% Text title            : ChinnamastA Stotram 2 by brahma
% File name             : ChinnamastAstotrambrahma.itx
% Category              : devii, dashamahAvidyA, devI
% Location              : doc\_devii
% Author                : brahma
% Proofread by          : Lalitha Parameswari parameswari.lalitha at gmail.com, NA
% Description-comments  : In shAktapramoda and mantramahArNava
% Latest update         : June 21, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ChinnamastAstotram 2 ..}##
\itxtitle{.. brahmakR^itaM ChinnamastAstotram 2 ..}##\endtitles ##
shrIgaNeshAya namaH |
atha stotram |
Ishvara uvAcha \-
stavarAjamahaM vande vairochanyAH shubhapradam |
nAbhau shubhrAravindaM tadupari vilasanmaNDalaM chaNDarashmeH
saMsArasyaikasArAM tribhuvanajananIM dharmakAmArthadAtrIm |
tasminmadhye trimArge tritayatanudharAM ChinnamastAM prashastAM
tAM vande ChinnamastAM shamanabhayaharAM yoginIM yogamudrAm || 1||
nAbhau shuddhasarojavaktravilasadbandhUkapuShpAruNaM
bhAsvadbhAskaramaNDalaM tadudare tadyonichakraM mahat |
tanmadhye viparItamaithunaratapradyumnasatkAmin\-
pR^iShThasthAm taruNArkakoTivilasattejassvarUpAM bhaje || 2||
vAme ChinnashirodharAM taditare pANau mahatkartR^ikAM
pratyAlIDhapadAM digantavasanAmunmuktakeshavrajAm |
ChinnAtmIyashirassamuchChaladasR^igdhArAM pibantIM parAM
bAlAdityasamaprakAshavilasannetratrayodbhAsinIm || 3||
vAmAdanyatra nAlaM bahugahanagaladraktadhArAbhiruchchaiH
gAyantImasthibhUShAM karakamalalasatkartR^ikAmugrarUpAm |
raktAmAraktakeshImapagatavasanAM varNinImAtmashaktiM
pratyAlIDhorupAdAmaruNitanayanAM yoginIM yoganidrAm || 4||
digvastrAM muktakeshIM pralayaghanaghaTAghorarUpAM prachaNDAM
daMShTrA duShprekShya  vaktrodaravivaralasallolajihvAgrabhAsAm |
vidyullolAkShiyugmAM hR^idayataTalasadbhoginIM bhImamUrttiM
sadyashChinnAtmakaNThapragalitarudhirairDAkinIM vardhayantIm || 5||
brahmeshAnAchyutAdyaiH shirasi vinihatA mandapAdAravindai\-
rAptairyogIndramukhyaiH pratipadamanishaM chintitAM chintyarUpAm |
saMsAre sArabhUtAM tribhuvanajananIM ChinnamastAM prashastA\-
miShTAM tAmiShTadAtrIM kalikaluShaharAM chetasA chintayAmi || 6||
utpattisthitisaMhatIrghaTayituM dhatte trirUpAM tanum |
traiguNyAjjagato yadIya vikR^itirbrahmAchyutaH shUlabhR^it ||
tAmAdyAM prakR^itiM smarAmi manasA sarvArthasaMsiddhaye |
yasyAH smerapadAravindayugale lAbhaM bhajante narAH || 7||
abhilaShitaparastrIyogapUjAparo.ahaM
bahuvidhajanabhAvArambhasambhAvito.aham |
pashujanavirato.ahaM bhairavIsaMsthito.ahaM
gurucharaNaparo.ahaM bhairavo.ahaM shivo.aham || 8||
idaM stotraM mahApuNyaM brahmaNA bhAShitaM purA |
sarvasiddhipradaM sAkShAnmahApAtakanAshanam || 9||
yaH paThetprAtarutthAya devyAH sannihito.api vA |
tasya siddhirbhaveddevi vA~nChitArtthapradAyinI || 10||
dhanaM dhAnyaM sutaM jAyAM hayaM hastinameva cha |
vasundharAM mahAvidyAmaShTasiddhiM labhed dhruvam || 11||
vaiyAghrAjinara~njitasvajaghane.araNye pralambodare
kharve.anirvachanIyaparvasubhage muNDAvalImaNDite |
kartrIM kundaruchiM vichitravanitAM j~nAne dadhAne pade
mAtarbhaktajanAnukampini mahAmAye.astu tubhyaM namaH || 12

iti brahmakR^itaM ChinnamastAstotram ||
##
Proofread by lalitha parameswari parameswari.lalitha gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}