% Text title            : Yatiraja Vijaya Shlokah
% File name             : yatirAjavijayashlokAH.itx
% Category              : deities\_misc, stotra, gurudev
% Location              : doc\_deities\_misc
% Proofread by          : Aruna Narayanan
% Description/comments  : Ramanujastotraratnavali, Ramanuja Sampradaya. (Prayer to Shri Ramanujacharya)
% Latest update         : December 25, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yatiraja Vijaya Shlokah ..}##
\itxtitle{.. yatirAjavijayashlokAH ..}##\endtitles ##
            || shrIH ||
    || shrImate rAmAnujAya namaH ||
 || shrIghaTikAshatavAtsyavaradagurave namaH ||
shrIghaTikAshatavAtsyavaradgurubhiranugR^ihItAH
|| atha yatirAjavijayashlokAH (1)||
namo varadaviShNvAryanayanAnandadAyine |
vAtsyAya varadAryAya vAdinIhArabhAsvate ||
mAyAvimohitasurAnasurAnalAvIt
      yenAchyutassa kuhanAsamayairmanuShyAn |
sammohayatsu punareShu sudarshano.api
      tAneva jetumadhunA yatishekharo.abhUt || 1||
tridaNDakAShAyashikhopavItaiH
      prasAdhayan pAramahaMsyalakShmIm |
vaikuNThamAropayituM mumukShUn
      sopAnakArI yatirAja eShaH || 2||
sa eSha sAkShAtkR^itakR^iShNadattAM
      nikShepavidyAM niravadyabhUmA |
gadyAtmanA kR^iShNajanopabhogyAM
      saMvAdarUpAM vidadhe dayAluH || 3||
pramANeShveSha vedAntaH prameyeShu paraH pumAn |
pramAtR^iShu yatIndro.ayaM na dvitIyamapekShate || 4||
karmavyAjakR^itAkhilAtmanivahakleshAvabodhasphurat\-
      pashchAttApakR^ipAvimochitajagajjanmAdilIlAdaram |
bhogaikapravaNaM vidhAsyati paraM brahmApi dattAbhayaH
      bhUtebhyo yatirAja eSha iti me chetasyabhUnnishchayaH || 5||
dehAkShAdivilakShaNo.aNurajaDo nityo.ahamartho.amala\-
      j~nAnAnandamayo.apyatanmaya iva bhrAmyatyavidyAvR^itaH |
pa~nchakleshavipAkapAvakashikhAlIDhasya tasyAtmanaH
      nirvANAya nisargasauhR^idanidhe ! nAnyA gatistvAMvinA || 6||
sarvaj~no na na veda tasya karuNArAsherupekShA kutaH
      sarveshaH kimasau na shakShyati paritrAtuM tathApi prabhuH |
sarvAn rakShati yatkaTAkShakaNikApekShI narAnuddharan
      saMsArAmbunidheH sa eva hi guruH sarvottaraM daivatam || 7||
trivargamavadhIrayan trividhachetanAchetana\-
      prapa~nchamayaka~nchuke bhagavati svayaM jyotiShi |
niveshitadhiyAM satAM nikhilama~NgalaikAspadaM
      tameva kathayan gatiM yatibhirIDitaH krIDati || 8||
kudarshanAnItaradarshanAni
      yatIndra ! kurvannijadarshanena |
samyak shrutinyAyakalApadarshI
      sudarshano.asi priyadarshanastvam || 9||
kAle varShatu vAsavaH kShitibhujo rakShantu samyak mahIM
      sarve santu nirAmayAshcha kR^itinaH satvottarAH prANinaH |
puNyA lokamidaM punAtu bhagavadbhaktiH chirasthAyinI
      mAlAvat yatishekharasya viharatvAj~nA nR^iNAM mUrdhasu || 10||

iti shrIghaTikAshatavAtsyavaradagurubhiranugR^ihItAH
                yatirAjavijayashlokAH sampUrNAH |

## Footnote##
(1) shrIghaTikAshatavAtsyavaradgurubhiH (ete shrIshrutaprakAshikAprasUteH
shrInaDAdUrammAl vAtsyavaradaguroH vaMshyAH, shrInigamAntamahAdeshikasya
prashiShyAH, shrIparakAlamaThasthApakasya brahmatantrasvatantraguroH
shiShyAH, shrImadahobilamaThasthApakasya shaThakopamuneH AchAryAH |)
anugR^ihItAt yatirAjavijayanATakAt uddhR^itA ime shlokAH ||)

namo varadviShNvAryanayanAnandadAyine |
vAtsyAya varadAryAya vAdinIhArabhAsvate ||
 || shrIghaTikAshatavAtsyavaradagurave namaH ||

##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}