% Text title            : vallabhAShTakam 1
% File name             : vallabhAShTakam1.itx
% Category              : deities\_misc, gurudev, puShTimArgIya, aShTaka
% Location              : doc\_deities\_misc
% Author                : viThThaladIkShita
% Proofread by          : PSA Easwaran psawaswaran at gmail.com
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIvallabhAShTakam 1 ..}##
\itxtitle{.. shrIvallabhAShTakam 1 ..}##\endtitles ##

shrImadvR^indAvanenduprakaTitarasikAnandasandoharUpa\-
sphUrjadrAsAdilIlA.amR^itajaladhibharAkrAntasarvo.api shashvat |
tasyaiShAtmAnubhAvaprakaTanahR^idayasyAj~nayA prAdurAsId\-
bhUmau yaH sanmanuShyAkR^itiratikaruNastaM prapadye hutAsham || 1||
nAvirbhUyAdbhavAMshchedadhidharaNitalaM bhUtanAthoditAsa\-
nmArgadhvAntAndhatulyA nigamapathapatau devasarge.api jAtAH |
ghoShAdhIshaM tademe kathamapi manujAH prApnuyurnaiva devI\-
sR^iShTirvyarthA cha bhUyAnnijaphalarahitA devavaishvAnaraiShA || 2||
na hyanyo vAgadhIshAchChrutigaNavachasAM bhAvamAj~nAtumIShTe
yasmAtsAdhvI svabhAvaM prakaTayati vadhUragrataH patyureva |
tasmAchChrIvallabhAkhya tvaduditavachanAdanyathA rUpayanti
bhrAntA ye te nisargatridashariputayA kevalAndhantamogAH || 3||
prAdurbhUtena bhUmau vrajapaticharaNAmbhojasevAkhyavartma\-
prAkaTyaM yatkR^itaM te taduta nijakR^ite shrIhutAsheti manye |
yasmAdasmiMsthito yatkimapi kathamapi kvApyupAhartumichCha\-
tyaddhA tadgopikeshaH svavadanakamale chAruhAse karoti || 4||
uShNatvaikasvabhAvo.apyatishishiravachaHpu~njapIyUShavR^iShTI\-
rArteShvatyugramohAsuranR^iShu yugapattApamapyatra kurvan |
svasmin kR^iShNAsyatAM tvaM prakaTayasi cha no bhUtadevatvameta\-
dyasmAdAnandadaM shrIvrajajananichaye nAshakaM chAsurAgneH || 5||
AmnAyoktaM yadambhobhavanamanalatastachcha satyaM vibhorya\-
tsargAdau bhUtarUpAdabhavadanalataH puShkaraM bhUtarUpam |
AnandaikasvarUpAttvadadhibhu yadabhUtkR^iShNasevArasAbdhi\-
shchAnandaikasvarUpastadakhilamuchitaM hetusAmyaM hi kArye || 6||
svAmichChrIvallabhAgne kShaNamapi bhavataH sannidhAne kR^ipAtaH
prANapreShThavrajAdhIshvaravadanadidR^ikShArtitApo janeShu |
yatprAdurbhAvamApnotyuchitataramidaM yattu pashchAdapItthaM
dR^iShTe.apyasminmukhendau prachurataramudetyeva tachchitrametat || 7||
aj~nAnAdyandhakAraprashamanapaTutAkhyApanAya trilokyA\-
magnittvaM varNitaM te kavibhirapi sadA vastutaH kR^iShNa eva |
prAdurbhUto bhavAnityanubhavanigamAdyuktamAnairavetya
tvAM shrIshrIvallabhe me nikhilabudhajanA gokuleshaM bhajante || 8||

iti shrImadviThThaladIkShitavirachitaM shrIvallabhAShTakaM 1 samAptam |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}