% Text title            : yatirAjastotram 2
% File name             : yatirAjastotram2.itx
% Category              : deities\_misc, stotra, gurudev
% Location              : doc\_deities\_misc
% Author                : Rangarya
% Transliterated by     : Mohan Chettoor
% Proofread by          : Mohan Chettoor
% Description-comments  : Ramanuja Sampradaya. (Prayer to Shri Ramanujacharya, advice)
% Latest update         : June 6, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yatiraja Stotram 2 ..}##
\itxtitle{.. yatirAjastotram 2 ..}##\endtitles ##
dhanaM yasya sadbrahma vidyAnidAnaM
     budhAnandarUpaM svarUpaM dadhAnam |
paraprApakA~NghridvayIsannidhAnaM
     vidhAnaM vibhUtidvayeshAbhidhAnam |
bhaje bhAShyakAraM bhaje lakShmaNAryaM
     bhaje sAlasadgrAmarAmAnujAryam || 1||
namonityadivyaprabandhAdikR^idbhyo
     namaH pa~ncharAtrAdividbhyo munibhyaH |
namomadgurubhyo namastadgurubhyo
     namaH pa~nchasaMskAravidyAgurubhyaH || bhaje bhAShya0|| 2||
namo ve~NkaTAdhIshasatpAdareNu\-
     stavaiH padyavidyAsahasraprayoktre |
mumukShU~njanAnnityakalpAnvidhAtre
     mahAhobalAchAryavaryAya pitre || bhaje bhAShya0|| 3||
ahirbudhnya{}ityAdi yasminpramANaM
     kalau kashchidityAdishuddhaM purANam |
mR^iShA ghoShavAdAdi yenAdharINaM
     dhurINaM gurUNAM pumAMsaM purANam || bhaje bhAShya0|| 4||
yatIshAshritAnAM kaniShTho bhaveyaM
     sadA pa~nchamopAyaniShTho bhaveyam |
gurora~NghrirUpo bhaveyaM bhaveyaM
     harerantara~Ngo bhaveyaM bhaveyam || bhaje bhAShya0|| 5||
anantohi bhUtvA mahAbhAShyakAraH
     prabuddhaM chakAra trayIshabdajAlam |
punasso.ayamAgatya madbhAShyakAraH
     prabuddhaM chakAra shruterarthamUlam || bhaje bhAShya0|| 6||
mR^iShAvAdidurvAdapa~Nke nimagnaM
     guNAbhAvaheyasvarUpAdibhagnam |
paraM brahma yasya prabhAveNa lagnaM
     babhau dR^iShTakalyANalakShmIvalagnam || bhaje bhAShya0|| 7||
sadaikAntibhirdAdashodyatsahasrai\-
    shchatussaptatisvIyasiMhAsanasthaiH |
tathAviShNubhaktairanantairupetaM
     mahAra~NgarAjA~NgarakShAvinItam || bhaje bhAShya0|| 8||
na yAgo na yogo na vA tantramantrau
     na hi j~nAnadAne na bhaktiprapattI |
tathApyAtmalabdhau na sandehagandho
     balamme mahadbhAShyakArAnubandhaH || bhaje bhAShya0|| 9||
kR^itaM vA tapo nyadbalaMvAgurUNAM
     shriyaHshrIpateH kinnu sAkShAdapekShA |
ghR^iNAbhAShyakArasya niShkAraNA vA
     mamaiShA mukheghoShate kApi bhAShA || bhaje bhAShya0|| 10||
paravyUhalIlAntarArchAvisheShai\-
     rasheShairharirvyAsamanvAdiveShaiH |
samuddhartumetanbhavAbdherashakta\-
     statobhUdyatiH sheShabhAvAnuShaktaH || bhaje bhAShya0|| 11||
bhavAbdhau nimagnAntsamuddhartukAmaH
     parolakShmaNAryAdgururneti neti |
sanissANabherImahAkAhalIbhi\-
     rbhaTairghuShyatAM ghuShyatAM diktaTeShu || bhaje bhAShya0|| 12 ||
satI brahmavidyA sutaH shailadIpo
     guruH pArijAtaH shritaM bhAgyaratnam |
tataH kAlameghe svayaM bhogirAje
     prasanne tadasminnalabhyaM kuto naH || bhaje bhAShya0|| 13||
tR^iNIkR^ityavairi~njirudrapratiShThAM
     yadIyA~NghripAthojakai~NkaryaniShThAm |
ihAmutra cha prAbhavAH prakramante\-
     tadanyaM guruM mUDhabhAvA bhajante || bhaje bhAShya0|| 14||
yatIndrM vinindatyasadgranthakanthA\-
     dharAvishvamithyAnusandhAnagandhAH |
jagachchakShuShaM  pratnamekaM shatAndhA\-
     napashyantyaho karmabandhAdivAndhAH || bhaje bhAShya0|| 15||
na tarke.apyudarko na shabde cha shakto
     na kasyAvatAro na tantrasvatantraH |
kathaM kalpayetsarvabhAShAsu gAthAH
     kimAchAryamAhAtmyabhItassavedhAH || bhaje bhAShya0|| 16||
ahaM tUrdhvabAhurbhaNAmi shR^iNudhvaM
     shaThArAtinAthAdivAchaH smaradhvam |
yatIndrA~Nghrikai~NkaryamAtre yatadhvaM
     manudhvaM muradhvaMsiloke ramadhvam || bhaje bhAShya0|| 17 ||
sudhApuNDrUrekhA virAjallalATaM
     sudhAMshupratIkAshakAshatkirITam |
samuddhATya vaikuNThakakShyAkavATaM
     suparNAdisaMsevyamAnandakUTam || bhaje bhAShya0|| 18||
uShassAndhyarAgAruNanmegharekhA\-
     kachAkarShikAShAyakhaNDottarIyam |
bR^ihannAradIyoktarUpaM turIyaM
     paraM vastu pashyAmi lakShmIdharIyam || bhaje bhAShya0|| 19||
alaM deshikairanyachittaiH pramattai\-
     ralaMsthANukalpairalakShmIshatalpaiH |
apadmAkShahArairachakrA~NkadhArai\-
     rasadbhAShyakArairasheShAvatAraiH || bhaje bhAShya0|| 20||
praphullAbjanetraM prabhAshobhigAtraM
     prakR^ityA pavitraM prabhAvairvichitram |
harerAtapatraM satAM jaitapatraM
     suparNasyamitraM sumitrAsuputram || bhaje bhAShya0|| 21||
aho shA~NkarAH ki~NkaratvaM prayAtAH
     vare bhAskarAstaskarAkArabhAjaH |
tato yAdavAH pAdavAriprapUtA\-
     stathaivAgatAssaugatA bhATTasA~NkhyAH || bhaje bhAShya0|| 22||
shaThaH kApilaH ko.api lakShyo na mokShe
     vinaShTasvaro.abhUtsa mAheshvaro.api |
kaNAdaH pramANapraNAdo.api shAntaH
     pramANaM bruvANashcha gANApateyaH || bhaje bhAShya0|| 23||
svayambrahmasUtrAyabhAve.api buddhyA
     kathaM brahmasUtrAdibhAShyaM vidadhyAt |
kathaM tasya shiShyA babhUvurmanuShyAH
     kuto nAsti roShaH kalereSha doShaH || bhaje bhAShya0|| 24||
purAdarshitaM cholabhR^itkITakaNThaM
     samAruhya sahyAchalendropakaNTham |
akuNThaprabhAvo.atra vaikuNThakalpaH
     sakaNThIravaM prApya solluNThamAste || bhaje bhAShya0|| 25||
namaH puNyakauNDinyagotrodbhavebhyo
     namassAlasadgrAmasadvaMshajebhyaH |
namo vaiShNavebhyo mahadbhyo.arbhakebhyo
     namaH sheShabhAvAdachidbhyashcha chidbhyaH |
bhaje bhAShyakAraM bhaje lakShmaNAryaM
     bhaje sAlasadgrAmarAmAnujAryam || 26||

iti shrIsAlagrAmasthalAchAryapuruShanarapatirAjasaMsthAnagurUddaNDavedAnta\-
ra~NgAryavirachitaM yatirAjastotradvayaM sampUrNam || 2||

##
Encoded and proofread by Mohan Chettoor

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}