% Text title            : Chayavimshatih
% File name             : ChAyAviMshatiH.itx
% Category              : devii, devI, viMshati
% Location              : doc\_devii
% Proofread by          : Mohan Chettoor
% Description/comments  : From Stotras Samahara Part 2 (ed. K.Raghavan Pillai)
% Latest update         : September 4, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Chayavimshatih ..}##
\itxtitle{.. ChAyAviMshatiH ..}##\endtitles ##
gurUNAM vidyAsau sphuritakaruNodanvadudita\-
     prabhAvendujyotsnA hR^idayakumudodbhedanapaTuH |
yayA sUktisrotaHsravadamR^itayA dhvastatamasA
     prakAshyante sarvA api sapadi shAstrArthakakubhaH || 1||
anIshAmIshAnIM vadati nirayANAM prashamado
     guruH kalyANIM yAmatha cha sakalAM pUrvaparagAm |
sitA pItA rAgojjvalitatanuruddhArasahitA
     vichitrA proktA sA manasi ramatAM me bhagavatI || 2||
manovAgduHsparshe muraripuvidhAtrorapi tava
     svarUpe jAtyandhaH kathamiva karomi stutimaham |
disho lakShIkR^itya prahita iva bANo.ayamathavA
     madIyo vAgbandhastvayi patati sarvAtmavapuShi || 3||
shivaM gurvAtmAnaM gurumapi shivAtmAnamasakR^it
     praNamyAntarbhaktyA srajamiva tadAj~nAM cha shirasA |
dR^ishAvAnandAsraiH kusumanikaraira~njalipuTaM
     prapUryAntaHpremNA praNatavaradAM naumi bhavatIm || 4||
rasArdrA vA kAmaM rasavirahitA vA stutirasA\-
     vasAdhvI sAdhvI vA na khalu guNadoShau bhavatu naH |
yathAtmAnaM dR^iShTirmukurapatitA pashyati tathA
     giraM tvAM gIrbhistvaM yanmukhagatA stauShi varade || 5|| (mamamukhagatA)

samudbhUtA chochchaiHsthitimupagatAt keshavapadAt
     sthitA gaurIshena svapadaparipUjAhitamudA |
shuchishrImattIrthA shivagurugiriprAptamahimA
     svarUpaM te vidyA mama bhajatu ga~Ngeva jaladhim || 6||
ayaM tejovarNaH kavibhirudito vAgbhava iti
     sphuradbindudbhedastriguNatanurAdhAravitataH |
samudbuddho yasya vrajati sahasA brahma sadanaM
     sa yogI chodbuddho vrajati sahasA brahmasadanam || 7||
vidurbrAhmIM kechit kila viShamabhinnAM taditare
     tathApyekA sA te tanuriti vayaM nishchinumahe |
prabhedo vAgvANI vacha iti samAkhyAsu bahudhA
     svayaMvAchye shabde na bhavati punaH kAchana bhidA || 8||
dvitIyaH kAmAtmA sphurati tava lIno hR^idi sadA
     sa binduH sannAdo bhagavati mudAM bIjamiva yaH |
smite yasmin kShubhyatyakhilamapi chandrodayagaLa\-
     nmahAmbhodhiprakhyaM bhavanamabalAM kiM punaramUm || 9||
manoramyaH saumyaH prashamitatamo yena shirasi
     smR^ito bIjAtmA te bhagavati mudAM bIjamiva yaH |
vachovIchIvegoddhatividhutavidhvastagarima
     kShipet kShipraM vAdiplavakulamasAvambudhiriva || 10||
svamUrdhni dhyAtAyAstava dhavalapIThAbjagaditA
     sudhAmbhovR^iShTiryA sphuTapuLakasasyA~NkurasuhR^it |
punaH sUktichChadmA shrutichuLukapeyA mukhashashi\-
     praNALIvAntA sA saridiva sarIsarti sarasA || 11||
pramodenduklinnaM nayanashashikAntAtsamuditaM
     yadambhastvadrUpaM smR^itimayasukhAsvAdasukhinaH |
na tad bAShpaM manye samupanatalakShmIkarapuTa\-
     trilokIrAjyApte ruchitamabhiShekAmbu gaLati || 12||
chidAtmA te vidyutkaNaruchiraNorapyaNutaro
     nirIkShyo yo binduH kShaNamapi dR^ishA sUkShmatarayA |
sashailAbdhidvIpaM sakalamapi sa brahmasadanaM
     tadantaHsaMlInaM tata uditamatyadbhutamidam || 13||
ajaptA japtA vA svayamatimahAnto.atilaghavaH
     sakIlA niShkIlA gurubhirupadiShTA api na vA |
prasannAyAM devi tvayi sakalatantrAshcha phaladA\-
     starurmUle siktaH phalati khalu shAkhAshatamayaH || 14||
yashovashyaishvaryadraviNakavitAdyaihikaphalaM
     laghu prAptuM yastvAM bhajati paramAnandaphaladAm |
sumeruM mAShArghaM surabhimapi takraM surataruM
     sujIrNaM kaupInaM sujaLamatirabhyarthayati saH || 15||
tava dhyAtvA mUrtiM jaturasajapApuShpasadR^ishIM
     narastasyAM yo nikShipati kusumAnyarchanavidhau |
dhruvaM tairevAshu smaravishikhabhUtaiH svahR^idaye
     vilAsinyo viddhA vidadhati tada~Nke viluThanam || 16||
nR^imuNDairAbaddhAM srajamurasijAbhogaluThitAM
     dadhAnAmAraktAMshukakisalayAM kiMshukanibhAm |
chaturbAhu chandrAvayavasumanashshekharajaTAM
     praNaumi tvAM pretAsanamupagatAM bhairavavadhUm || 17||
shirashchandrachChAyAprasarapunaruktasmitaruchiM
     vapurlakShmIlabdhAdhikasitamahArghAmbaradharAm |
varodyuktAM sAkShasrajamabhayadAM pustakadharAM
     sakR^id yastvAM bhaktyA praNamati namAmyamba tamaham || 18||
yajante ye.aShTAbhirdinamanu vidhAnena subhagA
     bhagAdyAbhistAbhirbhagavati shive tvAM parivR^itAm |
kShamAbhR^itirUpAtidyutimatidhR^itishrIsubhagatA\-
     parItAH pUjyante svayamanu janaiste sukR^itinaH || 19||
yathoktaM yairiShTo vidhivirachitAShTAShTakabhidA
     gaNo mAtR^INAM te gahanamahimA bhairavasakhaH |
sphuradvidyAdIpadyutivitatisandarshitapadAH
     prayAnti tvatsthAnaM punarapunarAvartanamamI || 20||
yathaikashchaikasthaH svayamapihitAtmA dinakaro
     vibhAti ChAyAvAn bahuShu jalakumbheShu bahuvat |
tathaivaikA bahvI sphurati shabarIshauritanayA\-
     ramAvANIkALIratidhR^itidharaNyAditanubhiH || 21||
narAtmA nArItve tarurapi latAtve tava mR^igo
     mR^igItve lakShmItve harirapi shachItve shatamakhaH |
umAtve rudrAtmetyatha tadanurUpAkR^itirasau
     shivaH sarvatrApi svayamanucharatyamba bhavatIm || 22||
striyo yAstrailokye vidadhati cha yA saMsR^itirasaM
     vinA yAbhiH sR^iShTiH kvachidapi na kAchit prasarati |
vinA yAbhirmudyatyapi jayati yAbhirmanasijaH
     samastAbhyastAbhyo bhagavati tanUbhyastava namaH || 23||
shive vidye devi tribhuvanajananyamba shabari
     kriye shraddhe medhe sati girisute vANi parame |
mahAmAye nitye madhumati mahAbhairavi rame |
     bhavAni shrIH shakte bhagavati namaste.ahamakR^iShi || 24||
shriyaM pR^iShThe kR^itvA hR^idi tava padAmbhojayugaLIM
     vayaM vANIpuShpaiH srajamarachayAma stutimayIm |
svayaM gR^ihNIShvainAM sharaNamanugR^ihNAtu bhavatI
     tvadIyA bhUyAsma tvayi bhavatu bhaktiH sthiratarA || 25||
sadA sUktidhyAnAmR^itarasaniShekotthapuLaka\-
     prarohAH svAnte tvatpadakisalayaM devi dadhati |
sphurantyevAbhIShTAshchulukapuTikAkomalapuTa\-
     sphuratpUjApuShpAnvayasamuditA bhaktilalitAH || 26||
##(This stotra is in praise of Devi, describing her in several aspects.
The title of the stotra denotes the fact that though
Goddess is praised in different forms as ramA, vANI,
kAlI etc, She is one and the same, just like the same
sun is reflected in different forms in different waters.)##

iti ChAyAviMshatiH samAptA |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}