% Text title : Arya Shatakam % File name : AryAshatakam.itx % Category : devii, devI, shataka % Location : doc\_devii % Proofread by : Mohan Chettoor % Description/comments : From Stotras Samahara Part 1 (ed. K.Raghavan Pillai) % Latest update : September 4, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Arya Shatakam ..}## \itxtitle{.. AryAshatakam ..}##\endtitles ## shAr~NgodyAnanivAsinyamba stavaH | AryAM paramaishvaryAM dhAryAM hR^idaye mahadbhirR^iShivaryaiH | maryAdAtItaguNaudAryAM shambhoH samAshraye bhAryAm || 1|| gA~NgeyasamAbhA~NgIM ga~NgAra~NgottamA~Ngatanva~NgIm | shAr~NgodyAnasubha~NgIma~NgIkurmo.antareNa mAta~NgIm || 2|| karuNArdranayanakoNAM taruNAmbhojanmaramyacharaNayugAm | hariNA~NkachUDaramaNImaruNAbhAM devatAM parAmIDe || 3|| nihatAmarArivargAM nirdhUtanamajjanAripa~NvargAm | kalaye.ahaM vanadurgAM kAruNyasudhArdralochanavisargAm || 4|| kAruNyaparamakoTIM koTIrAbaddhahimakaravadhUTIm | pATIrasurabhishArTI gADhIkurmo.antarullasanmakuTIm || 5|| mandasmitArdravadanAM mandAralatAM padAravindajuShAm | indIvaradalanayanAmindukalApIDasundarI vande || 6|| daLitendIvaranayanAM gaLitakala~NkoDurAjasakhavadanAm | aLikaLabhavilasadaLakAmaLikAkShapreyasIM bhaje kALIm || 7|| ambAM jagadavalambAM bimbAdharakAntivijitabandhUkAm | lambALakanikurumbAM lambodaramAtaraM samAlambe || 8|| sambhAvitA~NghrikamalAM jambhAripramukhasarvagIrvANaiH | ambhoruhadalanayanAM shambhoH sambhogasampadaM vande || 9|| karikaLabhakumbhavilasatkuchakumbhAM sambhramatkusumbhAbhAm | ambhojAsanavinatAmambhojAtAkShasodarIM vande || 10|| AshAsitaphaladAtrImAshApAlAbhivanditA~NghriyugAM nAshAyAsheShavipadrAshInAmIshavallabhAM kalaye || 11|| pa~NkajasambhavavinatAma~NkavihInendubimbasamavadanAm | ku~NkumasamAnavarNAM sha~NkaravaravarNinIM samAlambe || 12|| kulishAyudhamukhavinutA kalashAmbhorAshishAyisahajAtA | kulashailavaratanUjA phalashAlIdaM tanotu me janma || 13|| pArvaNasudhAMshumaNDalagarvasamUlApaharaNanipuNamukhIm | parvataparivR^iDhakanyAM sarvajagannAyikAmahaM vande || 14|| saMsArasAgaratarIM puMsAM haMsAtishAyimR^idugamanAm | shaMsanmaNima~njIrAM saMseve sarvama~NgalAM nityAm || 15|| eNA~Nkakalita chULIM vANImAdhuryanirjitamadhULIm | eNIsamAkShikeLIM prINImaH prekShya girishapuNyALIm || 16|| kalyANashailanilayAM chillyAhitavishvasR^iShTiguptilayAm | kalyANIM harajAyAM tulyAtItAM samAshraye vijayAm || 17|| naLinAntardaLanayanA pulinAha~NkArahAripR^ithujaghanA | malinetaramR^iduvasanA phalinaM kuryAnmamepsitamaparNA || 18|| dhanyAM girivarakanyAM muraharamAnyAM bhajAmyasAmAnyAm | nihatAsuravarasainyAmitarAshrayashUnyasajjanasharaNyAm || 19|| kALIM kallolalasa~nchillIyugalIM manoj~natanuvallIm | kachakalita chArumallIM kalaya shambhoH shirolipimatallIm || 20|| kalaye kulagiriparivR^iDhakalitatapodAnarAshiparipAkam | maulilasadindupAkaM dalitavalArAtirvairivaralokam || 21|| bAlArkaruchiraratnaM helAniHsheShitAkhilasapatnam | kalaya chintAralaM kulagirirAjanyajanyasadratnam || 22|| balimathanaghAtR^ipUjyaM malinetarachittavR^ittihR^idyojyam | kalaye sutarAM prAjyaM kAlapradhvaMsisukR^itasAmrAjyam || 23|| navaravikiraNAruNyaM natajanavishrAntaparamakAruNyam | tulitetaralAvaNyaM kalaye kailAsavAsinaipuNyam || 24|| kalaye nijapadabhAjAM sulabhAM kaLabhApahAsikaLagamanAm | aLimAsvatkabarIkAM harabhAryAM makuTashAbhishishubhAryAm || 25|| (shashibhAryAm) yAne kaLahaMsamayIM bhAne vAlArkakoTikiraNamayIm | sa~nchintaye bhavAnIM santAnalatAmabhIShTaphaladAne || 26|| nikhilajagajjanayitrIM kuvalayasa~NkochadAnapaTunetrIm | kalaye karuNApAtrIM kulaparvatarAjajanmaphaladAtrIm || 27|| karuNAsAranidhAnaM kanakasamAbhikhyamukhyaparidhAnam | kalayetarAM pradhAnaM kaNThekAlasya bhavyamapadAnam || 28|| netre kAruNyavatImAruNyavartI manoj~nataragAtre | stotre nijabhaktAnAmAmodavatI bhajAmi haimavatIm || 29|| navamaNikuNDalakarNAM naLinAsanavAsavAdikR^itavarNAm | kamanIyahemavarNAM karuNApUrNAM samAshraye.aparNAm || 30|| AdyAmapi chAnAdyAmanavadyAM shrutishiraHshatairvedyAm | svargApavargapadyAM hR^idyAkArAM smarAmi sadvidyAm || 31|| sambharitamUrikaruNaM jambharipupramukhasevyamR^iducharaNam | sambhAvaye purANaM shambhossambhogayogyamAbharaNam || 32|| chitraruchinetrapALIkeLIlALityalALitakapAlim | karuNAshAli vishAlaM kalaye prAleyashailapuNyaphalam || 33|| vimathitavibudhAta~NkAM himakaramArtANDakalitatATa~NkAma | makkuTAlasanmR^igA~NkAM kalaye viddhvastabhaktahR^itpa~NkAm || 34|| bhujadhR^itamaNimayavalayAmalayAM nirdhUtanamralokabhayAm | niravadhidayAmameyAM harajAyAmAshraya mahAmAyAm || 35|| khadyotitAdimodyatpradyotanakoTivigrahamayUkhAm | maulidhR^itachandralekhAM kalaye.ahaM khaNDaparashuvR^iSharekhAm || 36|| sadrakShaNAstanidrAvidrAvitaraudradaityavaravIrA | bhadrANi me pradeyAdrudrANI shamayatAchcha hR^idrogAn || 37|| durjanasajjanashikShArakShAdakShA charAcharAdhyakShA | dAkShAyaNIha rakShet pakShAntarkSheshadAnadakShAsyA || 38|| harividhivihitAdaraNAM harihayagopAruNAMshukAvaraNAm | haridIshavandyacharaNAM hariNAkShIM naumyumAM varAbharaNAm || 39|| kuNDalamaNDitagaNDA khaNDitachaNDatarachaNDamuNDabalA | shuNDopamorukANDA khaNDatAnme bhayAni chAmuNDA || 40|| ArtArtiharaNadIkShA ghAtrAdyaiH kIrtanIyaguNavArtA kAtyAyanIha rakShennetrAntAlokaleshamAtreNa || 41|| hArIbhR^itAhIshvaranArIM saindaryavArinidhilaharIma | UrIkaromi gaurIM nArIlokAbhimAnamUlaharIm || 42|| kharvetarANi bhUyassarvavinindyAnyasharmamUlAni | sarvANi shamayatAnme sharvANI jhaTiti duritakarmANi || 43|| piShTAtiduShTalokA shiShTaistoShTUyyamAnaguNakAShThA | iShTA priyAShTamUrteH kaShTAvasthAM pinaShTu me hR^iShTA || 44|| niShkAsitArisArthaM nirmUlitasakalasaj~njanAnartham | sarvAgamaparamArthaM saMseve sharvabhogaparamArtham || 45|| padanakharuchi vibhrAjitasakaladigantaM suma~Ngalodantam | kalaye.ahamanAdyantaM shrutisiddhAntaM trishUlishuddhAntam || 46|| nirdhUtanikhilabAdhaM nirjaravairiprasAritakrodham | kalaye niravadhibodhaM kAlArAteH pradhAnamavarodham || 47|| karuNAsudhArasArdrA kamanIyaruchA nirAkR^itaharidrA | padakamalanamitarudrA rudrANI me hinastu dAridryam || 48|| parikalita hemakA~nchI karatalaghR^itachApabANasR^iNipAshA | pariNatasharadindumukhI karikumbhakkuchA vibhAtu girishasakhI || 49|| rAtrIsagotragAtrI rAtrIsha hutAshasavitR^inetrI mAm | dhAtrIdharendraputrI pAtrIkuryAt kaTAkShamAtrasya ||| 50|| muShNAtu samuditodayaduShNAMshusahasrakoTirochiShNuH | kR^iShNAnujAntaruShNaM viShNuvirishchAdipUjitAbhIkShNam || 51|| munihR^idayavihitalAsyaM mukharuchirachitendumaNDalAlasyam | kalitAnatajanadAsyaM kalaye kailAsanilayasArasyam || 52|| kanakamayakuNDalA~NgadakA~nchIdAmAbhirAmatamasuShamA | dishatu mama lokamAtA sImAtItAmacha~nchalAM lakShmIm || 53|| dugdhahavirmadhumadyaishchAturvaNyena tarpitAdhyardham | sakalaM parAparamayI saphalaM kuryAnmamepsitaM tripurA || 54|| valamathanakuvalayAkShIM chikurabharabhramaramukharacharaNayugAm | kulashailarAjachetaHkumudasharachchandrachandrikAM kalaye || 55|| andhakaparipanthimanaHkShIradhimanthAnashailapR^ithulakuchAm | sindhuraparivR^iDhabandhuramantharagamanAM smarAmi jagadambAm || 56|| parameshachittamadagajanigalAyitataralachilliyugalaM me | vidalayatu nikhiladainyaM madanamahAvIragarvasarvasvam || 57|| kalayatu vishadatarAbhA japapaTavarapustakAbhayADhyabhujA | rasanAgraM mama ra~NgaM mAdhvImAdhuryadhuryabhaNitInAm || 58|| kAraNabhUtA jagataH pAlanasaMhArakaraNadhaureyA | vrAtaM mamAshu vipadAM mAtA lokasya sa~njarIhartu || 59|| varivasitaTatapinAkAM nirupamakAruNyasampadatirekAm | kulashikharivarapatAkAM kalaye namadamitavisaradavalokAm || 60|| prAleyajAlashItalashailakulottaMsachArukalike ! mAm | kAlaM nirasya kAruNyAlokanaleshabhAjanaM kuryAH || 61|| kailAsashailanilayanakAruNyakaTAkShamUlike ! tubhyam | kalayAmi namovAkaM karuNAM kuru kAlayApanamapAsya || 62|| daradalitanIlakuvalayadalakulavilasadvilochanadvandvAm | kalaye viShamavilochananayanachakorendukaumudIM hR^idaye || 63|| paramashivachichadhairyakShitidharasandalanashAtashatakoTiH | vairigiripaTalikAM me valaripusambhAvitA vidArayatAt || 64|| prasaratu mamAntara~Nge pratipadabhogyA bhiShaktamasya sadA | bhavarogabhItasevyA divyauShadhikA tuShAragirijanyA || 65| tuhinagirikIrtisampachcharaNasarojAtayugaLavaraghR^iLiH | bhuvanatalapAvanI me vimalIkuryAnmanomaNImukuram || 66|| valamathanaviTapisurabhilanavasumaparIhAsichikurasaurabhyAm | smaradahanabhAgyasImAM niratishayAnandakandalIM vande || 67|| kAlindIjalaveNImAlinyavidhAnadhIrataraveNIm | makarandamadhuravANImANikyamaNIM smarAmi sharvANIm || 68|| lolambaDimbhasaMhatisambhramasandAyivisaradalakabharAm | niTilatalavijitavaidhavakuTilakalAM sarvama~NgalAM kalaye || 69|| kAruNyasarasasAgaramR^idulaharIpariNatollasachchillIm | phullendIvarasodarasundaranayanAM smarAmi chillaharIm || 70|| karuNAsudhAmbudhArAshishiratarodArakomalakaTAkShAm | nAsAgrakalitamaNimayabhUShaNasArAM parAM kalAM kalaye || 71|| gaNDatalamukurabimbitakuNDalitArkendumaNDalAM kalaye | khaNDaparashUrjitatapomaNDalasAmrAjyaparamasImAnam || 72|| vishadataradashanadIdhitininditakundenduchAturIlaharIm | shishirakarashakalashekhararoShagrIShmoShmachandrikAM vande || 73|| aruNAMshudashanavasanajyotiShprasarAtishoNitadigantAm | shitikaNThenAtarpaNasarasAsvAditAmR^itAdharAM kalaye || 74|| shAradapArvaNahimakiraNAshAsitadAsyasundaratarAsyAm | kalayAmi kulagirIshvaravirachitaparamashivacharaNavarivasyAm || 75|| atilaLitagaLatalAshritaghavaLatarodArahArimaNihArAm | kalayAmi niTilalochananayanAlIchandanAdigulikAlIm || 76|| karikumbhakanakakalashA.DambarasambAdhisAdhukuchakumbhAm | smaramathanachittashamadhanatAskaryakalAM kR^ipAkulAM kalaye || 77|| shambhukR^itasukR^itasampatsambhR^itasauvarNakumbhakuchakumbhAm | niTilanayanaparikA~NkShitadR^iDhaparirambhAM smarAmi jagadambAm || 78|| ruchiratarakanakavallIsAShTA~NgapraNatabhujatatimatallIm | amaraparipanthivargapratibhayatarakALarAtrimAkalaye || 79|| AnIlaromavallIkShullIkR^itavanapipIlikAvalikAm | kShoNIdhareshvarayashashchandramasaH pUrNimAmumAM praNumaH || 80|| shoNanadAvartaruchishreNIbhayadAyinimnashubhanAbhIm | sAyantanaghanapaTalIshobhanavasanAM smarAmi harasenAm || 81|| kaTitaTaghaTitasphuTaruchikanakamaNIkA~nchidalitataTidAbhAm | kuTilendumakuTa ma~njulama~nchAM sa~nchintaye kalAM kA~nchit || 82|| hastivaramastakavibhavajitvaravistArihArijaghanabharAm | nistulasaundaryasudhAratnAkarasampadaM smaredambAm || 83|| vikaTAkShachittamanmathavikR^itividhAnaikatAnasunitambAm | kalayAmi bhuvanamaNDalamandiramaNidIpikAM mahAmAyAm || 84|| kumbhikararAjarambhAsambhAvitasuruchiroruvarakANDAm | sambhAvaye nisumbhAdyasuramahAraNyadavashikhijvAlAm || 85|| jAnumayahemasampuTasaMsajjadbhaktachittamaNimukurAm | bhAnuhimabhAnukR^ishAnulochanasahadharmiNIM namaskurmaH || 86|| ja~NghAprakANDashobhAsa~NghAstamitochchakanakadaNDAbhAm | hu~NkArabhasmitAsurajR^imbhitabalapaTalikAM kalAM kalaye || 87|| ma~njulashi~njAnamaNIma~njIrasphuraNara~njitapadAbjAm | ka~njasharavairichetassarasijakalahaMsayoShitamupAse || 88|| prapadaprabhAprakANDaprotsAritakachChapachChaviprasarAm | praNumaH prAleyagiriprachuratapaHprakaranaipuNIshreNIm || 89|| charaNanamadamarapAlImaulImANikyara~njitanakhAlIm | nakhachandrikAnirastapraNatatamomaNDalIM kalAM kalaye || 90|| suraviTapimR^idulalohitakisalayavaikalyakalanapaTucharaNAm | kalayAmi charaNakAntiprasaranirastAruNAmbujAmambAm || 91|| maNimayakirIkuNDalakeyUrodArahArakaTakAdyaiH | ruchirairbhUShaNasArairbhUShitaveShAM smarAmi harayoShAm || 92|| kalayAmi kAlayakShIM karatalaviluThatkarALakaravALAM kULIgaNaiH parivR^itAM kALIparivAramaNDalImaulIm || 93|| sphuTaruchiviTapivisheShaiH paTutaraninadaiH plava~Ngamaishcha bhR^itam | kalaye shAr~NgodhyAnaM kArtyAyanyAH sukhAsikAsthAnam || 94|| hAridraruchisamAbhA nirnidrA dInarakShaNe mAtA | sauradravIM mayi dhuraM dAridryavyAkule drutaM vahatu || 95|| bhUryadrimaulinilayA bhUridraviNaughavR^iShTibhirmAtA | dAridryagharmataptaM mAM rudrANyabhiShi~nchatAt kShaNenaiva || 96|| vanyAM dainyaughamayIM dhanyA nirmUlayet samUlaM me | kanyA tuShAraparvatajanyA guNyA kaTAkShashastreNa || 97|| sargasthityantakarI jagataH svargApavargadAtrI me | daurgatyashikharikUTAn durgA bhindyAt kaTAkShakulishena || 98|| shAr~NodyAnanivAsini mAtaH paradevate mahAmAye ! | karuNAM kuru mayi dIne kAlavilamba sudussahaM na sahe || 99|| shAr~NodyAnanivAsini kArtyAyani ! naH kuruShva kalyANam | karuNAmR^itaparivR^iShTyA bhUyo bhUyo vayaM namaskurmaH || 100|| shAr~NgadyAnanivAsini ! mAnasavAkkAyakarmabhirvihitAm | sarva mayAparAdhaM mAtameM tvaM kShamasva kAruNyAt || 101|| shAr~NodyAnanivAsinyambAyAH paThati nutishatImetAm | bhaktyA yastasya bhavet kArtyAyanyA nira~NkushA prItiH || 102|| ##(Aryasataka in praise of the Goddess of the Sarngodyana temple (Chamakkavu temple near Pandalam, Chenganoor Taluq) found in the Library which originally belonged to the Kilimanur Palace. The work consisting of a century of verses composed in the metre AryA remains anonymous at present. It is evident from the heartfelt devotion which pulsates in every line of the work that the author was a great devotee of the Goddess. The rich vocabulary and the melody of diction show that the work is from the pen of a poet of no mean merit.)## iti AryAshatakaM sampUrNam | ## Proofread by Mohan Chettoor \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}