddha dIkShasya viShNoH AchakhyustvAM priya sahacharimaikamatyopapannAm | prAdurbhAvairapi sama tanuH prAdhvamanvIyase tvaM dUrotkShiptairiva madhuratA dugdharAshestara~NgaiH || 10 || dhatte shobhAM hari marakate tAvakI mUrtirAdyA tanvI tu~Nga stanabhara natA tapta jAmbUnadAbhA | yasyAM gachChantyudaya vilayairnityamAnanda sindhau ichChA vegollasita laharI vibhramaM vyaktayaste || 11 || AsaMsAraM vitatamakhilaM vA~NmayaM yadvibhUtiH yad bhrU bha~NgAt kusuma dhanuShaH ki~Nkaro meru dhanvA | yasyAM nityaM nayana shatakaireka lakShyo mahendraH padme tAsAM pariNatirasau bhAva leshaistvadIyaiH || 12 || agre bhartuH sarasija maye bhadra pIThe niShaNNAm.h ambho rAsheradhigata sudhA samplavAdutthitAM tvAm | puShpAsAra sthagita bhuvanaiH puShkalAvartakAdyaiH kL^iptArambhAH kanaka kalashairabhyaShi~nchan gajendrAH || 13 || Alokya tvAmamR^ita sahaje viShNu vakShaHsthalasthAM shApAkrAntAH sharaNamagaman sAvarodhAH surendrAH | labdhvA bhUyastribhuvanamidaM lakShitaM tvatkaTAkShaiH sarvAkAra sthira samudayAM sampadaM nirvishanti || 14 || Arta trANa vratibhiramR^itAsAra nIlAmbuvAhaiH ambhojAnAmuShasi miShatAmantara~NgairapA~NgaiH | yasyAM yasyAM dishi viharate devi dR^iShTistvadIyA tasyAM tasyAmahamahamikAM tanvate sampadoghAH || 15 || yogArambha tvarita manaso yuShmadaikAntya yuktaM dharmaM prAptuM prathamamiha ye dhArayante dhanAyAm | teShAM bhUmerdhanapatigR^ihAdambarAdambudhervA dhArA niryAntyadhikamadhikaM vA~nChitAnAM vasUnAm || 16 || shreyaskAmAH kamalanilaye chitramAmnAya vAchAM chUDApIDaM tava pada yugaM chetasA dhArayantaH | Chatra chChAyA subhaga shirasashchAmara smera pArshvAH shlAghAshabda shravaNa muditAH sragviNaH sa~ncharanti || 17 || UrIkartuM kushalamakhilaM jetumAdInarAtIn.h dUrIkartuM durita nivahaM tyaktumAdyAmavidyAm | amba stambAvadhika janana grAma sImAnta rekhAm.h Alambante vimala manaso viShNu kAnte dayAM te || 18 || jAtAkA~NkShA janani yuvayoreka sevAdhikAre mAyAlIDhaM vibhavamakhilaM manyamAnAstR^iNAya | prItyai viShNostava cha kR^itinaH prItimanto bhajante velAbha~NgaH prashamana phalaM vaidikaM dharmasetum || 19 || seve devi tridasha mahilA mauli mAlArchitaM te siddhi kShetraM shamita vipadAM sampadAM pAda padmam | yasminnIShannamita shiraso yApayitvA sharIraM vartiShyante vitamasi pade vAsudevasya dhanyAH || 20 || sAnuprAsa prakaTita dayaiH sAndra vAtsalya digdhaiH amba snigdhairamR^ita laharI labdha sabrahyacharyaIH | dharme tApa tra ya virachite gADha taptaM kShaNaM mAm.h Aki~nchanya glapitamanaghairArdrayethAH kaTAkShaiH || 21 || sampadyante bhava bhaya tamI bhAnavastvatprasAdAt.h bhAvAH sarve bhagavati harau bhaktimudvelayantaH | yAche kiM tvAmahamiha yataH shItalodAra shIlA bhUyo bhUyo dishasi mahatAM ma~NgalAnAM prabandhAn || 22 || mAtA devi tvamasi bhagavAn vAsudevaH pitA me jAtaH so.ahaM janani yuvayorekalakShyaM dayAyAH | datto yuShmatparijanatayA deshikairapyatastvaM kiM te bhUyaH priyamiti kila smera vaktrA vibhAsi || 23 || kalyANAnAmavikala nidhiH kA.api kAruNya sImA nityAmodA nigama vachasAM mauli mandAra mAlA | sampad.hdivyA madhu vijayinaH sannidhattAM sadA me saiShA devI sakala bhuvana prArthanA kAmadhenuH || 24 || upachita guru bhakterutthitaM ve~NkaTeshAt.h kali kaluSha nivR^ittyai kalpamAnaM prajAnAm | sarasija nilayAyAH stotrametat paThantaH sakala kushala sImAH sArvabhaumA bhavanti || 25 || \medskip\hrule\medskip\centerline{|| godA stutiH ||} shrIviShNuchitta kula nandana kalpavallIM shrIra~NgarAja harichandana yoga dR^ishyam | sAkShAt shamAM karuNayA kamalAmivAnyAM godAmananyasharaNaH sharaNaM prapadye || 1 || vaideshikaH shruti girAmapi bhUyasInAM varNeShu mAti mahimA na hi mAdR^ishAM te | itthaM vidantamapi mAM sahasaiva gode mauna druho mukharayanti guNAstvadIyAH || 2 || tvatpreyasaH shravaNayoramR^itAyamAnAM tulyAM tvadIya maNi nUpura shi~njitAnAm | gode tvameva janani tvadabhiShTavArhAM vAchaM prasanna madhurAM mama saMvidhehi || 3 || kR^iShNAnvayena dadhatIM yamunAnubhAvaM tIrthairyathAvadavagAhya sarasvatIM te | gode vikasvara dhiyAM bhavatI kaTAkShAt.h vAchaH sphuranti makaranda muchaH kavInAm || 4 || asmAdR^ishAmapakR^itau chira dIkShitAnAM ahnAya devi dayate yadasau mukundaH | tannishchitaM niyamitastava mauli dAmnA tantrI ninAdamadhuraishcha girAM nigumbhaiH || 5 || shoNA.adhare.api kuchayorapi tu~NgabhadrA vAchAM pravAhanivahe.api sarasvatI tvam | aprAkR^itairapi rasairvirajA svabhAvAt.h godA.api devi kamiturnanu narmadA.asi || 6 || valmIkataH shravaNato vasudhAtmanaste jAto babhUva sa muniH kavi sArvabhaumaH | gode kimadbhutamidaM yadamI svadante vaktrAravinda makaranda nibhAH prabandhAH || 7 || bhoktuM tava priyatamaM bhavatIva gode bhaktiM nijAM praNaya bhAvanayA gR^iNantaH | uchchAvachairviraha sa~NgamajairudantaiH shR^i~NgArayanti hR^idayaM guravastvadIyAH || 8 || mAtaH samutthitavatImadhi viShNuchittaM vishvopajIvyamamR^itaM vachasA duhAnAm | tApachChidaM hima rucheriva mUrtimanyAM santaH payodhi duhituH sahajAM vidustvAm || 9 || tAtastu te madhubhidaH stuti lesha vashyAt.h karNAmR^itaiH stuti shatairanavApta pUrvam | tvanmauli gandha subhagAmupahR^itya mAlAM lebhe mahattara padAnuguNaM prasAdam || 10 || dik dakShiNA.api pari paktrima puNya labhyAt.h sarvottarA bhavati devi tavAvatArAt | yatraiva ra~NgapatinA bahumAna pUrvaM nidrAlunApi niyataM nihitAH kaTAkShAH || 11 || prAyeNa devi bhavatI vyapadesha yogAt.h godAvarI jagadidaM payasA punIte | yasyAM sametya samayeShu chiraM nivAsAt.h bhAgIrathI prabhR^itayo.api bhavanti puNyAH || 12 || nAge shayaH sutanu pakShirathaH kathaM te jAtaH svayaMvara patiH puruShaH purANaH | evaM vidhAH samuchitaM praNayaM bhavatyAH sandarshayanti parihAsa giraH sakhInAm || 13 || tvadbhukta mAlya surabhIkR^ita chAru mauleH hitvA bhujAntara gatAmapi vaijayantIm | patyustaveshvari mithaH pratighAta lolAH barhAtapatra ruchimArachayanti bhR^i~NgAH || 14 || Amodavatyapi sadA hR^idayaM gamA.api rAgAnvitA.api lalitA.api guNottarA.api | mauli srajA tava mukunda kirITa bhAjA gode bhavatyadharitA khalu vaijayantI || 15 || tvanmauli dAmani vibhoH shirasA gR^ihIte svachChanda kalpita sapIti rasa pramodAH | ma~nju svanA madhu liho vidadhuH svayaM te svAyaMvaraM kamapi ma~Ngala tUrya ghoSham || 16 || vishvAyamAna rajasA kamalena nAbhau vakShaHsthale cha kamalA stana chandanena | Amodito.api nigamairvibhura~Nghri yugme dhatte natena shirasA tava mauli mAlAm || 17 || chUDA padena parigR^ihya tavottarIyaM mAlAmapi tvadalakairadhivAsya dattAm | prAyeNa ra~NgapatireSha bibharti gode saubhAgya sampadabhiSheka mahAdhikAram || 18 || tu~NgairakR^itrima giraH svayamuttamA~NgaiH yaM sarvagandha iti sAdaramudvahanti | AmodamanyamadhigachChati mAlikAbhiH so.api tvadIya kuTilAlaka vAsitAbhiH || 19 || dhanye samasta jagatAM pituruttamA~Nge tvanmaulimAlya bhara sambharaNena bhUyaH | indIvara srajamivAdadhati tvadIyAni AkekarANi bahumAna vilokitAni || 20 || ra~Ngeshvarasya tava cha praNayAnubandhAt.h anyonya mAlya parivR^ittimabhiShTuvantaH | vAchAlayanti vasudhe rasikAstrilokIM nyUnAdhikatva samatA viShayairvivAdaiH || 21 || dUrvA dala pratimayA tava deha kAntyA gorochanA ruchirayA cha ruchendirAyAH | AsIdanu~njhita shikhAvala kaNTha shobhaM mA~NgalyadaM praNamatAM madhuvairi gAtram || 22 || archyaM samarchya niyamairnigama prasUnaiH nAthaM tvayA kamalayA cha sameyivAMsam | mAtashchiraM niravishan nijamAdhirAjyaM mAnyA manu prabhR^itayo.api mahIkShitaste || 23 || ArdrAparAdhini jane.apyabhirakShaNArthaM ra~Ngeshvarasya ramayA vinivedyamAne | pArshve paratra bhavatI yadi tatra nAsIt.h prAyeNa devi vadanaM parivartitaM syAt || 24 || gode guNairapanayan praNatAparAdhAn.h bhrUkShepa eva tava bhoga rasAnukUlaH | karmAnubandhi phala dAna ratasya bhartuH svAtantrya durvyasana marma bhidA nidAnam || 25 || ra~Nge taTidguNavato ramayaiva gode kR^iShNAmbudasya ghaTitAM kR^ipayA suvR^iShTyA | daurgatya durviSha vinAsha sudhA nadIM tvAM santaHprapadya shamayantyachireNa tApAn || 26 || jAtAparAdhamapi mAmanukampya gode goptrI yadi tvamasi yuktamidaM bhavatyAH | vAtsalya nirbharatayA jananI kumAraM stanyena vardhayati daShTa payodharA.api || 27 || shatamakha maNi nIlA chAru kalhAra hastA stana bhara namitA~NgI sAndra vAtsalya sindhuH | alaka vinihitAbhiH sragbhirAkR^iShTa nAthA vilasatu hR^idi godA viShNuchittAtmajA naH || 28 || iti vikasita bhakterutthitAM ve~NkaTeshAt.h bahuguNa ramaNIyAM vakti godAstutiM yaH | sa bhavati bahumAnyaH shrImate ra~NgabhartuH charaNa kamala sevAM shAshvatImabhyupaiShyan || 29 || \medskip\hrule\medskip\centerline{|| chatuHslokI ||} kAntaste putuShottamaH phaNipatiH shayyA.asanaM vAhanaM vedAtmA vihageshvaro yavanikA mAyA jaganmohinI | brahmeshAdisuravrajaH sadayitaH tvaddAsadAsIgaNaH shrIrityeva cha nAma te bhagavati ! brUmaH kathaM tvAM vayam || 1 || yasyAste mahimAnamAtmana iva tvadvallabho.api prabhuH nAlaM mAtumiyattayA niravadhiM nityAnukUlaM svataH | tAM tvAM dAsa iti prapanna iti cha stoShyAmyahaM nirbhayaH lokaikeshvari ! lokanAthadayite ! dAnte dayAM te vidan || 2 || IShat tvatkaruNAnirIkShaNasudhAsandhukShaNAdrakShyate naShTaM prAk tadalAbhatastribhuvanaM sampratyanantodayam | shreyo na hyaravindalochanamanaHkAntAprasAdAdR^ite saMsR^ityakSharavaiShNavAdhvasu nR^iNAM sambhAvyate karhichit || 3 || shAntAnantamahAvibhUti paramaM yad brahma rUpaM hareH mUrtaM brahma tato.api tatpriyataraM rUpaM yadatyadbhutam | yAnyanyAni yathAsukhaM viharato rUpANi sarvANi tA \- nyAhuH svairanarUparUpavibhavairgADhopagUDhAni te || 4 || \medskip\hrule\medskip\centerline{|| nandanandana shrIkR^iShNAShTakam ||} bhaje vrajaikama.nDanaM samastapApakhaNDanaM svabhaktachittara.njanaM sadaiva nandanandanam | supichChaguchCha\-mastakaM sunAdaveNuhastakaM ana.ngara.ngasAgaraM namAmi kR^iShNa\-nAgaram || 1 || manoja\-garvamochanaM vishAla\-lola\-lochanaM vidhUtagopashochanaM namAmi padmalochanam | karAravindabhUvaraM smitAvalokasundaraM mahendramAnadAraNaM namAmi kR^iShNavAraNam || 2 || kadambasUnakuNDalaM sachArugaNDamaNDalaM vrajA~NganaikavallabhaM namAmi kR^iShNa\-durlabham | yashodayA samodayA sagopayA sanandayA yutaM sukhaikadAyakaM namAmi gopanAyakam || 3 || sadaiva pAdapa.nkajaM madIyamAnase nijaM dadhAnamuttamAlakaM namAmi nandabAlakam | samastadoSha\-shoShaNaM samastalokapoShaNaM samastagopa\-mAnasaM namAmi kR^iShNalAlasam || 4 || bhuvo bharAvatArakaM bhavAbdhikarNadhArakaM yashomatI\-kishU\-rakaM namAmi dugdhachorakam | dR^igantakAntabha.nginaM sadAsadAlasa.nginaM dinedine navaM navaM namAmi nandasambhavam || 5 || guNAkaraM sukhAkaraM kR^ipAkaraM kR^ipAvaraM suradviSha\-nnikandanaM namAmi gopanandanam | navInagopanAgaraM navInakeli\-lampaTaM namAmi meghasundaraM taDitprabhAlasatpaTam || 6 || samastagopanandanaM hR^idambujaikamohanaM namAmi ku.njamadhyagaM prasannabhAnushobhanam | nikAma\-kAmadAyakaM dR^igantachAru\-sAyakaM rasAlaveNu\-gAyakaM namAmi ku.njanAyakam || 7 || vidagdha\-gopikA\-mano\-manoj~natalpa\-shAyinaM namAmi ku.njakAnane pravR^iddha\-vahni\-pAyinam | yadA tadA yathA tathA tathaiva kR^iShNasatkathA mayA sadaiva gIyatAM tathA kR^ipA vidhIyatAm | pramANikAShTakadvayaM japatyadhItya yaH pumAn.h bhavet sa nandanandane bhave bhave subhaktimAn || 8 || \medskip\hrule\medskip\centerline{|| gajendra mokSham ||} grAhagraste gajendre ruvati sarabhasaM tArkShya mAruhya dhAvan.h vyAghUrNan mAlyabhUShA vasana parikaro megha gambhIra ghoShaH | AbibhrANo rathA~NgaM sharamasi mabhayaM sha~Nkha chApau sakheTau hastaiH kaumodakI mapyavatu harirasA vaMhasAM saMhaternaH || nakrAkrAnte karIndre mukuLita nayane mUla mUletikhinne nAhaM nAhaM nachAhaM na cha bhavati punastAdR^isho mAdR^isheShu ityevaM tyaktahaste sapadi suragaNe bhAva shUnye samaste mUlaM yatprAdurAsIt sa dishatu bhagavAn ma~NgaLaM santataM naH || \medskip\hrule\medskip\centerline{|| shlokatrayam ||} prAtaH smarAmi bhavabhIti mahArti shAntyai nArAyaNaM garuDa vAhana ma~njanAbham | grAhAbhi bhUta madavAraNa mukti hetuM chakrAyudhaM taruNa vArija patranetram || prAtarnamAmi manasA vachasA cha mUrdhnA pAdAravinda yugaLaM paramasya puMsaH | nArAyaNasya narakArNava tAraNasya pArAyaNa pravaNa vipra parAyaNasya || prAtarbhajAmi bhajatA mabhayaM karaM taM prAk sarva janma kR^ita pApa bhayApanutyai | yo grAhavaktra patitAnghri gajendra ghora shoka praNAshana karo dhR^ita sha~Nkha chakraH || shlokatrayamidaM puNyaM prAtarutthAya yaH paThet.h lokatraya gurustasmai dadhyAdAtmapadaM hariH || sarvaM shrI kR^iShNArpaNamastu ## From Sri T. R. Chari's Stotra site at http://www.geocities.com/Athens/Delphi/2627/index.html These pages are maintained as a small step in fostering sanAtana sAmpradAyam. ITRANS transliteration scheme has been generally followed for all Sanskrit words written in Roman script, and adapted where appropriate, for easy reading. As with any work of this nature, there is always scope for improvement. Suggestions and any typographical corrections in the stotram texts may be forwarded to trchari at hotmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}